湘蜀人家

Open Now

Now Closed

第一次係度食，期望都幾大，呢間仲要係我提議去食 諗住試下新嘢。因為見到Openrice 有個最佳食店獎咁上下嘅獎牌放左係門口度。而且都睇過Openrice 上都好多正面嘅食評。但食過之後就覺得一般，無乜驚喜可言。個口水雞午餐睇上去都擺得幾靚，味道其實都唔錯。但肉就唔係好多。中午時間要搭枱坐。茶水係每枱一壺share 用。午餐加野飲要加錢(e.g.豆漿)。我會比個Good 嘅食評，但就應該唔會主動提議再去食。

係灣仔返工超過5年，平日食晏有時會去大有商場，經過都好想試下，無奈同事們都不是辣buddy, 無理由要同事陪食食到菊花開。難得相約多3名辣辣buddy晚飯，第一時間提湘蜀人家，好在可以係open rice app 直接訂位，非常方便。打開餐牌，樣樣都想試，第大家不約而同係要點水煮牛，仲叫咗炒高麗菜、萵筍、辣子雞丁、紅油炒手等等，結果當然係碟碟清啦。辣唔死實、仲食到食物既鮮、食材應有既味道，對辣辣buddy來講，菊花唔開，但就好好味，清哂白飯，因為好多汁可以送飯。飯後甜品高力豆沙都係高水準之作。總括而言，值得encore! 但記得訂定位，因座位有限，要等位就唔好啦。

喱間餐廳我黎左第二次啦, 第一次係同朋友四個黎, 因為食完隔一派又諗住, HAHA 所以又帶男朋友再黎一次。今次因為得男朋友一齊叫得唔多野, 叫左涼粉, 辣子雞同埋糖醋排骨。其實三樣野都係好味既, 不過涼粉我低估左佢既辣度,可能因為佢浸住係D辣汁到, 真係好辣好辣好辣, HAHAHA唔食得辣既人可能唔好叫喱個送啦。反而辣子雞就表面上睇落好辣,但實質唔係太辣。因為炸既關係,雞肉既味道都仲保留到, 而且食緊個陣有種尋寶既感覺, 係一堆配料入面搵雞肉~~都唔少的,喱個送上次都有叫,好味 另外糖醋排骨都好食, 因為其他送都係辣既, 係抖既時候就可以食糖醋排骨中和返D味, 味道唔會太甜太醋,排骨又肥瘦適中, 下次再有機會都會再叫喱個送。埋單兩個人370~~少少貴, 因為太辣叫左幾次野飲~ 不過應該都會再黎既.

我一向都好like川菜嘅味道，淨係索到啲香味都已經會令我好興奮，但由於本人個胃比較弱，加上屬於暗瘡皮膚，所以真係唔敢成日去食，好可憐囉有一晚我姐夫竟然話想食川菜，我梗係舉腳贊成啦好有特色嘅餐具鹽爆牛栢頁，第一味餸唔食辣住，保護下個胃先。泡椒腰花 (小辣)，好耐無食過呢味餸喇，好味呀，唔會有怪味。酸菜魚片 (小辣)，無得輸呀，魚片係實肉嘅，唔係一咬就散嗰啲，佢無寛粉嘅，但有我最愛嘅豆腐，加埋酸&辣，真係無得頂。9菜餃，好正呀，食完一輪濃味嘢，食佢就啱晒。魚湯浸白菜仔，魚湯係我食過最濃嘅一個，我覺得如果用嚟做湯飯，應該可以食到3碗飯。辣子雞 (中辣)，因為之前啲餸都係要小辣，覺得可以食再辣啲，所以再加呢個餸要中辣試下，呢個餸真係堅香，而且真係堅辣，辣到我傻咗，但好奇怪架，呢種辣係會令到我想繼續食，唔想停落嚟，爽呀！總結：呢間店我10級推介

湘蜀人家哈哈，又係介紹辣嘢，可以知道，我係幾咁嗜辣！今次呢，就叫餸食飯！食川菜，我覺得，最緊要食佢個川粉。湘蜀人家嘅手刨川粉：不得了。個汁好惹味，辣香夠，川粉滑lulu 水煮魚：魚夠滑，份量合理皮蛋：唔好食，差在隻蛋硬倔倔，唔流心口水雞：水準一流，超好食，一定要試，口水雞個汁個川粉個汁差不多，雞好滑，唔會太肥，雞皮超好食。辣子雞：就乾身左少少，不過個辣夠香夠麻。炒椰菜：正常水準海蜇頭：又係好好食，好爽口。呢間係會返轉頭，除咗個皮蛋差啲之外，其他水準都好好。

我間中會和某朋友相約到灣仔午飯吹水，通常都去大友商場內頂層的上海菜，今日我們嘗試這一店。 雖然是小店，但午巿都有分麵類套餐和行政套餐兩款，我們叫了紅燒麻辣牛肉手搟麵和天府炸醬麵，並奉送自磨冷熱豆漿。我吃的是牛肉手搟麵，麵頗彈牙，牛肉分開奉上，醃時已有辣味，但湯底可選小辣。對於啫辣的我，這碗麵算不算地道湘菜煮法我不能確定，但我以香港人來說算是很好吃，我們倆都認為下次會再來，還會試試行政套餐（因為很大碗）。

前個排肚子不舒服，一直胃腸都有啲問題，最後睇左中醫，中醫當然就第一件事叫我戒口啦，我戒左足足有成個幾月，終於感覺好啲，所以就約左個朋友去食返個辣辣盛宴😂😂 玩命😂但估唔到是但行過去左灣仔，都搵到間出奇地好食嘅四川菜，真的估唔到係灣仔都搵到～呢間位於大有廣場嘅四川野，環境就好似一間中菜館咁，唔係酒樓個一種feel，但卻有種時尚中找到傳統感覺！我地叫左兩個菜色，但有一樣無影到相，請見諒🙏🏻一睇上面張圖就知道一定係水煮嘅菜食，佢其實係一個擁有水煮中足夠辣椒、辣油、八角等香料嘅水煮魚！ 講起個嘴都有啲辣辣地同麻麻地！好正！ 呢個菜色食落口雖然麻辣，但卻令你無法可以停到手去唔食呢個菜！辣味由舌尖去到胃腸中，個種刺刺的溫暖感覺，令人成個身都燃燒起來！ 魚質都十分不錯，唔會一夾就散哂，亦唔會好老，依家嫩滑！另一個菜式就係賽螃蟹，一個好耐都無食嘅菜式，同樣廚師都將佢炮製得很不錯！蛋白煮得十分嫩滑在加上底下嘅菜配搭，一流！加上少少浙江醋簡直係無得輸！熱辣辣咁真係好鍾意食！因為想食辣野同蔡螃蟹所以冇揀到其他煮食只係揀咗白飯去配搭，已吊出麻辣嘅感覺，飯都食多幾碗！！

本身鍾意食辣，所以又同同事三個人去食湘蜀人家。自己覺得佢係大有商場來講，算係唔錯，因為大有啲嘢食真係好麻麻。我哋食咗麻辣牛肉麵，嫰牛肉鎗鍋面同遵義羊肉鎗鍋面。個牛肉麵冇乜特別，唔係太辣普普通通，但係我嗰兩位同事食果兩個鎗鍋面，就一路食一路呻，話佢好似係夜晚食淨啲湯底，再落個面再加啲牛肉羊肉就搞掂，都唔知係唔係人哋啲客食剩嘅湯底，成個打邊爐咁款，湯底乜味都有，百感交集，食得好唔安樂囉，哈哈，笑死我。

個日去利東街賞完月，諗住係附近醫下肚，同妹妹兩個都想食辣野，見呢間食評唔錯，黎try try 先😍上到去唔洗等，坐位幾舒適，佈置好有中國風👀好鍾意佢隻碟🙆🏻‍♀️我倆叫左黃金皮蛋，水煮魚，川北粉條同一碗酒釀丸子。先黎左個黃金皮蛋，平時食多數係黑色既，黃色皮蛋真係好少食，黃色皮蛋蛋黃比較結實，特別係特別既，不過個人覺得黑色皮蛋比較香。碟皮蛋份量都幾夠，而且拌的醬汁味道剛好，都好味既川北粉條就一般d,如果凍食相信會更好，熱上始終令粉條變淋左，不過醬汁一樣好味。呢個水煮魚係一大盆，我地以呢個做主食已經好夠飽，辣得黎夠香，魚塊量多，仲有青瓜同薯粉係入面夠飽肚。魚滑得尼無咩骨，同埋都大塊，唔會碎濕濕最後當然要食返個甜品啦，第一次食酒釀丸子，呢個酒釀丸子令我留下好印象，清甜有淡淡桂花香🤤丸子又煙韌，I love it 😍 如果唔係太飽都真係想叫多碗～

港岛的湘菜基本上都试过了一遍，这家店开业也有半年左右了，零零散散来过几次。总体而言一般般吧。餐厅位于二层，靠近庄士敦道的位置，店内装修还是不错的，餐具也有一些地方特色，看得出花了心思。印象比较深的是一上来喝白开水都要茶水费，前菜么拌黄瓜，香干，肴肉都不错，但是这是川菜湘菜？主菜的回锅肉，水煮鱼，辣椒炒肉，香干炒肉，时蔬和汤。感觉口味都是改良过的，辣度很一般，也大都不太入味儿。也许为了迎合本地人的口味吧。服务蛮好的，总体而言在这用餐还是挺不错的。但是如果想吃正宗的川菜，湘菜，不推荐。

去灣仔前上開飯啦搵下灣仔有咩川菜，呢間勁多好評，其實唔太信.......試過之後好過我去過既老川皇，麻辣派對，十二味巴蜀江湖菜之類之類。只試左水煮牛肉，但好俾貨，味道好好，配菜好豐富，又粉條，又萵筍，金針菇、雞脾菇之類。個湯勁好味，勁似係大陸食川菜個種，連辣椒乾既品種都有幾種咁。如果近我既話絕對會每星期都去！

天氣轉冷，食辣嘢暖身就最好，於是和友人嚟呢間試吓。諗唔到呢度的2人套裝都唔貴，一於唔駛煩，就試吓二人餐。前菜揀咗肴肉及口水雞，肴肉好食，值得推薦。口水雞味道都好好，不過就多油咗少少。跟住係主菜水煮牛肉，如果您唔係好食得辣，呢個啱晒您，少少辣，恰到好處。若果您嗜辣，您會覺得呢個冇料到...浸時蔬係預期之內好，反而西洋菜餃，係我覺得要推薦的，又香又多料，皮夠薄，好好！👍🏻甜品酒釀丸子都非常唔錯㗎！

間中會起麻辣癮既人應該明白，可以陪你周圍食辣既朋友絕對係可遇不可求。聽聞呢度既水煮魚好好食，就恃住有少少情誼，威迫左2個只食微辣既朋友黎陪我食。 午市有行政套餐、超值麵類套餐同午市超值套餐，價錢由$72至$128 (另有加一收費)，行政套餐可選豆漿或酒釀丸子；麵類套餐配前菜同飲品；超值套餐可選豆漿或無公害蕃茄肉丸湯。 另有二人餐同四人餐，睇落都幾抵食。 今次揀左3個套餐，跟2杯豆漿同1碗餐湯share食。水煮魚片 配白飯、豆漿 ($128)大家見到有2個手掌闊、近乎洗面盆咁大既份量都嚇一跳。水煮魚片浸泡係辣油、四川辣椒、子彈椒、四川燈籠椒同花椒之中，夾起時除左辣油，仲會沾上些微辣椒碎，麻辣既快感同多種香料既香氣係口中交織。我好怕食重味既河魚，好彩午市套餐選用生魚切成厚魚片，主要係魚背連少少腩位，嫩滑又唔腥。 辣度方面，嘴唇同喉嚨會明顯感覺到酥麻，但未辣到熱血沸騰或流鼻水，麻痺感亦持續得唔算耐，喉嚨過後會有輕微刺痛感。唔食得辣既朋友第一句就叫辣，而食開譚仔3小辣既朋友就食到完場。算係迎合左本地口味既麻辣啦，都要飲下豆漿解辣架。 我最欣賞既係墊底大約有一碗仔既薯粉，煮得岩岩好，煙韌彈牙、吸

最近大熱既川菜，湘蜀人家，每日都吸引到好多人黎試一試佢有幾辣🙈係麻辣到唔識形容💀 每啖擺落口，個口同個胃就好似燒緊咁🔥 今次食午市套餐試咗3味🤤水煮牛肉($118)擺設好傳統☺️ 一大盤水煮牛肉，表面全部都係辣油同辣椒，望到都覺得辣！！ 面頭一層都係牛肉，但底下材料都好豐富，有紅薯粉，竹荀，芽菜，菇。全部野食變哂麻辣，即刻係另一種滋味🤤🤤宮保雞丁($86)好重鍋氣既宮保雞丁，每粒雞肉都爆得好香，加上脆口花生同辣椒，將香味同熱氣程度推到極致~四川涼粉 ($46)呢個屬於小食涼盤之類，所以係凍上的，個汁其實係類似口水雞既汁，有少少酸味，但亦不失麻辣味。而佢啲涼粉就晶瑩剔透，但係同想像中有啲出入，因為佢原來係一啲都唔煙韌，一啲都唔似平時食開果啲粉皮，係一夾就會斷😂 但係鍾意食蒜蓉嘅朋友就應該鍾意呢一碟菜~~

湘菜及川菜分別佔了中國八大菜系中的其中兩席位，相信一定有其淵源及吸引力，雖然兩種菜系都是以辣為主味，但亦有著不同程度的區別。川菜起源於四川地區，以味道多廣濃厚見稱，著重麻辣鮮香，以煎炒炸爆溜煸造出五味調和，靈活多變的菜式，從而贏得一菜一格，百菜百味的稱譽。而湘菜則以湖南菜為代表，有著濃郁的山鄉風味，以煨燉臘蒸炒等烹調方法製作出各種酸辣香濃的佳餚，著重辣味豐富，突出菜肴本味而馳名。兩者均是善於利用不同的香料，做出味道獨特的辣味菜式，讓人又愛又恨，深深沉醉其中。數數手指，筆者這個好辣之徒已有一排沒有嚐過川菜的美味，最近來到灣仔的大有廣場，見到一間主打湘蜀菜式的小店，二話不說便進來吃個晚飯，以慰解一下吃辣之慾。小店裝潢以中國風為主調，天花的中式吊燈，伴隨著一列長長的水墨畫，還有周圍的中式木屏風和掛畫裝飾，古色古香，滿有中式鄉土懷舊風格。而最正的是連餐具也印上了中式的傳統面譜，大大隻字的寫著中國味道，老土得來卻又別具風格，讓人留下深刻的印象。翻開餐牌，內裡圖文並茂，紅噹噹充滿著不同的辣椒菜式，由涼菜到小炒，水煮到主食，點心到甜品，都有著不少的選擇，讓人眼花繚亂，選擇困難症瞬間發作，筆者思考良久