迎東壹號茶餐廳

Open Now

Now Closed

多年幫襯迎東邨嘅迎東一號。近月於多次打電話自取外賣回家後，發現星洲炒米得黃色炒米，無乜料，只得少少碎喺面。再次order時反映意見，電話中嘅大嬸話得得得，會同厨房反映。點知今次返來只剩半盒飯，再打電話去反映。個大嬸大大聲聲話:「你要料吖嘛，我哋咪比半盒飯你囉!無問題咖!」收我線!多次再打仍多次收我線。我在此呼籲大家，勿再幫襯迎東一號，讓呢間劣質店沒生意，没生存空間，自然執笠!我比機會佢改好，重比生意佢做，佢夠膽懲罰我呢個多年幫襯嘅客人。*湯從來只得半碗我都算喇!

11月22日早上10:45分我打電話叫咗個早餐通份，同佢講幫忙落少少胡椒粉，但佢即係話唔會落，重話以往一直有應電話我落胡椒粉嘅，但一直都係無落過嘅。佢重話咁麻煩同事係要係隔籬枱攞嚟落係唔會咁樣做嘅，我明白嘅人哋就快飯市可能好忙嘅，話咁我自己落嚟拆袋落啦我跟手落到佢俾錢攞外賣時發現，有四個侍應得閒到圍住一齊吹水，包括聽電話個四眼女人。即時感覺火滾。原來真係咁忙吹水唔得閒。

外賣叫的是留心蛋，給我炒蛋？完全都唔同？這怎麼吃，之前都試過唔岩，可以留心小小嗎睇清楚張單啦，包外賣有冇人對下張單，對張單兩秒都搞定啦，花小小時間睇下就唔會有呢啲情況出現啦

今天到了東涌迎東邨用餐，迎東的餐廳選擇不多，我們來了迎東壹號。我們點了一個常餐，選擇了沙嗲牛肉米粉、火腿奄列、蒜香多士和熱杏霜。份量剛好，味道不過不失，沒有特別出色，亦不會難吃。奄列的雞蛋煎得太久有點老，烹煮時間可以掌握得更好。多士不夠脆，可以再焗久一點。另外，亦叫了黑椒牛肉公仔麵，炒麵有鍋氣，味道合適，不會過鹹或過淡，很有黑椒味，亦不會太油膩或太乾。整體而言，這間茶餐廳的食物不過不失，如果沒有頭緒想吃什麼，間中可以幫襯一下。

一嚟到見到個份量真係嚇親，午餐甘大份量 一盒都2人分量點食得晒😂😂 性價比高，食量大嘅人好推薦呢間餐廳，一定夠飽1️⃣魚香茄子炆米（$55）好大份量 但味道小失望， 好似茄子同茄子，麵同麵分開咁 但有鑊氣👍🏻見到茄子有啲焦香 好似未泡油 不太油膩 略嫌魚香唔夠調味 但芽菜好多爽脆 食得好開心2️⃣沙嗲牛肉河（$59）本身以為係乾炒河，一打開原來係濕炒..但牛肉片份量多大塊，沙嗲味重啲會更好食。配菜方面有菠蘿真係小奇怪，而河粉都斷開晒，碎碎的😕

黎到迎東村搵朋友玩，到左三點三下午茶時間，落左去樓下搵間茶記食個下午茶❤️。有兩大心水餐廳🍴，「意樂」或「迎東壹號」，「意樂」主打公仔面🍜茶餐，而「迎東壹號」款式多好多，有即叫即製炒粉麵，菠蘿油、沙灘、炸雞翼等。所以一試「迎東壹號」。下午茶供應時間為下午14:00-18:00，價位由20-40元不等。有中式炒粉麵又有雞翼薯條🍟豬排包等等。下午茶餐均配一杯飲品，凍飲🥤及汽水🥤另加三元。XO 醬炒腸粉（HKD 29):XO醬香味濃，有大量蝦米🦐同辣椒🌶️，好惹味，略嫌腸粉好焾身，如煎得脆身會再比較好食，而生抽落得重手左，比較偏咸，但好夠鑊氣。有毫不吝嗇的芽菜係底，整體不錯。雞中翼沙律🥗（HKD 32):只有3隻雞中翼提供，新鮮熱辣，炸粉不厚，但雞翼無咩味道，好似無醃製過咁😅沙灘就是走懷舊風，用上罐頭🥫雜果同沙律醬混合，不過不失。紅豆冰是誠意之作，軟糯紅豆好焾身，不會太甜，甜度適中，同椰漿永遠都是PERFECT MATCH，仲加埋一堆忌廉係表面❤️凍朱古力🍫就好一般，朱古力粉味溶曬，飲到底部會苦苦地既可可粉。總結：勝在多款式 價錢公價炒粉腸粉好夠鑊氣

東涌唔知點解好難搵食... 選擇冇咩之餘，地鐵站附近嘅食肆味道普通之餘，好多價錢都有啲離地... 好開心上個月發現迎東呢間茶餐廳，下午茶價錢非常合理，味道亦相當唔錯~ 今次再黎試試晚飯小菜，兩個人嗌左碟剩係聽個名已經好吸引嘅菠蘿拔絲咕嚕肉 (HK$ 78) 同埋海味雜菜煲 (HK$ 68)~ 因為飯同例湯係要另外叫嘅關係，雖然同出面嘅茶記比起黎係貴左幾蚊，但係味道同埋份量實在物超所值！咕嚕肉新鮮炸起非常爽身，唔似出面嘅又乾又硬... 仲有新鮮菠蘿連殼伴碟！海味雜菜煲亦係大沙煲份量，用左大大隻蝦乾配埋上湯真材實料！晚飯惠顧好似仲有綠豆沙糖水送，屋村良心小店一定要多多支持！！

中午同老公二人到迎東邨食飯，大約1:30左右，唔使排隊，兩個人坐一張八人大枱，枱面有茶水可以自己倒。睇睇餐牌後，好快就落order，差不多5分鐘後就有嘢食，效率快！因為我要減肥，所以叫咗碟素嘅，叫咗紅燒豆腐飯，好好味，份量亦都好足夠，除咗豆腐，有菇同埋菜心，汁好夠，成碟野非常滿意好好食。至於老公叫咗一碟XO醬海鮮炒烏冬，上嘅時候都係熱辣辣，味道好份量夠，有青口、魷魚、蟹柳、芽菜。總括而言，呢間茶餐廳食品味道同服務質素好，不過留意價錢，中午食就平好多，夜晚嚟就會貴少少。

見送完阿女返學，忍唔住自己去嘆番個早餐～而家普遍早餐都3，4十蚊，都慣了，而迎東一號個麵底並不是出前一丁，但沙爹做得不錯，味幾好，有得揀蒜多或油多，都唔錯啦～同埋佢都幾多早餐選擇～服務落單送餐快速同埋佢有無糖可樂果下好，唔係間間食肆有，加3蚊都畀啦～

住咗東涌咁耐，到我搬走先至開一間正常嘅茶餐廳。黎食咗幾次，我覺得食物都幾好，有鑊氣同埋有質素，最緊要即點即煮。新年冇得點炒粉麵，所以點了一個咕嚕肉拼蝦多士同埋蝦醬炒芥蘭。蝦醬芥蘭炒通菜：雖然好重蝦味，不過太油啦！菠蘿咕嚕肉：炸得好香口，菠蘿都係新鮮菠蘿，不是罐頭菠蘿，但豬肉太肥。蝦多士 ：係蝦滑放上麵包上炸，都幾好味、幾特別。可能新年關係，每位都有綠豆沙送。但係綠豆沙好淡，我見好多人食咗兩啖就無食。