Video
Telephone
27960001
Opening Hours
Today
12:00 - 21:30
Mon
12:00 - 21:30
Tue
Closed
Wed - Sun
12:00 - 21:30
Above information is for reference only. Please check details with the restaurant.
-
Online Booking Service Coming Soon
新蒲崗名物 - “窩子”。幾年前都食過呢間充滿懷舊玩具氣息嘅Cafe。嗰陣好似係賣疏乎厘pancake。今日再返嚟，Menu都更新咗，咁我哋又可以試吓其他嘢了。我哋先叫咗沙律打底，結果食完已經飽咗大半😂。原因係呢個”牛油果沙律配虎蝦”，實在相當大份。虎蝦新鮮異常，牛油果同火龍果都清新無比，重點係意大利黑醋嘅沙律醬係放喺牛油果上面，好睇之餘可以比食客自己選擇撈幾多沙律醬。跟住嚟一個”慢煮手撕豬腩窩夫三文治”，呢個比沙律更巨型。慢煮手撕豬腩嘅份量成座山咁，連同四件充滿蛋香嘅窩夫，基本上要好肚餓先食得晒。手撕豬腩嘅味道係鮮嫩多汁，鹹味配上窩夫嘅甜味相當夾。兩杯嘢飲，包括抹茶鮮奶和黑糖焙茶鮮奶。呢兩杯飲品嘅共通點係茶味非常濃，好明顯落咗相當多嘅茶葉粉。當飲完之後其實仲見到好多茶葉粉黐喺杯邊，就證明佢落幾多粉了。我比較欣賞佢可以叫少甜，啱晒我呢啲怕糖人士。話就話怕糖，最後都係要叫一個甜品，外型非常漂亮嘅”焦糖香蕉配雲呢拿雪糕法式千層酥”。靚到咁嘅甜品其實只係$78。表面上唔係好大份嘅甜品，由於充滿吉士醬、忌廉、雪糕、朱古力粉等等，其實係相當邪惡同飽肚，當然係非常好食嘅。窩子嘅出品，一向都幾好。我哋一路都聞到廚房飄過嚟嘅香味，就知道呢度嘅chef係有啲料到。
continue reading
好久沒有吃waffle，聽朋友介紹Wozi cafe有不同款式waffle ，坐言起行便去食。⭐店長推介：慢煮手撕豬腩窩夫三文治$116好吸晴的打卡相，fusion 菜及有創意。把甜食waffle轉變為鹹食，手撕豬腩肉，厚厚的撕撕肉放在番茄、生菜和上waffle，豬腩面鋪了一片用火槍燙過芝士，極度邪惡。 手撕豬腩肉調味剛剛好，肉質鮮嫩，waffle鬆軟香脆，份量十足。⭐慢煮口水雞扒凱撒沙律碗$129雞肉微微煎香，雞皮香脆還有點點麻辣香味，雞肉嫩滑，新鮮沙律菜配上麵包碎和bacon，唔錯。⭐焦糖香蕉配雲呢拿雪糕$94朋友最愛吃香蕉waffle，甜甜的焦糖加上oreo餅碎、朱古力粉和忌廉、配上牛油和雲呢拿雪糕，香甜美味，waffle鬆軟香脆。⭐抹茶鮮奶$44好濃郁抹茶味，配上香滑的牛奶，是絕配。⭐芙香蘋果果茶$46青甜可口的果果茶，味道清新。頭裝修裝別緻，fusion waffle。年青的服務員，見我們有個大背囊，醒目地替我們放埋個箱度，以便客人坐得舒服。
continue reading
講起窩夫🧇一定係甜食黎啦，但係今次食嘅窩夫係一份飽肚鹹食，取代一球球雪糕嘅係兩球豬腩肉絲，即刻睇吓呢個組合work唔work👇🏻👇🏻👇🏻～🌖慢煮手撕豬腩窩夫三文治 $116勁飽肚！一份窩夫三文治有四件厚厚嘅窩夫，窩夫內層濕潤，容易入口；面頭嘅手撕豬腩肉份量又勁多，多汁油潤唔會油膩；中間仲夾有生菜同蕃茄片，同真正嘅三文治一樣咁多層次。🌖意大利烘蛋配虎蝦 $129烘蛋保持嫩滑，唔會過熟太老，雞蛋以外仲有菠菜虎蝦，味道純粹無負擔，而且黃中有紅有綠，色彩夠曬繽紛，食慾up⬆️！🌖抹茶士多啤梨法式千層酥配士多啤梨雪糕 $82千層酥超厚超多層，質感鬆脆；兩塊之間係抺茶mousse，比例上唔太高，食落唔會覺得太厚重太膩；上面仲有三大粒紅卜卜嘅士多啤梨，甜中帶酸；加埋雪糕有返啲濕潤嘅感覺，唔會黐住係口腔難以吞咽，整體感覺唔錯。🌖白桃手搖冰茶 $46感覺清爽，有淡淡白桃🍑香甜味，泡沫豐盈，口感更豐富。🌖凍黑糖焙茶鮮奶 $48焙茶味純厚，黑糖份量適中，唔會太甜。
continue reading
今日去平時好少去嘅地區，原來新蒲崗都有好多美食。好姊妹生日，一於同佢去新蒲崗「窩子」回顧下童年嘅懷舊家品及玩具，啱曬鐘意打卡嘅朋友仔。慢煮手撕豬腩窩夫三文治 $115賣相吸引，窩夫份量大而且香脆，經過慢煮豬腩肉，肉質鮮嫩，手撕豬腩肉調味剛好，面層鋪上芝士，更加美味。香煎牛油帶子配自家製椰子雞湯意大利飯 $152帶子煎到金黃色，每粒都飽滿，爽口彈牙，用椰子雞湯煮嘅意大利飯有淡淡嘅椰子香味，甜甜地，味道更加豐富。焦糖香蕉配雲呢拿雪糕-法式千層酥$78超級鬆脆千層酥，配上香甜嘅香蕉和雲呢拿雪糕，面層灑上朱古力粉，然後淋上焦糖，多重口感。熱情果手搖冰茶 $46有熱情果嘅香味，酸酸甜甜，飲落清新又開胃。凍鮮奶咖啡 $46咖啡味道香濃，加咗鮮奶更幼滑，咖啡水準也不錯👍每位服務員都有禮貌和笑容，讓客人感覺舒服👍地方雖然唔大，但係乾淨企理，坐得好舒服。📍窩子新蒲崗仁愛街36號地舖
continue reading
呢日同朋友去咗新蒲崗呢間餐廳食dinner，餐廳既裝修有少少懷舊feel。打開餐牌，見到入面有好多選擇，望落幾吸引。點咗佢嘅招牌窩夫，呢個慢煮手撕豬腩窩夫三文治好特別，鬆脆嘅窩夫中間夾住煮到好軟腍既豬腩肉，層次豐富。跟住點左牛油果沙律配虎蝦，虎蝦新鮮彈牙，沙律好味又健康。最後呢個慢煮三文魚意大利飯都唔錯，三文魚外皮煎到香脆，再配上creamy 既意大利飯，正。飲品方面，我地點左matcha latte,抹茶味好香濃。
continue reading