黃明記粥粉麵家 (Moved) New Location

九龍城除了食泰國菜之外，聽說有間<黃明記粥粉麵家>都幾出名，主打墨魚丸及猪肉丸是鎮店之寶，其次店內都有供應雲吞、猪什、泡粥、夜市粥品等，雖是下午時份，但幫襯買生的墨魚丸、猪肉丸的客人都幾多，在餐廳維繫了不少的熟客，聽見客人一坐下來就不用考慮地點菜，可見名聲都晤弱，先來試下食了一碗四寶丸(淨丸)$45，碗內放了好多冬菜、香蔥及炸蒜，分別有猪肉丸、墨魚丸、魚皮餃及魚蛋，猪肉丸肉味都香濃爽口，魚皮餃的餃皮太厚，潮州白魚蛋味道一般冇特別，最正都是墨魚丸，咬下爽口有小粒墨魚肉粒、肥猪肉及馬蹄粒,更突顯墨魚的鮮味，口感一流，再encore叫多碗“墨鬚墨丸湯銀針粉”$36，個人必食推介，墨鬚爽滑而且份量十足，好鮮香甜美，爽口彈牙，銀針粉又不會煮得太腍，難怪下午那麼多人來捧場舊的老店鋪不敵政府，等待政府通知收樓日期後，黃明記將會搬別地方繼續經營下去!!

今天好想吃— 黃明記每次嚟到九意城唔係食泰國野、樂園就1家係食黃明記待最中意就係雲吞粗麵😋😋。當然不及廣州的師傅，但已收貨。雲吞餡料裡的鮮蝦爽口彈牙，十分鮮甜，唔會好似平時既咁大，細細粒容易入口‼️而且肉碎同蝦的比例很均勻，唔會好似平時一係成粒係蝦，或者食緊肉碎雲吞吧🤣🤣粗麵冇鹼水味👍🏽👍🏽再加上辣椒🌶️油呢個配搭1流係比沾仔記貴，但食既係對一種食物追求的態度及滿足感#Vienn人妻美容扮靚代購 #foodporn #肥dodo食記

去九龍城唔食泰國菜仲有咩選擇？如果喜歡食墨魚丸嘅話就一定要識得去黃明記。呢間食店已經係九龍城好多年，每日都有好多人入面去食。第一次嚟一定要試下佢哋嘅墨丸墨鬚麵，今次我就選擇配河粉。首先佢哋嘅湯底係用咗芫茜同芹菜調味，好清之餘又唔會蓋過墨丸同墨鬚本身嘅味道。呢度嘅墨魚丸好特別，佢哋墨魚丸唔同出面買嗰種，係「真。墨魚」，好重墨魚味，食落去唔單止係好彈牙而且中間仲有馬蹄，又彈牙又爽令到整體口感都提升。至於呢度墨鬚唔似平時食嗰種咁韌，反而係好爽脆，會令你食到停唔到。

愈是喜歡一個地方，愈會發現內里的可愛！小泰國九龍城除了多餐廳，人情味亦是濃厚，每次到來總會找到新感覺！那夜下著微雨，帶著點點冷意，KsMeow與早肥先生來到啟德道的《黃明記粥粉麵家》餐廳裝潢帶著古典風，全實木製造的卡位亦滲透著舊日情懷，相信她家已經歷了不少歲月...點選了坊間較少見的「墨魚鬚牛腩河」墨魚鬚顏色雪白，質感爽脆，鮮甜味道亦滲進湯頭里，配搭河粉米粉更易盡吸精華！厚切的牛腩，極富嚼勁又夠牛味，同樣出色！「墨丸河」河粉滑溜不易斷，墨丸質感帶粉，幸內里藏著的墨魚粒粒尚算鮮味。湯底味精不多，吃後未有口乾！「腩汁芥蘭」腩汁味帶甘香，把青嫩芥蘭的層次感提升，水準可。整體份量與質素可，老店員還會記住熟客要吃什麼，親切感滿滿。雙併粉麵平均$30多，單併亦只是$20多，Cp值頗高！這里還有售賣以斤計算的墨丸、魚丸... 冬季打邊爐時，外帶回家作火鍋配料也不錯呢！

Fiancé 上星期試左呢度既墨魚丸墨魚鬚河粉，大讚呢度既墨魚丸好特色，好重墨魚味，話帶我去試下。入到去見到牆兩邊都有唔同顏色既menu，好舊式既感覺。見人推介粘，即係平日食個種銀針粉，比較特別，係其他食過既粉麵鋪都未見過。點左個墨魚丸墨魚鬚銀針粉。黎到先試左啖湯，好正😍😍好香濃既炸蒜、芫茜同芹菜味。之後加左啲辣椒油，一開開個蓋，fiancé 話聞到好辣，叮囑我唔好落咁多，落完之後連埋銀針粉一齊食，的確辣，又好香！正！湯底重有肉碎，好豐富👍🏻👍🏻跟住試下個墨魚丸，有三粒，唔係好大粒，食落唔係彈牙個種，偏淋，食唔到好明顯粒粒墨魚，馬蹄就好明顯，好爽，但整體唔係我鍾意既類型。相反墨魚鬚就正好多，夠爽脆，軟骨位置重脆！好鍾意🤤🤤🤤呢度招牌除左墨魚丸重有豬肉丸，叫左碗肉丸粥，粥底幾綿，豬肉丸有五粒，唔係彈牙，但我就鍾意肉丸淋啲，食得出肉味。不過我食完唔夠滿足，份量比較細，下次黎想試蠔仔粥同墨魚鬚河粉或者麵。

已經食過幾次，但仍然非常喜愛其中一款美食，就系墨鬚和墨丸，還有的是銀針粉，而家已經很少食肆餐牌上會有的食品了墨丸和墨鬚都非常好味，墨丸彈牙兼有墨丸粒咬口，加上還有馬碲粒，非常可口至於墨鬚也不遑多讓，大大粒入囗非常爽口👍🏻湯底味道也不錯，而且還潻上香蔥、芫荽、中芹菜等令這碗銀針粉生色不少，香味十足唯一不足就是份量比之前少左😂😂當然尼碟油菜份量也偏少，但對比番今時今日百物騰貴，$16元油菜也已經交足功課了🤣🤣

踢波前去九龍城搵食🥢 重返呢間有四十年歷史黃明記✌️ 話說佢係豬肉丸🐖出名，但我嗌咗其他嘢😆舖頭個門口已經好似王家衛花樣年華咁，只係開中間一小塊，唔係玩門常開，有卡位有圓枱，但吸引我既係佢個鐘🕰️ ，風扇同塊招牌，雖然唔係公和咁沿用多年既裝修，但仍有古典韻味⌛無嗌豬肉丸🐷同墨魚丸🦑，要咗個魚扎🐠魚餃粗🐟，外加個炸雲吞😈一上枱，照舊試湯，條脷未夠功力，估佢似魚湯，好濃，同大利清湯走兩個極端，好似有少少那喉嚨，懷疑係麵既梘水🤔 魚扎越黎越少舖頭有，因為易變壞，外面不實不淋既魚肉，溫柔包住蘿蔔同菜，咬落去外軟內實，唔算人間美味，但就係搵唔到代替😋 黃明記既魚皮餃係特別既，唔係你打邊爐個隻，佢係用近似魚蛋質地既皮黎包（唔知係拿貨定自製🧐）入面就豬肉同湯💗，魚皮餃同pizza🍕 唔同，皮先係主角👍另外既炸雲吞，竟然又比我撞中手神🤩😍 本來想嗌魚皮，但揀咗炸雲吞😋 佢個皮，你放大咗相黎睇，好似沙皮咁，咬落去係你口度碎成粒粒，有啲似酥皮，加埋足料既蝦同肉，就好似以前係街邊煎釀三寶一齊賣既炸雲吞咁💚🧡💛💙❤️💜 成碟有啲多，不過我照食晒😂🤣話說我坐在係窄門口既側跟，望住成間花樣年華舖黎食，仲要側坐，成件事好

#小秘書 今日又成功掹衫尾走咗入 香港迪士尼樂園 | Hong Kong Disneyland 玩咗大半日🎃 正所謂年紀大機器壞，全日流流就只係食咗個早餐+一個麵包，就捱到差唔多夜晚八九點，真係餓到個肚打鼓😅好在 #敏敏 英明，好快就幫我哋決定咗今晚到去 黃明記粥粉麵家 醫肚，可惜我哋搭咗車、司機首車又chok... 難搞！幾經辛苦，我哋終於到 #黃明記 。#敏敏 話 #黃明記 啲 #墨魚丸尖（銀針粉）🐙 好得👍🏻 #小秘書 當然照跟啦😄 手打嘅 #墨魚丸 好鮮味，師傅似乎係用真正嘅墨魚肉打成嘅，湯底以中國芹菜、乾蒜吊味，口味好傳統😌 份量唔算多，所以我哋加 #油菜 之餘，仲要再加多個 #及弟粥 先夠喉🤣 粥底都唔錯嘅... 係浠咗啲囉！食埋半碗粥🥣，#小秘書 已經飽到上心口... 太高估自己食力添🤩

主打手打墨魚丸又冇落防腐劑既自家出品，墨魚丸十分足料很鮮味，又打得爽口，口感十足。推廌！間中家中打邊爐都會打包一斤墨魚丸返去😋湯底都香濃，粉面則沒什麼突出之處。

成日聽朋友講呢間粉麵好好食，係一間開左好多年既老店，今日特登慕名而黎！朋友力推我食佢個墨魚丸同墨鬚，咁我就叫左一碗墨丸，一碗墨鬚河，佢個湯底比到我驚喜，味道好濃郁，好好飲，同埋好多芫茜😍中意食芫茜既朋友一定會中意😜佢個墨魚丸先係最出名，係手打架，好彈牙，同埋係有蔥係入面架，食落去好香，同出面食既墨丸係完全唔同，真心覺得正！墨鬚都唔錯，好爽好有咬口，另外仲叫左碟芥蘭，好嫩好新鮮，冇苦味👍🏻見到隔離台食豬雜，好似都好正咁，下次再試豬雜🤩事實證明咁遠過黎都係值得架😌

第二次幫襯，第一次病病地，淨係食左碗泥鯭粥，好好食，好足料，鮮甜。今次試多幾樣，淨墨丸,同我食開嘅墨魚丸好唔同，以往食嘅所謂手打墨魚丸完全唔會做到呢種鮮味，食完呢個墨丸，我覺得以前我究竟係咪比人呃左我諗以後想食墨魚丸我只會黎呢度，我形容唔到有幾好食，冇誇張。麻煩朋友食牛腩粗麵，麵爽，牛好腍好入味，麻煩朋友狂讚好食。一個豬肉丸粥，一個皮蛋牛肉粥，個豬肉丸又係好好味，佢地d丸絕對係真材實料。食食下，我忍唔住同朋友講:係貴過其他粥店好多，但食過絕對覺得值，唔可以同14蚊碗果d比，未食覺得貴，食完覺得佢咁做都冇咩錢賺，絕對合理。

如果去開九龍城都會嚟食手打墨魚丸河，都有好一排冇去，發現加左價，不過正常既。嚟到又叫碗食，發現加左價仲縮左水，啲墨魚丸細粒左，我最怕就係又加價又縮水，寧願俾再多幾蚊，俾返正常原有份量我。不過味道都仲keep 到，其他配料一切正常既，但細粒左感覺冇咁彈牙，食落冇咁滿足，之前仲想買啲淨丸返屋企打邊爐tim 不過下次再嚟，唔會特登去食了,一路食又有蚊滋，冷氣唔多夠。P.S. 老細唔知發生咩呢，俾錢都冇反應，又唔收又唔出聲

已轉手，但我唔知，麵已經林晒，完全無咬口上手嘅做唔到一成，減價一半都唔會再食，仲學人賣$33？同佢講「點解啲麵咁嘅？唔識6麵㗎喎！」佢竟然望都唔咁望我話「會反映」吓？唔需要喇！直接摺埋佢啦！

多年老店，裝修亦保留舊有風味。食物一如以往，沒有新元素加入。情有獨鐘，墨鬚墨丸。雙丸撈麵(3/5)豬肉丸、墨魚丸。豬肉丸彈牙，墨魚丸則打至起膠，香氣四溢。墨鬚麵(4/5)更多的墨鬚在麵底，老店用匙羹托著麵餅，令麵質保持爽口口感。麵底係我食咁多間粉麵店最為好吃！它既有鴨蛋香，沒有鹼水味。而且彈牙！湯底雖然惹味，但略嫌咸。尤其是配以撈麵的蠔油，更是雪上加霜。依度6點後提供粥吃，眼見有枱客人叫泥猛粥，應該也不俗。有時同叮叮食太多，偶爾吃個麵。除了給我們的胃休息一下，也可以騰出多一點時間給我倆，靜靜看著對方，相對而見笑。

平日成日聽人講呢間餐廳D野好好食, 而我每次經過都有好多人排隊!今日我決心去試下係未真係咁好食同事同我講豬雜撈麵好好食, 所以我就叫左外賣返屋企食我先食個麵, 加左蠔油咸到不得了, 但食落去真係無特別呢個豬雜D湯真係咸嘔, 味道重到不得了, 而且豬雜真係好少, 得幾塊!!最後我真係強逼自己食都食唔落, 倒左落垃圾桶