湘蜀人家

Open Now

Now Closed

早排喺聽朋友介紹呢間新開川菜好味咁岩阿媽又話想食辣野於是乎我哋就去咗試我哋七點鐘左右先至到已經見到有人緊位等左10分鐘左右就入去間鋪頭嘅裝飾好有中國feel而且又唔係太暗都幾令人舒服我哋兩個人叫咗四個餸上菜都幾快夫妻肺片顯得出師傅嘅刀工厚度均勻而且非常入味不過就非常之辣我哋即刻叫左罐可樂解辣酸菜魚片酸度適中而且幾乎冇骨頭不過份量都好大非常抵食涼拌粉皮作為涼菜非常開胃睇得出粉皮係手工製作晶凝通透完全係正宗四川菜嘅水準 讚

距離做小手術的日子越來越近其實個心都有少少緊張的！所以近來我都不斷約朋友出來食飯，這夜就相約了辣局的好友到湘蜀人家刺激一番兼聚一聚頭。 湘蜀人家位於灣仔大有商場內，地方都幾簡潔亦富中國式裝潢，不過檯間空間就較親密！ 我們被安排坐於鋪頭與商場交界的大檯！其實都有點尷尬不過既然來唯有開懷吃一餐吧！ 檯上兩碟小吃包括是麻辣大豆芽菜及炸黃豆都做得好出色。尤其是炸黃豆鬆脆香口令人欲罷不能！ 這兒的餐具亦極富中國風情用上變面圖案，這一即刻令我想起新開的海X 撈！ 大家商議後決定點6-8人商務套餐＄988，內包有四款涼菜我們揀選了四川口水雞，味道算正常雞肉都算軟滑可以接受！ 接下來的是成都肴肉賣相不錯但吃下去味道就有點兒太重口味了！ 另一份是夫妻肺片我當然沒試！不過試了內裏有點像粉皮的配料，吃下好乾硬絕對唔係我杯茶囉！ 寶物沉歸底這個四川涼粉是四款當中我最喜愛的，麻、酸、辣調校得恰到好處，涼粉有咬口得來唔會軟爬爬怕怕的，好吃得最後要Encore多一份＄46。 這兒上菜的速度係超快不須15分鐘已經一個套餐到齊！喜歡吃熱騰騰食物的朋友就要留意下啦！這個是青椒回鍋肉味道沒太突出，個人認為配料的青椒

最近有一間超出名嘅餐廳係灣仔呢個咁方便嘅地區，好似話啲師傅好有性格，唔可以整小辣！排左一陣隊終於入到去，襯下熱鬧。不過因為我哋都唔係太食得辣，所以都係叫個擔擔麵有少少辣就算，費事挑戰太勁宮爆雞丁＄78裏面有好多細細粒嘅雞，味道唔辣但係好香，有鑊氣！一粒粒嘅雞肉沒有骨！熗炒高麗菜＄68高麗菜的口感比較似生菜以及椰菜，同樣鑊氣十足，啲菜好香好味過自己平時整嗰啲好多，口感爽口又清新。染粮窩窩頭$48唔好將佢同金饅頭比較，因為加中間嗰啲有少少豆豉味道嘅調味品，成件事係鹹香但係沒有甜味，窩窩頭佢裏邊有啲一點點，係一啲健康食品。西洋菜肉餃＄52菜肉餃比較多菜，適量好健康，皮薄餡靚，勝在份量多。四川擔擔麵＄62擔擔麵都係比較幼身，食落去每一條都非常之滑，調味香，一般嘅麵舖無得食。酒釀丸子＄38酒味比較香，不過整體味道有少少酸，而且丸子比較林，所以味道較為普通。豆漿幾好...好清新.!!menu~~ references

我同家人都非常之鐘愛吃中菜, 大家都知中菜有好多不同既種類而川菜就係我其中一個最愛 今次我地叫左既係 水煮桂花魚(小)近期大熱既水煮魚點可以唔叫, 呢一道我選擇既辣度係小辣, 因為驚d魚會浸到太辣, 一睇個煲上面有幾多辣椒就知呢道菜既辣度有幾高, 不得不讚既係佢d魚既肉質好嫩滑, 勁有口感, 而且肉特別的多, 食極都唔完咁而條魚既下面就係麵條!! 吸收哂魚味同辣味, 食落又係另一道餸咁 四川担担麵黎到四川食店必叫既當然係抯抯麵, 呢個亦都係我最鐘意既麵之一, 首先係賣相, 呢一間既賣相非常好, 好吸引到人想去食, d麵舖排得好整齊, 其次就係麵質好好味, 爽口彈牙, 而且份量都唔少, 可以夠2個女仔share黎食!! 辣子蝦小小的既辣子蝦, 非常野味, 我喜歡既係佢除左頭之外成粒可以直接入口咁食, 餸酒真係一流!! 而且好夠味, 少少辣加蝦既咸味, 鮮味十足!!

最近係公司附近新開既四川食店, 每次經過見到都想入去試下, 今日終於有機會入去食下佢!! 四川口水雞川味口水雞真係無敵好味, 辣得黎有麻既感覺, 呢度既四川口水雞都幾正宗, 好彩辣度都唔算太辣, 肉質厚實, 有種食緊新鮮雞既口感!! 賽螃蟹賽螃蟹係最考廚師既菜色, 蛋白同蟹肉既比例都幾好, 食到蟹肉既鮮味, 同時口感半水半固的十分好味, 個份量都唔算少, 最正係佢唔會太水, 食落都仲有口感既味道!!! 西洋菜肉餃菜肉餃個賣相已經見到厚厚既餡料係入面, 就知道材料幾咁豐富食完一啖四隻字：皮白餡靚 魚香茄子油而不膩的巧手工, 眾所周知整個魚香茄子係需要極多油先好味, 呢個睇落去又唔會覺得好油膩, 但係食落爽滑有口感!! 加上微辣既口味, 餸飯食真係一流!! 個size都唔少, 4個人食夠哂!!  

寫著遊記時，總會特別想再去旅行；所以繼年底的二人世界曼谷之旅，甜魔媽媽今週也預訂好明年復活節一家人到布吉去玩，Yeah～同時間，也在計劃暑期歐洲之旅中，而在昨晚一場辣聚後，更加貪心的也想回老鄉一趟！ 姑且不理食辣減肥法是否湊效，總之，每月一次與辣友們聚會，已成甜魔媽媽的習慣與期待。這晚來到灣仔大有廣場二樓的 湘蜀人家，其實是想與大家見面聊天多於享受美食～ 店名叫湘蜀人家，故名思義應該同時供應湘菜川菜，不過店內似乎以川菜為主打。裝修及餐具都頗有特色，但位與位之間有點逼，部分餐具也有點破損，而且餐廳未有酒牌，卻不讓食客自帶酒水，只一味推銷店內豆漿、汽水等，讓喜歡啤一啤的朋友有點失落。 除了以上缺點，食物其實算OK，至少定價不高、物有所值。未齊人前，先享用前菜的辣芽菜及脆炸黃豆，兩款都很好吃，$15/位的茶芥值回票價～ 見$988的6-8人套餐也算合胃，我們九人就點了一份，再加額外散點，首先上檯是 四川涼粉，口感及調味都不錯，後來忍不住加點一客。 這是我沒吃的 成都肴肉，除了不喜那肉感，也是覺得肴肉明明該屬上海／江蘇那頭菜式！ 夫妻肺片 看樣子不太吸引，聽食友講質感硬硬怪怪，更不敢嘗試了

最近同朋友傾開食辣野， 佢介紹左係灣仔有間新開食川菜湘菜， 口碑幾好， 特別係辣度全有廚師自己調 ，無問我地要幾大中小辣 。訂位1830 到達時都幾圍枱 ，食飽門口已有人等位 整體餐廳裝修華麗 ，碗筷亦好有特色 。大家揀菜時， 我已選左酸菜魚同毛血旺， 呢兩道係我係中國旅行時食過 ，所以想回味下， 同埋窺探到左右都有叫 ，比想像中無咁酸同辣 味道濃 ，用上桂魚 ，魚肉嫩囗 ，加埋酸菜菇菌好惹味 。毛血旺呢個鐘情辣野一定必叫，麻麻辣辣四川花椒唔會死辣，香麻。我食到個口同唇痛同麻痺左 不過真係好鐘意豬紅， 豬腸， 牛脷 ，火腿， 牛柏葉 ，尤魚等用料份量足，好醒胃，揀食材都好開心似尋寶最底還有薯粉吸收晒精華。 小食 夫妻肺片 成都街頭小食 紅油，花椒，辣椒同芝麻 主要係牛肚牛舌牛肉牛雜，切薄片，好味兼開胃少少麻 過癮 。四川涼粉 好滑配埋蔥粒，花生粒，十級美味，惹味非常 。

Happy Friday約左幾個朋友去食川菜 佢地都好喜歡辣 我對辣有愛有恨 今晚朋友話已經訂左大有商場新開嘅一間川菜館 8點準時到達 門口已企滿人 最後都要等 不過食物質素真係好嘅 服務都ok上菜速度理想 因為都幾肚餓了涼菜三小碟 成都肴肉 滑滑重膠質好味鹹香 開胃夫妻費片 好香辣越食越開胃 辣度屬於BB辣咋反而好麻 涼伴小雲耳 酸辣爽口 芝麻點墜兼帶香四川涼粉朋友一個自己食晒一碟 比佢嚇一嚇 所以再叫多碟大大家分享 滑滑QQ好麻辣 慢慢滲出辣 個口麻痺 口水雞同夫妻肺片差不多味 雞件都多肉 食到味覺麻痺左好惹味孜然寸骨 終於order 左唔辣嘅小菜 用上孜然做香料豬排醃得入晒味 食落超惹味 配上蒜蔥粒 又靚又好好味賽螃蟹 蛋白綿密少許蟹肉毛豆粒 較清淡的一道菜 比小朋友最啱 毛血旺 送上枱時比嚇到 但食過後會好懷念 內裡好像抽獎中 豬紅 牛柏葉 火腿 牛舌 肉片 豬腸 尤魚 好多入晒 香辣麻 久久留在口中 辣得爽快 越來越愛辣染糧窩窩頭自家製手猜包點 雖然又點粗糙 但熱辣辣加埋少少辣嘅肉碎 都幾特別 好味嘅 茶介$15 位 气水 $15 係灣仔算合理價

今日放假又系約食飯時間，但幾個都唔得閒，得兩條友，本來想去銅鑼灣食過幾次個間湖南x，但之前見到介紹呢間好似幾好，又近地鐵站，所以過來試下！嗌左兩個午餐，加多個殺豬菜（即豬膶、豬肚、腰花)，一入囗已覺不對路，農家小炒肉完全冇青椒香味，啲肉又鞋實實！另一個攸縣香幹都系唔多掂！香乾唔香唔滑，連兩個最簡單最基本嘅湖南菜都唔好味！仲要三個餸全部一個味，偏甜唔辣唔香！食完好口渴，絕對唔正宗！絕對中伏，冇下次了！

那天部門經理請lunch，到了這間新開的湘蜀人家，開頭聽個名以為係相熟人家呢。說回食物，7人可以試多幾款。辣的出色，唔辣的一般。好在同事們已俾我訓練到能食辣了。這個炆茄子就一般，唔係話唔好食，不過今餐主要食辣，我冇太在意呢碟。寸骨好野味，唔太重手的味道，三小碟都唔錯。萵筍絲夠清新，除辣外，呢樣我推介。小炒肉都好味道，少少辣，大家當熱身。戲肉之一，水煮牛肉，唔油。試過食好油的搞到肚痛，呢間的水煮牛不油膩，肉片加上辣係好配搭。戲肉之二，酸菜魚，除左魚夠滑，湯酸酸的，平衡返水煮牛個辣。呢碟係清底的。下次，要試埋水煮魚啦。今次太多餸，食得好飽好滿足。

{湘蜀人家🌶}天氣開始凍，要食辣嘢暖胃😍某成日引人中伏嘅media推介完呢間，我哋決定親身試味🤣結果竟然係高質😳最好味嘅係呢碟#水煮魚片 🤤辣得黎好有麻香，又唔會辣到食唔到🤤入面仲有啲菇同冬粉，好入味，好食😍#涼拌豆腐干絲 都好正，不過就十級辣🤣食到個嘴腫左🙈真係食得辣先好嗌啊🙈 #紅油抄手 味道唔差👍🏻～#四川涼粉 就反而有啲失色，雖然酸酸地幾開胃，但啲粉太淋～同其他野比輸晒啊🙈🤣順帶一提～即磨豆漿都幾好飲😙

話說上次喺莊士敦道望向大有商場方向見到二樓開咗間新川菜館，透過玻璃見到都好多人，諗住有機會要同老公試吓，因為佢都好鐘意食川菜。星期六晚同老公提議搭車去灣仔食川菜，佢冇異議。到大有商場二樓，未夠七點菜館已經得番門口位。餐具用上面譜作為圖案，很有中國特色。前菜四川涼粉見到差不多每枱都有叫，涼粉味道對板，麻麻辣辣，涼粉本身則稍為腍身，沒有期待的煙韌感。涼拌小雲耳味道不太辣，質感細嫩爽脆。土家酸菜魚片魚片好像用上脆肉鯇，入口十分爽脆，酸菜味道亦不太酸，整道菜十分可口。魚湯鮮甜中又帶少少酸味，老公都一連飲上幾碗。大盤蓮藕片味道亦不太辣，藕片清爽脆口。西洋菜肉餃此餃外型小巧精緻，甚為討好。餡內西洋菜比例甚高，入口較乾較實，如果多加一點點肉提高肉汁應該更佳。四川擔擔麵花生醬比例不高，入口比較清爽。麵質久浸較為腍身。甜品叫了一客高力豆沙。高力豆沙即炸，外表鬆軟挺身，豆沙比例合適，味道不太甜，蛋白鬆軟有彈性。除四川涼粉外，其餘菜色辣味不高，只取四川菜的香氣麻辣特色，不會一味死辣。

得知呢間菜館堅持正宗川味，無得BB辣，咁有個性一定要試下。有午餐set, 小菜跟白飯飲品，炒飯面單跟飲品，價格由78-90起，午餐來講都算係中上價位。幸好每樣餸都好大份，男仔食都夠飽。宮保雞丁既脆脆腰果係一絕，雞肉又夠嫩，非常唔錯!牛肉絲炒面辣度剛剛好，面夠彈牙，青紅椒都好新鮮，唯獨油左少少，少啲啲油就好啦!不得不提個豆漿，好足料，足到起腐皮，清甜，推介推介!食得川菜多少都預左會油膩少少，食唔到太油膩最好食飯啦。 😊

唔知做咩事， 最近狀態唔係咁好， 腸胃有啲唔舒服， 痛咗好幾日都冇咩改善， 但有約咗好朋友食飯， 頂硬上。先黎烏龍茶， 茶味夠香。酸菜魚片， 名菜之一 來到酸菜魚夠曬酸 湯底鮮甜美味 開胃度十足。 麻婆豆腐， 加入咗港式做法 啱曬香港人食，但個人本身有啲期待食到川菜嘅味道， 所以感覺一般。水煮牛肉， 好擔心我嘅腸胃，咁有四川嘅感覺 ，我大件事啦 ，水煮牛肉真係做得好好 ，淨係見到上面層紅油， 已經知道 大件事。。。 祝我好運， 但一定要講味道真係唔錯 。小蔥醬油炒飯， 好食，最重要唔係好油膩， 味道都唔錯。高力豆沙， 上海甜品之選， 估唔到嚟到都有得食 ，仲要做得幾好蛋白炸得夠鬆軟。

網上瘋傳灣仔新開的川菜，不能選辣度，顧客只能食餐廳煮的辣度，以表尊重川菜由於新開的關係乾淨程度非常高，碗碟和裝修也很特別下午茶時間來，只有一款普洱茶提供 職員說因為不收茶位所以沒有選擇 晚市便有提供另外朋友一早想好要嘗一嘗這裡的辣子蝦，午市不供應，也建議我們晚市再來品嚐不同美食午市套餐 水煮魚片 $128 主餐牌上有水煮桂花魚也有水煮魚片但原來午市套餐份量也一樣 所以order了套餐嚐一嚐魚片也很滑身 沒有魚骨 辣味適中 內裡還配上粗扁薯粉 非常淋身下午茶餐 四川涼粉 $48 涼粉配上潮州辣椒油 食落沒有特別 涼粉也滑嘟嘟的下午茶 老成都擔擔麵 $52 我朋友推薦的 麵質彈牙 湯底也很特別沒有平時的杰身 配上少量肉碎蒜泥白肉 $72 如果蒜粒變蒜蓉會更好 豬肉不會太肥 作底有青瓜平衡油膩感清炒萵筍絲 $72 清甜的萵筍 是用來中和成餐川菜的辣味和少少的油膩孜然羊肉 $108 羊肉夠薄 配上白飯一流 不會有騷味辣子雞 $98 原本辣子雞都沒有貨了 全餐飯就完結時向一名應該是店長的人查詢，表明我們專程來食辣子蝦同辣子雞，也很好地幫我們再問問廚房份量也不少 不會辣椒多過雞肉 有骨的 味道