Video
Telephone
27303038
Opening Hours
Today
Closed
Mon
10:30 - 20:00
Tue
Closed
Wed - Sun
10:30 - 20:00
Above information is for reference only. Please check details with the restaurant.
今天到西九看戶外concert ,看到AE卡有折扣優惠特意訂座到故宮的下江南試一下，本身自己都好喜歡上海江菜附近菜式。到達已經快七點，8點關門，7:15last order,正常無問題。QR code 自助點餐，選好按下去才知道已點菜式已售完，這點很不友好，最後為免浪費時間，叫左職員下單，她才跟你說甚麼甚麼賣完了，有兩個菜都嘗不到，有點失望，而且職員可能習慣客人自行下單，對點單也不太流暢，感覺服務和系統都要強化。最好點了兩個套餐 （1）火薰玉蓮鴨子配面，夫妻肺片及櫻花蝦瑤柱茄子；（2） 雪菜大排面，鹽水鴨及蒜泥白肉味道都唔錯，兩碗面的面一樣，面質是偏手工中國粗面，吸湯也帶點彈牙，我跟朋友都很喜歡。火薰鴨肉炆得很軟爛入味👍🏻夫妻肺片偏辣非常惹味，茄子反而無咩特別，白烚放涼最後才加上櫻花蝦瑤柱醬；大排炸得酥脆，唯一缺點是太大火有點乾，蒜泥白肉偏鹹及鹽水鴨我不太欣賞，有陣濃烈的鴨臊味。但整體水平可以一試，附近餐廳有雅詩舒適的入座環境都差不多這個價位。性價比在西九區是不錯的。結帳時有小插曲，職員即時反應不錯。因為結帳時我說要AE卡支付，但他說AE 卡機已埋數不能再用，我表明因為有推廣才來吃，我也不知餐廳要在關門前埋數，結果餐廳果斷提供了其他等價的折扣讓我用AE卡以外的方式結帳，這個處理方式對我今次用餐體驗是滿意的。
continue reading
掃瞄QR code自助下單，但裡面沒預先標明售完的食品，所以很不方便，食物一般，飲品很貴，以為甜品會最後才上，但反而是第一道上的菜，真是新鮮的體驗，而且還收加一，與其下江南，不如下西洋，哈哈哈
continue reading
故宮博物館除左有展覽，仲有好多特色餐廳，今次就去咗呢間 — 下江南，以木質傢俬及牆上畫卷打造出淡雅嘅用餐氛圍，為食客提供感受歷史與美食的完美客間。今次晚餐時段到訪，人流未算太多，好彩的話仲有海景位坐。想試多啲菜式又唔想煩，推薦下江南套餐有兩款冷菜及主食，仲可以加錢配飲品慢慢嘆。冷菜方面，花雕醉雞，雞肉質地鮮嫩，帶有淡淡花雕酒香，屬較清新的開胃菜。四喜烤麩口感豐富，味道濃郁。夫妻肺片，涼拌的肉片及豬肺片口感軟嫰，搭配麻辣醬汁，十分惹味！如意菜則以多種時令爽脆蔬菜和涼拌酸味醬汁，清新又營養。主食就是雪菜大排麵（套餐$158）需時較長，以雪菜和大排骨為主要配料，配上彈牙的麵條。大排骨炸得酥脆又多汁，與雪菜的鮮爽味道相互襯托。火薰玉蓮鴨子飯（套餐$178）鴨肉為清代皇帝的主菜，被視為補益之品，菜式以火薰玉蓮鴨子和香氣四溢的蔥油飯為主，肉質較有嚼勁，帶有獨特煙燻風味。豌豆黃口感柔軟涼甜，帶有豆香及甜味，果然係經典的甜點，為慈禧喜食之選。飲品容器十分精緻，龍井茶清新柔和，高山烏龍茶口感順滑更甘甜，飯後一杯配甜點，休閒又放鬆！
continue reading
大家好今日到了故宮博物院遊覽順便到一樓既下江南吃晚餐發覺環境和裝修都好配合故宮的形象入到店發現有精選二人套餐好適合唔駛諗先點一個首先上的是桂圓紅棗茶都幾清新也不會很甜前菜是一味涼菜叫做如意菜配花雕醉雞是麻辣青瓜和雲耳微辣都幾清爽花雕醉雞都是涼菜有四件雞肉都紮實有淡淡酒香主菜方面揀了解火重熏玉蓮鴨子燴菜飯和上海大雲吞排麵首先上海大雲吞排麵雲吞是菜肉雲吞有三隻另外浸在上湯上菜肉雲吞都幾足料 湯仲有蛋絲同紫菜排骨方面 豬扒都幾大塊炸得幾香脆食落肉質都幾鬆軟有少少醬油味道麵方面都係正常既上海麵帶少少雪菜同醬油湯底至於另外一個主食火熏玉蓮鴨子燴菜飯其實係鴨腿菜飯鴨腿都燜得幾腍仲有一些菇同蓮子有些似八寶鴨既味道仲有炸得既葱絲都幾香食完兩個主食基本都幾飽不過還有兩款甜品第一款甜品是芋頭糕這個芋頭糕有些似白糖糕是比較煙韌果一種另外一個甜品是芝麻糊湯圓芝麻糊都幾杰配合湯圓餡料也是芝麻總括這間店環境都幾靚食物也唔錯
continue reading
呢度嘅食物真係令人垂涎三尺！佢哋嘅菜色豐富多樣，味道鮮美，每一道菜都令人回味無窮。首先，兩份精選套餐中嘅第一份真係好吸引人。花雕醉雞係一道傳統嘅菜式，雞肉鮮嫩滑軟，配上花雕酒嘅香氣，味道濃郁。火薰玉蓮鴨子飯係一道色香味俱全嘅菜式，鴨肉經過火薰後更加鮮嫩多汁，口感豐富。最後，雪糕紅豆冰係一款清涼嘅甜品，紅豆同雪糕嘅結合帶來綿密又甜蜜嘅口感。第二份精選套餐中嘅夫妻肺片係一道經典嘅川菜。肺片切得薄薄嘅，口感爽脆，配上特製嘅辣椒醬汁，味道麻辣香辣。酥油野雞瓜飯係一道營養豐富嘅菜式，野雞肉鮮嫩多汁，配上酥脆嘅酥油和瓜飯，味道香濃。珍珠奶茶係一款受歡迎嘅飲品，茶香和珍珠嘅咬勁結合在一起，帶來一種獨特嘅口感。除咗精選套餐之外，小食鹽水鴨同麻辣豬耳都係必試嘅小吃。鹽水鴨肉鮮嫩滑軟，味道鮮美，帶有淡淡嘅鹹香味。麻辣豬耳則是一道辣味爽脆嘅小吃，豬耳片經過炒製後，口感韌脆，辣味十足。總括而言，呢度嘅食物豐富口味同多樣化，每一道菜或小食都帶來獨特嘅風味同美味。加上呢度就係故宮博物館內，充滿濃厚文化氣息，環境一絕清幽，令到食物都十分加分呢！非常建議小情侶黎呢度，又可以順便行下博物館，又是一個好好嘅拍拖節目呢！
continue reading
You may be interested in