吉野家 (Closed)

今日去左APM 食左個快餐去到3:00左右剛剛好下午茶開始了！星期日都有下午茶餐真的好低食！叫左個細牛肉飯！記得叫店員給牛肉汁酸薑加落飯道一齊食好好味！不過酸薑一個餐只可以給一包！仲要在單上蓋印先可以給！😦真的有咁真貴嗎？

要趕文件提早返工一早同同事去到APM，時間有點趕!咁早開嘅餐廳真係唔多，肯德基好多人上兩層去到呢度！地方大乾淨企理，好在無乜人客.不過好多款都製作中.所以揀好快就落單，攞票去櫃臺等5分鐘唔使就攞到！南冰魚柳+火腿+炒蛋+茄汁豆+烏冬＋咖啡！魚柳炸起咗一陣，所以脆口，魚肉又幾滑點咗啲沙律醬更好味火腿片正常，炒蛋好老喔⋯⋯但蛋味十足烏冬彈牙！茄汁豆幾好味但是份量少咖啡我覺得還順口的,濃淡剛剛好.店員全部都爽手，極快速就上晒食物！二十分鐘落單食飽走得！整體一般，不過三十三元好多野食，起彽

吉野家下午茶三點三！超值下午茶$20內容似乎不錯啊！除了迷你牛肉飯，可選擇豬骨湯烏冬！奶油脆豬仔包及麻醬涼豆腐！以及基本飲品！在APM商場購物後，突然想吃下午茶看到這間餐廳不用排隊便決來個三點三吧⋯⋯我地分別叫左兩個set 大家都選擇烏冬及加六元要冰奶茶首先講烏冬....湯係豬骨湯！的確滋味不己！烏冬煙韌有咬口！有片日式魚蛋稍為平平無奇了一點！數片粟米粒增加口感！麻醬冷豆腐也很不錯！豆腐夠滑麻醬微帶甜味！酸甜開胃！豬仔包烘熱的，練奶細杯子上！甜度自然任你！吃起來還不差，豬仔包至少是外脆內鬆的！冰奶茶只是使用透明碗盛裝冰塊！再將裝滿奶茶的杯放入冰塊碗中！使其保持冰鎮，卻又不失風味！整杯奶茶嚐起來厚實！茶的淺澀味突出！茶味與奶香完整融合！加六元是合理的！完全是開心平價的下午茶！

吉野家在APM商埸的眾多餐廳中...早餐的價格算是比較平。而且坐的環境相對較舒服。所以亦不乏棒場客。早餐的選擇亦十分多，今天試的是黑松露芝士炒蛋多士一上台就聞到陣陣黑松露獨有既香味 似煤炭味 ！多士亦烘得非常鬆脆，牛油味好香濃！炒蛋唔係好嫩滑，有啲過咗火！但配合黑松露及多士，味道剛好。芝士果邊的確係好多芝士在蛋上面！不過冇乜芝士味道....下次都係唔食芝士炒蛋...塊餐肉薄得很，好透明...煎得過火。煙肉雖然都幾芳香，但就煎到又乾又硬！全部連飲品$32都可以接受....

之前已經聽過吉野家個三點三下午茶好抵食!!! 今次經過apm，時間差唔多，一於食呢個餐先。另外仲有個唐揚雞配牛肉飯餐都好吸引呢!!!三點三下午茶餐包左迷你牛肉飯(如果唔食飯，好似可以揀烏冬架)，胡麻凍豆腐同珍寶腸同飲品。雖然話係迷你牛肉飯，但份量唔算小，下午茶食就剛剛好，加埋牛肉汁會更好味!! 珍寶腸都算大條，如果皮脆啲會更好食。細佬就食左叉燒冷面，份量唔算好大碗，以下午茶計，夠飽嘅!! 醬汁當然係萬能芝麻醬喇!! 細佬話叉燒如果嫩啲更好味!! 下次要試試唐揚雞嗰款先。

LUNCH 經過吉野家見到出左串牛丼就入左去試試先講兩樣新野咖哩雞肉串：雞肉較軟淋咖哩入味有小小辣雞肉丸：咬落有芋頭味口感較乾較粉而牛肉方面保持一貫水準可惜份量較少整體上味道方便都不俗但餸菜方面較為單薄要加牛肉汁調味白飯未食過既朋友都值得試一試

行街行到攰攰地，一于到吉野家吃返個下午茶，充充电。 今日𣎴算人多，若果星期曰，一定排長龍，抵食嘛！店內环境幾舒服，坐位算是寬鬆，我點左个下午茶餐，野菜牛肉飯、配雞翼、一杯凍綠茶，我好鐘意吃吉野家牛肉，夠牛肉味，溥溥一片片，雖然份量不算多，勝在夠味道，野菜做得爽爽翠翠，配上煮得軟硬適中的珍珠米，淋上醬汁，滋味无限雞翼也做得不錯！好入味，外脆內軟，份量剛好，再飲返杯凍綠茶，舒服醒神，二十幾蚊一個下午茶，健康有又營，给它一个like

做左吉野家會員⋯自然想儲分！今朝又毛毛雨⋯番到公司樓下⋯決定試下吉野家早餐！因為之前未食過⋯我點左個魚柳拼豬骨烏冬既餐、仲有蛋、煙肉、茄汁豆、飲熱奶茶！買相好吸引⋯食落一般般！魚柳有d腥⋯烏冬同湯唔算好夠熱⋯！

呢排見到吉野家出左個新火鍋 睇落都幾吸引 一直都想去試下食 有日接女朋友放工 問下佢有冇興趣試下食咁樣 我地叫左個海鮮鍋 $69 蕃茄湯底 個湯底幾重茄味 而且再加上海鮮既味道 令到好滋味 火鍋料都一如往常咁啦 冇咩特別 最有驚喜都係個湯底 值得一讚既係店面好乾淨 設計得幾好 坐落都好舒服 大家有興趣可以試下

一直都好鍾意食吉野家嘅火鍋， 今日一去仲見到新出咗蕃茄味湯底， 非常鐘意食蕃茄嘅我一定唔可以放過佢！蕃茄海蜆鍋，一打開蓋 已經見到好多蜆， 而且蕃茄湯好濃味 仲有好多蕃茄肉！ 啲蜆食落啖啖肉好大隻， 起碼有超過十隻蜆， 不過有幾隻有沙 扣咗少少分。其他如粟米，菜，蟹棒， 豆腐 ，冬菇，肥牛樣樣都有齊， 個人覺得如果鍾意食蕃茄嘅人應該會好鍾意！ 因為我鍾意食蕃茄之餘又鍾意食蔴醬， 而蕃茄湯加蔴醬就有少少怪唔係太match， 如果都係選擇蔴醬嘅朋友都係建議揀返濃湯~不過番茄味嘅湯底絕對值得一試！

經過了大約一個月的時間過後，已經患上肝臟疾病，差不多要宣佈退休的老豆，又要再次前往觀塘「基督教聯合醫院」進行覆診，而我亦要繼續肩負兒子應該有的責任，繼續陪伴他前往觀塘。在「聯合醫院」正式完成覆診過後，我們兩人離開「聯合醫院」，再坐專綫小巴返回觀塘市中心，食完飯才坐港鐵返回「西貢小巴根據地」將軍澳。我們今次決定，在「a.p.m」裡面的日本快餐食店「吉野家」，食我們當日的下午茶。「吉野家」其實都稱得上，算是老豆個人比較喜歡的食店之一，他以前在「將軍澳醫院」覆診時，「吉野家」也是他午飯的首選之一。不過，觀塘「a.p.m」分店的「吉野家」環境，有一點跟其他分店的「吉野家」都很不相同，這個不同地方就是觀塘分店「吉野家」，入口位置掛着一大部電視機，而且電視機正式播映我最怕的「新聞臺」。我叫老豆先進入「吉野家」裡面，然後找張檯櫈坐下，慢慢等候我在收銀處排隊購票，然後捧着食品跟飲品過來。而我則在「吉野家」少有的電視新聞臺騷擾下，趕緊購買下午茶，然後儘快捧着食品過來。我跟老豆在「吉野家」的飲食喜好，一向都是奉行老豆食「牛丼」，而我則主要食「野菜雞肉飯」為主，所以我在香港的「吉野家」裡面，找合適的食品向來

今日同男友行apm，甘佢話肚餓想食小小野，甘我地都行到攰，就4圍望下有無茶餐食下。見到吉野家裝修好特別，好光猛，完全吾似平時既吉野家！呢間以白色橙色為主。而茶餐選擇都有啲吾同左，吾止牛肉飯，烏冬，仲有炸物，多士！甘就一於去試下！一入門口就係點餐位，左邊係自助醬料同提供冷熱水，餐具既地方。幾好，方便自己拎！因為我地夜少少就去食晚餐，所以就點個茶餐食。我地點左一份牛肉飯拼多士。牛肉飯都有正常一碗飯既份量，上面都鋪滿牛肉。多士吾係普通厚包，係酥皮果款丹麥酥皮包。仲配榛子醬添。而且仲可以配汽水🥤。價錢吾算貴，廿幾蚊。作為一個下午茶，得好！

我成日都嚟食下午茶，但係有留意到份量越來越少喇！尤其肉類。但一樣咁好味！下午茶同妹妹又來吉野家！叫了兩個野菜牛肉飯同兩杯日本茶！不得不讚嘅就係，啲菜唔會煮得太林都有口感，點下燒汁食都幾好味爽口。牛肉汁不得夠多 伴飯同吃十分可口 。但妹妹則略嫌太鹹.肥牛夠肥美 入口有油香又不會過韌 我很滿意...一碗只售$24 又飽肚 水準又高的一碗飯...而家牛肉咁貴 但係比廿幾蚊 ！就可以食到一碗咁好味既牛肉飯。真係得吉野家先有。對於百物騰貴的市況下，絕對受港人歡迎。宜家晚市更設有一人火鍋。牛肉/雞肉鍋，配上濃郁湯底及配料。值得一試

吉野家最近又有大蟹棒打邊爐，我同朋友急不及待要去試。本來係想去觀塘既另一間店，發現搬左，就來左apm呢間。呢間店唔係好大，不過人流好多，一去到已經見到排晒隊。不過收銀都做得幾快，唔算等太耐就買到個餐lu。呢間店通風系統好似做得唔係太好，有d焗，而且調味料附近有一陣類似嘔吐味，所以我地就揀左出面坐啦。講返個餐，大蟹棒真係好大條，岩岩來果陣係凸左出個鍋外面，真係大。火鍋既份量足夠，食得好飽值得讚賞既仲有一點：有個店員伯伯好好笑容，好友善

因為事忙的關係做到三點多才放飯午餐只能夠速戰速決 同同事吃快餐就是不二之選 ....Apm 這裡快餐店頗多 , 而我地就選擇了幫襯 吉野家野菜牛肉飯加凍奶茶。個賣相呢 我想講嘅係幾靚喎 一如以往。牛肉好多充滿肉汁。但是牛肉就是嚡口 , 飯也不夠煙靭和甘香 , 整體來說就是中規中距 ~最緊要就是平就可以～～～原來而家吉野家飲品多左冰滇奶茶，不過另加六元用冰座住杯奶茶！飲好耐都唔會淡！味道唔錯！有茶味！有茶餐廳風味！服務員都好勤快。不過我地坐果個位有個女服務員！她専收下攔托盤，每次收完托盤！好像在發洩情緒，大大力又鵬鵬聲！大大力張啲盤挿入去！坐在側邊真係唔好受！實在太影響我地享受食物的心情, 也令我地很不適, 惟有加快吃, 也破壞了整體對此店的印象.