滬揚川上海料理

Open Now

Now Closed

滬楊川係我食上海嘢嘅飯堂之一。 因為覺得佢整d嘢好有地道上海風味, 又不太油膩。每次必食上海粗炒, 因為個人鍾情佢炒出嚟嘅味道, 各樣調味都fit晒我嘅口味! 而且又好鍾意佢d麵嘅質感! 加埋佢俾嘅豆辦醬,食一碟已經好滿足!仲有叫咗排骨擔擔麵, 湯底\酸辣適中, 加入嘅花生醬份量又啱啱好。 排骨外脆內軟, “很呵痴” (上海話嘅好好食)小籠包, 比較似無錫嘅小籠包味道, 餡料重甜味!由於只係食下午茶, 所以無叫餸, 平時覺得佢嘅: 醉鷄, 酵夫, 甜酸魚, 鍋貼, 豆沙窩餅, 沙鍋雲吞鷄都幾好食!

我地2人唔太餓, 9點去到冇咩人, 叫左排骨擔擔麵同小籠包. 原來排骨係炸豬排, d肉幾林算鬆脆, 麵質唔錯又有花生醬味, 小籠包幾多汁肉滑, 我覺得好過翡翠同金滿庭, 唔加1服務又好, 可以返炒.

好近time square既上海菜。好易搵位，雖然間舖係細d，坐得迫少少，但係都唔錯。待應反應快，有禮貌，有效率。菜式方面，根本既上海菜都齊曬，落足料，夠份量。環境算乾淨，唔會話好噪，過得去嫁。今日叫左菜磅蟹，素菜餃，小龍包，豆沙鍋餅。兩個白飯。大致上都幾好食。舒服，好service。想食上海菜，依間值得去。4個菜都係每日$70︿good =)

舖頭細細, 窄窄逼逼, 但食物味道不錯.三個人胃口都不太好, 只叫了:1.炒鱔蝴–炒得不太油淰淰, 黃鱔條分量不算少, 爽口彈牙.2.小籠包–肉餡比較實, 湯汁不算很鮮甜, 但都不錯.3.砂窩雲吞雞–湯呈奶黃色, 入口清甜. 雲吞細細隻, 但皮薄饀是菜多肉少, 蠻不錯. 雞可選擇全隻或切件上, 我們選擇後者, 方便分吃. 雞肉咸味足夠, 肉也算嫩.4.高力豆沙–熱乎乎, 炸得不油. 煙煙韌韌, 豆沙餡不太甜, 這裡是用黃糖粉而不是白糖霜, 感覺更好.味道不是太濃, 食落有點平民住家的感覺.

這裡的食物質素其實不差，算過得去。環境就一般啦，較為逼狹。所以價錢不貴，食得過。煎窩貼及上海湯年糕都好一般，可以不試。三鮮湯煨麵就OK，有蝦、雞肉及火腿等，湯底清甜，大大碗幾抵食。

銅鑼灣要食上海野，又唔洗等，又要坐得舒服，有d難度。金滿庭係好食呀，不過偏貴又等好耐。小南國係rubbish啦。小店子就有d up-dup。呢間d櫈係無"pan"，但勝在唔太迫，食物ok呀，小籠包幾好，不過層皮好快乾，干左就硬了。醉雞的酒味可以濃一點，浸耐d入味d就更好，酸辣湯雲吞，雲吞好味，酸辣湯唔夠酸喎... 上湯炒年糕，一d都唔油，好呀! 不過野味一點就更好啦。我係星期日晚上八、九點去，唔洗等，佢地既份量都算多，抵食。

同朋友lunch第一次光顧, 叫了豬扒擔擔麵, 酸辣雲吞, 炸春卷, 豆漿! 豬扒香脆, 但擔擔麵就非常差! 望落好辣, 食落淡味又無咸味, 花生味及花生粒都無, 唔知咩湯底, 酸辣湯太酸, 反而細細粒雲吞皮薄好好味, 都有10隻8隻, 春卷香脆, 好多冬菇粒, 唔錯! 下次會為左d雲吞再光顧的!

昨晚同老闆去左times square後面既店舖食上海野..其實之前都試過此店覺得味道一流...點知昨晚去就有點失望...2個人叫左都幾多野吓...叫左個醬爆雞丁, 火腿津白, 炸銀絲卷, 小龍包及雞絲粉皮...2個人叫左5樣野真係有點嚇人, 老闆仲話唔會啦樣樣小小又無叫粉麵..小龍包....唔好味皮又厚又無咩汁..都係mega box既魯一居小龍包最正雞絲粉皮還可以啦...最失望係個津白..明明上次食好鬼好味d津白吸曬d火腿既味.但今次就係津白還津白, 火腿還火腿...個雞丁就油左d不過味道都ok, 炸銀絲卷一般啦..no comment.總結: 都係無下次.

二人晚上要吃飯﹐近日腸胃麻麻﹐海鮮据扒要暫停﹐想吃清淡一點。平時在這裡吃lunch只吃湯麵﹐不知晚飯如何~ 點了﹕醉雞–120分好味﹗超水準製作﹐酒味剛好到可以接受的最濃景界﹐多少少就會苦﹐厲害。雞肉鮮嫩﹐熟客仔每台都有一碟﹐掂。海哲–爽但很淡﹐個人喜歡加點麻油/芝麻﹐會香D鱔糊湯麵–必吃。麵是手拉﹐粗幼適中﹐有o趙頭。鱔條唔會太細舊﹐加芽菜炒得超香﹗沙鍋咸肉津白–又係必吃。咸肉在湯中散發陣陣香味﹐鹹淡適中﹐菜索了湯非常好吃﹐湯中更有4粒肉丸﹐係小籠包餡來的﹐好好味﹗整體上呢餐吃得超滿足﹐S說我每1分鐘便會說一句“好好味”﹐真係好正。雖然要搭台﹐但客人都好斯文所以唔會覺得好唔舒服﹐客人當中也有唔少外國人﹐服務員姐姐亦好有禮貌﹐超讚。

工作完畢又唔夠時間上堂更係同老闆食晚飯啦...最後選擇左係cwb食上海野...星期一晚唔算太多人可以暫時享用一張枱...叫左一客小龍包..都唔錯算多汁...又叫左個津白好多金華火腿十分抵食同埋一碗排骨擔擔麵..好彩佢地排骨另上唔會令到個排骨唔脆口..不過此店上食物既次序有d問題..先上排骨再上津白再上小龍包最後才上麵...有點怪怪..不過2個人都係食左百多元都係cwb算抵食

20070506茶餐廳格局，但窗明几淨，望落幾舒服，不知是不是因為時近九點，所以客不算多，我們兩個人霸住一張四人枱直到終局，慢慢吃，又拿出部相機翻看照片，阿姐也全無黑面，還主動加茶，抵贊：）隔壁枱一行六人離開的時候，小朋友識得與收銀哥哥撒嬌玩鬧，一副熟稔街坊的樣子，心底已經為這里加了幾分。另外見到一個膚色白淨的婆婆獨自坐在門口，叫一碟上海炒年糕一碟熏魚，慢慢歎，不知有是不是一個老上海呢？間中仲有街坊下來拎外賣添~講返啲食物：賽螃蟹：碟頭很大，甘筍、鮮菌、青豆，色色分明，清，但好味；熏魚擔擔麵：分開上，很體貼，分量也足，碗面越食到下邊越重花生香味，一開始應該再撈得勻啲，有的選辣與不辣，幾好；蒸銀絲卷一條：用來配賽螃蟹一流。不收加一，在銅鑼灣區來講真的很抵食。

我帶住半條人命同傻鬼2人走入此店食野醫醫個肚先. 7時多已經全場爆滿...2個人俾安排坐係門口位與人搭枱.不過2個人真係肚餓無咩所謂啦...我地2人叫左煎餃子及鱔糊"燴"麵...後來見到有雞絲粉皮即再叫碟來食食...個粉皮好快就送上, 個粉皮做得唔錯唯一只係覺得個醬汁唔多夠花生香...煎餃都ok不過都係覺得筲箕灣間煎餃又平又好味..此店既餃子比較細隻又無咩餡料下次可以唔試...個麵都好正鱔糊分開上夠細心值得加分..服務都好好d亞姐有求必應又會自動加茶...相信會有下次.

夜晚有事要去銅鑼灣一轉中午時食得少少野夜晚六點幾已經肚餓記憶中有人讚過呢度生煎包同擔擔麵味道唔錯又黎試下同朋友仔叫左生煎包($30),鱔糊擔擔麵($32), 醬爆雞丁($42)同白飯($6)醬爆雞丁～好快就黎左, 唔油味道又唔太鹹,但呢d多醬汁既食物都係跟飯好食d, 雞丁應該有醃過所以無晒雪味仲有少少雞味添, 有草菇同筍做配料, 口感唔錯, 但味道無乜特別, 朋友仔仲話佢都識整, ok啦, 建議佢加d客飯餐會比較好, 咁就唔會好似我地咁食剩一半咁多鱔糊擔擔麵～鱔糊分開上, 鱔肉唔多但芽菜多, 味道唔太濃但夠味, 都係同飯一齊食夾d; 擔擔麵重麻醬味, 加埋放o係面上既蝦米粒同冬菇粒都幾好食, 麵身看似腍左, 但食落又唔覺, 尚算彈牙, 好味!生煎包～估唔到咁平都有八隻咁多, 一上檯我同朋友仔都知一定食唔晒, 包身鬆軟肉味道都ok, 但略嫌個底唔夠脆同肉餡唔夠多汁, 但都食得過, 結果有一半我地要打包拎走服務不錯, 侍應反應快食物又上檯上得快加上唔收加一我地要拎定d包包都無另收外賣盒錢更值加分

星期六晚幫襯，好肚餓，所以無咩期望下，見有位就朴鎚呢間(後來才醒起新開o既俏江南在附近，唔得，下次要去翻。)叫了：上海粗炒，如其他食友所言，唔油!都好味，$32大大碟。另叫了糟溜魚塊，用酒煮的，清清o地好好味，伴飯吃一流。埋單無加一，都係$86，抵。上菜好快，抵讚!見鄰座叫了生煎包，$30八個，好似好juicy，好抵咁!

經常來這兒lunch,d秘書鍾意佢d食物唔太油膩.我通常會叫蒸素餃(清清地),雪菜肉絲炒年糕(食完碟底無油),小油條(有油豆腐,肉丸,黃牙白湯),好味,上海粗炒(食完碟底無油),糖醋魚塊(好開胃,d魚唔會炸過火),青菜煨面(夠清,ok),紅燒土擋(好好味,送飯正).生煎包ok,鍋貼認真麻麻,之但係佢d小籠包就好唔掂啦,皮厚,肉多,汁又冇.甜品比較好的係高力豆沙,但水準不平均,有時好味,有時會翻炸.