黃明記粥粉麵家 (Moved) New Location

特登來試下佢d芝麻撈同墨魚丸~芝麻撈味道很普通~無想像中咁好味~用嘅係粗麵~碗麵好油,好heavy~ 食完一碗成日都唔洗食野配料有d蝦米,冬菇,香菜~ 加上我估有d醋,芝麻醬,醬油一齊撈~試埋佢嘅墨丸~同"文輝"差幾皮~ 麻麻芝麻撈$18 講真無咩料到我覺得唔值~ 淨墨丸$20~總結:九龍城咁多好野食~唔駛食呢間!

13/11(四) 12:30nn閒日的九龍城,一片死寂.走到人丁罕至的啟德道,為的是重臨別了經年的"黃明記".店內格調一如以往,樸實企理.我倆魚皮餃米$18及墨丸芝麻撈$28作午餐.魚皮餃米--魚皮餃全沒咬勁,質地霉爛;米粉亦是司空見慣,不夠順滑.墨丸芝麻撈--芝麻撈原價$18,加4粒墨丸加$10實在有點過甚.畢竟墨鮮味重,墨粒實在,蔥粒青香,略有彈度;而冬菇蝦米芝麻醬稠度高,醬汁厚身味濃,跟爽滑粗麵誠然天仙配!依然教人拍案叫絕,味道如昔的芝麻撈!不吃不可的芝麻撈!

****23-8-2008****同男友等整車期間~黎左對面食黃明記.d人成日都話好出名喎...咁就試吓啦~裝修都幾舊吓..一般茶記咁/叫左一碗豬肉丸河 , 一碗墨丸河 + 一支可樂碗野其實都幾油吓!!2種丸都比平時出街打邊爐果d彈牙!味道ok.不過又唔叫好特別!食過就算了!total 埋單好似49蚊!

我家人就係住o係九龍城啟德道,所以黃明記呢間餐廳,可以話係由細食到大呀,雖然我自己都覺得黃明記確實冇以前細細個既時候咁好食,不過正如之前個食評人所講,縱使冇以前咁好食,但係都仍然好食過好多既粉麵店呀尤其佢既河粉,真係好好味,好滑,佢既湯底落左唔少味精,基於我太鐘意佢既味道,事後飲多d水都唔緊要啦！我叫左紫菜4寶河,紫菜唔多,但係就冇紫菜既腥味,墨丸,肉丸,魚皮餃就各一粒,其餘就係魚丸之類,丸類偏細位. .. 最後我差唔多連湯都飲完.. . .好滿足呀

夏天唔想食太多野食碗墨丸河，同一碟芥籣就最好不過，去邊度食呢？去潮乜、潮X？要有好味濃湯，河粉透明又滑，我會諗起黃明記。人人都話黃明記差咗，就算佢真係差左。，但我真係仲未搵到一間好食過呢間（差左既黃明記喎），如果有就話比我知，我試完回應返你呀！我曾係試過下比較下其他潮洲粉麵既。真係唔好食架！（你估真係鍾意去九龍城咩！）

做伴娘既我,想打定底,唔係實俄親成班姊妹食粉,我食左一碗墨鬚米,黃明記既粉一貫地夠咸,食完要大量飲水,但係味道又真係唔錯,加一點醋,可以食得落多一碗!墨鬚比較靭,細條,米粉因為湯夠味,索到湯既米粉食落就好好味,加上芽菜令到口感更爽更佳!donut,祝妳新婚快樂!!

睇個標題,可能你會以為我俾喊瞼,但係其實我想推介,因為真係幾好味豬什河加一碟芥蘭加一枝可樂,正!豬什河有豬膶,粉腸,豬肉,豬心,豬心係我既favourite,因為味道濃郁而有咬頭,配合佢個味精湯底係味覺上面既享受豬肉有異曲同工之妙,又係好重味,可能醃過先會有咁既味,成碗粉最正係加左芽菜,因為爽口!食完,口渴到要狂飲水,食唔食?你自己決定!

如果你一心去深井食燒鵝，點知他用平價燒鴨給你吃，你會點？以前曾是黃明記的常客，但很久沒去了，前兩天有機會就去重遊舊地，到了門口，好呀...不用等位！於是立刻進去，死！甚麼怪味？有点嗅！算吧，可能店舊了吧！管他！先來個墨丸墨鬚河。爽呀！很久沒吃了！一大碗送上來了，立刻看看有多少墨鬚，一看就....死！請看附圖，(不好意思，惜用了另一食家的圖片，他拍得很清楚)，我要的墨鬚是短、圓、彎、尖形狀，及帶有黑色皮的墨鬚，還有大大的墨魚頭，去了那？！來了的竟是大陸常見的急凍魷魚鬚！！豈有此理！魷魚鬚宜平很多，魷魚鬚是幼、直、長，鬚身有灰灰紅紅的薄衣，而且沒甚麽頭的！墨魚身是用來打墨丸用，墨鬚墨頭太硬，做丸不好吃，只可用才淨食！如今墨鬚墨頭沒有了，那你還車想有墨魚身用來打墨丸嗎？！自己想想吧！我還死心不惜，走的時候去門口的煮麵位，看一下那兜是墨鬚還是平價的魷魚鬚，果然是一大兜切細了的魷魚鬚！如果不信，你一次叫一碗墨魚頭河，他一定沒有頭可給你，因為那只有魷魚鬚！一個店把自己的招牌也搞成咁，唉....時日無多了！

呢間野真係一路都保持到個水準...每次我都係叫豬什同埋墨丸河...我食過好多問都總係覺得佢d墨丸最好..size 又啱,味道又好...豬什最喜歡反而係佢d牙菜...但係味精真係多左少少...

返屋企前食個dinner, 0黎從未試過的呢度試試, 簡單叫了個芝麻撈($18; 其實即麻醬麵).先0黎湯, 離遠已聞到好香豬油味(!!), 不過飲落好鹹0下, 唯有「畢」多幾羹落d 麵度濕潤0下兼「享受」0下豬油香=P 麻醬幾杰幾漿口, 味道濃郁, 唔錯; 粗麵無鹼水味, 食落亦爽口, 意料之外; 另外有冬菇及蝦米, d 冬菇真係好鹹, 但配料令d 麵香口唔少, 都唔錯. $18 一碗, 抵食!環境up dup, 衛生麻麻, 小昆蟲飛來飛去令人幾困擾, 好在有杯水洗0下食具; 招呼無乜特別.下次試試墨丸.

睇到幾個前輩在此吃得津津有味,而我都係粗麵既擁躉,於是就食吓個麻醬撈粗,再加多一碟炸魚皮!碟麵到左面前,食完之後感覺係---好味!個麻醬做得幾好!另外粗麵好爽,有咬頭,水準之作!炸魚皮普通,撈粗入面再加入左蝦米,味道更豐富!環境比較舊,服務尚可接受,最重要係有好野食!

飲完茶，但係好似冇食過嘢咁。趁落街市買菜之前，再食多少少嘢...每次來都只係為咗個墨丸，今次就係麻醬撈...簡簡單單以麻醬撈粗麵，配料亦只是冬菇絲及蝦米粒。味道好夾，冬菇絲很入味；麻醬味不多，反而食到豬油香，口感潤滑...小弟對乾撈麵一向情有獨鐘，呢個當然唔例外...

嚟左黃明記買宵夜外賣,買左碗墨丸河同埋一碗豬什米!返到屋企打開碗蓋,香味已經撲埋嚟,仲點可以等?我嗰碗係墨丸河,墨丸比較甜,鬆pou pou,彈口,正!河粉都幾滑,不過碗湯味精落得太多,食完一級口渴,扣分!鈿佬碗豬什米都唔錯,試左舊粉腸,唔會臭,已經好好,又係同一個問題,味精!不過個辣椒油幾辣幾刺激!正!

同事話呢度Ｄ麻醬麵好食, 見到係碗裡面, 有粗麵, 冬菇絲, 莞茜, 蝦米, 同麻醬麵身爽, 無鹼水味, 自己唔係好鐘意麻醬, 但味道都好食,跟麵有碗湯, 都可以消滯環境就舊Ｄ, 衛生一般(筷子油淋淋, 好似洗得唔乾淨)Ｄ待應係阿姐, 幾nice, 講得笑我覺得可以一試

又要喺九龍城搵食,今次係食呢間---黃明記!我叫左碗豬什米食,有豬膶,豬心,豬肉等等!碗粉既面閃閃令,似是下了很多味精的湯,的而且確吃完後要飲很多水!但是論味道其實係幾好味,我特別鍾意食佢地個豬肉,而且加埋芽菜令到口感更好!食唔食,真係要認真取捨!