人和荳品廠 (Moved) New Location

可能好多人都以為黃店係一啲新開嘅鋪頭居多，但係其實一啲歷史悠久嘅鋪頭都有良心—呢一間嘅老闆娘運動開始期間接受過報道採訪，表示理解。希望佢而家冇割啦💛·黃店關係，唔眨眼叫咗好多嘢食，冇計啦每件都係10幾蚊唔會眨眼。🤩·豆腐花一如既往咁滑，落少少黃糖已經帶得出佢嘅豆香味，係每次嚟到必食嘅item🤩·魚肉釀豆腐係一碟簡單但係好難做得好食嘅嘢食，橋妙在於豆腐可唔可以煎得挺身。呢一舊就煎得啱啱好，油唔算多，再落甜醬已經好味😋·鹵水豆卜就真係最推介，第一次叫。可能係因為經過長期嘅滷水汁浸淫，豆卜好入味！我食咗差唔多大半碟（寶寶唔好嬲）😙-豉油皇炒麵同柴魚花生粥呢啲唔會煮得難食，有驚喜嘅係花生粥竟然有蠔仔喺入面，幾揼本🤑·椰汁豆漿就好似飲緊椰汁大王，椰汁味會蓋過豆漿，不過都啱晒我呢啲椰汁狂迷～·整體來講，價錢都十分相宜，最啱糧尾去食。月尾啦，大家可以去幫襯啦！😎💛-豆腐花｜$12魚肉釀豆腐｜$16鹵水豆卜｜$16豉油皇炒麵｜$16柴魚花生粥｜$20椰汁豆漿｜$12-人和荳品廠 (銅鑼灣)銅鑼灣渣甸街55號-

我早幾日行過,有少少肚餓,於是光顧呢間食店,我點了一杯熱豆漿和一碟煎豆腐,豆漿味道正常,煎豆腐都算熱。但d圓櫈有d污糟,少少痴笠笠...在結帳時,我發現收銀員大叔(亦即照片中的廚師)竟然沒有戴上口罩,並不停找現金給食客,店內只收現金,令本人感覺很不衞生,並擔心本人喝過的豆漿和吃過的豆腐會不會有肺炎病菌。由於近期武漢肺炎肆虐,巿民聞之色變,絕大部份巿民都會紛紛戴上口罩,避免飛沫傳播病菌。本人曾多番勸喻該名收銀員佩戴口罩,以防止飛沬傳播給食客,但他卻裝作聽不見,於是本人再次勸喻:「你係做飲食業架喎! 宜家有武漢肺炎,你係咪應該要戴上口罩,保障返自己同埋食客的安全呀?」 他反駁:「食緊野都戴唔到口罩架啦!」 本人說:「但你宜家唔係食緊野喎!」 但他依然不予理會。一小時後,本人再次經過該食店,驚見該名收銀員大叔竟然變成廚師(請參考照片),正對著廚窗煎豆腐,並沒有戴上口罩! 本人十分擔心他的飛沫或手上的細菌會沾上豆腐、沾上其他食物,甚至沾上食店內的環境,增加食客染上武漢肺炎的機會,有見及此,本人曾通知食環署職員能夠採取行動,並勸喻該名店主應提高衞生意識,例如要戴上口罩、勤力用漂白水清潔食店,以確

由小吃到大的人和店，質素依舊咁高咁好，價錢咁多年都冇話加價加得好西利，仍然覺得好抵食👍🏼。每次經過都見到小小既店舖座無虛席，要同人搭枱既機會好高😂。必食既當然係 豉油王炒麵🍝同魚肉煎豆腐🥚。豉油王炒麵（$16）每一條炒麵都染上了豉油的深色，非常均勻，配上少少嘅豆卜同埋椰菜，口感好好。有調味料架（豉油、甜醬、辣椒醬）可以自行添加調味。魚肉煎豆腐（$16）新鮮滾熱辣、即叫即煎，因為客人流水式咁黎幫襯，幾乎每個人都會order，所以全部都係新鮮煮緊再上碟。豆腐煎到個面好香口好脆，超熱要攤凍一陣先可以放入口♨️。

薑汁豆腐花HKD16味道: 7️⃣環境: 5️⃣性價比:7️⃣推介度:7️⃣==============今次叫咗呢碗熱薑汁豆腐花，豆腐花夠滑薑汁好夠薑😋，食完之後成個人即刻暖晒♨️，冬天食就最啱啦👍🏻👍🏻但係唔知點解佢嘅薑汁有少少苦味😕可能只係今次啲薑嘅問題啦🤔人和嘅炒麵、煎豆腐、滷水豆腐豆卜都好好食㗎😋——#香港#hongkong#銅鑼灣#causewaybay#豆腐花#tofupudding#foodie#食#foodaholic#吃貨#hungry#飢餓 #hungry_dieary#2019

今日放工之後黎左銅鑼灣呢間荳品專門店 因為天氣又凍又想食少少野先 就黎左呢間食豆腐同飲豆漿 侍應好快手 將每一碟即叫即整既豆腐送到客人手上 😎今次叫左魚肉煎豆腐 $16 即叫即整係好新鮮的 豆腐煎得剛剛好 唔會煎到乾哂 魚肉又彈牙👍🏻 而另外再點了滷水豆腐 $16 呢個就係豆腐加豉油不過豆腐都係咁滑 我見d客人多數點魚肉煎豆腐👍🏻飲品方面點左熱無糖(淡)豆漿 因為個人比較中意飲到豆漿既豆味 所以選擇左無糖淡豆漿 飲落係有豆味 飲多d皮膚都好點☺️

一入座回望下門口就已經發覺大排長龍，除了好好彩真的不知說什麼，不過這也顯得這間店是因為優質才有那麼多人吧?27. 黑糯米豆腐花(熱) ♥♥♥♥ 不愧是做荳品的，專門的結果就是水平比一般小食店的好，比糖水舖更好食也不用驚訝。熱的豆腐比凍的比起來更幼滑，順口得根本不用咬，配合完全相反雖然細嚼的黑糯米，口感對比令層次更豐富。加上黑糯米本身已經有甜味，其他別的什麼也不用落就可以開吃了。看餐牌還有豆腐、豆卜小食，如果不是吃完飯來試甜品就絕對要點!!即使款式可能沒豆花多，豆漿的種類竟然也有8款，傳統工藝果然也是需要與時並進呢。

全店以黃豆製造而成的食品有豆漿、豆腐花、煎釀魚肉豆腐等本地出品也是老字號的店舖煎釀魚肉豆腐有豆味, 不過略油豉油王炒麵 , 好味芝麻糊豆腐花 , 超滑香濃 😛食物雖然普通, 但卻充滿了 70年代的情懷, 一邊吃, 一邊懷緬小時候和父母一起來吃的時光, 難怪這兒都常常坐滿客人

魚肉煎豆腐($16)一落完單就即刻上菜，仲擔心整定會唔夠熱會唔好食，但食落都係熱辣辣既，因為師傅係keep住煎豆腐。豆腐煎到外脆內軟，魚肉雖然只係薄薄一片魚肉，但都好有趙口，成件魚肉豆腐唔需要點任何醬已經好夠味，配埋甜醬或者泰式辣醬又係另一番風味，三種口味我都鐘意。價錢雖然比深水埗既魚肉釀豆腐稍貴，但size又更大件，食落滿足感更大。(個人口味:3.5/5)熱豆漿($7)豆漿夠熱，夠甜，好有豆味。天氣涼涼地飲已經好舒服，冬天飲一定仲正，飲完暖笠笠。(個人口味:3.5/5)

一路行一路諗呢區有無豆腐類既野食呢? 然後發現荳品!! 坐底後決定叫：【魚肉豆腐 $(16)】同整豆腐花的豆腐不同種, 這種裡面比較易散, 唔太硬同實, 豆腐兩旁沒有煎, 只是上下略煎過, 口感岩岩好, 鐘意食煎豆腐的你一定唔可以錯過!!

品嚐香港人小店！晚上食唔會太多剛剛好！有粥麵、各種咸甜豆腐類食品選擇！好健康！環境不算大，但都明亮乾淨又友善的服務！開到8點，有外賣堂食！抵食的價錢！點了入味軟滑的柴魚花生豬骨粥，好綿綿的粥底，豬骨咸香軟腍，花生軟軟又有咬口的柴魚粒，無味精唔會口渴！豆漿好足夠凍，又唔會太甜又香滑，可選杯或枝裝；鹵水豆腐豆腐卜，入味鹵汁剛剛好、軟軟口感的豆腐及有外脆口感的豆卜；炒麵好大碟，配有豆卜條、豆芽，好美味炒麵好彈唔咸！

週末食完飯梗係要去食糖水啦！人和豆品廠— 我細細個就已經聽過呢個名喇！我上一次嚟食已經係九年前讀中學嘅時候，今晚真係想食返啲年輕嘅味道。好，一入嚟唔使睇餐牌，即刻叫我最鍾意食嘅甜品。16HKD 芝麻糊豆腐花（熱）芝麻糊同豆腐花嘅比例啱啱好。每一啖都會有豆腐花同芝麻糊，又唔會太甜。芝麻糊有好濃芝麻香，雖然我都唔肯定究竟係咪用粉開出嚟，不過好食就得啦！16HKD 杏仁豆腐花（凍）杏仁糊真係超級好食，完全冇苦澀味，又係同豆腐花嘅比例啱啱好，食完簡直仲想食多碗。做到街知巷聞都仍然收取良心價，今時今日係香港搵到$20以下一碗嘅糖水都非常難。最值得一讚就係凍同熱都同價。唔會因為叫東野就收多你兩蚊電費。

豆類製品營養高，蛋白質含量豐富，間唔時飲下豆漿，食下豆腐花都幾養生。經過銅鑼灣個肚餓到咕咕聲，隔住透明玻璃望入「人和荳品廠」煎緊魚肉豆腐🤤即刻衝入去整返份黎食！張梁點餐👦🏻🧒🏻$16 煎魚肉豆腐 評分（10分滿分）：8️⃣食評💬：即叫即煎好新鮮，熱辣辣送上枱，表面煎到脆皮，底部釀有彈牙魚肉🤤配以豆瓣醬同埋甜醬黎食，一個字，正！一碟有四舊，加杯豆漿當下午茶岩岩好😋留意返👉🏻灣仔、旺角都有分店

今日去開銅鑼灣，突然想食豆腐花就諗起人和豆品，入到去啱啱好有個卡位，即刻坐低叫咗豆腐花，因之前啱啱食左下午茶關係，所以只係叫咗豆腐花，個豆腐花好滑好清，同埋今次叫熱食覺得熱食特別正。 其實佢哋除咗豆腐花外，我記得嗰個魚肉煎豆腐，同埋豉油王炒麵都好好味，但今次因為食咗下午茶所以食吾落冇叫到，柴魚花生粥我覺得食早餐啱曬，如果冇咩胃口都可以試下。其實佢哋頭腐花除咗原味，仲有杏仁味，椰汁，花奶，仲可以加芝麻糊，紅豆沙，或者綠豆沙等等。如果鍾意食豆腐花又喜歡變化嘅朋友記得黎啦！

人和荳品老字號，之前有個返銅鑼灣既朋友介紹過，今晚出去行街終於有機會食。🥰豉油皇炒麵 ($16) 係素食，有菜有豆卜，豉油好香，麵條軟硬適中，食落好乾身，唔會油淋淋。😙鹵水豆卜 ($16) 一夾起舊豆卜，D鹵水就咇晒出黎，勝在唔熱氣，不過就真係覺得煎豆腐好味好多! 😗朱古力豆漿 ($12) 好香朱古力味! 好似飲緊朱古力豆奶咁，店員超好人，飲到一半仲會問你使唔使斟多D俾你，好有人情味 ❣黑糯米豆腐花 ($20) 豆腐花好滑，黑糯米就一pat咁都幾多，加埋個糖水底就有D甜，不過接受到。 😄重點 🤤魚肉煎豆腐 ($16) 招牌! 超好味! 加埋甜醬同豆瓣醬真係冇得輸，唔食得辣都要試下個豆瓣醬，唔會後悔。魚肉見就見到，食落唔多覺，不過唔緊要，豆腐本身已夠做haha 😍

人和荳品老字號，之前有個返銅鑼灣既朋友介紹過，今晚出去行街終於有機會食。🥰豉油皇炒麵 ($16) 係素食，有菜有豆卜，豉油好香，麵條軟硬適中，食落好乾身，唔會油淋淋。😙鹵水豆卜 ($16) 一夾起舊豆卜，D鹵水就咇晒出黎，勝在唔熱氣，不過就真係覺得煎豆腐好味好多! 😗朱古力豆漿 ($12) 好香朱古力味! 好似飲緊朱古力豆奶咁，店員超好人，飲到一半仲會問你使唔使斟多D俾你，好有人情味 ❣黑糯米豆腐花 ($20) 豆腐花好滑，黑糯米就一pat咁都幾多，加埋個糖水底就有D甜，不過接受到。 😄重點 🤤魚肉煎豆腐 ($16) 招牌! 超好味! 加埋甜醬同豆瓣醬真係冇得輸，唔食得辣都要試下個豆瓣醬，唔會後悔。魚肉見就見到，食落唔多覺，不過唔緊要，豆腐本身已夠做haha 😍