希奇咖啡店 (Moved) New Location

一路都唔得閒上黎寫番食評, 為左支持下好味食店....趁假期一次過寫番d 食評先得!果日去完隔離牙醫度整牙, 一出黎老公就話上openrice 睇到話呢間野好食, 係牙醫度行過幾個舖位就係。行到去門口真係有小小猶豫架, 因為是一間很小的店(不像吃牛扒等東西的地方), 不過我地反正諗唔到食乜又肚餓, 一於試試!唔試由至可, 一試就真係難忘!我地叫左兩個餐. 一個較平一個較貴 (貴果個都係百幾蚊, 有焗生蠔, 鵝肝...)因為當日係平日夜晚, 人不太多, 好舒服, 同埋老板娘好nice,同我地傾左陣計, 好好人呢~講下d 野食先:1) 湯+牛油包: 牛油包都幾鬆脆, 不過無乜蒜蓉, 對於我呢d 蒜蓉包怪黎講, 有d 失落。干邑龍蝦湯，好味不過可惜沒蝦肉。2) 芝士焗蠔(跟貴d 果個餐): 呢個正，芝士味不會太濃，蠔仍然保存鮮味，吃時仍然juicy3) 紐西蘭牛柳拼鮮帶子(平d 果個餐): 牛柳非常嫩，有牛味，切小小帶子連牛柳食，實在是一種享受！牛柳一點也不生(所以佢都無問過我地要幾成熟)，沒有多餘脂肪，實在是一塊好牛柳(好耐無食過好牛柳...有時即使去貴價餐廳也吃不到....但呢次真係吃

系open rice見到網評甘好, 就book定位同男朋友慶祝聖誕 ;)去到見到留座個牌, 其實都嚇1嚇, 好大件事甘 haaaa好快就嗌左2個餐, 但sorry, 我吾記得d名野食基本上俾得好快, 1浪接1浪, 吾駛等個待應落錯我單 -_-

今晚同三位朋友黎呢度食野, 其實有位朋友出黎前兩三個鐘先食完野, 佢好飽唔多想食野, 咁我地三個女仔胃口細, 三個人叫三個餐又好似太多, 但係其中一位朋友又話聽人講呢間好食想黎呢間食。我地七點左右黎到, 果陣其實睇到仲有入面四個位, 出面門口六個位無人坐, 但係得門口有四人檯, 就去果度坐, 咁岩有個座地既牌棟左響門口頂住張檯, 於是就入唔到去坐, 呢個時間, 個女店員即刻幫我地拉開個牌等我地坐入去再拉番埋個牌。於是我地叫左兩個 $128 既餐喇, 女店員初初落單果陣無講乜野……之後又多左人入黎, 但係間鋪未 full 仲有門口一張二人檯。好喇, 又有兩個人黎喇, 見到女店員好似同佢落左電話同人數, 同佢講 "陣間有位打俾你啦" 唔知係咪生意難做啦, 呢個時候, 女店員無啦啦走過黎, 好有禮貌咁話佢地有最低消費, 話我地四個人唔可以叫咁少野, 又係咁話 "我地間鋪得廿個位咋, 每一個位對我地既生意黎講都好重要架, 希望你地體諒。" 咁我地初時都唔覺得有問題, 於是又叫多個湯啦, 點知再叫佢落單佢又再話唔夠要再加野, 我地問佢最低消費幾多, 佢就話每人最低消費 $48 , 指住鋪頭入面張

今天午間與太太再次來到( 希奇咖啡店 )，每次來到這裡，都是吃牛柳，因為我們都愛吃這裡的牛柳。我們選咗一個午餐35元及一個希奇精選套餐128元共分享。午餐，選擇了紐西蘭牛柳意粉配黑椒汁，首先到來的是餐湯及蒜蓉包，先說餐湯是忌廉蘑菇湯，口感唔太Creamy，稍稀一點，味道普通；蒜蓉包是用蒜油烘製，烘焙時間剛好，沒有濃，咬下時，也感到有蒜香味，非常脆口，也是不錯！牛柳意粉端上來時，切開一看，牛柳煎到約八成熟，先吃一口，又腍又好吃，醮上黑椒汁，更加好吃了，意粉也對辦，賣35元的午餐，這個牛柳已值回票價了。餐飲選擇了杏仁霜，料不夠濃，味道只屬一般。精選套餐，也是先來餐湯 及蒜蓉包，蒜蓉包上述已經提過，不再說了，干邑龍蝦湯，湯呈介王色，喝一口時，口感比午餐的忌廉湯 Creamy 一些，但味道不太愛喝，有種特別的味道，就不知是否干邑酒味了，因為我不喝酒的，所以就不懂了。頭盤是黑松露菌芝士焗蠔，看到一點點黑色的東西，拿來試試，也不覺有甚麼味道，熱騰騰的整隻連芝士一齊吃，芝士與蠔香，非常香口好味。主菜是鵝肝伴牛柳意粉，牛柳跟午餐的貨色一樣，只是SIZE比較厚些，牛柳也是煎到約八成熟，味道當然是好吃啦；

去到荃灣，想食下新既食店。記得係荃灣mtr附近有呢一間新店。就過0左去試下。唔難搵，但係 lunch time 去都要等一等先有位。叫0左牛扒跟飯既set lunch。個湯都係之前各人講既奶粉味的忌廉蘑菇湯。之後到個牛扒跟飯黎到，個樣都幾靚。夠熱，個味都幾好。不過危0的staff好似好新。要另一個staff教做野。但係都好好禮貌。可以一試。

最近, 我地試左間新餐廳, 呢間餐廳ge擺設同部份餐單, 都與"森美"好相似, 但價錢反而仲相宜d! 嘩!! 好正, 茶餐廳價錢但有正中西餐廳既水準, 下次一定會再去大吃一番....

樓下「森美」食過幾次,有天發現有間類同的餐廳,今日與媽咪&姊姊,搵野食tea,是最好的機會!入到去,無客,只得男廚,然後又有兩客人入來。突然有位阿姐回剛位。我同阿姐講晒要食咩,跟住隔離枱又落order喎,佢聽完人地order,又唔同我地向廚房落單喎!然後男廚又走出黎同我地落單,吓!我話「又要再講過ar!?」咁個阿姐係做咩既呢!!!?之後又在暗格走出一位女子,來幫廚、幫我地落埋飲品order,食物速度都幾快。下午茶餐:炸雞翼拼鮮果沙律,姊姊的,我沒吃,只吃左一啖沙律,好正喎!好多鮮果,而且好企理,唔會好似請你食沙律醬咁!蕃茄煙三文魚意粉,煙三文魚咸咸,汁是薄薄的撈暈整碟麵,所以碗麵都幾淡,只屬填肚之品。日式滑蛋雞扒飯,望去好juicy,日式甜甜地既汁,充滿整碗飯,蛋又滑滑,味道令人驚喜!Tiramisu,剛剛o係雪櫃攞出黎,Mascarpone Cheese部份雪到好似食雪糕,但整體味道幾好咕喎!有咖啡(粉)味、有酒味,唯獨蛋糕多,相對Mascarpone Cheese少,所以呢樣要改善改善。咖啡不是即磨,所以有港式酸味,初時飲得好唔開心,但加左糖,又好飲d喎!鴛鴦,要多啡,幾好飲!奶茶

happy friday同女朋友去食飯 ~經過一個唔起眼o既商場...發現一間唔起眼o既餐廳仔....諗住無乜特別....好好醜醜又一餐 ~點知...叫左老闆娘推介...一客鵝肝伴牛柳....一客希臘式羊架(唔記得餐牌名稱....sorry ~)我女朋友係一個"榨汁機"....d肉有少少"un"...佢都會即時榨汁 ~ 今次....佢將一塊牛柳擺入口就話正...仲即時食多塊....另外...塊鵝肝就話外脆...入口即溶.....我以為佢誇大...點知...我一食就有同樣感覺....真係煮得好好....塊牛柳有肉汁..但一d都唔"un"...好好食 ~ 鵝肝真係外脆...入口即溶....小弟都有試過大酒店都open rice介紹o既餐廳......小弟可以咁講...老闆對肉o既烹調真係好有心得.....至於個羊架..我覺得唔錯有...用酥皮包住羊架....兩種口感...三種味道 ~ 唔錯 ~ 話雖如此....我略嫌飲品 , 湯 , 同伴菜失色少少....有待改進 ~甜品...我地無食到...留待下次 ~老闆娘招待好好....好nice ~ 價錢黎講...都合理,抵食 ~ 好過去扒王之王.

某個下午出差荃灣順道吃個午餐, 近日這小小咖啡店食評不時出現OR, 趁著平日沒那麼多人走來試試。快到2點, 午飯高峰期已過, 小店也只剩人客二三,這種氣氛正合我意!年青老闆娘笑意盈盈地送上餐牌, 因時間關係飛快點了其中一款墨西哥煎豬扒配意粉, 再加一杯凍檸賓。話音剛落, 廚師大哥已將餐湯送上, 忌廉湯湯底夠熱, 忌廉或奶味也不重, 質感尚算滑溜但稍為稀了一些, 味道適中不會過濃或太淡, 以白湯來說還算可以的, 要是可以增加一些如粟米或火腿來增加甜味或咸鮮味, 相信味道會更加有層次, 現在真的單薄了點點,最好當然可以配一小片麵包,這就更加完滿!墨西哥豬扒即叫即煎, 在開放式廚房裡聽到煎豬扒的聲音, 實在誘惑得很! 一個午餐有著2片大大塊煎得金黃的連骨豬扒,那份量見到也開心! 豬扒沒有被化學品招呼過, 帶彈性的肉質比淋之之的優勝得多, 外面帶著一些肥肉,煎香之後更為甘香,最重要是醃得相當入味,尤其近骨部份更為香脆可口,很好吃的豬扒耶! 多口問了廚師大哥是否自家醃製?廚師大哥輕輕的點頭說"係呀", 當我讚賞豬扒真的好吃時, 他也小聲的說了句"多謝!" ,似乎多嘴的月巴人嚇著了他 意粉軟硬度介

今晚(22-9-2009 Thur)女友人VL約我食預祝我o既生日飯,佢約o係荃灣食,咁邊間好呢?突然記得有日上o黎Openrice八吓,記得有人寫呢間,見幾十蚊就有鵝肝食,都幾抵,所以決定帶VL o黎.o係公司冇時間上o黎睇清楚地址同推介,只記得荃昌中心,於是走o左搵吓.搵到喇.原來就o係素食店隔離.我o地坐抵後,唯一一個樓面就推介佢o地抵食o既鵝肝伴牛柳同香草燒羊架,只加$10.00就有湯,餐飲同蒜蓉包,成為一個套餐.樓面話牛柳就算要全熟都唔會韌.咁我o地都同樣要呢個,落單時,樓面話咁不如一個叫另一個$128.00 o既推介., 樣係鵝肝伴牛柳,但有頭盤黑松露菌芝士焗蠔,干邑龍蝦湯同心太軟.要呢一個餐,但另外o個個就散叫.啊,咁好啦.但落單時,佢竟然問我要紅湯定白湯?我隨口答白湯,我o地兩個都要八成熟o既牛柳,我要薯菜,VL要意粉.之後,白湯到o黎,睇見啲色好雪白,亦唔濃.我先飲,味道就同顏色一樣,好淡.我飲完碗湯,兩件蒜蓉包至到.冇蒜蓉味,感覺只有牛油,口感亦係麻麻.之後我至記起,乜我o地唔係只叫一個餐咩?咁點解會問我o地要紅湯定白湯?咁個龍蝦湯呢?會唔會唔畀?VL就問樓面,佢答

食完晚飯, 行街經過,見到鋪頭好多人, 見到d食物好似好好食, 之後服務員, 好友善介紹d食物, 見到原來有甜品, 之後點左兩個唔同甜品,梳乎厘/木糠布甸,木糠布甸- d餅碎好細,個布甸層數幾多,好滑梳乎厘- 因為即做, 所以會耐小小, 好色香味如果兩者我會選擇梳乎厘多 d !因為無帶相機, 下次影相 !

今晚又嚟希奇食晚餐!點了個意式茄醬吉列大蝦天使麵!味道很好,我覺得茄醬多D會仲好食!另外點了杯木糠布甸,店員話我你真係好彩,剩番最後一杯!因為每曰限賣20杯!我覺得好好食,cream同餅碎嘅比例很好.Dcream嘅軟硬程度啱啱好、D餅碎好幼細!我喺其他地方食嘅木糠布甸,D餅碎好粗糙! So Good!!

呢晚約咗老友去食飯.行過見到希奇轉了晚餐,有呢個酥皮牛柳配巴馬火腿$68,就即刻入去試下!主菜上了發覺見唔到巴馬火腿?之後我就切開酥皮!哦哦哦!原來巴馬火腿包咗喺酥皮入便,都幾特別!牛柳依然超正!巴馬火腿都幾香!另外仲點了個$128精選套餐,頭盤:黑松露菌芝士焗蠔,龍蝦湯,主菜係鵝肝伴牛柳,甜品:心太軟.埋單都唔使$200.真係超低!

上次試過店中食物很正!今次約埋班老友嚟high tea.,這店tea set食品都比一般餐廳特別唔同,我就唔客氣揸主意,一口氣點了公司三文治、玉桂西多士、芝士煙肉焗薯皮、瑞士汁雞翼沙律、芝士焗白菌多士、Tiramisu、香草忌廉汁蜆肉天使麵.大家可以試到唔同嘅嘢.個瑞士汁雞翼嘅味道比去超市買嘅瑞士汁好食,聽服務員講話係老闆調校嘅,第二度食唔到.另外服務員話個芝士焗白菌多士之前唔係用厚包做,宜家已經詢眾要求轉用厚包做,我試落都好好食.

這間店雖然細小,食物水準很高.店名叫咖啡店,其實同西餐廳冇分別:,竟然有唔係周圍都有得食嘅梳乎厘都有.梳乎厘做得很好,食落似有似冇嘅口感,精髓完全做到,真係估唔到呢到有得食.這次我只叫了甜品食,因為我減梗肥,所以唔食太飽.服務員又很友善,還介紹店中招牌菜鵝肝伴牛柳.下次真係唔怕減唔到肥,一於食咗先講!