新斗記 (Closed)

是晚家庭聚餐，母親大人要求食她最愛的乳豬，講到乳豬，<新斗記>出名高質素，今晚就帶他們到銅鑼灣分店食米之連級數的脆皮乳豬~酒家位於假日酒店2樓，銅鑼灣a出口5分鐘腳程，位置好找~一般酒樓格局，寬敞舒適~服務亦很不錯~餐具雪白乾淨，印上傳統的公雞圖案~店員會奉上收費的花生蕎頭~鴻運即燒乳豬 $188期待已久的乳豬，果然沒令人失望，皮是脆得鬆化的，十分香口~吃完一片會想立刻吃第二片~肉質軟嫩入味~生炒上肉排 $98外皮薄身，炸得香脆，肉排淋身，啖啖肉~醬汁濃稠度剛好，每件肉都能掛上醬汁，酸酸甜甜好開胃~金瑤琵琶豆腐 $88很久沒吃這菜式就點了來試~中間的豆腐混合物非常嫩滑，外皮微脆，味道清清的，食落好舒服~特別想一讚，伴碟的青菜特別爽脆清甜~碧綠川椒雞 $98微辣的雞塊香口惹味，伴碟的炸珍珠菜亦是川椒雞不可或缺的重點，喜歡她的憂香味道~椒鹽魷魚 $118原來今晚點的菜色大部份都是炸的~椒鹽魷魚，肉身軟嫩，吃落不會乾身，我自己好喜歡，家人卻覺得應該要乾身才好吃~最後是奉送的糖水，有紅豆沙和木瓜雪耳，我們選了各二，木瓜雪耳很滋潤，剛吃了炸物可滋潤一下呢~

有時在銅鑼灣找午餐，真不是一件易事，選擇太多，質素參差，今天朋友帶我到新斗記，這家餐廳開了很長時間，也有很多分店，但我都沒有去過一坐下，我朋友就說這裡的乳豬是必試的，我們就點了一份乳豬，來的時候賣相實在一般，放得很整齊，但不吸引，但一夾上去就發現這裡的刀工很好，皮和肉分開得平均，皮只有少量脂肪，而且是很脆，很脆，很脆，乳豬做到這種脆是不容忽視的，當然肉的味道也很重要，有時肉會過咸，但這塊乳豬肉不單止肥瘦適中，而且肉質和肉味也沒有過份咸三個人吃很飽飽也是只四百多，而且質素很好，很值得

同行朋友們說來到新斗記，必點其金牌即燒乳豬 。有四種仈才量可供選擇：例牌$148； 1/4隻$188；半隻$358；一隻$698。我們點的是例牌乳豬，乳豬皮非常脆，果然名不虛傳。皮下連著一點肥膏，達到脆口甘香的效果。六件脆豬脆皮覆蓋著下面的乳豬肉，味帶鹹香，有肉汁。碧綠蝦籽柚皮 $98另一招牌菜，柚皮無苦澀味，入口軟綿鬆化，可感到柚皮一絲絲的纖維，值得一讚的是沒有渣。柚皮面層還鋪上鮮香蝦籽，很有懷舊菜的滋味。豬潤浸枸杞 $98補血的豬潤切得厚度適中，而枸杞葉滑菜味濃，帶少許澀味。碟內還有些草菇和蒜頭，令味道更豐富。最後還點了半份荷葉飯份量頗多的，而且還有不少大蝦呢。

到左十月份都仲有風打，是日本來約左朋友食西餐，但因為颱風來襲，餐廳未有營業，其實打風通常都係幫襯連鎖野，又或者係酒樓，多數都有營業。同朋友黎到銅鑼灣嘅新斗記，喺酒店2樓，位置闊落，雖然係打風天，都依然有唔少客人，既有家庭，亦有啲係兩小口食晚飯。咁我地今晚人少少，叫左幾款小菜試下首先係老火例湯，是日例湯係菜乾煲豬肺、豬肉，湯底完全唔油膩，冇乜味精感，啖湯都特別清甜，有潤肺之效。大概分到5碗，一人一碗多啲招牌乳豬：都係新斗記嘅招牌，豬皮好脆，而且去掉多餘嘅肥肉，基本上係呢度必點蔥油雞/半隻：雞肉唔算好嫩滑，但雞隻味道都好有鮮味，唔會好似啲雪藏雞咁。啫啫生菜：生菜略為失色，唔係好夠惹味。粟米班塊：班塊8件，另上一碗粟米汁。用上班塊魚肉，加薄薄炸漿炸，類似黃金炸豆腐果層皮咁，食落仲係好軟熟，唔會有一層好硬嘅脆皮。配埋粟米汁，甜甜地，很好下飯生炒上肉排：外皮咬落好脆口，甜酸度適中，現炸，肉唔韌唔老椒鹽鮮魷：份量比較少，唔係好夠鍋氣。臨尾仲送左幾碗湯水 - 紅豆沙俾我地，好貼心。因為天氣涼涼地，都幾暖胃。

以往都食過新斗記好幾次，之前都係去開佐敦店，一向都覺得佢地嘅乳豬好食，其他小炒亦都有保證，基本上冇失望。週日約左朋友食飯，亦都選定新斗記，事緣佢即將離職，我地約佢食個飯，由於佢住喺港島區，所以我地都選擇喺銅鑼灣嘅分店用膳。銅鑼灣店位於智選假日酒店，平時都好少喺時代廣場出口出，想唔到呢個出口距離地面咁遠，都行到我一身汗，而且是日落住微雨兼刮風，有多少狼狽相。環境方面，呢間分店都幾闊落，一般酒樓格局，乾淨企理。餐牌供應多款小炒，招牌乳豬、燒鵝等燒味，小食、鮑參官燕、湯羹、海鮮、小炒、粉麵飯類，定價中上。晚市供應不少優惠孖寶，半席/一席菜式。本來一大班人，但有朋友臨時有事，所以我地只係點左幾款小炒，大部分都係「廚師推介」，味道整體依然有水準，我地同朋友都很滿意即燒乳豬 $188記得喺度食過即燒乳豬都係七百蚊唔洗，真係好好食架，今次人少，只可以點到細份量。豬皮燒得脆口，而且中間嘅肥膏已經起左，豬肉嫩滑，又有肉地，如果鐘意偏肥嘅乳豬就未必鐘意喇，但我鐘意瘦瘦地唔太肥的原本仲想試下煎大海蝦，見$48隻，價錢都ok，不過當日未有供應，比較可惜；咁係，世事哪有咁完美，就係留有少少遺憾，先教人印象深刻，

公司的event終於大功告成，完滿結束，我們四個搞手當晚就來一個慶功宴，我一早在新斗記訂好位！地方很大，座位舒適！菜式選擇很多！今次交給我發辦！我就來個雞、牛、豬、魚全餐吧！乳豬是這裡的得獎招牌菜，既然是必點，一定要試試！乳豬皮薄薄的，非常鬆脆，一咬就發出清脆的卜卜聲，乳豬肉嫩滑無比，沒有半點油膩感，因為脂肪已去，果然是招牌菜！椒鹽豆腐粒這個是小食，切丁的豆腐，炸得香脆，好香口！粟米大魚塊這道菜很多地方都有，不過這裡的我特別喜歡，大件不油膩，粟米汁和炸魚塊分開，不怕炸魚塊變稔稔，吃的時候才沾粟米汁！炸魚塊炸得香脆，魚肉嫩滑，好吃！碧綠蝦籽柚皮我第一次吃蝦籽柚皮，蝦籽佈滿柚皮，柚皮軟綿綿，完全沒有澀味，柚皮吸滿鮑汁，好吃！這道菜是花很多功夫的！金牌炸子雞半隻雞肉嫩，皮脆！黑椒牛仔骨煲熱辣辣，香噴噴，黑椒醬汁非常惹味，牛仔骨不鞋，洋蔥好甜！幸好這晚有訂位，全場爆滿，可見小菜真是不錯，下次要再來！

已經好多年冇去過新斗記食飯，原來幾年間新斗記開咗唔少分店。以前中秋節總會返夫家或娘家做節，今年兩家都提早做節，變相正日冇飯局。既然與老公二人都冇提早放工，又唔想大時大節放工仲要返屋企煮飯，就相約喺銅鑼灣食埋飯去維園睇綵燈晚會。上網搵銅鑼灣中式飯店，原來喺時代廣場後的智選假日酒店有新斗記分店。雖然冇訂位，不過喺中秋節想食中餐，就搭電梯上去碰碰運氣。電梯門一打開，睇見全場滿座，好多一家大細老幼，但唔見有人等位，即管問一問有冇兩位。幸好雖然即時冇位，知客叫我地稍等，應該可以安排到。等位期間，望到訂位名單，原來之後仲有十幾枱客會到，我地只好耐心等候。中秋節晚全場滿座，侍應忙得應接不暇，不過佢地都好有禮貌，說話好客氣，非常難得。等咗大概二十分鐘，終於有枱俾我地。咁耐冇食過新斗記，好想食番以前食過嘅招牌菜，餐牌都冇點睇就叫菜。糖心皮蛋酸薑糖心皮蛋就好似流心雞蛋一樣，蛋黃味道香濃槳口，蛋白亦亳無灰味。酸薑染成粉紅色，味道外觀都似日式酸薑，微甜少辣。招牌即燒乳豬嚟到新斗記必叫招牌即燒乳豬，兩人只叫上最少份量。乳豬皮肉分開，乳豬皮輕薄鬆脆，肥膏去盡，猶如食薯片一樣。乳豬肉微暖嫩滑，沒有一般的過鹹缺點，並

中秋節約了位於銅鑼灣Holiday Inn Hotel 二樓的新斗記與家人做節。到達門前人山人海，幸好預先訂了位，等了十分鐘左右就有位了。縱使人多又忙碌，職員仍保持到禮貌，不過旺場時間會有甩碌，但是體諒的。$10/茗茶 花生$5/位 這裡最出名的就是乳豬，點了半隻（$358）師傅細膩的刀功巧妙的把乳豬皮和乳豬肉分開，特顯乳豬皮如薯片般的薄和酥脆，更易於入口，而且一點不油膩，味道口感一流，驚喜十足。金瑤琵琶豆腐 $88豆腐拌有獻汁菜心和瑤柱。豆腐鬆軟入味，當中混有冬菇粒更添口感。唯菜心有點硬，老人家吃得較吃力。蝦子柚皮伴鵝掌 $168鵝掌彼大隻有肉，而且夠入味，喜歡吃鵝掌等朋友不要錯過！柚皮厚而燉得夠軟稔入味，而且蝦籽很提味。這道菜很難在一般中菜館吃到，這裡又弄得很美味，值得一試。梅子子薑蒸魚雲 $128魚雲配有酸酸甜甜的梅子醬汁十分惹味開胃，魚雲份量很多，佈滿整整一隻大碟。魚雲肉多又厚，魚肉又嫩滑，配上紫薑更添惹味！看看餐牌沒有甜品，原來餐廳有糖水贈送，今晚有陳皮蓮子紅豆沙，起沙的，好吃！

親戚飯聚選擇了這間新斗記，在時代廣場旁邊的假日酒店上地點方便又大體，而且價錢很合理，怪不得人頭湧湧。乳豬（例牌$144，1/4隻$188，半隻$358，全隻$698），我們點了半隻，即叫即燒的功夫很好，燒得平均又香脆，皮夠薄而且脂肪很少更開胃，豬肉又滑又入味，蘸上燒汁生醬更惹味。椒鹽白飯魚 $98白飯魚大條得像薯條，金黃薄脆很香口，蘸上喼汁更添惹味。啫啫鮮潤滑雞煲 $98豬潤雞煲夠鑊氣，但豬潤得三片較少，雞肉亦不嫩，只有冬菇入味而不咸。金牌拆肉泥鯭粥 $128粥底很綿，配有香蔥和蒜蓉，粥中有已拆散的泥鯭魚肉，所以粥很鮮甜並帶胡椒香，大約分到5碗。啫啫雜菜煲 $78菜煲的煲很大令雜菜的份量顯得很少，但菜夠嫩且炒得很有蒜香味。最後仲有紅豆沙贈送，很足料有蓮子和陳皮，滿足。

很少来很香港的地方吃饭，一进门就有一种吃早茶的感觉，连忙跟朋友感慨好香港#烤乳猪# 早就惦记他家的烤乳猪！因为两个人吃，点了一例，推荐三个人点一例，吃到最后有些腻#栗米班块# 朋友推荐地道传统菜，感觉香港人很喜欢油腻的菜，很喜欢吃炸食。说是栗米，其实不在菜里，是旁边的玉米汁，蘸着鱼块吃，里边有的有刺，吃时注意，总体很新鲜，值得尝试#豆腐# 服务员搞错了，上了一种错的豆腐，又忘记了名字。。总之我不喜欢，而且因为点的都是炸食，有些腻

一如往常與家人飲茶，被編到小房，飲到一半二點半，一堆侍應無端端坐隔離張枱播片，嘈到根本不能聊天，食物還剩一半，待應大聲的收碗碟（得一張枱要執，但阿姐見我地唔明佢的逐客令竟然重覆掟d碟），我尷尬的問一下係咪要交枱（因為帶位的叫我地慢慢坐到三點半），待應竟然喝我話：'我地要瞓覺架'，我真係呆左，媽咪亦好尷尬此時前枱clarify可以坐到三點半，但一班師傅馬上開曬喇叭，待應張個盤大力擺在張枱，get 到，唯有留低半枱食物離座師傅的食物用心，但服務如此太浪費了，提前一個鐘頭交枱的規定恕我見識少第一次知，但至少可以不用掟碟同鬧我的家人，唔係專業d嗎？

以前都食過銅鑼灣新斗記好多次，覺得價錢及味道唔錯，又有懷舊點心。但今天去食午餐真的完全絕望！首先，我們先點點心再后加一個炆米，同個女侍應講，佢無反應，等佢加完水返來再問一下，佢答: 『落左單就落左你等下』，咩態度！之后見佢完全無CHECK單只係執餐具。結果忍唔住再同個西裝男講先落到單。跟住上左㰖菜肉鬆四季豆，全枱人都O左咀，細到嚇死人，共15小段四季豆，起碼7條燶！我地叫左個西裝男1號來問，佢話我地不樓都係咁「大」碟 ，係咁架！！！！之后再來XO醬炒腸粉，比以前小咗一半，我地叫左個西裝男2號過來，佢話因為煤氣爐剛開，我地聽到R晒頭，咁的大話都講得出！難道用煤氣爐煮腸粉會蒸發晒？隔左陣有個疑似部長的男人過來想了解返四季豆個度，佢話個SIZE一直都係咁多，佢會送返糖水比我地，送糖水唔係大晒我地無要，不過佢的態度係OK有誠意D，比起佢其他同事。好啦，到我最愛的馬拉糕，竟然完全唔同味，晴天霹靂！鮮蝦腸粉皮又韌又硬又厚!!!   想點呀！我的決定左以后唔會再來！

最愛爸爸生日晚飯，揀選了這家餐廳，大家都是港島人，銅鑼灣可說是港島中心，而且交通便利，大家食散水歸家也方便。最愛這裡的豉油王炒麵，可惜廚師過火了，有一點點燶味，但還可放入口，所以沒有退回。 生日飯，當然要咗隻乳豬，外皮脆卜卜，夠曬熱氣夠曬火候，豬頭也被打包歸家。今晚無叫雞，因為叫咗鵝，隻鵝唔夠肥美，啱曬我哋D走肥膏人士。食下食下，已經食咗10碟餸了 ... ... 既然食咗咁多，唔爭在叫埋糖水、糕點！結果充滿罪惡離開，仲有少少相行返屋企，取代搭車添。

今年最為開心興奮暢懷的喜宴特別多，我們全家又可共聚一堂，暢談舊事，古今中外，互相問暖寒暄，細妹一家由澳洲回來探望老媽子，而小兒又從台灣回來，真是有種開心暢快幸福的感覺，最心滿意足的心情，同時又可食到香港特色的粵菜，有乳豬，燒鵝，素食，咕嚕肉，班塊及各種美味小菜，而新斗記酒家裝潢不錯，地方企理，而不廹窄，衛生乾淨，侍應生到位，但不懂變通，成圍菜價都要三千六百元，要求送飯後甜品或糖水都不肯，有些那個，令客人不快之感！金牌乳豬不可缺少的菜餚，皮薄肉脆，燒香焦脆，鹹味肉汁可口，一咬落就味道濃烈，優質乳豬，非常十分香脆，再為鮮美味蕾！鎮店之菜式，必吃的秘制燒鵝，其特制秘醬而成有很香氣肉質鮮美的口感，熱呼呼的邪惡香味，肉嫩香味而爽滑質感，真是一吃再吃的細嚐滋味的鵝肉，值得再品嚐！即炸紫蘇葉豬肉片，其味無窮，非常有特色的菜式，有種溫暖而飽滿之感覺，味道可口而不油膩，一吃難忘，清香怡人，配搭互相輝映！川椒骨排肉-充滿火辣川椒味濃辛辣味道，有辣，有鹹，有椒味，加上蔥，蒜蓉和醃制肉排而令人濃郁肉味，非常喉嚨溶化在口腔内，要飲酒加強食物味道，是個重口味道的菜餚！普通的一碟豆腐素菜式，味道一般，算是爽口柔軟，

我都算是新斗記常客，很喜歡這裡的食物，但對這裡的服務態度真的是不敢恭維。服務人員數量不足、態度惡劣、漏單嚴重。我一來就叫了燒豬，等了一個小時才發現漏單。仲要叫好耐先有人理... 太差勁了！我今天午飯叫了燒豬、泥鯭粥、點心等。燒豬質量OK啦，有的油同唔夠熱。粥就做得很好。點心OK。