燒肉ONE

Open Now

Now Closed

今日過港島行街，經過見到呢間餐廳好似好正，咁一人一個爐❤️😍一人燒肉再見到佢寫全日免加一，而且價錢都唔算貴，就即刻入咗去日本宮崎A4和牛牛肩胛套餐+紫菜飯+麵豉湯+雪糕A4和牛牛肩胛一上枱已經見到油脂均勻，肉色粉嫩😍 燒完之後，食落口唔係講笑好軟入口即溶 😱對得住個價錢，又唔會太膩❤️❤️❤️另外餐廳好細心有一個調味架起碼有10種或以上嘅醬汁，或者普通胡椒和柚子鹽 我自己就用咗啲柚子鹽同埋一個蒜香燒肉汁！佢嗰度寫明係適合食和牛嘅時候點❤️真係幾match 日本壽喜燒鍋配美國牛胸腹套餐美國牛胸腹雖然冇和牛咁好食，但係都幾有牛味壽喜燒嘅味道一開頭落牛肉或者娃娃菜味道又唔算好甜，去到落烏冬嘅時候吸晒壽喜燒嘅甜味 幾適合鍾意壽喜燒嘅人 ，另外佢個竹輪原來裏面係爆漿芝士 🤣🤣👍🏻 芝士味幾濃郁，不過小心睇熱！日本A4和牛三角肉望到佢嘅和牛質素唔錯，忍唔住加咗呢個和牛三角肉，又係肉紋不得了 ❤️望到已經覺得好食日本泡芙裏面竟然係雪糕❤️唔係普通嘅cream 正越乃雪樁sake朋友唔係好飲得，都覺得呢隻非常容易入口，而且99$ 200 ml 我覺得幾抵飲，易人口兼香甜走嗰時見到一個下午茶餐牌，近乎係正餐嘅半價❤️再

睇完戲9點幾周圍揾野食，有唔少舖都Last order，經過燒肉One 見到21:00-23:00 全單7折，又唔使加一，仲可以即時入座，經apps order 以下套餐；美國牛頸脊+美國牛小排配生菜及美國牛小排+美國牛板鍵配珍珠米飯，每個套餐均配麵豉湯、飲品、雪糕，肉類品質不俗，時間唔趕可以慢慢燒，枱上有醬料轉盤，轉盤上有說明書，簡介肉類建議配搭的醬汁，做法相當細心，雪糕方面今次是雲呢拿味，味道唔會好甜，還加單了一份2串鮑魚串，照燒鮑魚唔錯。態度親切有禮有笑容，主動介紹其他時段套餐，另外上餐速度快，讚讚讚!!!

有D人成日話食得肉多會好飽滯，食幾舊已經唔想再食，但唔知點解，由細到大我對燒肉都係毫無防備，而且多d黎密d手都仲得，就算一晚要隊爆10幾塊牛，我一樣咁享受，完全零負苛，可能呢d就係人地口中所謂既食肉獸？👇🏻📌全 日 燒 肉 套 餐 -▪️ 美國牛胸腹 · 美國牛板腱 · 南美洲牛舌套餐 - 250g▫️ 我同朋友分別試左兩個SET，我就揀左呢個人氣推介，一次過食哂「美國牛胸腹」、「美國牛板腱」、「南美洲牛舌套餐」，加左$50升級左做250g；牛胸腹好爽彈，牛板腱牛味濃郁，牛舌薄切燒得好入味，仲幾有咬口；飯我就揀左加錢換做「紫菜溫泉蛋飯」，蛋一切開係流心，配搭D牛肉一齊食，口感滑溜；而個set包左個「麵豉湯」，加2蚊仲有個「日本泡芙」，一份三粒，過足口癮。▪️ 牛 魔 王 燒 肉 套 餐 - ▫️ 我就揀左個「牛魔王燒肉套餐」，一次過食勻四款招牌牛肉，包括「澳洲M8和牛牛胸腹」、「美國牛小排」、「美國牛頸脊」、「美國牛板腱」。我最鍾意個和牛牛胸腹，每邊大概燒20秒左右，食落油香岩岩好，接近入口即融。我同朋友一樣都係加18蚊換左「紫菜溫泉蛋飯」，同埋2蚊要個甜品「日本泡芙」，成個set我覺得都好抵

我們3個人等位，前面都有3個人等一枱位，都慣性幫襯過幾次，安排暢順，可能當時新開，老闆註場。昨晚我們同前面3人行等位，等了三四個字，當中兩人位後來先上岸都明白三人位難等，再等多三個字發現唔對路，中間又有三四枱二人位來後先上岸，入面有大長枱都有交錯過二入二出，其實留一陣位就會有四座，待應安排好差，仲要理直氣壯，如人多不用考慮食。

Happy Friday lunch食燒肉好開心，燒肉ONE位置方便，好坐又抵食日本宮崎A4和牛牛肩胛($270)、日本A4和牛三角肉($216) - A4和牛任何部位都唔會令人失望，油脂分布平均、牛味香濃、肉質鮮嫩，輕輕燒到香脆已經好好食，配溫泉蛋紫菜飯，食得勁滿足，沙律菜嫩綠新鮮美國牛小排($58)、日本鹿兒島豚五花($58)、燒新鮮菠蘿($38)、日本宮崎腸($18) - 幾款追加嘅單品都好新鮮，肉味好香，特別係豚五花，半肥瘦燒到脆卜卜，好惹味爐火好夠大，好快就有得食，又可以燒到啲肉好香脆燒肉濃味重油脂，嘆罐凍冰冰嘅烏龍茶好夾，飲得特爽甜品係雲尼拿雪糕，食埋好滿足啲位幾闊幾好坐，抽氣亦好好，坐滿晒人一齊燒都唔怕好大陣油煙，又夠涼有好多唔同嘅餐可以揀，可以追加嘅單品選擇亦多，肉、海鮮、炸物、野菜，甜品等，款款都好吸引枱面已經有極多款唔同嘅醬汁俾大家配唔同嘅肉，好貼心，出餐又快，值得推介

今次黎到銅鑼灣食燒肉😻😻門面望落已經好吸引🤣餐廳入面裝修好完善👍🏻👍🏻雖然係燒肉但唔會成陣煙，而且座位好闊落，坐得十分舒服~燒烤爐可以自行較火大小，好方便都好快熟😋店員服務態度都唔錯~餐牌選擇勁多😍😍有唔同嘅set揀之餘，仲有小食、甜品、海鮮等，好豐富！今次叫咗兩set牛魔王燒肉套餐😚主食揀咗紫菜湯烏冬同紫菜溫泉蛋飯，烏冬超好食🤤十分推薦👍🏻👍🏻👍🏻溫泉蛋飯又滑又香~牛肉油脂分布均勻，燒完又嫩又多汁，點埋醬汁一齊食一流😋除咗set甜品叫咗泡芙同雪糕，我哋仲叫咗個朱古力雞蛋仔配水蜜桃味雪糕🤤🤤🤤雞蛋仔外脆內軟，配埋雪糕口感好豐富！仲有兩隻大虎蝦，真係超級大隻！！

燒肉one位於銅鑼灣東角道26號係銅鑼灣sogo出口，向左行見到WTC mall再轉左向前行就見到燒肉one係一人燒肉最近餐廳搞搞新意思叫燒肉套餐會有泡芙或雪糕今日行過燒肉one餐廳有個大大個顯示屏下午茶全單半價由2點半至晚上6點而且唔洗收加一服務費雖然係平日，我大約5點左右到餐廳內座無虛席好有煙火氣餐廳有牛味比較濃既日本A4和牛三角肉套餐100克重量$228另外我點左日本鹿兒島豚五花$58，日本新瀉雞爽肉$48仲有海產內面燒鰻魚串同鮑魚串$55一整串已經起左骨的白鱔同埋醬汁可以自己動手燒出鰻魚三角肉肉質非常嫰豚五花燶燶地好好吃雞爽肉非常爽口鮑魚非常淋，有三粒鰻魚燒左5分鐘不停反轉同抹鰻魚汁餐廳職員好友善因為臨近6點既時候提醒係門口仲諗緊的人客

又嚟到銅鑼灣lunch time，要搵抵食又好食。因為見到佢個套餐好抵食，包湯嘢飲同埋甜品，仲有日本米。呢個係日本宮崎A4和牛肩胛套餐，因為另加單點有半價，所以加左碟A4和牛三角肉。第二個餐就叫咗平啲嘅4款享受：美國牛胸腹+西班豚五花+南美洲牛舌+日本新潟雞爽肉，一個價錢有齊四樣嘢都幾開心。另外又半價加咗澳洲M8和牛嫩牛胸腹。兩個人share大家可以試晒唔同嘅肉類，人均二百幾蚊仲食到和牛，真心正。今日最好食係和牛三角肉，因為爽口，平均到d油脂感，值得加黎試。另外佢有10幾款醬汁俾你揀。跟餐最後甜品。

銅鑼灣呢一間燒肉One 有半價優惠，逢星期一到日，2-6pm都有半價，暫時未知優惠做到幾時，仲要免加一，好抵！所以同朋友嚟呢度食early dinner！叫左兩個套餐，加一碟肉，同兩份小食！日本宮崎A4和牛牛肩胛套餐（$228）套餐包括日本宮崎A4和牛牛肩胛(100g)，紫菜溫泉蛋飯（+$18），麵豉湯同Coco Berry 雪糕。牛肩胛是位於牛的肩部，包括肩胛骨和周圍的肉。A4和牛油花分布均勻，食落口感非常嫩滑，牛味十足，超好食！100g大約有7塊左右，厚度都唔算太薄，百幾蚊有A4和牛又有飯、湯、甜品，性價比高！同場加映叫咗日本A4和牛三角肉(50g)，三角肉位於牛的後腰部位，靠近牛臀部，單睇油脂更多，燒落去都出多啲油，食落牛脂爆滿口腔，非常嫩滑，牛味十足！我更喜歡三角肉多啲！唔使用調味品都非常之好食！大推薦A4和牛！.美國牛胸腹+美國牛板腱＋南美洲牛舌套餐（$158）套餐包括美國牛胸腹+美國牛板腱＋南美洲牛舌(250g) ，紫菜溫泉蛋飯（+$18），沙律同Coco Berry 雪糕。呢個係性價比之選，唔使$100 就有咁多嘢食，牛肉嘅質素都唔差，肉質都好嫩滑，特別推薦牛舌！.魷魚鬚

呢一間燒肉店門面都幾大，坐得好舒服，亦都唔會話油煙味太重，呢間係日式燒爐，細細個慢慢燒，定量式嘅燒肉，有100克同200克選擇，亦都可以另外再單點，所以就會比放題嘅更加精緻同埋性價比高啲，適合啲平時食唔到好多嘅人！鹿兒島豚五花燒肉套餐$195（200克豚肉）好鍾意佢每一種肉都會講番自己產地喺邊度，食得更加安心，燒肉嘅話豬嘅油香味非常之充足，燒到脆邊焦香好正！配上既日本新潟縣珍珠米～ 仲有麵豉湯雪糕同野飲～ 豬油香味再加少少飯好惹味，仲有好多款醬汁可以揀！日本宮崎A4和牛牛肩胛套餐$240/100克喺澳洲、美國同日本嘅牛入面選左日本和牛！牛肉味好香，唔會一陣雪味，牛肩部運動多，所以相對口感結實而軟嫰，肥瘦適中，好適合燒肉！芝士煙肉手羽先$38兩件呢個組合無輸，好香口，有芝士加肉汁所以好juicy ! 魷魚鬚天婦羅$28天婦羅炸得夠脆夠熱，粉漿唔會太厚，幾高水準，下次好想食雞皮餃子🥟！燒鰻魚串，燒鮑魚串$58去一般放題唔會出現既option , 好得意既燒鰻魚，份量都唔錯，手板咁長，即燒好似日式便當咁，油香滑身，外邊微微脆邊焦香！燒鮑魚串本身已去殼，所以都唔會好難操作，口感彈牙，唔腥，加埋

今日係銅鑼灣收工，朋友仔突然話好想食燒肉，咁我緊係唔會令佢失望啦🤭今次就搵左係銅鑼灣東角道嘅燒肉one ，全店全日都唔收加一，仲有好多款一人套餐比你揀。即使一個人食飯都唔驚揀唔到想食嘅嘢。🌟澳洲安格斯肉眼套餐我就揀咗肉眼套餐，佢每個套餐都會包日本新潟珍珠米/生菜，可以揀沙律/日本枝豆/麵豉湯，仲跟埋甜品比你，咁嘅價錢性價比真係好高，肉眼扒啲油脂分布好平均，燒完油香十足丫🌟美國牛胸腹+美國牛板腱+南美洲牛舌套餐朋友仔就揀左美國牛胸腹+美國牛板腱+南美洲牛舌套餐，有幾款部位可以試，啱晒樣樣都想試嘅你丫，佢嘅牛舌好爽口，本身嘅調味已經好好味啦我就加左錢轉左紫菜飯，溫泉蛋真係幾好味架，蛋香味超濃🌟👍👍

第一次嚟到位於銅鑼灣世貿中心對面嘅(燒肉One)，經apps order 以下套餐；牛迷之選(美國牛胸腹100g+牛板鍵200g)配生菜、麵豉湯，飲品、雪糕，半價優惠另加一份牛小排50g，一人一爐用網燒，眼睇好似唔夠食，事實都幾飽，都差啲食唔曬，肉類品質高，開始嘅時候唔好咁大火，會容易出現搶火情況，可以慢慢燒。飲品選擇有罐裝汽水，烏龍茶等，亦都有熱飲提供，肉類可配飯或生菜，白飯的話更可加錢升級溫泉蛋/紫菜溫泉蛋飯，雪糕方面只有綠茶味，味道一般唔算好甜。態度親切有禮，上餐速度快，主動收走餐具，讚讚讚!!!最後嘅注意事項就係餐廳已表明只收**電子支付，不收現金**。

这家店实现了一个人也可以吃烤肉不怕浪费了不仅有烤肉套餐还有寿喜锅套餐可以选桌上超多调味料可以自助 diy寿喜锅配美国牛腹肉套餐：里面配有紫菜拌饭，真的不要太下饭了这个紫菜，里面的肉好嫩又很多片，里面还配有芝士竹轮！好好吃，不过要小心烫。美国烧牛小排井饭套餐：选了和牛肩胛肉，这里比较多油，所以要开小火烤不然很容易火很旺，嫩嫩的。芝士年糕：喜欢芝士和糯叽叽的必点好吗，完全无法抗拒这种东西。

走遍左港九新界除咗而家餐廳越來越多之外，仲會留意到一樣嘢就係自助燒肉店都多咗唔少， 😚一睇Yakiniku就已經隨口噏到幾間，呢啲自助嘅燒肉店完全體現到何謂一個人原來都可以盡興，😌燒嘅時候欣賞埋油脂嘅滋滋聲喺耳邊擦過再配合由自己調製嘅獨一無二醬料熱辣辣咁樣一片又一片再扒埋啖飯，咁就係最簡單嘅滿足感🥰喺銅鑼灣世貿中心正門口對面就開咗間燒肉one , 🤤門面夠晒紅卜卜有種狂野烤肉嘅氣派，裏面嘅位置有夠晒闊落，就算係一大班人又或者一個人都完美fit in 。😏裏面基本上都係主打一人套餐，當然亦都可以散嗌大家開心share。😝牛魔王燒肉套餐澳洲M8和牛牛胸腹+美國牛小排+美國牛頸脊+美國牛板腱 200g— 🥩食得燒肉自不然都係牛魔王，唔想左揀右揀揀呢一款份量夠大肉類夠多，連選擇困難症都即刻化解埋。🥩最正嘅當然就係澳洲M8和牛牛胸腹，大理石嘅雪花紋，🥩再配合埋鮮嫩紅潤嘅肉，呢個就係和牛嘅視覺享受，🥩燒嘅時候油花絕對係最旺盛嘅一款肉類，每邊大約二十幾秒加埋唔使1分鐘就已經可以享用到入口即溶油脂飽滿嘅澳洲和牛，🥩更重要係呢一度都可以稱得上係醬料最多款嘅一間燒肉店，🥩認真數一數總共12款調味料任你試任

今日同朋友去銅鑼灣行街街，行到攰攰地又到食晚飯時間，朋友話想食燒肉，我記得呢度附近有間，於是離開Sogo行咗3分鐘就到。店舖裝修簡潔，座位闊落舒適，店員服務勤快。掃過QR code落單，等咗大約5分鐘已經上齊食物👍。美國小牛排 + 美國牛板件套餐 $158.-跟新鮮生菜及麵豉湯，兩款牛肉都有油脂部份，味帶油香，肉質軟腍，口感比較細膩。澳洲安格斯肉眼套餐 (300g) $278.-跟珍珠米飯 (300g)，飯味香甜，口感軟熟中又有咬口，沙律菜同樣新鮮。肉片油指較少，但牛味香濃，肉質相對結實有咬口。300g嘅份量比想像中多，食得非常滿足。日本宮崎A4和牛 牛肩胛 $108.-牛肩胛佈滿油花而且分佈均勻，稍為燒一燒油脂即刻滲出，口感軟滑細膩，油指感十足但唔覺好油膩，好食。食燒肉，點少得飲料，於是我哋點咗忌廉樽裝汽水👍及Asahi，食下飲下，慢慢嘆😁。最後食埋跟餐免費送嘅Häagen-Dazs，又飽又滿足。其實燒肉One做緊激安優惠，逢星期一至日下午2時至6時全單半價，嘩！勁抵😱。可惜我哋錯過咗😭，朋友話下星期一定要再食過🤣。