Yamm

Open Now

Now Closed

最近去咗尖沙咀嘅 Mira 酒店 Yamm 自助晚餐，整體體驗其實幾普通。餐廳環境優雅，服務員都幾友善，但食物方面就唔算特別出色。自助餐嘅選擇雖然唔少，但大部分菜式味道都幾普通，未能令人驚喜。不過，花膠同鮑魚嘅表現就相對好啲，口感鮮嫩，味道幾好，算係一個值得一試嘅亮點。如果對食物要求唔高，Yamm 嘅自助晚餐可以考慮，特別係如果你鍾意海鮮。不過，如果你期望更高嘅料理水平，可能會有啲失望。希望將來可以見到更多創新同改進嘅菜式出現🫣

餐廳很熱鬧，還以為昨天Friday是假期，或許其他食客有會藉優惠吧！一般食客用visa結帳，只需四百多元，就可以享受一個自助午餐，價錢算合理。食物質素不錯，尤其是生蠔，極新鮮和甜美。座位方面，我被安排坐1號枱，梳化布面破損，感覺不太衛生….幸好這次是相隔十多年再此惠顧！P.S. 進食期間有職員兩度推銷入Mira會

第一次食這馬裡星馬自助午餐，星馬食物主要有1）胡椒炒蝦幾惹味，2）肉骨茶藥味濃，內有豬排骨，豬肚，豬手和腩肉，足料。3）鐵板炒贵炒，夠鑊氣。另外有串燒和唔夠濃味叻沙。生蠔幾大隻有鮮味。日本刺身夠厚身和彈性。甜品幾多選擇。另有自助果汁。唯中缺點枱與枱之間空間太少。整體性價比中上。

今次黎到尖沙咀美麗華酒店地下食呢個lunch buffet 估唔到閒日呢度都full house 今次會揀yamm係因為做左美麗華集團嘅會員 咁可以以優惠價去幫襯旗下嘅食肆同酒店房Lunch 時段為12:30pm - 2:30pm 咁兩個鐘都比較鬆動 唔會食得太趕冷盤就有蜆 蝦 青口 熟食個人覺得比較普通 口味同種類都唔太唔吸引 不過值得一提係lunch都有即開生蠔🦪 雖然唔係話太大隻 不過都過都下口癮甜品我覺得係唔鐘 蛋糕款式唔算好多 不過食落都唔會話死甜或過甜 亦有中式豆腐花同即焗嘅雞蛋仔 配雪糕食都係個唔錯嘅選擇

都係第一次嚟 The Mira Hong Kong Yamm食自助餐 呢期主題喺海鮮盛宴 每位仲贈送時令大閘蟹一隻✨ 啱啱踏入生蠔盛產季節 見到任食即開新鮮生蠔就好開心 最正喺源源不絕嘅冰鎮海鮮‼️ 蟹鉗 貝類 龍蝦 麵包蟹 長腳蟹 鮑魚等等🦐🦞🦀🦪🤗 滋潤養生嘅燉湯同埋即切北京片皮鴨真係食唔停口😗 最後甜品方面都超多選擇 保證捧住個肚走😂 

食物過得去喇，甜品越嚟越差，雪糕之前係侍應裝俾你，依家轉咗一杯杯，得幾個味道都唔想食。客人講嘢好大聲好嘈，經理都唔去理會，好影響其他客人用餐，真係嘈到食嘢嘅心情都冇，成日打電話叫做會員好彩冇做。

好多年無來YAMM了,  近期見佢的食評都唔錯, 然後網站又有折頭, 所以就來幫襯.凍海鮮區的品種比幾年前多了,  除了正常的龍蝦, 蟹腳, 麵包蟹, 青口, 螺之外, 居然仲有象撥蚌仔, 貴妃蚌, 花蟹,蟹腳好粗身, 但有D蟹腳偏咸, 蚌仔好鮮甜, 花蟹都唔錯,  單食凍海鮮已經飽了大半.然後熟食區仲有黑松露芝士焗龍蝦, 呢個比凍食更好味, 拎了兩次, 又有花膠鮑魚鴨掌, 又係拎了兩輪.燉湯入面又有花膠鮑魚, 仲有蟲草花及瘦肉, 又係飲了兩盅生蠔今晚只得美國蠔, 雖然唔大隻但都幾鮮味, 人多時每人限拎三隻, 後來無人排隊時要四隻都俾.仲有今晚係黑松露主題, 所以有幾款食物係有落黑松露的  包括上面的焗龍蝦, 仲有焗蟹蓋(呢個只係普通), 及焗窩夫平時食的窩夫都係甜食的, 呢個窩夫帶有少少黑松露味, 我覺得幾特別.餐廳拎食物的地方唔算好大, 但今次的食物水準好得, 所以也食得好滿足.而且餐廳的侍應及員工基本都好有禮貌, 不論係收碟, 斟水, 埋單, 分配食物時, 都笑容滿面, 令到今次的用餐體驗非常高.

第一次試美麗華yamm buffet ，原價500幾一位，但有買一送一優惠，見咁抵就去試下啦！平日lunch 黎講都好多人，差唔多滿哂，好彩坐既位都算闊落，唔算好搭枱😂本身見到其他留言，都有啲擔心 。講返食物先，生蠔新鮮，但比較細隻 。生蠔我一人都食左6隻鮑魚超細粒，勁迷你，細到我差啲認唔出佢係鮑魚😂壽司刺身冇食到，所以唔知好冇味 。片皮鴨都可以，本身想食叉燒，但話冇哂了🥲見好多人排蟹鉗湯飯，我覺得正常，唔會enocre 反而熱食，有個大蝦幾好食，拎左兩轉甜品有即叫即整窩夫，雪糕，不同種類的凍餅，葡撻，朱古力噴泉，最好食係朱古力榴連撻，其他正正常常，沒有驚喜 。

自疫情開始選左Yamm ,次數一定不少。因為老公不太喜歡自助餐模式， 但唯獨接受Yamm 的食物質素及品種， 眼見疫情餐廳都堅持撑住， 自己都保持熟客的不變心。平均每個半月會食週六／日自助早午餐，近兩次開始發覺食物質素參差，欠缺主題推介去吸引食客新鮮感，甜品一般， 熟食看似高價食材，但口感味道大減折扣。最近一次，不得不評價：咸到怕腎出事, 沙律醬芝士龍蝦糟蹋了海鮮的品嚐，水果睇得出，放置太耐睇到無左新鮮，有乾有出水，決定暫停光顧。

酒店官網有優惠， 而且又未嚟食過，所以訂左下午茶自助餐$244/位，3:30-5:45 pm差不多3:20pm 到達排隊，等左一陣就可以入座，被安排在小高台內，枱與枱之間的距離還可以，但見到餐廳中央的枱真係好迫下。食物方面，凍海鮮翡翠螺好多沙、蝦就正正常常，燒牛肉好柴，炸魚柳個皮好厚，串燒牛、雞、墨魚丸燒得乾身唯有靠個沙嗲汁補救，叉燒、海南雞、越式牛河、海鮮粥、蔗蝦就幾好，燕窩紅豆沙好一般。甜點系因為榴連做主題，所以好多榴連甜品如榴連拿破崙、千層蛋糕、大福糯米糍、燒榴連等，其他的還有 窩夫、葡撻、迷你牛角包、朱古力酥、爆谷、花生醬椰絲薄撐、哈根達斯雪糕，水準就普普通通啦。飲品系自助，有 mango punch 、yamm punch (類似什果賓治）和其他凍熱咖啡、檸檬茶之類。整理來說，若然有優惠，以這個價錢，是可以的。

好耐都冇食buffet 啦 所以都有啲期待今日食嘅buffet (早上淨係食咗少少嘢🤭) 去到事實都係好近嘅(二人位 )都真係好似茶餐廳搭枱咁好彩早啲去 安排咗一個都較為寬闊嘅位置末食得 就影返啲相先～ 🔴🔴🔴嘩！見到啲海鮮都好吸引喎！ 陸續食客都好準時嚟嘅，好少見到平日都咁多人食buffet 😧好啦，大家可以去拎嘢食！ 321 GO ～ 大家蜂擁而去海鮮區 第一時間就夾吓海鮮先 🦀藍蟹都幾大隻，同埋幾重手😁 肉質鮮嫩好多肉，偶爾有一隻都有膏好少食放題覺得隻蟹好好食，一開始已經食咗三隻🤣平時鍾意食長腳蟹嘅我 對比之下覺得藍蟹好味好多🤣 （聽到其他食客都覺得隻蟹好好食） 相反長腳蟹今日就失色咗少少試一試好評嘅瀨尿蝦 今日質素就麻麻地 有瀨尿蝦嘅味道，但係肉質麻麻哋 ⚪️刺身方面，相對起就真係唔好食😧 每樣食咗一件冇encore 而刺身區都冇咩人排隊 🟢熟食方面 試咗雲吞麵、海南雞、片皮鴨、焗龍蝦、牛扒、蒸斑 都覺得好食👍🏼👍🏼 🟡甜品方面竟然覺得馬卡龍幾好食🤣 仲食咗兩碗豆腐花 人大咗覺得Häagen-Dazs比較甜 🫣 所以都冇拎過嚟食以為有一球球嘅自家雪糕添 其他甜品覺

為了感謝偉大的爸爸，一直為我們仨努力搵錢錢。係一年一度嘅父親節，當然要請佢食返餐好嘢！前幾日經某訂檯網見有七折優惠，就嗱嗱聲訂檯。今期Yamm嘅brunch, 主題係鮑魚、龍蝦、花膠、海鮮仲有片皮鴨，啱晒我哋各有所好。當日準時11:45前到埗，入座大家都好守禮。入場後發現檯同檯嘅空間，竟然比茶記還是緊迫。唔好話1.5米距離，檯同檯之間著實只有大概一吋距離。真係會同隔離檯手踭掂手踭。幸好同侍應反應佢都可以同我換過張檯。款式嚟講，佢都算係符合描述。凍海鮮都算多，有鮑魚、長腳蟹、青口、蜆、蝦、蟹，翡翠螺等。除咗有一隻鮑魚係臭嘅，其他都幾新鮮。花膠菜式有燉湯、花膠和牛煮溫泉蛋、花膠鮑魚炆鴨掌。仲有片包鴨、乳豬、烤羊架，燒鰻魚。中式點心都好多選擇。此外有果汁，咖啡茶同spakling wine都係自助放題。各種菜式味道也算不失，唯獨鵝肝好多根，覺得有點浪費左個胃嘅quota。但總括呢個價位都算性價比不俗。

左右隔離，三唔識七坐得好近。傾偈完全冇私隱。衰過去茶餐廳，受了教訓無下次。自助橙汁,洛神花茶，咖啡，檸檬茶。白灼蝦，青口，翡翠螺，生蠔，平價刺身壽司。cold cut, salad, 片皮鴨，牛雜，串燒 ，意大利粉，熱粥，西蘭花忌廉湯，青紅蘿蔔湯，芝士孤寒切到碎曬賣相難看,生果有原個雪梨,大陸蘋果 ,杯裝雪糕。細細粒凍餅及甜品。$448+10% 完全唔值。咁嘅價錢，完全唔掂，如果真係要在香港消費，寧願去日式放題。

1年前食過呢度嘅早午brunch自助餐，水準非常高，仲有香檳飲。今次就嚟試一下佢哋嘅平日中午自助餐以為係平日，中午人流應該會比較少，但非常驚奇地，居然全餐廳滿座。座位非常擠迫有茶餐廳的格局，枱與枱之間幾乎毫無空隙，有搭枱feel，很難想像這裡是酒店，為了margin，犧牲了食客的用餐體驗。絕對毫無私隱可言，如果你與同伴是想在這裏談天說地的享受lunch time，實在不合適，在這裏只能夠食食食。難怪咁多香港人喜歡北上消費，空間當然就是一個考慮點。食物選擇多，質素高，當日主題是泰國（每星期不同），亦有不少特別的菜色，例如：冬蔭或雞湯海鮮煲仔，非常鮮味，料足。煎肥美蠔仔蛋，咖喱海鮮小南瓜，片皮鴨。生蠔肥美，烤牛肉一般，刺身有三文魚吞拿魚，可以。仲有燒帶子和炸蝦餅，可口。比較吸引是他的沙律吧，非常多醬汁選擇，亦都有好多不同嘅配料，蔬菜都非常新鮮，配煙三文魚，鴨胸和蕃茄帶子等，good. 凍海鮮有大蝦彈牙，螺和蜆都鮮味。甜品有即做斑蘭窩夫，外脆內軟，配合Häagen-Dazs 雲呢拿雪糕絕對係best match.其他甜品就非常失色喇，除咗一款椰汁桂花啫哩，清甜可口之外，試了多款都麻麻地。我最

🇭🇰 Yamm @ Mira Hotel📍 Yamm (Tsim Sha Tsui)Lobby, G/F, The Mira Hong Kong, Mira Place 2, 118-130 Nathan Road, Tsim Sha Tsui💰hkd$270 per person (buy one get one free voucher bought from mira eshop).I am so excited for this lunch buffet and it did not disappoint me! Made an appointment at 12noon and we were allowed to go in at 11:50. The lunch session eventually went a full house before 1pm. The buffet was until 2:30pm so we had plenty of time to savor the meal 🍽️ .I tried to film everything I ate i