好椰

Open Now

Now Closed

諗住上次食過OK，今次再嗌中哂伏，唔夠一個月水準可以跌成咁⋯話說嗌左個椰汁紫米露加西米芋圓同多芒小丸子奶凍，多芒都還好，只係無左椰汁未至於用差黎形容，雖然D小丸子都食得出開始硬⋯哇個兜椰汁紫米露先精彩，首先細兜成咁已經不在話下，無味架西利阿，夠哂健康！完全食唔到任何花奶或椰汁味，連甜味都無阿！芋圖亦都係完全無味，又發大變左一大舊粉咁，同樣地西米都係發大哂，即係好耐之前整定先會咁⋯好彩我有雪糕加落去，叫做有返D甜味，唔係都唔知點食埋落去🤦‍♂️

夜晚想係葵芳搵糖水食，葵涌廣場又關晒門，又想搵個地方同朋友hea陣食糖水，之後search吓發現到哩間夜晚仲有開仲係好多椰子嘢就想試吓😂舖頭幾細，門口一眼睇晒，位置小迫，唔係果區人應該平時唔會發現佢，因為收埋咗喺街市附近香芒黑糯米啫喱餐牌價錢算親民同幾足料，椰皇啫喱同黑糯米都好多下，椰皇啫喱清甜順喉唔會好甜，黑糯米紮實軟糯煮得啱啱好，同埋有米香，芒果都熟透幾甜，整體加埋唔會好漏，幾啱夏天食，食完成個夠飽👍🏻

成日去葵芳食嘢都係葵廣掃食，今次發掘下小店，發現到一間主打椰皇嘅糖水舖🥥平時好鐘意飲🥥水嘅我即刻買個外賣試下！好有驚喜，絕對會encore🥰1️⃣ 椰皇燉蛋白+自家製芋圓 $48椰皇燉蛋白價錢偏貴少少，但好食的🥲🫶🏻椰皇燉蛋白入口滑順，質感綿密，帶有椰香味，甜度適中，好濃椰香味🥹☺️食到最後仲可以成塊肉起出黎慢慢食🤣🤣我加咗自家製芋圓，芋圓都幾大粒，口感算彈牙🤤望落去細細個但食落去都有少少膩🙈𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟵/𝟏𝟎抵食指數: 𝟲.𝟱/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!😋📍Address📍好椰 葵涌盛芳街40號寬德大廈地下1號地舖

有句說話叫：食完會再番食的東西必是好東西好椰正正是我每次到訪葵芳必到甜品鋪。鋪頭無論外在和內裏環境都成功營造出一種溫馨新潮嘅感覺。鋪頭約有10 多個位置。整間甜品店俱以椰子做主題設計甜品。點了兩個甜品，其中一個是椰皇燉蛋白加小丸子。蛋白口感細滑、小丸子份量十分足夠、表面亦有椰絲脆脆，整體配搭恰到好處。重頭戲來了。 椰皇燉蛋白加桃膠。一如以往地好吃，桃膠有淡淡的甜味滲出，加上煙韌的口感、配上細滑蛋白和脆脆，整體無懈可擊。如果能加上牛奶配搭會更上一層樓。兩碗盛惠$98，價錢尚算可以接受。

同男友經過，意外發現在葵廣天橋下這間甜品小店，簡潔的裝修加上有幾個位置可以坐，係葵芳黎講都係少見的。所以我即刻心心眼😍拉住男友入去試下。椰皇燉蛋白+養顏桃膠細細的椰子入面，放左滿滿的蛋白及桃膠，它的濃郁香味與燉蛋白配搭得宜，而且又不太甜，加了桃膠的燉蛋白，感覺食落好有口感。椰皇燉蛋白+小丸子男友點了椰皇燉蛋白+小丸子加了小丸子的燉蛋白，口感好特別及豐富，一樣都係咁好味同足料。加埋上面有啲杏仁片，更加突顯左椰子的香味。

好椰！𝑌𝑒𝑠 𝐶𝑜𝑐𝑜𝑛𝑢𝑡! ｜ 𝐾𝑤𝑎𝑖 𝐹𝑜𝑛𝑔 | 椰皇🥥呢間位於葵涌廣場天橋附近專食椰皇既甜品鋪想試好耐~終於試到啦！不過呢間鋪鋪面唔係太顯眼，想食既朋友就要留意唔好行過龍呀~見到萬寧轉左沿住川味方向行就岩架喇！✨椰皇珍寳啫喱 🥥 $60椰皇啫喱食落好Fresh～ 似係用椰青水整出嚟既大菜糕，真材實料，唔會太甜～夏天食有種消暑既感覺，椰皇啫喱可以配唔同既配料，今次簡左椰皇珍寳啫喱，入面有爆珠、寒天波波同埋芋圓，芋圓口感煙靭軟糯，食落唔會好硬實的的咁，再配埋爆珠、寒天波波同椰皇啫喱食都幾match！好食！雪燕桃膠椰皇燉蛋白🥥 $58唔想依食凍野既朋友可以選擇椰皇燉蛋白，再加埋桃膠同雪燕，好養顏~呢款都係真材實料！ 桃膠同雪燕份量都算多，燉蛋白好香椰皇味，唔會太甜，再加埋啲椰子脆片增加口感，食落好有層次，推薦！

葵芳終於有多間甜品舖特色野啦🫶🏻，椰香嘅甜品我總係無法抗拒😚，貪佢甜得黎夠清新，感覺無咁邪惡Oreo麻糬椰青奶凍 $58奶凍幾香幾甜幾清新幾椰幾滑不過麻糬粉味重，硬身，同無乜味⋯多芒小丸子椰皇啫喱 $52幾新奇幾fresh幾爽滑幾清甜小丸子粉感幾重同幾硬⋯主打用椰青，椰皇水整奶凍同啫喱，味道同口感係幾清新幾香甜，另外麻糬小丸子嗰啲就唔好期望太大地方都幾唔明顯，跟地圖GPS帶路去咗第二度，但係其實喺正川味隔離

本身唔係特別鍾意食椰皇燉蛋白，間中都有喺小店或酒樓食過，但都覺得唔係我杯茶。今日喺附近食飯，朋友話想搵吓有咩甜品店，結果搵到呢間，就一齊去試吓。我原本打算叫椰皇以外嘅嘢，但見朋友們都食椰皇燉蛋白，就決定又試吓，畢竟椰皇係呢間店嘅主打。最終叫咗椰皇燉蛋白加桃膠，一食第一啖就覺得驚喜，個蛋白好滑，而且有啲一片片焗過、初初以為係杏仁片嘅嘢，後尾食落去覺得似係焗過嘅椰肉，好香又少少脆口，好好食。有機會會想再嚟食！

講起葵芳 大家都會諗起葵涌廣場 雖然葵涌廣場有好多甜品小食🍦 但大多都冇得堂食 食甜品就係想坐低一邊食一邊傾偈 身為葵芳嘅街坊 好開心搵到一間可以坐低慢慢食嘅甜品鋪 主打椰子🥥甜品 但鋪位比較細 有機會要坐出面巷仔✿ 多芒小丸子椰皇啫喱 ✿ [$52]去到已經冇曬小丸子 店員話可以轉芋圓 我都鍾意食芋圓😍 芋圓係自家製 好煙韌 食到芋頭肉 芋頭味濃 椰皇啫喱幾清新 椰子肉唔會好難挖 而且食得出椰子肉係新鮮嘅 食晒成個都唔會好漏🤤✿ 椰皇燉蛋白 ✿ [$42]燉蛋白好香蛋味同椰皇味 燉蛋白幾滑 不過食到最後有啲膩 食唔曬🥲地址➸葵涌盛芳街40號寬德大廈地下1號地舖★好食指數★：4/5★服務態度★：3/5★冇加一★

好椰外賣過兩次❤️今次寫返個食評先椰皇燉蛋白（熱）$42 +$6一款配料叫咗兩款 一個係雪燕 一個係桃膠攞到返屋企仲係暖～食落有勁爆濃郁嘅椰香味同蛋味，個人鍾意食雪燕多啲，因為桃膠多咗個甜味，令到椰香冇咁出～📍 Location: 葵涌盛芳街40號寬德大廈地下1號地舖#香港甜品#葵芳美食 #椰子甜品 #

好椰(葵芳)♡︎𝗗𝗘𝗦𝗦𝗘𝗥𝗧&𝗦𝗡𝗔𝗖𝗞♡︎$42 椰皇燉蛋白(熱)+$6 一款配料 自家制芋圓💚sᴛᴇᴀᴍᴇᴅ ᴇɢɢ ᴡʜɪᴛᴇ ɪɴ ᴄᴏᴄᴏɴᴜᴛ ᴛᴀʀᴏ ʙᴀʟʟ💚食落有濃郁嘅椰香味同埋蛋味，蛋白軟滑，芋圓唔多而且唔夠煙韌，但整體燉椰皇都係好食～$53 oreo麻糬奶凍💚ᴍɪʟᴋ ᴘᴜᴅᴅɪɴɢ ᴡɪᴛʜ ᴏʀᴇᴏ ᴀɴᴅ ᴍᴏᴄʜɪ💚奶凍係用椰清裝住，oreo麻糬配搭奶凍幾特別，奶凍質地幾滑，椰子味唔多，面頭有oreo餅碎，內裏有煙韌麻糬。📍葵涌盛芳街40號寬德大廈地下1號地舖#香港甜品#葵涌美食 #香港小店 #椰子 #飯後甜品 #甜品 #hkdessert #hkfood #foodhk #coconutdessert #好椰 #燉蛋白 #奶凍