Video
Opening Hours
Mon - Sun
11:00 - 22:00
Above information is for reference only. Please check details with the restaurant.
Signature Dishes
早幾年當兒子還在灣仔上學時，他曾極力推薦我到一家叫「楊記」的麵店用膳，還說那裡的蝦籽麵做得非常出色，所以我早已把這麵家列為心水食店之一。其實筆者亦早已聽聞楊記是「蔡瀾常去食肆 150 間之一」，更連續兩年榮獲米芝蓮本地美食推介，而且其風格與母店沾仔記極為相似，不過這裡就主打撈麵，可惜我每次唔係就唔到時間，就係嫌它地點唔就腳，一直未把到訪之舉，付諸實行。最近從開飯網站得知「楊記」因租約期滿，將於本月 23 日結束營業，於是扚起心肝，決定臨別秋波，來這裡吃頓輕盈告別宴。這天中午與友人約一時十分到達，門外已堆滿人群，幸好輪候時間也不需太久，只是一會兒已被安排入座。點了兩款蝦籽撈麵，侍者送上店子自家製作的魚湯，湯底色澤深褐，看來也大有來頭，絕非泛泛之輩。據說這個湯是以大地魚乾、蝦米、豬骨、羅漢果等每日熬煮而成，入口魚香極濃，味道鮮甜甘香，十分出色。友人是牛魔王一名，幾乎是無牛不歡，當然首選蝦籽牛肉撈麵 ($32)。牛肉撈麵是這裡的招牌麵食，據說廚子先把牛肉煮好，再跟撈麵放在一起，而牛肉則會選用新鮮的牛髀肉，聽落真讓人充滿期待。不過牛肉咬落，口感毫不細嫩，鬆肉粉味實在太明顯，令肉質腍得來完全失去本身的肉味，的確有點可惜。反而經炒香後呈棗紅色狀的蝦籽，下得極為慷慨，把牛肉面頭鋪得滿滿的，入口甘香撲鼻，再配上彈牙的蛋麵和鮮綠色的蔥段，吃來味道既濃郁豐厚又帶有餘韻，簡值令人回味，看來淨蝦籽撈麵更為好吃。至於我揀的蝦籽黑柏葉撈麵 ($32)，蝦籽份量同樣亳不欺場，感覺上好像每條黑柏葉都被蝦籽重重綑綁包裹著一般。黑柏葉咬落夠曬爽勁，入口煙韌有緻，只可惜味道略嫌偏淡，要靠蝦籽來增添食味，不過底下麵條爽身彈牙，絲毫沒有半點鹼水味道，麵質又爽又幼，完全不覺乾澀，水準十分之高，配上鹹鮮並重的蝦籽，食完簡值齒頰留香，難怪這兒食客絡繹不絕。友人點了份油菜心，顏色翠绿，不過筆者一向不甚喜愛吃菜心，總嫌它菜莖過份圓厚，吃來太過粗枝大菜，而這兒的菜心，食落未算特別鲜嫩香甜，雖然面頭已放上油，也未能增加食味，口感只屬一般。至於枝裝豆漿，味道尚算清甜，不過略嫌豆味不豐，但整體還算不賴。臨離開時，瞥見門外貼上了很多報章雜誌的宣傳介紹，可見此店麵食，確實有其過人之處，只可惜近年香港地的租金彷如脫韁野馬，加上食材昂貴，令經營者無不叫苦連天，這次一別，不知道何時才可以再與美味的蝦籽重聚呢？
continue reading
早幾日先ｏ係楊記食完黎，不過對佢既蝦籽撈麵一試難忘，所以今日下午出銅鑼灣前專登再黎食過～經過門口先見到寫住租約期滿，開到２３／４咋‧‧‧如果大家想食既就要趁早黎幫襯啦～講返食物，上次食左蝦籽牛肉撈麵，水準十分不俗，今次就試下牛柏葉撈麵～蝦籽未食已經係香氣迫人，牛柏葉超爽口，麵條亦都唔係一般既鹼水麵，夠晒彈牙，撈勻蝦籽食真係無得頂～伴麵既湯味道都好清甜，唔會好油膩，唔用黎撈麵就咁當湯飲都好適合～姐姐既服務態度都好親切，經常面帶笑容，暫時黎講未食過第二度既撈麵係好過楊記，希望佢可以搵過個新鋪位，唔好令一班捧場客失望啦～
continue reading
聽閒呢間店既蝦籽撈麵都幾出名，加上openrice既風評都唔錯，今日湊巧經過灣仔終於有機會試下。六點鐘左右黎到所以唔係好多人，自己一個坐張四人卡位。侍應阿姐幾有禮貌，笑容亦都十足，點左一個蝦籽牛肉撈麵（＄３２），加＄４要多包檸檬茶。先上左伴麵既羅漢果湯，一飲就覺得好清甜解喝，唔會好油膩。到個麵黎果陣已經見到好足料，蝦籽鋪滿晒見唔到麵咁滯，未食已經閒到好香既蝦籽味。牛肉好新鮮爽口，麵條咬落夠晒彈牙，軟硬度掌握得好，食落好有口感好過癮，比出面好多鋪頭既鹼水麵高出一個層次。不過如果就咁食就略嫌乾身，加埋個湯，再撈埋蝦籽一齊食既話就係一絕。埋單唔洗＄４０，咁既價錢有咁既質素，絕對可以用物有所值黎形容。
continue reading
星期六身在灣仔, 要諗去邊度食lunch,老公叫我諗下有咩好野介紹俾佢食,第一時間就問, 食過楊記未,未食過楊記, 一定要試下喇咁!雖然其實我都有成年冇去過楊記,希望唔會令我失望啦~老公望下望下餐牌, 話都冇咩選擇,我安慰佢話, 咁都係為左黎食蝦籽姐.. ^^我本身好鍾意呢個牛柏葉蝦籽撈麵!因為夠特別嘛, 又整到細細夠唔會好難搞,一睇到見到成碟都係蝦籽, 香噴噴, yeah~老公鍾意食鵝腸, 都估到佢一定係叫呢味架喇!老公就話, 蝦籽ok, 鵝腸就冇咩特別喎..我唔食鵝腸, 真係唔知喇簡簡單單速食一餐~ 楊記係灣仔的確都係一個幾好既選擇^^
continue reading
上星期為左慶祝我既節日同 baby 去左睇張達明楝篤笑睇 show 前落左灣仔試試呢間獲好評既楊記因為 6 點幾已經去到店入面唔算多人我地可以坐卡位因為第1次去 煩惱唔知叫咩好waitress e e 好好咁逐一介紹 超nice 最終我要左牛肉撈面 ( $28 )牛肉好爽牙 面都好彈牙我叫e e幫我加左蠍油落面到自己就再加辣油正 !!!!!!!!!!!!!!!!!!!!叫撈面會跟一碗湯係粉"郭"湯 不過就咸左 d齋飲會喉嚨會好"baby 要左龍蘇撈面 ( $32 )龍蘇撈面有蝦子粉蝦子好香 但 baby 話我既牛肉撈面好食 d可能唔係成日食 所以有少少唔慣除左兩個撈面 仲叫左兩碟生菜 ( $10一碟 ) + 兩支豆漿 ( $5一支 )豆漿超好飲 !!!! 好有豆味而且係支裝 ~~~ 份量好多又平加上密封處理 好衛生 埋單 $90 大洋 食飽飽好滿足咁去睇 show 嚕
continue reading