北角四眼妹美食屋 (Closed)

經過看到人頭湧湧在等候，嘴饞的我又怎能錯過呢，當然要品嚐一下！專賣地道街頭小食，款式口味多樣化！等候期間跟老闆娘談了一會，老闆事事親力親為，豆漿、肉燥、麻辣汁等等都是自家製，相當有心思，難怪不少客人專程來光顧。麻辣牛丸 ($15)香口惹味，麻辣汁有層次，略帶輕輕一點辣，同時亦有微微的麻，吃得過癮！原味格仔餅 ($23)格仔餅厚身，軟硬適中，色澤平均。入口夾餅帶牛油香和豐富蛋香，口感軟熟。醬汁多，當中還吃到花生粒，有咬口，屬坊間少有，值得一讚！老闆娘表示花生也是自己炒的，相當用心。

今日去開北角整電腦，等緊師傅期間係附近周圍逛，見到這間小店就試一試。我點左一份推介的四眼妹酸辣粉試下，食落就唔覺得好酸，主要係個辣味比較重，不過啲辣汁係沉左係底的，所以我食頭幾啖好似冇味咁，之後先發覺啲辣汁係底，撈起啲粉來食先好食返。我個人覺得如果你的期望係係凍的天氣食到辣粉暖胃，這碗酸辣粉可以滿足到你的要求，但要好有特色就談不上。不過小店主打的係雞蛋仔同格仔餅，有見及此，我點左一客朱古力雞蛋仔，係熱身的，食落外脆內軟，朱古力味淡淡地，食完唔會因爲太甜而喉嚨好乾，個人都幾喜歡食。

聽聞呢間格仔餅無餅底定醬汁都好多選擇，味道仲幾特別食飯前特登過去北角搵佢試下地點唔算難搵，夜晚8點半去到無咩人格仔餅底有三隻味揀，綠茶比較少有愛好綠茶🍵既我唔洗多諗揀左綠茶格仔餅醬有五款選擇，其實全部都幾吸引但開心果醬真係幾特別，就揀左佢.格仔餅即叫即整，所以都等左陣但拎到手真係熱辣辣，食呢啲雞蛋仔、格仔餅新鮮出爐係最好食😋格仔餅$26有少貴，但係非常非常大件拎上手係墜手，唔係出面薄切切，輕漂漂既格仔餅打開格仔餅係滿滿既醬，加開心果碎襯熱食，餅底好厚實，微脆，熱辣辣非常有口感，而且綠茶味比想像中出，啖啖都有綠茶微香相反開心果醬無相中咁濃，有微微既開心果味仲有唔少既開心果粒🥰🥰🥰但個醬偏甜，成到中間咬落去成口醬會甜左啲因為又大份足料，又偏甜一個人食晒成個會好飽好滯，建議share👍🏻

星期六都要返工 真係冇曬動力， 突然放工好想食雞蛋仔， 記得上次探朋友， 幫襯過 一間好好味嘅雞蛋仔， 所以專登搭車落北角。 老闆娘好好， 每次都係笑面迎人，好有禮貌， 最鍾意就係咁有親切感 ，同埋人情味嘅街坊小店。今次試原味雞蛋仔， 仲有魚肉燒賣原味雞蛋仔， 外脆內軟， 每一粒都脹卜卜😋😋😋 仲有好香嘅蛋味。 不過要食雞蛋仔就要等得耐啲啦😣😣😣， 因為都 幾多人買雞蛋仔，所以平均都要等返十零分鐘。 冇辦法啦即叫即製，唯有等多陣。😂😂另外嗌咗魚肉燒賣， 佢啲燒賣唔會死實實， 係比較煙韌帶埋嗰隻， 而且個辣椒油真係好香。

上網見到唔少人推介呢間既 抹茶格仔餅配開心果醬，咁啱去北角 一於試一試6點12分落完單，但要6點36分先有得拎，等左成5個字仲要有個74號飛買格仔餅既都可以拎先過我我唯有安慰自己: 人地嗌原味嘛...抹茶味都有少少既，但唔係好重，不過不失開心果醬好甜，又唔係太食到開心果味，我覺得似食緊煉奶多d甜到我食完之後個喉嚨勁多痰個餅皮脆脆地唔淋，係唯一一樣值得讚賞既總結:職員態度好，但手腳好慢吞吞，要等勁耐格仔餅又唔係特別好食，只係普通水平試一次就夠

今日約左朋友dinner，但今晚要等到9點半先開飯，由於太夜食嘅關係，我實在等唔到…好鬼肚餓呀😖😖😖咁啱我係北角閒逛時，聞到好香嘅野食味，好鬼肚餓嘅我實在忍唔住啦，走去買啲野食頂住肚仔先🤪但由於我之后仲要食飯，所以我唔敢太多野食，只係叫左個夾餅頂住餓先😆朱古力🍫味夾餅 $26朱古力味好香濃，未食就已經聞到陣陣嘅朱古力味🤤🤤搞到影相都要快手啲，因為快啲影完就可以放入口啦🤣🤣（相機食先已經成為我嘅習慣😝）因為我唔食奶嘅關係，個餡我係走奶，店員好nice咁話：ok，無問題！原來夾餅係即叫即做，所以有要求的話可以落單時提出就可以😊講返個夾餅先，味道真係有好香濃嘅朱古力味，表面脆卜卜，內里好有質感，唔會一㩒就扁左。因為有好多夾餅好軟，又或者落得唔夠蛋醬，所以太過‘空氣感’😂又或者係已做好一段時間，放得太耐令到口感變軟🤷‍♀️

去開北角，途經呢間北角四眼妹美食屋，忍唔住想買返啲小食添😅見佢雖然舖頭細細，但招牌、門面好光猛，一眼就見到。而且舖頭都幾多選擇，除左一般常見既咖喱魚蛋、燒賣外，仲有雞蛋仔、夾餅等。原來野飲，唔止樽裝、罐裝飲品咁簡單，而係特飲😲😲😲不過唔想食得太多，諗左一陣，我只係揀左一樣，就係平時比較少見嘅綠茶味雞蛋仔，$23一底雞蛋仔，其實都算抵食，旺角起碼要賣到$30/底🤔熱辣辣嘅雞蛋仔，聞落去勁香，而且綠茶味都幾香，食落去茶味濃郁，真係有少少綠茶特有嘅甘苦味，而且外脆內軟，不過唔好睇少佢，食完都幾飽肚😂

小女子平時很少寫街頭小食的食評，但這一間小店值得向大家推介一下。行經北角電器廠街這間小食店，見有幾位客人正等待食物，吸引了我的視線，看看門面展示的餐牌果然十分吸引，本人比較喜歡吃甜食，所以特別留意到他的特色雞蛋仔以及格仔餅，款式多而且特別，看了看突然肚餓起來！哈哈😄！雞蛋仔與及格仔餅餅底有分原味、綠茶味及朱古力味，而且可以加其他配料例如芝麻、栗子、朱古力等等都非常之吸引。👍🏻👍🏻而格仔餅亦可以配以不同的醬料，款款都很吸引，令我很難選擇！我自己就較喜歡金沙榛子醬，抹茶醬及開心果醬。最終我選了綠茶味餅底，配以開心果醬，因為比較特別以前未試過，很期待想試一試這配搭的效果。💪🏻由於即叫即做的原故，要稍等數分鐘，很窩心的店主安排了幾張櫈供客人坐，看看兩位店主姐姐態度十分親切有禮，原來他們都是四眼的呢！相信是這間小店命名的由來？哈哈😄接過格仔餅，嘩！熱辣辣的！格仔餅餅底大約有半吋厚，而且見到裏面滿滿的開心果醬快要流出來那樣！店主姐姐還溫馨的遞上膠袋，叫我小心醬會流出來！真是細心又窩心呢！😍於是我急不及待咬了一口！餅底內軟外脆！有淡淡的綠茶味！而滿滿的開心果醬還夾着一粒粒開心果! 雖然個醬比較甜！但

小食店蠻多與別不同的小食選擇，如酸辣粉、雞翼、麵筋、魚片頭等等。前面有其他食客在等候新鮮製作的雞蛋仔，蛋香烘焙，倒是挺香味撲鼻。不過趕時間離開，速買速食便走了，留待下次一試。咖喱魚蛋淋上少許秘製的辣醬汁，咖喱醬本身已經入味，共8粒，魚蛋細細粒，一口一粒，彈牙有嚼勁。不是很多小食店有售粢飯，這家有賣，那就買個來吃。店員從蒸籠內夾出來，飯保持溫度。兩層厚厚的方形糯米飯十分軟糯。啖啖都是餡料，包裹著麵筋、榨菜及肉鬆，以炸過的麵筋代替油條，雖沒那麼脆口，但仍有股油香，亦能保持多層的口感。

抹茶格仔餅配榛子醬🍫 $26做完運動成日都想食d小食🤤今日經過呢間新開嘅小食店就食左個格仔餅，有三種味道原味抹茶同朱古力，仲有唔同醬揀！見到老闆好用心整，等左幾分鐘熱辣辣嘅格仔餅終於整好😍 格仔餅好厚身，外脆內軟，入面仲有大量嘅nutella 醬，好邪惡😈 不過建議兩個人share ，小編一個人食食到最後有啲滯😖.北角四眼妹美食屋📍北角聯和大廈地下C1號舖

雖然店名是北角，但其實是近炮台山地鐵站的😂😂這天經過突然想吃雞蛋仔就來試一下。幫襯下小店。店面不大，但食物價錢都好清楚易明，感覺都乾淨企理。我選了外層是原味，餡料是芝麻的雞蛋仔。店員真係即叫即整的，非常新鮮！雖然要稍為等一會，但香脆嘅雞蛋仔吃下去就明白。芝麻味好香，但不會太濃味，很適中。重點係雞蛋仔夠脆口，這才是雞蛋仔的重點配芝麻真係好香口，推介！同時試了他們自家制的豆漿。店員說係每日製造，所以飲之前要搖勻，同埋有少少渣。的確飲時係有啲粉狀渣，但係真係好新鮮，同岀面飲的有唔同，不妨試下！仲要7蚊咁抵！其實仲有好多口味，下次經過要試下其他

自小的志願便是要開一家魚蛋小店，暫時未能實現但仍十分支持港式小食店家附近有家小店剛剛開張，足料爆餡的夾餅吸引不少街坊，今天試一試它們的鹹味小吃要了一份皇牌組合，咖哩魚蛋豬皮蘿蔔的咖喱汁是小店自製，香辣有層次，味道絕對交足貨自家製鮮豆漿要了黑豆口味！香濃細膩，營養豐富再試了店長推介的四眼妹酸辣粉，麻、辣、鮮、香、酸且油而不膩小店環境清潔衞生，還接受電子貨幣付款，十分方便看到廣告牌的廣式腸粉十分吸到，明早一定要過來要一份早點

近日朋友們搵到間幾正嘅格仔餅雞蛋仔店，由於唔止一個朋友講過，今日又順路黎呢度，所以走過黎試試。就到果陣已經見到呢個招牌仔餐牌種類少，但變化好多。以前格仔餅都係小販檔有得買，只有原味，淨係可以揀糖，奶，油多定少，食得多會厭。呢幾年開始係小食店有賣，大家都攪攪新意思，整啲特別味，但通常係郁雞蛋仔啲味嘅，少見會連格仔餅都變埋（整法應該類似？），呢間仲勁，連搽嘅醬都改埋，相當有趣。經職員推介下揀咗抹茶味格仔餅跟開心果醬（$26），兩樣都係特別嘢，亦係我鐘意嘅嘢。袋都係有孔嘅，免得侷腍個餅，佢可以俾多個膠袋裝住免得爆醬。裏面果個格仔餅真係勁足料，所以職員係無講錯嘅。食落去真係食得出抹茶感，加上即叫即做，所以有少少脆。頭幾啖未好感受到開心果醬嘅味，但係食多兩啖，啲醬再多啲果陣就好明顯，而且仲有開心果粒，真係好均真。一邊食一邊留意下黎幫襯嘅客，應該做開街坊生意，通常叫佢個孖寶：咖哩魚蛋豬皮蘿蔔配豆漿（$27），當中豆漿係自己磨嘅，今次係黑豆，真係幾特別。職員話平時通常係黃豆，但黑豆營養價值高啲，佢地都試過紅豆，唔同日子黎會有唔同，真係幾有趣。講多兩講，又望到只係$7支，就買咗枝試下。係幾濃同埋多渣嘅

人生最無奈係，等待一個話自己要OT 但又話好快搞掂的人。這天約了朋友交收點東西，因急用，變成不得不等的狀態。唯有自己周圍閒逛，見到呢間小食店。剛巧肚餓，就先叫咗6粒燒賣填填肚，燒賣入口煙靱綿糯，辣汁唔算十分辣，卻多了份麻辣，十足惹味因我百無聊賴，站在店前吃，跟老闆聊了幾句，才知道個辣汁係自家製，唔怪得“零舍不同”。吃完燒賣還覺很餓，反正不知道要等多久，就叫多份原味雞蛋仔，即叫即整，大概5分鐘，新鮮熱辣辣香噴噴雞蛋仔到手。外面脆薄，裏面鬆軟，蛋味濃郁。不知其他味道或加餡味道會怎樣呢？

2019年10月9日 星期三今日難得可以放早，當然要食返啲嘢慰勞下自己，去炮台山呢度搵左啲嘢食見到呢間鋪頭好似好多人排隊，於是我又排埋一份主要提供嘅食物都係香港嘅地道小食，雞蛋仔有好多款唔同嘅選擇，價錢都好地道，仲可以加唔同嘅配料添最後我要咗朱古力味雞蛋仔，好香朱古力味，咬落去仲要脆卜卜，果然新鮮熱辣既雞蛋仔係最好味，表皮好脆，而裡面係軟身既，仲有朱古力粒喺裏面，口感好豐富我諗呢一種味道應該只有香港先食到，除咗食到嘅係地道美食之外，仲有一種人情味，等待雞蛋仔嘅時候店員會同客人吹水傾計，好似街坊咁。下一次我一定會再嚟幫襯