橫綱

Open Now

Now Closed

呢間拉麵店我成日去幫襯，次次都大排長龍，要好有耐性排隊先可以入座，🤣🤣我最鍾意就係食佢嘅魚豚骨拉麵，豚骨好大條啖啖肉又入味！湯底好濃郁💖💖😍😍熱而且拉麵又爽身彈牙仲好入味，最重要嘅就係佢嘅份量好足夠！性價比好高👍🏻👍🏻

再次來店， 今日路過，下午茶時段walk in，全場8折。 30幾年老店，一種懷舊嘅感覺。好似來到日本某地方都市嘅小店。 味玉拉麵，特製黑蒜油蒜香濃郁！ 我心目中嘅日本拉麵No1可能疫情後變化，客人唔多，唔洗排隊服務，質素依然一流。

叫左份豆醬元祖拉麵面質地几好湯對我來講有嘀鹹但是好正無味精我個人食比較淡，後來姐姐比左碗清湯我整淡嘀，叉燒够軟淋有肉香。入來前最担心有好多味精，無味精呢樣野對我來講超正我連湯都飲埋，依家半個鐘都無口干干難受感覺，証明樓面個姐姐無講大話推薦

個碗一拎上嘅時候嚇親，唔係以前嘅樣，但係唔緊要照試吓個味：點知一飲個湯，第一時間諗起味千拉麵🤣🤣。叉燒都…較乾身，唯一要講嘅係糖心蛋唔錯，不過加配糖心蛋要$16一隻。以前係排長龍嫁，見到餐牌都改變左啲，估唔到質素唔同晒，坦白講帶着期待過嚟，但係食完有啲失望，都係回憶中比較好，最後都係食唔晒。食都係食回憶嘅，真係想知道轉咗手，點解仲要用同一個名，尤其是離開咗香港幾年再返嚟食既人，真係唔知道啲嘢唔同晒。

(簡單幾句，説道别)幾十年的横綱，原來已經消失了，相信已經轉手了本地人經營。今天晚上8時半去到，没人排隊，吃了豚肉蛋拉麵，真的不知所謂！垃圾不如！味道咸，面湯不夠熱，面没有洗煮一下才放入碗中，仍有梘水味，豚肉不夠新鲜，又硬又起柴，湯底太多味精，只有咸味！我自己煮的拉麵還好吃百倍！另外，叫了鷄串丶餃子，我只吃一口，吐了出來，唇邊已經小了出來。MK侍應，没有日式食店基本禮貌+MK厨師頭髮又長又油，制服污糟，店內四處污漬，物件零亂，污污糟糟！大佬呀！俾d心做日式拉面食店呀！學習一下啦！

好難食味精拉麵 不是真正日本拉麵大約八點walk in 兩位，立即有位坐。點左Menu上最signature嘅兩碗拉麵。櫻花蝦湯拉麵，完全冇櫻花蝦味，係味精湯味，同公仔麵一樣味道。好鹹，只有少許櫻花蝦乾係面上，好似food court 一樣嘅質素。麵質都好差好淋唔彈牙，係超級市場買嘅現成急凍拉麵質地，完全對唔住個價錢。至於九州拉麵就更差，所謂既日本直送係係同出前一丁豬骨湯麵一樣， 完全唔係真正既日本拉麵。唯一係叉燒有用火槍燒過，半熟蛋味正常。日式餃子係炸，而唔係煎！總結而言，好難食，劣食味精拉麵，唔會再黎。

以前間唔中都會黎食下, 突然朋友提起好耐無去 我地就特登出左去搵呢間拉麵食到達既時候無人排隊, 我地好快就入左座鋪頭比較逼 座位都係逼住逼住叫左一碗九州拉麵同埋一碗叉燒拉麵九州拉麵比起以前就見到小左好多配菜例如菜同粟米 味道食起上黎都係比較偏咸湯底亦都無左之前既豬骨味叉燒拉麵叉燒既份量同以前一樣咁多朋友叫左醬油湯, 一樣覺得咸除左叉燒份量多好抵之外 都無咩特別既地方唔怪得宜家連隊都唔洗排希望以後會改進d

橫綱係疫情期間無機會去幫襯，所以都好耐無食過！上星期專登等埋屋企人放工去食，懷緬一下。點知八點到去到，點解唔駛排隊嘅？心裡一涼，唔通頂咗手？！以往橫綱好靜焗，今次重來點解侍應姐姐不停大叫嘅？好似去咗譚仔咁。點解聽唔到拉麵師傅大力fig乾拉麵嘅聲嘅！望望餐牌，見到拉麵價錢好似貴咗少少，但圖片拉麵嘅餸份量咁少嘅？有啲連蛋都無要加$18⋯⋯終於一上檯就知咩事啦！同以前原來係兩回事拉麵湯底明顯唔係以往自家製，似係杯面個包濃縮湯底，仲要得個咸字食材由塊魚蛋到菠菜都唔係以往嘅日本貨，而係旺角街市嘅平價貨用呢個價錢食旺角平價拉麵質量，唔怪得由以前排成個鐘變成即入啦

一心念住食一碗有好小小的拉麵 點知咁q難食 咸到死 究竟有冇試味架 完全唔掂 仲衰過 food court 咸到腎痛 咸到咁都可以賣比人食 浪費金錢 貼錢賣難受 食完之後 又好口渴 失望 免費都唔會食

係附近上堂，經過諗住食碗拉麵。點知極難食， d湯勁咸，d豬肉有雪水味🤮🤮🤮食到一肚氣😾😾😾成暗餐廳又唔夠冷氣，又焗，唔洗錢都唔食👎🏻👎🏻👎🏻👎🏻

又到晚上吃晚飯的時候，途經橫綱拉麵店，聽說這間麵店是日本人經營，而且想吃日式拉麵，於是就入內光顧，入到店內服務員帶位，坐了位後就開始點餐，這次點了元祖拉麵，大約十五分鐘左右餐到了，於是就開始吃，湯底用豬骨餚製而成，很清甜和不咸，日式叉燒入口即熔有口感，拉麵夠彈牙，份量很夠大碗，很有地道日式拉麵口味的感覺，店內環境舒適整潔，冷氣夠涼，是傳統日式食店的裝潢格局，座位間隔舒適好坐，服務員的態度也很好，結賬後還有糖果贈送，整體上很不錯，下次再來光臨

好耐無去食吃，見到唔洗排隊就去食吧.. 賣相還可以，但一食就….. 跟1x 年前已面目全非，湯偏咸，無豚骨味，就連叉燒都咸的！ 我唔會再去，再者 而家咁多選擇，隨便搵一間都好食過佢…..

第一次黎橫綱已是3x年前,隱藏在橫街的小店，$25碗叉燒拉麵，當時算是高級，放工便和同同事到店裡吃小食，食宵夜，日籍老闆常常送大禮，碗麵總是滿滿的配菜…疫情前質素已慢慢向下，但還可接受，三年沒到來，今天在附近工作，進店懷緬一下…櫻花蝦湯麵，跟三年前的完全是兩回事，湯無蝦咁，麵不彈，分量少，跟foodcourt 一樣的貨式，叉燒過勉強合格，但總算食得飽，環境還是3x年前的模樣，食情懷吧！完餐後想應不會再來了，留點美好回憶較好。

自細食橫鋼嘅麵大，即使疫情都有間中嚟支持吓，但近1年嘅質素實在每況愈下，不論員工服務態度、衞生同出品都係只能算係勉強仍可接受嘅水平～～今日入門照舊來一碗九州拉麵，居然冇哂粟米、菜等嘅配料問員工只識話係吔改咗餐牌，其他乜都唔知一入口叉燒片、鳴門卷、筍片同湯底口感味道都全部變哂！唔再係咁多年來嘅味道！完全係2回事～～掀開餐牌，見到大部份麵類相片都冇咗堆配菜成間嘢嘅水平格局已經面目全非早知我去隔離冰室算失望以後唔會再嚟～👋🏻👋🏻👋🏻

橫綱由細食到大，咁岩行過入去緬懷一番，由之前排長龍，到宜家門口冇人等位已深知不妙，以前煮麵既日本師傅唔見左，唔緊要，我嚟既目的係緬懷🤭，叫返九州拉麵，噢，以前濃郁既豬骨味消失了，我明白點解味千拉麵都會多人過橫綱了🤣應該今次係我最後一次嚟幫襯了