小王牛肉麵 (Closed)

屯門Vcity的餐廳常常出現很多人等位的情況，不想等位的我們，今次就選擇到小王牛肉麵進食。.「牛坑腩幼麵」$63🍽：湯底散發出陣陣藥膳味道，喝一口湯，味道剛好，但麵條及牛坑腩則很清淡，沒有什麼味道。.「三杯雞」$69🍽：下單後需等待十五分鐘左右，如果想加碗白飯要另加$16，當晚感覺不太餓，所以就沒有加到。當打開蓋時，熱辣辣，香氣飄出來，開初吃兩三件時，覺得惹味，雞件的數量都算多，雞皮有點炸過的感覺，脆脆的，挺香口，充滿香料味道。但當繼續吃的時候，就會發現很油膩，真的有很多油。

小王牛肉麵食過幾次，你知台灣嘅品牌，半斤半肉牛肉麵珍珠奶茶都係佢哋嘅signature，所以期望會比較高最近一次食覺得質素下降左啲面唔夠靱性，牛筋好多得一兩舊牛肉，珍珠奶茶質素同樣都下跌，唯一服務保持水準

V city 午市真係好full,一心想食牛角1:00要等10張枱放棄，最尾揀咗小王牛肉麵，等三張枱10分鐘左右啦算OK半斤半肉牛肉麵都OK份量都足夠配埋珍珠奶茶都算唔錯前菜啲青瓜還可以椒鹽豆腐食咗粒就冇食啦

星期日下午5點左右，等左15分鐘有位。環境雖不大，但座位舒適。今次叫台式炸醬麵、沙茶牛肉麵、手抓餅及炸雞扒。台式炸醬麵幼麵，配菜揀酸菜，青瓜送既。本來以為炸醬比較少應該無咩味，食落又好香。再問侍應拎辣油，加上辣油仲好食！加分！沙茶牛肉麵粗麵，配菜揀芫茜。牛肉好夠味，夠林。手抓餅一塊，有一隻碟咁大。好香牛油味，算係厚身。(圖係已食半塊)鹽酥雞扒必食！真係好酥脆！好有水準，每次黎都會叫！總括黎講好有水準，特別係雞扒，大力推介！值得一提，兩位女侍應都好有禮貌，加分。

食牛肉麵一定唔會錯過小王牛肉麵，真係食過難忘，牛肉麵夠正宗！😋😋湯底濃郁非常正！牛肉夠曬軟腍，而且好入味！食落口充滿牛肉香味！真係超級正呀！😍😍麵煮得啱啱好！對於我嚟講份量都好足呀！😉

V city呢間小王牛肉麵！真係無得輸！比起其他分店爭好遠！真係要讚一讚呢間嘅廚師手勢！而且珍珠奶茶亦都出色過其他分店！有茶味！曾經去過一間分店杯茶完全係垃圾！依家已經食咗10幾次有多！返工放假都去食！正正！

同朋友夾到時間食個tea，就試下呢間牛肉麵以外既野。叫左兩個tea set 厚西多士配鹽酥雞台式肉操炸豬扒飯每個set 包一杯珍珠奶茶全部野黎齊之後懷疑緊係咪叫錯左lunch set全部都咁大份既(個飯分左兩碗仔仲未分完，仲有一半係碟影唔到)先講鹽酥雞，咸度適中，酥炸度夠西多就正常水平肉燥豬扒就咬落有肉汁 ，外層就炸到有d香

行街行vcity經過呢間小王牛肉麵，之前開張個陣勁多人排隊食，咁岩經過竟然有下午茶套餐，仲要送珍珠奶茶，所以就試一試今次叫左個半筋半肉牛肉麵 $47本身自己都驚啲牛肉食完會痴牙，但呢個牛肉麵既牛肉食落去唔痴牙，仲要好淋牛筋都好淋，食落好章口，咁既價錢都好抵食

平時食開元朗同青衣分店都覺得好好食所以今次就想叫個外賣試下啦雞扒依舊好出色好入味 又香又脆但個滷肉飯啲肉個味同平時食開既差好遠啲肉又偏肥 唔太滿意飯既份量都相對於少整體黎講真係比其他分店差

我有幾次去到呢間野，食食下野，會有小強係我後面，並且，呢間等一碗面要等好耐囉，我本人認為呢間5係一間衛生良好的好餐廳，如果冇野食係V city ，除左呢間，一定5幫親😤😤😤

跟朋友行完山，坐車回到市區找吃的，看到這家台灣牛肉麵，在vcity內算是比較便宜的一家食店了。這次一行3人，每人叫了一份餐點再加小吃和台式飲品。我就叫了鹽酥雞排麵，雞排好大塊，也比較厚實，外面非常脆，內裡不會太乾，味道很好。而麵就選了粗麵，硬度為正常，湯底選了胡椒白湯，轉這個湯底要加錢的。麵條是扁而闊的，沒想像中粗，但比較q彈，不太吸湯。加錢換的湯底就有點普通，不夠濃，如果沒特別要求，不用加錢可以吃牛骨湯就好了。而同行的朋友叫了|牛筋牛肉面^和台式肉燥油炸大排飯，份量都多，味道挺好的。我們還額外點了一個高雄滷水拼盤，內裡有牛展,雞翼,雞蛋,猪耳,大腸,豆腐，味道還好，但偏好濃味的我就覺得還差一點，滷水味不夠濃~飲品方面我們叫了2杯香芋珍珠鮮奶茶和古祖冬瓜茶，珍珠很q彈，有水準，但3杯飲品都有同樣問題就是太甜了，明明叫了少糖，還是很甜很甜很甜！連平常我吃慣甜的也覺得太甜了，真的有點過份，不知道是不是店員忘記到少糖就是了...最後其實我們還叫了手抓餅，但店員漏單了，不過也吃飽了就沒有去追了，哈哈

衣間餐廳香港有幾間分店，今日一個人食就尼左試下衣度既台式野～餐牌都幾多選擇，除左牛肉麵，仲有飯同小食，如果多d人尼食可以叫多幾個小食share牛肉麵可以以選擇粗麵，幼麵或者轉飯都得，通常第一次試我都會揀半筋半肉，睇下佢邊樣做得出式d^_^麵我就揀左粗麵，覺得有咬口好食d牛肉同牛筋都煮得幾林，份量都ok，湯底睇落幾濃，牛肉味唔算好突出，有少少味精湯底feel,個麵好有質感幾好食，而且份量足夠仲叫左個茄子小食尼試，味道唔錯，但就略嫌份量太少

我從未試過嗌外賣，個份量好似小童咁。各位唔好嗌外賣呢間。又難食。不知所謂嘅份量, 肉都冇舊。等左成個鐘先到。下次唔會再嗌呢間。垃圾餐廳。其實真係仲有好多間選擇。切勿中伏。

最近武漢疫情都影響咗出街食飯意欲，去到V city食晏，間間都無人見到呢間小王牛肉麵幾開陽，員工又有戴口罩同手套🧤本身覺得$53一個牛肉麵好貴，但上菜之後覺得係超值牛骨湯底牛肉麵$53可以自選粗面還幼麵，高麗菜定小棠菜，要唔要葱、芫荽和酸菜，可以揀牛骨湯底， 或者胡椒湯底，可以揀麵嘅軟硬度胡椒湯底排骨麵$53牛骨湯底有啲似肉骨茶好特別胡椒湯底就冇乜特別，冇乜味幼麵好食過粗麵，粗麵好厚牛肉林咗啲，但係一碗份量有好多牛肉排骨好趣卜卜，好大塊，分量方面係好抵食有個男員工服務非常好，又細心，見到地下有少少污跡，驚冼到顧客立即抹咗之後有個姐姐返工喺餐廳當眾換制服同埋有啲女仔員工係咁講顧客是非就唔係咁好餐廳食物係非常好食，衛生都做得好好，有位顧客掉咗個口罩喺度，佢哋執完枱即刻消毒， 再換埋手套，抵讚

-咁岩想約朋友落屯門食個下午茶又想食下台灣野就揀咗小王牛肉麵我哋兩個不約而同地揀咗蚵仔大腸麵線.💫蚵仔大腸麵線 （$49）佢係幾多蚵仔既而且唔會太重海水味但佢好多芫荽麵線唔似我哋平時食果啲所以我對佢個麵線麻麻哋嘢飲都係一般般總括而言下次唔會再食———————————————————ღ 小王牛肉麵📍屯門Vcity 一樓