Video
Telephone
26520333
Introduction
Yakiniku Guu serves Saga Wagyu directly imported from farms in Saga Prefecture, Kyushu and offers unlimited servings of meat and seafood, allowing you to savor the flavors for 100 minutes. With more than 140 items on the menu to try, your tongue can sing and dance.
continue reading
Opening Hours
Today
11:30 - 23:00
Mon - Sun
11:30 - 23:00
*Last order: 22:30
Above information is for reference only. Please check details with the restaurant.
About Reward Scheme
無論係「食肉獸」定「酒鬼」，嚟燒肉谷都可以滿足你！今日嚟到佐賀燒肉谷銅鑼灣分店，晚上6:30未算人多，一到7:00客人開始陸續入座，餐廳整體感覺寬敞又舒適，即使滿坐都唔會覺得焗促。除咗QR Code落單，近門口仲有自助小食區、飲品櫃、甜品區，選擇非常多。今次我地叫咗Lv. 3套餐，套餐會贈送天梯形狀頭盤，外觀非常吸引，一個頭盤就可以享受唔同部位嘅牛肉（男朋友覺得澳洲和牛－上級牛胸肉好好食）！而且仲可以任飲日本清酒同SAPPORO生啤（啱哂我）！不過最最最正都係燒白鱔（每位兩片），外皮燒到卜卜脆，配鰻魚汁或者檸檬鹽醬都好好味。特別推薦：🥩煙燻壺漬封門柳作為招牌之一嘅壺漬封門柳，牛肉味極為濃郁，有獨特嘅煙燻香氣，肉質嫩滑得嚟有少少嚼口，就算唔點燒肉汁塊肉自身都好夠味！🦪海鮮海鮮種類超級多，有生蠔、鮑魚、海螺、大海老、仲有原條魷魚筒！全部都大大隻冇欺場。我就特別鐘意食大海老，先唔講隻隻蝦都同我手掌一樣大，淨係講啲蝦穀好易剝，蝦肉更唔係霉髧墮已經好過好多地方。🐑羊有超多款羊肉揀，可惜當日羊小腸串同羊黑毛肚串冇哂，所以我地淨係叫咗香草羊架同孜然羊肉串，我個人更喜歡羊架大大舊肉咁咬，肉嘅旁邊仲有少少肥膏，相對嚟講仲冇羊肉串咁羶。🐟吉列多春魚其實我真係超鐘意食多春魚，平時食放題我自己一個都要食八條，不過慢慢燒都幾哂時間，所以我一見到呢個吉列多春魚，即刻有得食仲要香脆熱辣辣，我即時再落多六條，一啖清酒一口多春魚。🥣黑魚片湯冬天最啱飲碗湯暖暖胃，呢碗黑魚片湯味道都幾特別，有少許鮮味，係燒完重口味嘅肉類後，一個非常好嘅清新選擇。（煙三文魚豆腐都唔錯）小總結：店員服務態度超好，上菜速度都好快，個頭係手機QR Code落單，五分鐘都唔洗食物就到了。整體食材質素高選擇又多，今次真係食得開心又滿足！
continue reading
一早已經知道希慎做咗大翻新，多咗好多餐廳，但係就一路都冇乜機會去睇吓。今日約咗朋友喺銅鑼灣食飯，唔係好諗到食咩，於是就去咗希慎搵咗間任食燒肉嘅舖頭。今次揀咗佢LV 4既套餐，超多食物可以選擇，包括唔同部份嘅和牛、魚、蝦、鰻魚、雞肉、豚肉、羊架、日式甜品包括銅鑼燒、鯛魚燒、大福等等，總有一款係啱食。佢嘅和牛每一個部分都幾乎入口即溶，而且層次分明，不過就食唔到太多，因為會好漏。而佢海鮮嘅選擇都好多，最出色係佢嘅清酒煮蜆，蜆肉好甜同埋好有咬口。甜品方面亦都好驚喜，除咗可以用手機落單之外，出面都有好多多種日式甜品可以選擇，銅鑼燒同鯛魚燒更加可以放落去個爐度烤熱佢，熱辣辣咁好似新鮮出爐。
continue reading
食物質素好！野食都好多選擇。今次叫level 4，和牛香味同油脂分布都幾好。Especially 牛三角，食落口有回香。仲要侍應姐姐服務好好👍會幫手燒埋！環境舒服，座位又好坐。
continue reading
今日同老公行希慎廣場無意中發現一間佐賀日式燒肉店，店舖牛肉種類多，好味！價錢合理！服務態度非常好，環境乾淨企理衛生！日式燒肉尚來講算唔錯！下次有時間會再介紹給朋友及家人
continue reading
朋友生日食飯，本身諗食咩好見好耐無食過烤肉就試下希慎14樓呢間燒肉谷6點入座都仲未開始有太多人樓面見我地早到安排左個樓景卡位頭盤送個牛肋肉，有專人帶你燒一次先個味幾好甜甜地醬汁方面有幾款燒肉醬，鹽醬，辣醬，泰式海鮮醬，鰻魚汁等等鰻魚大舊啖啖肉唔差A4和牛香到爆2人埋單1314
continue reading