滬揚川上海料理

Open Now

Now Closed

三個人走去食野，大家都鐘意上海食物，就試試呢間。地方整齊，晚上 8 點，無咩人，只得幾張台有人。酸辣湯，酸辣程度ｏｋ，但稍鹹。上海炒年糕，唔太油，味道好好，但年糕太少。糖醋雞，雞件炸香，用洋蔥打獻汁，但糖醋汗係咁做架咩？不過....味道都唔錯。生煎包，煎得唔香，似蒸包多。共＄１４３價錢唔貴，要求唔高都值得來。

數數手指.. 對上一次黎應該係重係讀緊中五既時候 ... 反正行行下都唔知食咩好, 走入去睇下有咩改變都好.. 鱔糊粗炒 - 大多汁, 攪到成碟嘢好黑, 鱔好少.. 酸辣湯 - 唔酸唔辣既湯, 港人口味掛我估... 銀C - 第一次見炸銀C 係唔會比奶. 小籠包.. 算唔錯.環境著實唔打算俾人坐得耐... 今日得十度都重要較到冷氣好大... 最大影響係的食物好快凍... 好既地方就係以上食物加埋都只係114, 真係唔錯. CWB 其中一個唔駛用腦又唔會太貴既地方

食左差唔多有15年個陣仲讀緊小學呢=。=|||一樣甘好味！同我BF去食左好多次，最鍾意佢好有家庭feel同埋唔駛加1茶錢個D，個menu幾多就幾多，又唔收tips!今次食左好多野！因為我地無食lunch呀，所以6點就去食！都仲有少少位！佢平時排隊排到呢。。。。食左。。。1. 酸辣湯！我覺得係我係HK飲到既最好，酸同辣都ARMARM好，好正！2. 紅燒豆腐煲！好好味呀，次次都要食3. 雲吞湯， 10 隻雲吞，個湯整得好好4. 鍋貼！其實已經飽到死，但係我BF話飽死都要食=。=5. 排骨燴麵！個排骨真係好好味，個麵就普普通通2個人食左5樣野都係200蚊實會再去！

是日本來想去食禮頓麵包，去到同事話無位坐又唔想食，醒起隔離呢間滬揚川也是想食之列，就進去了。奇怪在門口有幾名大漢在等位，但我地兩個，直入已有位坐，莫非是等外賣？眼闊肚窄，餐牌好多野都想食，尤以鱔糊好似非常吸引。但因為同同事share的關係，還是吃一些大路的好了。只叫了一碗擔擔麵，一客小籠包，女士看來要節制一下，兩個人食，勉強夠食。擔擔麵可選小辣，先看賣相，絕對不吸引；湯底有點像煨麵，杰得黎但又不是花生醬造成的；湯有點辣，但就一如所料少了點花生味。第一口吃，感覺我還是喜歡翡翠的擔擔麵，這裡的擔擔麵麵過腍，花生醬、肉醬、榨菜原來都沉底了，但攪一攪，又發覺原來幾難攪得開，吃一口最底的麵，又竟然滿佈花生醬似撈麵，很是奇怪的一碗麵。小籠包不是賣弄花巧，一籠六隻夠晒數。皮不算薄但適中，可是頂皮就真的過厚，當然唔會同翡翠比較，呢度反而似三六九仲多。小籠包幾多汁，肉味也不錯，尚算合格。要說好味真的無法跟大集團相比，但價錢真的和同區比較平一截，而且不收加一，可能是這原因才有這麼多人吧。

今晚同家人去試菜, 全部貨不對辦, 員工服務態度惡劣, 食物根本同上海菜係兩回事…擔擔面完全無味, 從未食過甘既擔擔面!!!咕嚕肉變豬扒, 完全唔係咕嚕肉!!!糖醋排骨又係豬扒, 同咕嚕肉一樣, 只是唔同色!!! 仲要唔係上海糖醋, 望落去係茄汁豬扒, 完全唔係糖醋排骨!!! 剛遇巧有客人向收銀要求取消一碟糖醋排骨, 因為排骨變豬扒! (我地叫個碟都係) 其實果個客人只食左一淡便有禮貌地向收銀查詢, 因佢地剛坐在收銀旁的位置, 但收銀(一個男人, 唔知係唔係老闆) 竟然話‘排骨即是豬扒，都有骨，你食左一淡所以唔會幫你取消，你地唔滿意咪報警…’, 然後我同家人聽到果客話錢會比因為係自己唔好彩同埋以後唔會再來，但為了要保障其他消費者同旅客，便出左門口打左電話，帶左４個警察入店，但個收銀竟然向Ｄ警察講唔關佢地事，Ｄ客唔比錢先關Ｄ你地(警察)事，哇我同家人同在場Ｄ客都細細聲話明明係個收銀叫個客報警，況且個客又無話唔比錢….我地個個見到警察到都暗地叫好！！！其實今時今日甘既服務態度真係唔得，影響香港形象，之後先見到呢到D食評先發現呢間上海館D服務原來一直都係甘差！其實佢地應該檢討一下遇有客人對食

今晚同家人去試菜, 出事了, 全部貨不對辦, 員工服務態度惡劣, 食物根本同上海菜係兩回事…擔擔面完全無味, 從未食過甘既擔擔面!!!咕嚕肉變豬扒, 完全唔係咕嚕肉!!!糖醋排骨又係豬扒, 仲要唔係上海糖醋, 望落去係茄汁豬扒, 完全唔係糖醋排骨!!! 剛遇巧有客人向收銀要求取消一碟糖醋排骨, 因為排骨變豬扒! (我地叫個碟都係) 其實果個客人只食左一淡便有禮貌地向收銀查詢, 因佢地剛坐在收銀旁的位置, 但收銀(一個男人, 唔知係唔係老闆) 竟然話‘排骨即是豬扒，都有骨，你食左一淡所以唔會幫你取消，你地唔滿意咪報警…’ (), 然後我同家人聽到果客話錢會比因為係自己唔好彩同埋以後唔會再來，但為了要保障其他消費者同旅客，便出左門口打左電話，帶左４個警察入店，但個收銀竟然向Ｄ警察講唔關佢地事，Ｄ客唔比錢先關Ｄ你地(警察)事，哇我同家人同在場Ｄ客都細細聲話明明係個收銀叫個客報警，況且個客又無話唔比錢….我地個個見到警察到都暗地叫好！！！其實今時今日甘既服務態度真係唔得，有旅客被騙真係會影響香港形象，至於對香港市民來說，好在我地向呢到可以互相提點同警剔, 之後先見到呢到D食評先發現呢間上海館原

我真係未試過一間咁唔理客人感受既上海菜鋪前幾日同老公經過見到好似幾光猛幾好咁就尋晚去左試抱幾大期望入去但係用10個失望而回我地 叫左担担面, 炒鱔糊, 炸銀C, 豆漿同咕嚕肉--> 担担面淡而無味, -->咕嚕肉賣相差, 似係D 螢光黃色既汁, 味道更難食. 只食到硬同好雪藏既感覺-->豆漿OK-->炒鱔糊都OK--> 最差係個炸銀絲捲. 一黎到時, 我見到冇奶跟就叫樓面呀姐俾一D我.但佢話我地唔會有奶. 我再同老闆講我想要奶, 如果冇奶我想退番. 老闆講"我地係冇奶架, 點鱔糊D汁架!" 我就話, 點解你地一開始O係我地點菜時又唔講會冇奶? 正常既食炸銀絲捲係一定有奶跟. 冇奶我唔要喇. 之後佢IGNORE我. 全程我地都冇食過個炸銀絲捲而其實老闆同老闆娘都係見到我地冇食過同好不滿但佢地真係可以係唔收就唔收,我唔係想計較 $10既價錢, 而係我覺得一間食店應該1. 以客為本. 如果客覺得碟菜有問題係應該收番+ 道歉-> 完全冇2. 咁如果我唔點鱔糊咁老闆會叫我點咩? 可能係, "我地點担担面D湯!" OR "我地點咕嚕肉汁"OR EV

十二月三十日, 冇諗住出街食飯架, 所以相機都唔記得帶... 唯有借同事部電話影住先!同班同事落到街諗咗好耐都唔知食乜,最後行過呢間上海菜就入去試吓, 不過一坐底就已經有少少後悔,因為啲位好迫好窄, 但已經浪費咗好多食飯時間, 所以冇得再揀。我哋四個人都叫咗唔同配菜既担担麵, 有辣有唔辣, 我當然要辣既担担麵, 配肴肉, 估唔到有成八件, 都幾好味,但個担担麵............... 色水就似足料足味, 但食落口, 唔好話唔辣, 直頭係淡而無味!!我同個食得辣既同事都頂唔順即刻叫人畀碟辣醬我哋加落去, 但結果都係冇乜味...另一個同事既配菜係炒鱔糊, 試過一啖, 味道都叫做有, 但唔夠濃, 同埋係凍架...呢個同事配炸排骨, 其實似豬扒多啲喎, 唔知點解叫佢做排骨?又係試咗一件, 都算係咁, 但我都係比較鍾意食《杏花樓》嗰啲糖醋排骨囉~呢個同事就係叫咗唔辣既担担麵, 個色都差好遠, 同事仲話勁冇味...至於個高力豆沙, 都算係呢餐最好食既嘢, 其實比起其他上海菜館, 佢只係好普通咋!我哋四個一路食一路鬧個担担麵既湯底真係差得好緊要, 未食過咁冇味既上海菜,仲要呢度可能地方細, 感

酸辣湯：酸辣味唔平均，酸味較少，一般肴肉：全是瘦肉，無乜「啫喱」，都係一般小籠包：皮厚無乜湯汁，差一點點清炒白菜仔：OK上海粗炒：略鹹，麵質普通

4-1-2009人在銅記, 想平食上海0野, 拉了朋友0黎試試. 前一晚睇了呢度食評好似不錯, 點知離開時, 大跌眼鏡!- 先0黎杯凍豆漿, 味道現成得很, 不過豆味 ok 而且甜度適宜, 解渴不錯啦.- 肴肉: 好瘦, 完全無骨膠原0者喱, 食落好鹹好鹹, 唔係好得; 鎮江醋酸酸的, 一般香, 印象一般.- 蔥油拌麵: 尋日0係屋企附近食了一碗 not the best 但都不錯的 (詳見 http://www.openrice.com/restaurant/commentdetail.htm?commentid=1963366), 不過呢度的就真係... 醬汁稀稀的, 水浸咁多, 味道同過鹹版「粗炒」汁一樣, 唔得; 麵條腍 bad bad 的, 似足「煨麵」, 比醬汁更唔掂; 蔥後就太生太青, 明顯無炸過吧. 幾難吃的一碗所謂蔥油拌麵, 絕不推介!- 蒸銀絲卷: 又一「扮」的, 唉 -_-" 不過呢碌長形饅頭亦唔好食, 雖然夠熱, 但唔鬆唔軟, 唔知翻蒸0左幾多次?- 小籠包: 一睇賣相已知唔對路, 層皮厚得同鍋貼無異, 頂部就當然更嚴重, d 粉多得不能接受!

午飯時間嚟開餐, 都幾多人, 要等位.簡簡單單叫左個酸辣湯雲吞和上海湯年糕兩樣都唔錯! 份量都幾大!個酸辣湯料好足, 係差咗d辣味!雲吞就大大粒, 肉既份量比較多, 味道就普普通通啦...湯年糕幾好呀! 清清地, 年糕有咬口!lunch 2個餸2個人都夠晒啦!

本來同老公仔黎到呢度想食晚飯, 正想打開玻璃門之際, 發現自動門不是自動的, 見到有個綠色牌上面有一隻手ge圖案, 我以為可能係要按啦, 又係開唔到, 試左兩三次, 都係唔得...我開唔到咁耐, 舖頭入面個老闆就望住咁耐, 佢完全係冇打算幫我開門... 我眼神+手勢示意請佢幫手開個門, 但兩次佢都只係遞起兩隻手指, 係咁問係咪兩位... 大佬呀! 係咪都應該開左門比我地先呀? 其實我地係想問佢拎個menu睇下d野岩唔岩食先ge, 但咁ge態度, 我地梗係即刻調頭走啦...未食都成肚氣!!!!!! 冇下次!!!!!!

在CWB,去了元綠,PIZZA HUT,意粉屋,碌LUM,紅螞蟻等幾間食肆,都無位...........見到E度唔洗等就諗都唔諗衝入去.............自己吃比較普通的上海炒年糕,要知道,越普通ge野先越考工夫,結果:還可以 - 年糕,是只吃口感的喇,不過d料份量真係好適中,食落去下下都可以年糕+少少料.但好像上海粗炒賣相更吸引.............可能真係有鑊氣吸引我.........雖然味道是不錯,但好似Econ d 理論咁.......食同一樣野,當你越食得多,你對碟野個"價值"就會越墁越低,所以食到一半我已經心思思想食下其他人果d,奈何有d野唔係咁易share到,好似擔擔面都係一個例子.同埋同事ge話就冇咁方便喇,屋企人就話姐~同事的排骨擔擔面賣相很不錯,但係知係咪佢地食慣濃味,話個擔擔面淡淡地....真係R晒頭......食得趕左少少.......好想再黎食過,試下擔擔面,小龍包,豆沙鍋餅.雖然侍應們唔係d咩超級斯文人,但總算有求必應亦見禮貌,good.位就迫左d,但e個價錢向同區算係頗平..........有興趣再試...........今次個食評暫時保守D先.

色慾都市後，兩個人，傍沱大雨，最後還是衝到這裡 - 吃筆者最愛的上海菜。然而，除了三鮮炒年糕能讓筆者吃得津津有味外，其他的似乎也不是很有水準。例如酸辣湯不辣也不酸，太稀了；齋鵝則份量少而且鹹了一點，高力豆沙也略嫌不夠香甜。醉翁之意不在酒，眼見身旁的伊人滔滔不絕，筆者面對著眼前最愛的上海菜卻完全提不起食慾，心裡卻想著其他問題。究竟，為什麼？筆者也不明白。或許，意亂情迷下的一餐就是這樣子。

以前來幾次，真係覺得好食，又免加一茶芥，俾幾錢，食幾錢落肚，銅鑼灣區少見，我亦曾經留言盛讚。幾個月後返來，叫了幾種必叫菜色。酸辣湯：稀到不得了，相信本身係剛剛好，見唔夠賣就加水，d湯係"獻"加水溝唔埋咁，唔夠酸，又唔夠咸，真係好好好失望。醉雞：以前真係好好食，好有酒味，今次隻雞好似入左雪櫃成個月咁，d雪氣味大過酒味同雞味，三個人居然會食淨，恐怖。小籠包：呢個已經叫無咁離諎，係個皮好厚好厚，冒煙的時候大力篤都篤唔爛，更何況凍左？？？個小籠包"ding" 真係一團粉!!! d 肉就算新鮮炸銀絲卷：其實係煎左個長曼頭既表面啦。裡面係普通不過既曼頭，一條絲都無，極之偷工減料。仲要係"un" o既，絕對係翻蒸過!!,回鍋肉飯：呢個係正常份量，正常味道~ 幾野味~ 只係肉真係少左d，油又多左點，預左。本人有呢個咁details 既descrption，因為難食既感受太深刻，一點都無誇張。剛坐底見到隔離台食剩成碟白菜，個賣相乾乾的真係唔吸引，原來成四十五元!! 食完就知點解佢地會食淨咁多.....問同侍應係咪換左廚師，佢當然無直接回應，只係話：「今日的菜係老闆整架喇喎!!」唉，希望佢老闆只係一時手痕