湘記

Open Now

Now Closed

每朝都有老闆提供免費早餐慰勞，只要有出勤都有得享用，人人有份男女平等永不落空。何解會諗只有女同事有，而男同事就無？思維模式非常奇怪！舊酒新瓶舖頭名改為湘記，大陸拼音嗎？茶餐廳叫 Cafe？太陽蛋雞扒出前一丁⭐️⭐️分湯好好多！我一心想食雙蛋，最後原來只得單春。外賣太陽蛋，送到都已經焗到變成全熟蛋了！唯一可取係燶邊焦香脆脆。煎蛋雞扒出前一丁⭐️出前一丁腍到大力少少夾都斷，無牙阿伯都食到，啜兩啖放棄。我要太陽蛋，外賣再次變成廿十成熟老蛋，最憎食全熟蛋黃。雞扒硬實乾爭爭，醃味偏咸帶濁。炸雞翼福麵⭐️⭐️食飽飽充滿力量！不過一錯再錯，再錯單！消失的腸仔太陽蛋，換來炸雞翼似乎相差太遠。福麵略腍了一點點，不爽不滑！外脆內嫩香口多汁味濃醒神，超級香噴噴新鮮出爐蒜香雞翼熱烘烘，太陽蛋沙嗲牛肉出前一丁⭐️⭐️要求分湯，但搞笑地給了我一碗白滾水，湯粉包分開上。經常錯單今次都不例外，我要鮮牛肉，不是沙嗲牛肉啊！分湯格外濃郁，自己想要幾多湯粉自己落，麵條完全吸收沙嗲汁更惹味。煎蛋沙嗲牛肉出前一丁⭐️我係要太陽蛋沙嗲牛肉出前一丁，外賣變成廿十成熟煎老蛋，我最討厭全熟蛋！格硬食不想浪費食物。𢲡到滑潺潺牛肉，醃味濃濁陰沉略咸。湯汁

【大埔區】【湘記】去咗大埔睇嘢，主要都係睇吓啲紙巾嘅價錢，唔同區有唔同嘅價格波動，所以都要行多幾間睇睇。當然我都係得個睇字，睇完就算嗰隻，跟住游咗去鐵路博物館嗰邊，望吓就喺另一邊走。呢個時候就有啲肚餓喇，啱啱好呀。見到呢間茶記個感覺都幾地痞，啱晒我呢啲蟻民。同埋好多車牌貼咗喺牆度，仲有賭場泥碼，感覺好麻甩，正呀。入到去就叫咗個下午茶，個 feel 幾似常餐嘅，主食「雪菜肉絲米粉」正正常常，有啲喺屋企食嘅感覺，幾好。講明佢似常餐，當然仲有配菜，就係「火腿奄列」同「牛油多士」喇，質素唔算好出眾，一般料。杯「熱奶茶」幾好嘅，都香茶味。而呢份餐其實只係 $38，咁個要求又真係唔可以太高喎，甚至我會覺得佢幾抵食添，廉價之選。叫多份 $39 嘅「炸雞髀薯條」，佢仲貴過個常餐，隻髀唔似生炸，不過都幾脆口，薯條唔算多，味道正常。飲「熱好立克」唔使加錢，都係合理。咁樣食咗兩個餐，大快朵頤，咁先用咗 $77，係開心嘅，我窮吖嘛，冇計喎。。。（地址：大埔仁興街 53 號地舖）#1amfoodie #foodie #hkfoodie #hkfood #food #foodporn #instafood #fo

話說今日屋企人買早餐俾我，咁我選擇咗早餐6，雞扒湯烏冬配火腿奄列多士，咁餐牌寫明可以轉粉麵，咁我叫咗雞扒湯米粉。屋企人拎到返屋企，我打開早餐，只有一碗湯+一碗雞扒米線+一杯飲品，少咗奄列和多士。屋企人落返餐廳諗住叫佢俾返奄列同多士，佢哋話跟湯烏冬先有奄列同多士轉左冇，咁點解餐牌唔寫明？又或者落order嗰時唔講聲？外賣已經另外收外賣費，仲要少咗奄列同多士，請問一碗粉麵加杯嘢飲要$50，值得嗎？屋企人仲要專登落去問佢拎而空手而回，永久black list !!!

質素飄忽😐 堂食外賣都食過👀🙌 但每次叫好大對比🥲😔今次叫左2個外賣飯盒 土魷蒸肉餅飯🦑 鹽酥雞扒肉燥飯🐥🦑土魷蒸肉餅飯 （50HKD）茶餐廳必點🙌 今次試下外賣又會點？💓 好食過堂食😍 肉餅多汁濃郁😍 啱曬我呢啲肉餅lover😙 性價比高💗 相對附近絕佳🤫🐥 鹽酥雞扒肉燥飯 （50HKD） 個人覺得肉燥一般🥲盒中嘅鹽酥雞扒反而更好🙃🙂肉質不會太乾🌲但仍然唔太入味🥱少遺憾😔肉燥更不用提🤧 不如說是「齋咸滷肉飯」😤

以前如有人問我：一個湘字會想起甚麼，我會答西厢記，從今天想， 我會諗起大埔有湘記這間小店。 在今天大埔之行，走到了第5、6站，覺得有點攰，所以去到舊墟附近，便隨意地走入了這間小店休一息下， 入內人不算太多，有點包厢的感覺， 坐得幾舒唔！，四圍望下，被大堆車牌吸引著， 嘗試找一些和自己有關的車牌， 哈哈！係找唔到的，但覺得幾有趣。 店內還看見一些洒 樣板，還附上價錢 難道在夜晚晚飯時，可以飲番幾杯， 舒緩下忙碌的心情， 盡興下，延續明天的戰鬥力！因是下午茶時間，看看餐牌後，叫了一個 極普通的E餐， 餐內有多士、奄列和雪菜肉絲米粉， 還叫了一個公司三文治餐，共跟兩杯飲品是凍奶茶和凍檸茶， 食物逐一來到， 品嚐後感覺有臥虎藏之feel, 多士脆香和奶配合得啱啱好 ，奄列嘅軟滑，帶出平凡之中的不平凡！ 雪菜肉絲米粉，D米粉極煙韌，口感一流 ，真令我有點喜出望外，還有公司三文治的鹹牛肉蛋香 ， 和三文治内的番茄配合得天衣無縫！ 兩杯飲品甜度適中，算稱職！ 最後講講小店嘅人情味與風格，餐單是用粉筆黑版撰寫，令我回到童年和傳統上，還加上店員的親切 ， 我會再回來的！ 一切一切相輔相成，沒有驚天動而覺