宜昇美食

Open Now

Now Closed

街市尋寶搵到呢一間小食店，主要係食腸粉嘅，因為我見差唔多個個都係食腸粉，我都唔執輸啦，叫咗一個細腸粉餐同埋一碗碗仔翅，兩樣都幾好食。呢個細嘅腸粉餐有兩條腸粉三粒魚蛋再加兩粒燒賣，我好鍾意芝麻嘅香味所以叫佢多麻醬多芝麻，真心正，$17都真係幾抵食，另外佢有個大嘅腸粉餐，$27，咁份量自然多好多啦。佢呢度嘅碗仔翅非常足料，豬皮絲、木耳絲、雞肉絲等等，呢碗係細size，$20，畀想像中大碗，加埋胡椒粉同埋醋就非常正。

早餐時間黎到大元邨街市見到呢間小食店好似好多人幫襯(差唔多坐滿)於是就入去坐底，佢有個腸粉餐有大同細分，我大食D所以叫咗個大Size的，$27，再加咗支$8的豆漿。個大Size腸粉餐除咗腸粉之外仲有魚蛋同燒賣，個膠粉好好食，蒸得夠彈牙而且又夠滑，仲有佢個麻醬溝埋花生醬所以真係特別香。魚蛋同燒賣都OK正常水準咁啦，支豆漿係壹品豆漿黎嘅，整體覺得唔錯，值得一試。

呢間D腸粉真係幾好食，其實燒賣同魚蛋嘅味道都唔錯，於是我就叫咗個大腸粉餐，實行一次過滿足晒三個願望。呢個餐唔經唔覺已經加到$27，入面包括有4條腸粉、6粒魚蛋同埋4粒燒賣，我自己就比較鍾意多麻醬多芝麻，因為感覺上好似會香D，甜醬就要少少就OK了。佢呢度D腸粉都算爽口，唔會黐埋一Pat，撈埋個醬真係無得輸嘅人間美食。

平時都好鍾意去呢間舖頭食！今次就要介紹俾大家我覺得最抵食嘅竽圓豆腐花🤩好似話唔同分店係會有唔同價錢，而我今次沙田食就比較平啲😆應該係鋪租平啲？😂☘️芋圓豆腐花 $28一匡已經係滿滿嘅芋圓，有三種口味，包括芋頭、番薯、紫薯🫶🏻雖然我覺得新口味都冇乜分別😂😂😂可能我放咗喺雪櫃一陣，所以食嘅時候個口感硬硬哋🥹平時都唔會🤣平時嗰啲係超級煙靭㗎嘛😂😂個豆腐花就唔算太甜，都幾滑同大碗！咁大碗來講又有咁多芋圓其實都真係幾抵食㗎！下次都會照繼續😆好食 ： ❤️❤️❤️🖤🖤抵食 ：❤️❤️❤️❤️🖤

8號風球下，好多食市都準備收鋪,只好去大元街市內小店醫肚呢度嘅魚肉個人覺得好有懷舊風味，所以就叫咗以下：1）魚香撈粗$34 （香蒜油撈粗麵，滿滿魚肉， 好夾蒜油重味）2）香蒜豬手撈粗$40 （D豬手炆得好淋，仲有生菜伴碟，）3） 2串魷魚串$16 （串串魷魚鬚熱辣辣） 跟餐香芋珍珠奶茶$10（芋香特濃，甜度適中）

嘢食極差 態度極差， 樓面有個四眼婆極之冇禮貌， 直頭趕客， 嘢食又垃圾， 入得去食預咗一肚氣出返嚟，價錢亂收費， 我朋友去食過都話成日收多錢， 差到唔會再返轉頭， 大家食過就知咩事

「宜昇美食」係大埔地道美食朋友推介我一齊試下地道小食街市幫襯下，原來都有驚喜牆上貼滿相片可以參考有咩食「魷魚串」入味又滋味，用汁燒過熱辣辣又惹味，一啖一粒我同朋友都超級鐘意💕每人一串唔洗爭啦之前一直都食呢度腸粉，份量十足今次試下碗仔翅❤️一定要加入醋同埋胡椒粉，真係好好味朋友每次都會叫韭菜豬紅豬紅入味又夠滑，大大舊有口感魚肉份量夠多，超級滿足，一碗都已經好多而且食個陣好熱，唔會凍或者腥氣下次食埋腸粉，我朋友話真係滑嘟嘟🙈

-最近同老婆👩🏻去咗屋企附近嘅大元街市 搵食行過成日見到"宜昇美食"排長龍所以去試下🧐⭐️大腸粉餐 $23大腸粉餐有有四條腸粉、六粒魚蛋、四粒燒賣大力推介啲腸粉好好味，好滑身唔太厚皮😋魚蛋都彈牙☺️⭐️蜆肉翅 $28碗仔翅就食得多但係升級版蜆肉翅就未食過加左蜆肉同啲碗仔翅好夾😍本身都蜆肉都幾入味令到本來碗仔翅更加錦上添花🌸⭐️韭菜豬紅麵 $30叫咗牛腩汁啲韭菜同豬紅都好新鮮 🤩D 牛腩汁湯底都幾惹味、但食完唔會好口渴價錢好親民😌港式小食質素唔錯而且食物種類都好多值得encore

喺香港好嘢食通街都係，通常喺大街大行嘅就會俾人留意得多，但係每一區其實都有啲小店，一直都好俾心機去做。呢間喺大埔街市嘅小食店開咗10年，喺網絡上面好少佢嘅影子，但係開得10年就即係佢有一定嘅實力。香港代表小食點少得腸粉，望落好簡單嘅嘢其實都要好俾心機做，如果唔係啲人點會特登去買腸粉而唔係買急凍腸粉。呢度嘅花生醬係自己重新炒過，比起坊間或者地鐵站出邊識到嘅濃好多，因為有油嘅關係，腸粉又蒸得夠火喉，所以腸粉係好滑，唔會外面層皮係乾，係由外到內都滑。呢度嘅碗仔翅係比較懷舊嘅做法，所有材料煮得好綿，唔會加啲奇怪嘅材料，就係原始港式做法，食到木耳嘅口感，加埋魚肉就多種食法。如果唔係太遠都會想成日食！

「宜昇美食」最近好中意嘅港式小店係我屋企附近街市～所以成日落去幫襯舖頭嘅牆上貼滿食品嘅相片，真係幾眼花撩亂！最搞笑係佢有個「是但麵」🤣諗唔到食咩就叫佢我同家人叫咗個「腸粉配魚蛋燒賣」、「魷魚串」、「蒜香撈烏冬配豬肉燒賣」、「兩溝」。蒜香撈烏冬真係好好味，我每次都會叫🤤今次就配埋豬肉燒賣，口感實在，頗有彈性～魷魚串又係好吸引～細細粒，用汁燒過嘅魷魚好香。一啖一粒好正呀😙腸粉配魚蛋燒賣，腸粉滑嘟嘟，魚蛋彈牙～.📌宜昇美食地址：大埔大元邨街市410號

係大元村街市的一間小店，每次經過都好多人，除咗價錢親民之外，就係因為店內有好多選擇，車仔麵、腸粉、重慶酸辣粉、碗仔翅等等，種類多得誇張！今次同老公叫咗3樣嘢食，$10腸粉有3條，熱辣辣的腸粉好滑身唔會太厚皮，好食！黑胡椒蜆肉米線($34)超多蜆肉，而且每粒都有啲肉地唔係迷你種，食極都食唔完咁。黑胡椒亦十分足料，配合埋菜甫、蔥花好香口，啖啖入口都又香又少少辣。四寶翅($32)係碗仔翅加入餃子、生菜、豬紅同埋兩嚿炸魚腐，大大碗好抵食。碗仔翅濃度適中，但食到尾就會變得比較稀。配料就正正常常，無乜特別亦唔會太差。但以呢個價錢而言，算好抵食。

雖然呢間舖頭有好多野食揀，例如各式各樣的麵(日式、廣東、放湯、撈麵都有)，仲有生菜魚肉同碗仔翅都有，不過我覺得佢最好食嘅就係腸粉，最正仲要有餐，有大有細，一個餐有埋魚蛋同燒賣，可以一次過滿足晒三個願望。佢嘅腸粉夠爽夠滑，本身的質地已經好食，加埋D醬(其實都係普通的醬)，難怪成日Full House。

成日聽到人話去大元邨街市食腸粉，我喺度住咁耐都唔知有間咁出名嘅嘢，今日終於試咗。食咗腸粉魚蛋燒賣，腸粉唔錯，魚蛋同燒賣就一般，我個人覺得喺大中商圈，佢嘅味道算幾高。

呢間車仔麵每次行過都爆滿因為要去燒嘢食，又要路經大元，不過战試下係道pre eat再出買餸裡面設計以bar枱為主坐我隔離附近嘅人都係食生菜魚肉或碗仔翅為主而我就由於太肚餓，就食咗個車仔麵食車仔麵我都比較鐘意食韮菜餃，因為可以試下店舖功架，今次都唔例外叫咗蘿蔔，魚肉，豬皮同韭菜餃魚肉的確係唔錯，唔怪得咁多人食生菜魚肉同魚肉翅蘿蔔就有d太硬，味道尚可豬皮夠入味但太碎太細塊但係水餃的確令人失望竟然用即食水餃，不是自家制本身想比好評，但可惜就敗在此水餃

看似很便宜, 但若再加上一杯飲品, 價錢很容易便超過30元。車仔麵木耳、栗米的味道跟份量都不錯, 不過清湯湯底淡如清水, 拉麵還可以。肉燥的調味很不錯!米粉也煮得剛好的。不過這次給的栗米分量相對較少。曾點過兩次紅棗茶, 會點第二次當然是因為第一次喝時覺得不錯, 可惜第二次覺得味道很淡。讚的是內裡都有真的紅棗碎, 否則它就不值$10的售價了。魚蓉燒賣跟7-11一樣貨色。在這裡吃食物就好, 若也點飲品, 整頓餐讓人感覺好貴。