Video
Exit B, Kowloon Bay MTR Station
continue reading
Opening Hours
Mon - Sun
11:00 - 22:30
Above information is for reference only. Please check details with the restaurant.
小隱世台灣野食餐廳有小小fusion既，而且餐廳既裝修都好舒服🤗💁🏽♀️士林炸雞 HKD68炸雞不錯吃呀，而且仲有配奶酪蜂蜜薯片，份量都幾夠啦，最正既都係有6款醬揀，今次就揀左蒜香沙拉醬，非常好食😛蒜香係黑蒜香味，加埋炸雞果種香氣更重👍🏿💁🏽♀️鐵板芝士燒牛肋骨 HKD128芝士份量好夠呀，而且仲可以拉絲拉到尼個效果好誇張，不過好似好熟好固體咁，牛肋骨就好淋，係五成熟既程度，唔洗話好用力咁扯尼食🤤同埋仲有送薄餅可以就咁加埋d芝士食，最搞笑係成日一扯起塊薄餅就爛左😂整體尼講食物都幾有質素，而且仲好有個2人餐有4款野食揀都只係228蚊咋，真係超抵食😛不過真係好飽好飽好飽，抵食之選🤩
continue reading
和朋友慶祝生日揀選了這間環境不錯的餐廳而且店名很吸引呢！整體而言，味道好吃！服務不錯，值得推介！但座位距離近，有點迫！而且不近地鐵站，行去九龍灣站要十至十五分鐘！
continue reading
上open rice咁多年 就算有難食嘅野 都覺得接受到因爲我相信一分錢一分貨呢個道理⋯ 但今次真係忍吾到😧叫左紅燒排骨麵 佢話冇排骨 轉左牛肉⋯⋯一試⋯⋯⋯⋯⋯ 😧 嘩! 似係港式牛腩河， 不過係冇味超級淡嘅牛腩河⋯ 個湯底我形容為有少少味嘅湯水😓炸雞⋯ 冇乜特別，豪大大仲好食⋯個薯片 百街買一筒倒啲落去👍🏼呢個還好， 珍珠奶茶 冇乜特別， 係珍珠硬左啲⋯總括黎講，我以後睇open rice 會睇劣評⋯⋯ 呢間野咁多好評 究竟點黎？
continue reading
不停被熊大投訴最近9篇食評都無熊大份，乍哂型喇！係咪以為熊大消失左呢？熊妹唔係無同熊大飲飲食食，係熊大無帶熊妹去食好西姐。所以今日由熊妹發板食熊妹想食的，今鋪實有熊大份喇！食啲另類少少的fusion 台灣🇹🇼韓國🇰🇷菜。《XOXO Cafe Lab》2015年開，開張時曾風靡一時，當時人頭湧湧都掀起一時熱潮，所以熊妹都一直都想去試下架。今日拉熊大去一齊試試喇。七點去到，仲有好多張枱，不過有啲掛住「留座」牌的。熊大熊妹被安排到一張二人枱坐下。都幾多款美食喎，韓國菜🇰🇷有鐵板芝士燒，年糕，蛋餅，比薩；台灣菜🇹🇼紅燒牛肉麵，饀餅，雪花冰，珍珠奶茶。仲有個呢度的招牌菜泡泡鍋飯。咁多款揀，選擇困難症的熊妹樣樣都想試啲，決定揀二人餐，咩都有啲。二人餐都幾抵架，$228，有四款食物，ABCD入面各揀一款，有泡泡飯有小食有鐵板芝士燒，仲包餐飲，真係咩都可以試勻哂。上菜次序好得意，由後居上。先上了BD款小食，B款熊妹點了七味燒燒魷魚筒🦑，D款選了墨西哥芒果雞肉沙律卷🌯，可能份量不多，所以一併上。燒魷魚筒比想像中細件，一啲都唔覺有燒烤過的味道，似係白恰再灑上七味粉，點會咁架？雞肉卷就正常味道，薄餅包起幾粒雞肉，芒果，沙律醬，係正常少少囉。跟住再上的係B款，熊大揀了鐵板芝士牛仔骨燒🥘。又係比想像中有點距離，鐵板好細，🐮牛仔骨都唔少，雖然係鐵板燒著一層芝士層，但可能鐵板唔夠熱，啲芝士根本好快就凍左變成一餅餅芝士，完全做唔到半溶芝士撈牛仔骨的鐵板芝士燒味道，芝士餅還芝士餅食，牛仔骨還牛仔骨食，咁的食法有點架硬黎。牛仔骨味道還不錯的，唔算太韌。最後先黎主食A款熊大選了招牌菜泡泡炮菜海鮮焗飯。嘩，呢個飯真係令熊大熊妹大開眼界！先講泡泡☁️，其實係焗蛋白，得閒無事聊聊會整下蛋糕的熊妹知道，蛋白打發起定型可以發到好高，好似白色泡泡咁，應該係因而定名泡泡鍋飯，都係噱頭野姐。講返味道，蛋白泡泡完全無味的，蛋糕熊妹知道蛋白本身係無味的，要打發蛋白整蛋榚係要加點白沙糖，容易打發氣泡之餘，可以為蛋白帶點甜味。所以打發蛋白係一定要加點調味，否則一點味道都沒有，唔知食緊乜。其實呢個蛋白泡泡上有撒上一點類似炮菜粉，但味道非常怪，跟蛋白一點都唔夾，熊妹向來就算幾飽幾難食都唔會食剩食物，但今次真係食極都食唔落肚，最後熊大熊妹都放棄左呢推白色泡沫。而入面的炮菜海鮮飯好橙色，但一條炮菜都唔見，海鮮黎講就係幾粒蝦仔🦐，仲有咩海鮮？熊妹真係睇唔到喇。總之呢個飯熊大熊妹真係唔識欣賞喇。總括黎講，呢間fusion菜真係食唔出箇中真諦，可能係熊妹唔識叫菜喇，可能泡泡咖哩牛肉粒鍋飯，韓式炸雞拼鹽吊豆腐，鐵板芝士豬肋骨會好食啲喇，但熊妹好肯定的係，熊妹食的呢幾味都唔好吃。話哂都熊妹要熊大黎陪試，一熊做事一熊當，熊妹逞英由熊妹俾喇。
continue reading
可能因為分店位置比較小人去 所以依間分店好小人 星期六夜晚去食都唔多人 基本上唔使等即入座食物價錢方面都唔算太貴 食物質素同價錢都成正比 我叫左個鐵板芝士燒豬肋骨 同埋鐵板豚肉芝士拉麵 芝士可以拉到絲 鐘意芝士既會好開心 味道都唔錯 芝士控可以去試下 因為得兩個人食既關係 我地淨係叫左兩樣 見到其他人叫既飯同飲品都好似幾吸引 下次會再去試其他菜色 另外係服務方面 員工們好有禮貌 上菜速度都好快 成餐飯都食得好開心好滿足 環境都好好 值得一去
continue reading