黃明記粥粉麵家 (Moved) New Location

某日下午, 到了 九龍城 四圍逛逛, 路經這間有數十命歷史的 黃明記粥粉麵家 ~ 反正很久沒幫襯了, 於是便入去吃孖寶 ~ 裝修是有點古香吧 ....淨食。魚孖寶 ( 魚皮餃、魚扎 ) $32湯底甜鮮 , 麻油味香 , 可借的是有點偏鹹 ~ 魚皮餃: 有3粒 , 外皮質感緊實Q韌 , 內餡鹹香而且油脂豐腴 , 超好吃 ~ 魚扎: 有3件, 卷得夠扎實, 外皮充滿魚肉香, 亦嚐到胡椒味, 餡料有 芹菜、紅蘿蔔絲、豬肉 , 新鮮味美 ~ 本篇完 ~

我係九龍城長大的，住左十幾年，就算搬左都成日蒲九龍城，因為實在太多好嘢食。近年開左好多新潮食肆，就連細個好喜歡街市樂園的沙嗲牛麵，都變到而家不倫不類的沙嗲牛西多，難免有點唏噓。好彩，仍然有部分老字號食肆繼續生存，就好似細個成日幫襯的黃明記。佢位置比較僻，由九龍城廣場行去都要行幾個街口，食完附近又冇巴士走，所以我都好耐冇去。佢最馳名嘅係墨魚丸，就叫左碗墨魚丸河（$28），分量都算多，價錢唔係貴。墨魚丸冇一般咁白，感覺更為天然，口感唔係平時食墨丸超彈牙果種，冇咁假，而且仲咬到少少墨魚粒，調味亦恰到好處。我好喜歡食墨魚丸，呢間應該係最滿意的一間。河粉幼身，但唔算好滑，論實感都係福佬村道的德昌比較出色，不過都已經合格，加埋炸蒜蓉同香菜，更添食味。湯底好味，但飲多兩啖開始覺得有點鹹。另，每晚6點後兼賣粥品，都值得一試的。值得去指數：

居住於新界的我，一向很少踏足沒有港鐵站的九龍城。由於工作需要，今天出城了！今天胃口一般，所以便挑了一間朋友介紹的粉麵店！未甫入店鋪前，朋友已叮囑我一定要試這邊的墨魚丸，說會一試愛上！真的那麼好吃嗎？我抱住半信半疑的心態，聽從朋友的意見，叫了一碗墨魚丸河！墨魚丸的顔色比較暗淡，沒有了平日的雪白！咬下去，噢！非常札實的墨魚，滲出濃濃的墨魚味；配合湯內的一點點冬菜及香菜，更帶出它的鮮香！河粉份量十足，我很怕一夾即碎的河粉，這邊夾下去後不容易斷裂，而且也夠滑溜，很適合我！這麼好吃札實的墨魚丸河也是$28，難怪朋友說會一試愛上！

墨丸墨鬚銀針粉好好味，墨魚丸是手造，爽口又有細細墨魚粒，墨鬚爽口彈牙，銀針粉有咬口，吸了湯味的銀針粉超順滑，加埋少許香芹，湯底味道又真係唔錯，好正好味，必會再吃。

店名:黃明記粥粉麵家九龍城啟德道80號地下好味指數:8.2/10價錢：$26豬肉丸，墨魚丸米丸類共5粒，3粒豬肉丸和2粒墨魚丸米。湯底才是精華所在，潮州味道非常突出。米粉爽滑，丸類一般，墨魚丸較好吃。店名:黃明記粥粉麵家地址:九龍城啟德道80號地下好味指數:8.3/10價錢：$32蠔仔肉碎粥因為湯底好，整體也非常好。湯底味很鮮，亦很濃潮州味道。蠔仔味很鮮，沒有沙，令我吃不停口，大讚！

新年前約左契仔媽食LUNCH，她最LIKE就係食墨魚丸，又LIKE食澱粉質咁就同佢去九龍城食墨丸粉啦墨丸湯河~~~湯底夠清，但係好有味架，最LIKE就係有炸蒜同唐芹，河粉夠滑滑，墨丸好香又有粒粒墨魚肉墨魚鬚淨食~~~芽菜墊底，墨魚鬚煮得剛好，一D都唔"UN"，仲好鮮味呢NICE簡單又美味的LUNCH

今日難道出到9龍城，梗係要食盡佢啦，朋友介紹依間舊鋪，話好出名好好食，咁一定去試下啦，因為唔想食咁飽，所以我地只係叫左淨丸，一碗墨魚丸，一碗魚旦拼雲吞，每碗30蚊，有8粒，價錢都可以接受。講返墨魚丸，彈牙，有墨魚味，唔會好厚粉，朋友果然冇介紹錯。魚旦都幾彈牙, 味道一般，都係香港仔果邊好食d,而雲吞都唔錯，隻蝦好鮮甜，而且唔會好腥。

食過黃明記好多次㗎啦，今日唔係咁想食墨魚(雖然出名好食)，結果叫咗一碗蠔仔肉碎粥，之前食到舔舔脷！碗粥唔駛一分鐘已經上枱，當然味道依舊(偏鹹)，好足料，蠔仔好有鮮味。食左三份二，突然咬極都咬唔碎一D嘢係口。我都mui左好耐，結果吐出來一看，原來係一條約2吋長的白色尼龍繩，立刻話俾阿姐知。佢好nice, 亦都可能見到我個樣好唔happy，猛咁話唔好意思，會換一碗墨魚丸河比我。唔明點解佢會認為我想食嗰啲囉，不過算啦見佢都咁有誠意，仲有將張單由$32改做$26。結果唔想食墨魚丸都要食(其實我較欣賞他們的墨鬚)，味道不過不失啦，好彩湯底濃厚，差不多喝清光。今次之後可能會隔耐啲先至再去....

Finally, time for some local comfort food! We have always loved squid balls but find it quite difficult get good ones in HK. 黃明記粥粉麵家 is the place to go when we have our crave on these local good eats. The squid balls they made were the best in town in our opinion. It was flavorsome with mini squid pieces, fresh, firm and springy without being too floury. Oh hey and they close late at night! Perfect place for night owls!

老字號黃明記，慕名而來果然沒有失望。下晝通常要等位，所以今次早d黎，十一點未夠已經有幾位客人（明明寫開十一點但係XD）坐底好快有人招呼你，點了「魚蛋撈」，幻想只是普通一碗有幾粒魚蛋的幼麵⋯不用五分鐘店員便把它送到眼前，是一碟很足料的撈麵！！除了燙新鮮芥菜外，主角魚蛋也不只是幾粒淨手打鮮魚蛋就算，還附上魚片！魚味比平日在市區吃到的普通魚蛋粉重，果然好吃～麵條也很彈牙，很完美的搭配。麵館生意好好，除了吃麵，不少街坊還會買魚蛋、肉丸、魚皮餃等回家⋯有機會我也要買一些！

今天帶小孩去九龍城騎單車，但忽然間下起傾盆大雨，於是就在附近的黃明記粥粉面吃東西去。第一次光顧，分別叫了雲吞面、雲吞米粉和炸魚皮。下單不久，好快便上菜，雲吞面和雲呑米粉的湯底好濃好香，雲吞的皮好薄，雲吞好好食。炸魚皮好脆好爽口，把炸魚皮放入雲吞面湯底濕一會兒，然後再放入口吃更顯外軟內脆。

幫襯過好多次啦，佢嘅湯頭唔係道道食到，所以會令你念念不忘，耐唔時就要去翻兜佢。係啲位「紮」啲逼夾啲，人多要搭枱啫。每次必點孖寶有，淨豬什鬚 + 蠔仔湯飯。兩個個湯都好飲到要飲清，湯頭有甜味，唔會好似其他鋪頭咁死鹹似味精湯，就算飲晒之後，都唔會好快口乾。豬什好乾淨，墨魚鬚無咩味道，不過爽脆。蠔仔雖細細粒，不過份量多，亦唔會有腥味。仲有肉碎、方魚碎、芫荽葱，好香。如果唔使睇價錢，以我鐘意食湯飯嘅程度，我想食兩三碗。另外佢嘅墨魚丸同出面大大粒好彈牙嘅嗰種唔同，佢地家係偏細粒少少，「林」身一啲嘅，唔會實的的、唔會好膠好彈，但都幾好食。油菜蠔油芥蘭同炸魚皮一般。之前已經聽人講TVB啲人成日幫襯，唔知係唔係，只記得TVB夜消磨有介紹過呢間嘢。當日有幸撞見葛民輝和一女子（似助手）黎食嘢。

次次來, 都可以快食, 滿足咁走次次都好多人, 不過都好彩唔駛等, 可以次次來都係9點後la蠔仔粥, 蠔仔味鮮而且唔算細隻, 份量又多, 啖啖都食到蠔仔, 湯味絕對係潮式美味, 夠香夠濃方魚肉碎粥, 份量足, 方魚碎唔係超碎, 係有咬口的, 入口甘香味鮮, 唔食蠔既朋友可以揀呢款粥豬雜湯河+墨鬚, 豬雜不用低檔料, 不過豬潤佔多,成本問題, 明白豬雜甘香味美, 墨鬚有咬口新鮮, 全碗係唔需要多加一般去食粉面要用的調味(好想話坐對面的2位客人, 兩碗野來到, 未得切食第一口就狂加調味料, 之後仲係咁講粗口, 小姐, 係你地面位自己玩自己就唔好嘈人地la)

今日又放半日假，約左家姐去睇車，睇車前先去醫醫肚先落左九龍城搵食，好耐都冇去食墨丸LU，一於去食先同家姐一樣都係食墨丸河粉墨魚丸河粉加腩汁~~~墨魚丸有墨魚肉，好爽口又好鮮味，河粉好滑，湯底加入腩汁，正呀剩係食粉好似好嬲，就再叫多個剩墨魚鬚剩墨魚鬚~~~墨魚鬆又爽口又唔會"UN"喎！真係好味又鮮味呀因為已經過了午飯時間，所以人唔太多，坐得好舒服

黄明记昨天早上十一时多，经过黄明记，朋友说好像听过这个名字，于是查一下openrice,看起来可以，就进去叫了一个净墨鬚，和墨魚丸面，净墨鬚： 好硬，一点味道也没有，（40分）墨魚丸: 不算爽，味道还可以，像吃粉團似的,面没有碱水位，不算爽， 質素令人失望 （55分）食物無想像中咁好，但价钱和环境合理，