港澳義順牛奶公司 (Closed)

我o係澳門旅行同o係香港行街時,有時都會見到lee間野..o係澳門見到..就會諗..香港都有..唔駛o係澳門食..今日終於有機會試義順的出品..我同阿媽都叫左個燉蛋食..佢食熱我食凍..我一食個燉蛋..嘩..乜咁甜ge??lee種甜度我都仲食到..因為本身我係一個食得超甜的人..不過..lee碗燉蛋真係越食越甜..越食越漏..果種甜度..真係頂唔順..好無奈咁食淨四份之一..食完之後仲有種想嘔的感覺...>.<...應該係因為佢太漏喇!!我阿媽話佢食熱果個都唔好得去邊..麻麻地..下次我唔會再幫襯..我覺得澳門的保健好食過佢好多倍..希望lee間野會注意番落糖的份量..唔好再整咁甜喇!!少甜健康d^^

這日同新加坡來嘅朋友在太子見面，忘記食晚餐嘅茶餐廳店名，又冇照相。。。好才食甜品照左相 雙皮燉奶 招牌嘅甜品。 味道香濃，甜味剛剛好，都嘅滑㗎！巧克力燉奶 味道香濃，會比較甜d，一樣好滑，好重嘅巧克力味！非常之好食~ 倆樣都喊冷嘅。價錢貴左d，但是都嘅好食㗎~

27/8/09 (星期四)今晚去花墟買花，買完花後，在太子地鐵站附近揾嘢食，見到這間食店，環境比一般茶餐廳好，人唔係太多，靜靜地，地方都幾整潔，就行入去試下。我叫咗疍治和雙皮奶試下：蛋治： 蛋都幾厚，有蛋味，都有蛋汁，值得一試，不過始終都係澳牛好食D。雙皮奶： 無乜特別。

今晚行完街朋友提議去呢間食, 因為我未食過, 我知道最出名係甜品, 呢間同澳洲牛奶公司又唔同既, 冇常餐/特餐食既, 要散叫既, 我地叫左雞翼通粉, 腸仔麵, 奶油多士, 凍檸茶雞翼通粉 - 啲雞翼會放埋落啲湯到, 淋晒...雞翼通粉真係普普通通腸仔麵 - 腸仔兩條加啲麵, 其實喺屋企都可以整到, 奶油多士 - 個包比較硬身, 冇軟熟既感覺, 仲有啲包邊未切好啲皮, 焗完後啲皮會變得更加硬凍檸茶 - 唔夠冰, 佢啲冰係好細粒既碎冰黎, 好快溶晒

諗起双皮奶就諗起義順試個紅豆双皮奶紅豆太水啦...好多紅豆水, 冇晒双皮奶既feel食下食下發現係凍架!!真係食唔到啦, 又凍又熱咁, 即刻換果個!紅豆好大粒, 但係唔係好味, 不過唔太甜幾好但我叫大家唔好叫紅豆啦...因為要加$之餘又唔好味, 破壞晒双皮奶層皮!双皮奶滑, 但好水, 好似豆花咁...我唔覺咁係好$24蚊真係唔平, 唔會有下次啦...下次寧願食牛乳燉奶算啦....

同朋友食完飯未夠侯去左呢度食甜品, 之前好多人都話呢到好食咁都有d期望既, 幾個朋友都叫左朱古力燉奶, 我就叫左杯紅豆冰個朱古力燉奶真係各花入各眼, 我就唔覺得好食, 無錯佢係好濃朱古力味但係個身質感好奇怪! 對我黎講佢又唔夠燉奶滑又無布丁咁彈, 好似融左既雪糕岩岩雪番硬咁-__- 不過有朋友就覺得咁先特別, 所以真係見仁見智而我個杯紅豆冰就出事喇, 奶還奶, 冰還冰, 豆還豆, 奶太多太甜, 最差既係d 豆好硬好明顯未浸夠就拎左去煲, 煲又煲得唔夠耐咁law -___-其實間野有咩出名真係好食呢?!

次次去都係食旦治多士同埋燉奶,,,我覺得佢地用既旦質素唔差,,旦味好重...個人認為佢會好過佐敦個間澳洲XX公司,,下次去會試下佢地既奶類飲品,,,我次次去都見到好多人叫,,,但我次次去係放唔低佢既燉奶

星期六幫女友換件細D既曼聯波衫，見時間上早就周圍行下．行下行下，行到太子，又熱又累，就想搵個地方休息下，坐低飲杯嘢．見到對面有間好似裝修得唔錯既鋪頭，就入左去坐．坐低睇下Menu睇下價錢，天氣鬼死咁熱，緊叫硬凍嘢．當時覺得一個人剩飲好似寡左D．所以就叫埋腿蛋治加杯凍朱克力奶．嘩．．古唔到個腿蛋治咁正，又唔油，味道好好(可惜唔記得影相)仲有個杯凍朱克力奶，岩哂呢種天氣，Yeah....正呀．

琴晚同左女友去左呢間店到食甜品,叫了一個雙皮奶,一個燉蛋,雙皮奶一入口超滑,好有奶味,真係做得好好.燉蛋亦有超濃o既蛋黃香,入口不太甜,都係好好,一人加埋唔洗廿蚊,好過食埋曬果d乜記物記啦.

同兩個親戚一齊行街行到攰, 就去咗義順食下午茶, 嗌咗雙皮燉奶 ($20), 芒果鮮奶 ($23), 椰汁紅豆涼粉 ($27).我要咗個凍雙皮奶, 好滑, 甜度適中, 塊皮好正 (如果有多啲就好喇...). 試咗一啖芒果鮮奶, 勁正, 芒果味好濃, 一啲酸味都冇 (應該係喺揀料方面下了不少工夫), 好夠凍又好滑 (應該係用咗好幼的冰粒去打). 飲完之後啲芒果味仲喺個口裏面縈繞不去, 強烈推介~椰汁紅豆涼粉勁大杯, 兩個人share都得, 椰汁味幾香, 但不算太特別想讚一下侍應的殷勤態度, 加水的速度非常快, 一飲完最後一啖就即刻斟滿. 問佢哋關於餐牌上的食物的問題都盡量一一解答, 又熱情地跟我們閒話家常, 真係令我感到好舒服, 不知不覺就坐咗成個幾鐘.

同朋友周圍逛因為看戲沒有吃lunch的緣故誤打誤撞入左去!嗌左招牌 雙皮奶我地叮了個熱雙皮奶但因為忙著互影大家的醜態吃的時候已經不太熱了把羹放進去時 已深深感覺到 滑滑的奶~其實個人不太喜愛吃熱的奶-_-不過這一碗雙皮奶令我對熱的奶刮目相看!那塊皮 是我從來不會碰的!怕so,但是這次我吃了1口嘩!! 簡直就是整碗雙皮奶的精華!!而且 吃一口燉奶 就有如喝了整盒牛奶般好吃啊好吃啊~本想賣單之際一位嬸嬸走過來說如2人share1碗要多給10元我同朋友就立刻再叫叫了8元的 牛油咖史多自己未吃過 朋友也未當它1上台朋友已拿來吃面包上鋪滿了果醬的物體吃一口鳳梨的味道 甜甜的加上微烘的多士很快就食完了相反吃不到牛油味..但整體的感覺是很驚喜吃完令我和朋友都不住讚: 好味啊~~如不是要趕住去下一個地點我想我們會再多叫一碟咖央多的

已多年沒光顧這兒, 趁在太子辦完點事, 又未夠晚飯時間, 就來這看看水準有否退步雙皮燉奶($20) - 來到這兒怎可不試這個, 奶味香濃, 質感比想像中軟滑, 同朋友也覺好像夾雜著種特別味道, 想了很久才驚覺這應是杏仁味, 但重看之前食評卻沒人提及, 很是奇怪冰花燉蛋($16) - 蛋味濃郁, 雖沒燉奶般滑溜, 但本人卻愛這個果占多士($7) - 不太好但總試了一口, 用上厚多士兩邊烘過很是脆口

朋友口淡淡說要食通粉, 帶了我去義順. 佢叫了牛肉通粉, 佢說味道唔錯wor.而我就叫了雙皮奶及腿旦治. 雙皮奶做得不錯的, 好濃奶味, 已最好食既原來係浸皮, 正. 一向大食既我, 食完一碗雙皮奶仍覺得肚空空甘, 所以叫左腿旦治. 一上台, 嘩都幾大件wor, 厚厚既旦放在角切的麵包內, 旦汁流到碟都有, 真係估唔到除左澳洲牛奶有甘既旦外, 原來義順既都唔錯wor - 食完甘有份量既腿旦治有一種滿足既感覺. p.s. 講到炒旦呢,當然no1一定係jordon既澳洲啦.

此店是我至愛的食店之一.我的最愛食品有:1. 雙皮奶2. 薑汁撞奶(加蓮子)3. 旦牛通 or 麵 : 要大陽旦! 旦黃連通 粉or麵一起吃! yummy!!4. 芝X治 :e.g.芝旦治, 芝腿治. (一定要有芝士) 5. 木瓜奶

放工終於去左義順飲木瓜牛奶 又清又滑 正~~~~義順係用新鮮木瓜整的 所以無盒裝奶溝糖水咁甜不過$21就有d貴啦 份量得太半杯又唔夠喉另外我鍾意嘅茄蛋治真係要去牛奶公司先有得食=(不過呢度嘅鮮牛蛋治都值得一試 下次同朋友去堂食一定食至於木瓜牛奶呢...係貴d都無計 鬼叫我鍾意食咩