瀛盈日本料理 (Closed)

有日經過柴灣青年廣場，見到宣傳板韓燒自助餐，$148一位價錢同宣傳單影到好吸引，就搵日上去試吓，点知差到呢，食物種類又少，又無味，飲品唔凍，又話食90分鐘，我入座時候係8点但9点開始收嘢！需然係平但都要有返d質素，食物少都無問題，好食就話，我只會嚟一次，一定無下次

晚上去食放題發現供選擇的食物 跟傳單上的食物不同雪櫃超細 選擇勁少 而且質素非常十分差差差所謂的牛冧肉 是肥牛 但超級騷之後再換一碟唔知係乜嘅肉職員話係牛 試一舊 完全冇牛味 都唔知食緊乜雞翼 完全冇味 煙肉 唔似煙肉餃子 入面應該係泡菜 但都唔知係乜菜汔水唔凍 啤酒唔知係咩牌子職員好似唔識廣東話咁試都唔好試 晒錢😡😡

午餐大概一百元左右啦，包半自助吧(原價$68)!環境大致上ok既!只不過細咗少少😂😂質素同價錢就唔係太成正比囉😩😩半自助吧就無咩選擇囉😒😒佢個懶係泰式鳳爪勁難食囉😨😨都唔知佢整黎做乜，明明係食日本菜🙄🙄飯上面啲配菜，我都唔知食唔食得既🤦🏻‍♂️🤦🏻‍♂️食完勁難食勁想嘔囉🤮🤮招呼方面一般😞😞我杯水飲完都唔會幫我加水😓😓都唔明點解會有加一服務費🤬🤬認真油麻地(麻麻地)。。。囉😂😂

今日約左同住柴灣既朋友，近近地食個lunch~起青年廣場可以方便朋友推住架bb 車，有得上斜落斜無難度～✨本身睇完食評，抱住無咩期待既心情而來，環境估唔到又幾新幾乾淨，睇落感覺唔錯✨以柴灣既價錢黎講都唔平，不過佢包埋一個半自助沙律吧，都可以接受，咩都假最緊要係味道。✨九州豚肉叉燒拉麵（$88): 呢個價值88蚊既叉燒拉麵，見到塊叉燒實在不能接受。。。呢塊係叉燒？？？？？本身我其實都無咩期望，但呢塊叉燒未免太過份！？？賣相已經縮晒水似紅腸，食落係一塊又乾又硬柴既豬肉乾😤，真係茶餐廳都好食過佢😤點解佢夠膽拎出黎？？實在不能理解。✨個麵算彈牙，湯底無特別，最好食係塊紫菜，呢個麵我會比負評👎🏻真係嬲嬲地心已傷，唯有出去自助吧睇下有咩食先。自助吧唔係好大，有小食，沙律，甜品，糖水，湯，同埋自己沖下野飲。✨有幾樣都幾好食，辣辣地既撈麵，涼伴茄子，木耳，螺肉都唔錯。反而平時至鍾意既紫薯仔，呢度食落硬硬地同埋無咩甜味。不過至少係好食過個所謂既叉燒拉麵先。。✨沙律菜睇落幾新鮮，雖然得幾款，但有比較特別既羽衣金藍。仲有涼粉，啫哩糖。西瓜大部份都已經熟到變晒深紅色～d 棉花糖睇落都好硬下，唔知放左幾多日。

母親節同媽咪細佬近近地去柴灣青年廣場食個晚飯，母親節關係人很多，不過八時半左右，等了10分鐘都算有位置坐。點了一個二人份的壽喜燒，附送兩份自助沙律bar，選擇表面上不少，但行到埋去又揀唔落，流心蛋好難脫殼，麵豉湯又淡而無味。等了半個小時，終於上菜，湯底顏色雖深，但只有牛油味，配料很多，但無論肉類和海鮮都雞肋，食之無味棄之可惜。火炙三文魚和火炙三文魚腩🍣反而出色，魚脂重，新鮮製作，魚片大件，抵食！原條鰻魚飯丼又一敗作，沒有鰻魚味！不過母親節為每位女士送上一支康乃馨，都幾窩心。但食物真係有好大改進空間！

從未試過咁差日本飯，叫咗個鰻魚定食，鰻魚唔掂已經係正常，飯咁基本的東西竟然又硬又凍好似間夜飯，份量得小半好似食剩咁。問待應佢回應仲奇怪，佢話我食咗咁多才投訴，叫我自己問厨房 !

當我叫壽喜燒佢俾左呢個煲的時候，我已經知我lai左野🤢#伏#貴妃蚌有沙蝦冇蝦味條魚煮完都係腥舊玉子硬過舊粟米舊粟米又唔知做乜會出現跟住d牛舌帶子豬肉已經唔忍心再食the worst thing ever happened in my life about Japanese food, I would never come again... sushi and sashimi only few choices, appetizer ever better the hot pot

沒有刻意訂枱、也沒有刻意找尋食評，只是約了朋友在柴灣找個沒太多人和要等位的地方食生日飯，便想起了青年廣場內的餐廳，朋友也喜歡吃日本料理所以便選了這間，不但有意外驚喜還感覺良好，一定會再光顧，原因是吃晚飯套餐有免費自助沙津吧，生日月份的壽星妹或仔也會送一支180ml的日本燒酒，飲不完還會幫你寫上客人的名字，一個月內再光顧便可再飲，實在有心思和超👍like!所以必定會再光顧！尤其它們的沙拉菜又多款又超新鮮，有相為正絕冇取巧👍👍👍👍😋，這餐晚飯真的值得推薦！

夜晚六點去食，見到無人以為有伏，不過職員姐姐極力推介爐端燒，咁我地廢事再周圍搵，所以入去試，點知有驚喜。我地叫左一個爐端燒set $258 同埋半打法國生蠔$98。生蠔鮮甜，有少少海水味，10幾蚊1隻開埋比你，性價比幾高。爐端燒set：海鮮方面，揀左貴妃蚌2隻，海蝦3隻，大虎蝦1隻，蒜蓉石蠔2隻，鯖魚半條，八爪魚仔1串肉方面，揀左羊架1件，牛舌一份，安格斯牛肉片1份，一口牛柳粒2串，豚肉粒，雞肉雞軟骨雞腎各一串蔬菜方面，揀左京蔥，栗米，冬菇，黃瓜味道可以自己調教，有七味粉 幼鹽 椒鹽 燒汁 辣汁等，職員都好細心咁講解應該點樣燒 燒幾耐 點樣擺放，又會主動換骨碟 加茶，仲好好禮貌埋單每人$200到，我地兩個人食其實都好飽，下次可以再試多次！

我唔想咁樣講，但始終都係要講，就係好難食，我都知道咁樣嘅負評可能會對餐廳嘅某啲員工造成壓力，但事實上真係好難食。首先其實呢間餐廳啲丼飯係一set嘅，而且價錢都好平， 但係味道就真係唔係咁掂。我食嘅係親子丼，三文魚係ok，但係食起上嚟唔係好有魚味， 三文魚子味道都係一般般， 其他啲配料好似玉子、蟹柳啲溫度係比較凍 而且味道都係唔係咁好，仲有就係覺得啲飯都比較硬咗啲，平常食開嘅壽司飯或者丼飯都係軟綿又好入口，但係呢度嘅飯就係比較硬。平係平，但係就唔係好食。

雖然睇過好多網友都話幾好食，但是一直無機會試，終於尋日晚飯時段，可以去試下呢間日式餐廳一出lift就聞到好香既磯燒味，個心充滿著期待咁入去。 入到去，客人唔多，唔洗等位就可以入坐。睇過佢既餐牌，單點燒海鮮，最少要點5款，而九個set都幾抵食架，可惜我們得2個人，望左望就決定唔食磯燒了。 黎既食客要注意，因為磯燒既爐唔多，大約得5~6個，係先到先得既，如果一心想食磯燒就要早少少上黎，唔係就要等個爐，影響左食嘢既心情就唔好啦！我們最後決定叫左法國生蠔半打 + 親子三文魚丼 + 油甘魚刺身 + 帆立貝刺身。法國生蠔配檸檬汁幾鮮味。 注意: 佢地無食蠔既sauce, 只有辣椒仔，如果你既口味係鍾意配sauce咁可能會有啲失望。親子三文魚丼和魚生都幾新鮮，都唔錯呀👍👍，係蟹籽沙律就覺得有啲特別，佢唔係平時食開既蟹籽沙律所用既青瓜蟹柳絲，而係用沙律菜配蟹籽，都幾特別架。我覺得可以再黎，如果下次有機會真是要黎試下磯燒，我見其他食客一家大細齊齊燒下都幾開心😁😁

第一次咁嬲好唔好食真係見人見志但d野係臭 臭到入唔到口搞到與一排唔急食壽司真心未食過咁難食ge壽司粒帶子係腥到入唔到口。。嗅到都想嘔曼魚係無味咖啦又貴又難食食完真有d肚痛

朋友演出，當然第一時間走去撐場，第一次到青年廣場所以對呢度既餐廳唔多認識， 一心諗住食日本嘢應該唔會有問題，但可惜就係因為咁樣中伏。真係冇諗過，冇乜可能會中伏嘅食物都可以中伏，我講嘅係呢個親子丼呢個親子丼係套餐，有沙律、麵豉湯、親子丼、泡芙。 沙律啲菜又乾又硬，麵豉湯調得好咸好咸， 個親子丼算係好豐富好多料，但係食落就知唔係好對版，三文魚子夠大粒但係味道好淡好淡，三文魚味道係冇乜嘢魚鮮味，就連個飯都比較硬。可能會有好多人會覺得好食，但係對食物有丁點要求嘅我嚟講就一啲都唔好食。

探完爸爸病和老媽子吃過午飯再見醫生，醫院飯堂一點也不想吃，為有坐小巴到柴灣吃，聽朋友說青年廣場有一間日本餐廳食物新鮮，即管去試一試，環境也很日本式，因吃飯時間餐廳也有很多人，剛好有兩個位午市有個＄58的魚生丼，叫這款但店員說已售罄了，最後幾個剛好給隔離枱要晒，叫了一個帆立貝三色貝丼盛88蚊：有帆立貝北極貝赤貝，鮮甜味美，還有玉子，蟹棒飛魚籽，鋪滿整個飯碗，還有面鼓湯加中華沙律，也算抵食碳燒雞扒丼盛：到時兩塊雞扒的形狀好像鮑魚般，味道很好，醬汁甜甜的容易入口，面試湯不會太濃，反而好喝魚生真的很新鮮

一開始覺得小火鍋很好吃，肉質不錯，湯頭也很好，蔬菜也多，但是吃到一半發現裡面有頭髮，服務員卻拖了很久才讓我換一鍋。本來覺得這個性價比不錯的店以後可以常來，但現在覺得有些失望⋯⋯總體而言服務不夠好衛生也不好