皇鳳 (Under Renovation)

因朋友生曰第一次去食，見到出面好多好多明星相片棒場，原來發現sun boyz 成員dennis每日註場，聽他講佢係經理同股東之一，服務一流！一黎就係翅，$168 ，無味精，推介！不過好似要預訂。之後有聖子，大蝦，同其他海鮮，夠新鮮，價錢合理！牛仔骨略咸，合格。魚湯烏冬超有魚味，要試。服務態度的確一流，我地由7：30pm食到11：00pm，（飲酒哈哈)都無趕客。見到個個食客都好親切，氣氛好好！

7:30 到達，1行3人。巧遇徐子珊、吳卓羲做訪問！湯雞燉翅-足料（金勾仔翅、甘華火腿、元貝、雞件、瘦肉），唔油膩。燒海鮮類鮑魚：鮮味、肉爽。聖子王：鮮甜、多汁。海蝦：多膏、新鮮、爽甜。串燒類手打魚蛋：彈牙爽口。牛肉餅：有啲似牛丸。春卷：香脆。雞翼：必食，外脆內嫩 多汁。煙肉車厘茄：超juicey、香。鴨舌：送酒一流。雞泡魚干：甜甜哋配沙律醬，好味。粟米：爽甜。牛柳粒：多汁、質地冧滑、入口溶化。羊架：少騷、配芥茉子醬／薄荷醬。喜歡前者..菇類：冬菇、雞脾菇唔乾、香。芝士年糕：外脆內軟滑。鐵板鵝肝多士：配以紅酒藍莓醬、香而不膩。牛脷：選用中心位置，唔慳皮，抵讚。芝士翠肉瓜：正、fresh。豬油撈飯：走肉鬆原汁原味、懷舊味出晒嚟!黑松露炒什菌：陣陣香味滲出，嗅已垂涎三尺。P.S店員有禮貌，師傅有水準，樓面姐姐不時換碟，招呼周到..唔錯唔錯。

剛開業的「皇鳳」鄰近太古廣場3期，位於灣仔聖佛蘭士街上，原來其中一位老闆正是排舞師Sunny Wong的模特兒太太Angela，故店內特設一間VIP房，方便名人明星光顧。「皇鳳」雖然是很中國化的名字，內裡的佈置也很懷舊，食物卻以串燒為主，另有招牌雞燉翅、扇貝、蒜香蟶子、燒羊架、鵝肝多士等，可謂中西日fusion。當日抱著試菜的心態，一口氣order了10多樣菜。首先出場的是軟殼蟹沙律，軟殼蟹真是即叫即炸，非常香脆可口，不過個人不太喜歡芥末味的沙律醬；然後有鵝肝多士，鵝肝香口且入口即溶，多士香脆，美味絕配！其他如羊架、雞中翼、牛舌等的水準都不俗，烤得既香口又能保留肉汁；至於烤海鮮如扇貝、大蝦及鮑魚，大隻新鮮又味美，更是不可不吃之選。此外，雞泡魚干亦烤得軟硬適中，抵讚。最後，由於雪榚售罄了，店員介紹我們吃桃味雪葩，一大個可以開四粒，冰凍清甜即時降溫，把燒烤的熱氣通通掃走，真是吃得非常滿足，價錢亦合理。

鵝肝入口即溶，好耐未試過，價錢都合理一句講曬足料！店內懷舊裝修炒雜菜味濃，不過普通左DD環境幾舒服，食物都好新鮮，不過唔知是否太多人等食物時間長左少少～見到有房book ，房內大概可以坐15﹣20人