吉野家 (鴻都大廈)

Open Now

Now Closed

今日試咗吉野家嘅外賣自取，叫咗個B14鰻魚牛肉雙拼丼。整體嚟講，呢個餐算係有讚有彈。先講牛肉部分，牛肉汁多而且牛肉量多，真係抵食！每一口都充滿咗濃郁嘅味道，食落去好滿足🍖不過，鰻魚就冇咁出色，味道比較一般，可能係因為期望高咗啲。不過，以呢個價錢嚟講，算係對得起個價錢，唔會話太失望。下次可能會選擇返普通牛肉丼，因為牛肉真係好味🐟至於日本茶，味道唔會太濃亦唔會太淡，飲落去感覺中規中矩，冇乜特別之處。不過，配搭呢個餐都算係唔錯，唔會搶走主菜嘅風頭🍵總括而言，呢次嘅餐點體驗算係滿意，特別係牛肉部分。如果你都鍾意牛肉，呢個雙拼丼可以一試。不過，如果想試鰻魚，可能要有啲心理準備。下次再試其他餐點，期待有更多驚喜！

炸物丼一直都人氣高企金海老吉列丼有齊金海老、多春魚及茄子炸物材料咁豐富，鬆脆可口再配上燒汁，真係夠晒惹味重點係又好食又吸睛，超igable/如果想丼飯更豐富可額外加配多一份金海老、多春魚及茄子或者以優惠價將餐飲升級至夏日特飲 (巨峰乳酸特飲、菠蘿乳酸特飲及黃金香橙綠茶)

今日俾啲家姐大佬們搞到 schedule 全部無辦法跟到， 剛剛先有機會食第一餐！諗住入 吉野家食個 下午茶餐！店員同我推介佢哋個 極上和牛井， 又聽佢講試一試！ 牛飯做好， 有十分好火烤過的牛肉香味！試一試件和牛，有驚喜👍👍👍 正 👍👍👍跟著食飯，原來成碗都喺 和牛啲油！！ 食真心好食，淨喺有啲罪惡惑😅😅😅😅

今日出旺角做facial，夜晚約左朋友睇戲，中間時間當然食個dinner先，諗唔到食咩好，朋友問食唔食打邊爐，我覺得星期六去正常火鍋店打邊爐一定好多人排隊，而且價錢都會比較貴，所以我提議去食吉野家打邊爐依家吉野家晚市堂食火鍋得番半放題比你揀，變相食既價錢貴左30幾蚊，佢任食既食物選擇唔多，火鍋配料多左，任飲可樂，本身食最平價個個火鍋既我覺得唔太抵，不過可能無左平價火鍋，少左一堆人入尼食火鍋，7點幾搵位都大把位，以前7點後就要有排等位🤔

吉野家在2019年的香港聲名遠播，相信生意都受影響不少。我個人只問味道，不理顏色，今天走到過來光顧，買了外賣之餘，亦有驚喜，就是買了三個急涷包。當天餐廳只做外賣，我很欣賞，因為疫情十分嚴重，如果做堂食雖然影響生意，但實在會加劇病毒的傳播，因此我在店員傳銷它的急涷方便包，說100元三盒時，也買了下來，一來支持它們，二來反正都要煮飯。我每款要一件，包括東坡肉、牛肉、及鯖魚。三款我都今天為止工人已經煮完，味道也不錯，我應該會再買，尤其是牛肉，與餐廳出售的牛肉味道一樣，自己煲珍珠米便能在家吃宛如在餐廳吃的牛肉飯。我買的三個外賣價錢很便宜，都是特價飯，例如牛肉飯只需36元，但我覺得份量太少，偷工減料，不是真特價，下次還是買正價的牛肉飯。

晚上想随便吃点饭解决一下，就来到了吉野家，因为是两个人吃，就要了个双人的套餐，相当于一个人才四十多港币，我们都要了牛肉饭，并分别不同的小菜和不同的饮料，这个双人套餐外带的整整包了三个袋子，看着就感觉量很足，回家吃的时候感觉营养均衡吃得饱。

因為地點方便的緣故 , 多年來幫襯此分店的次數估計也不下40次了更適逢上年政治運動緣故 , 此分店被多次大大小小裝修了無數次被催殘得殘破不堪後順勢大裝修 , 總體維持著可容納80位食客左右 , 新日式木系風今日仍舊幫襯下午茶時段招牌牛肉飯 , 飯量不知是否錯覺 , 比以前少左 , 但依舊係大粒珍珠米牛肉也是狀甚較以前份量減少 , 因為每次本身勁少牛肉汁 , 所以都要額外order一碗牛汁 , 否則難以乾哽牛肉味道尚算一如以往正常 , 例牌每次要加七味粉等調味總體味道僅算不過不失, 沒有驚喜沒有失望而已

傾完project，同朋友不約而同諗起打邊爐作犒賞，因為唔太肚餓，最後決定食吉野家既毒L火鍋餐。顧名思義，一人一爐，河水不犯井水。因為我乜都無加，所以套餐只係標配，只有一盒牛肉、鳥冬，再加一個煲。望落同人生差無幾，一樣咁唏噓。湯底係咖哩湯，不過我食到底先發覺自己係食緊咖哩湯，味道有d淡。配料有大大隻冬菇、蟹柳、生菜、雞肉，我覺得生菜係最入味，雞肉口感有d差，冬菇係幾大隻但無菇味，感覺食緊香口膠咁。擺埋鳥冬、牛肉一齊煲，份量都幾飽，牛肉都正常（打邊爐既牛肉一係擺到入口，一係擺唔到，咁吉野家係擺到既）。

吉野家嘅下午茶都推出左一段時間，都食左幾次覺得真係好抵20蚊已經有碗細牛肉飯，有埋小食同野飲叫多碗細牛肉飯+溫泉蛋夾埋先至係一碗牛肉飯晚飯嘅價錢吉野家嘅牛肉好薄好有牛肉嘅甜味而且肥瘦適中，唔會太多肥同埋唔會太韌咬唔開個隻所以一直都好中意食吉野家嘅牛肉到下午茶時又抵咁多所以真心好推介係平日放lunch/去下午茶嘅好去處

lunch time快靚正之選，呢間吉野家係新寶戲院附近，遠離西洋菜街小小，但就勝在冇咁多人。反工一旅其實都幾慘慘豬，lunch time得1hr，扣埋等lift，等位，排隊買野食，扣扣埋埋，得15分鐘吞左個飯落肚，仲要預時間行反公司。黑仔起上黎，仲要犧牲lunch time時間做埋手頭上既野，只能買個外賣反上去，邊食邊做，捱壞哂d腸胃。 吉野家既牛肉飯好甜好好味，我仲拎多碗牛肉汁，每一粒飯都有牛肉既香味，温泉蛋又香又滑，完美。

本身想去隔離食任食火鍋, 點知上到去發現好多人排隊,唯有放棄。見吉野家都唔算多人就入去等下, 好快就有位喇。呢間分店有d位可以用電磁爐, 用電磁爐可以控制溫度, 同埋會快滾好多。一見到兜牛肉就知中伏。d牛肉完全未解凍, 成舊痴埋一齊分唔開。同埋d肥牛真係好肥, 50%都係白色脂肪。烏冬都係未解凍, 成舊硬到不得了。粟米好細舊, 直頭係薄切粟米, 朋友講笑話師傅刀工好好, 一條粟米應該可以斬開起碼十舊。其他配料都算正正常常。成晚見到d員工都好忙, 可能冬天特別多人打邊爐, 真係辛苦哂, 但食物質素方面真係有待改善。

溫泉玉子牛肉飯日式咖喱牛雞雙拼飯($54)呢兩個飯都好有吉野家嘅特色，落咗佢嘅秘製牛肉汁送飯食真係好惹味。牛肉仍然係咁高質素，雞扒都煎得好香好脆，呢個價錢、質素嘅晚飯叫做唔錯。

晏左起身，Bunch去左食吉野家，因為啱啱喺豉油街附近買完野，所以就過嚟身邊試吓新口味~ 我大概有三年左右冇食過吉野家，所以入到黎睇個Menu都要睇一陣！結果，我order左佢嘅午餐新推介，忌廉磨菇雞扒飯~睇落都幾特別！ $33有汽水送，午餐來講都算幾抵！吉野家嘅服務速度都算幾快，等咗大概2分鐘都冇，就已經可以拎得~ 佢嘅份量都幾多，忌廉落得好重！成半碗忌廉，雞扒就一般般，皮膚比較脆，但係肉唔係好好咬~ 因為份量太多，女仔來講，食唔晒，我都剩返三分之一🙈 整體來講麻麻地🙈

今日下午想去波鞋街行下，肚餓吾知食乜好。見到有吉野家就食個平平下午茶啦。呢間分店應該已經舊，發現啲枱全部都加左插頭方便客人差電。豚肉烏冬好雞肉串:我個人覺得分量正常既。但一食落全部都係吾熱，連煙都無，一啲都吾熱！烏冬湯都係吾熱。可以見到湯面啲白色一片片，係啲油琼左。個湯底好似無限溝水，淡而無味。烏冬係淋pat pat!。雞串係凍，小小濃同得燒汁味牛肉飯:飯過淋，太濕，吾係一粒粒，吾夠熱。平時其他分店食吾係甘。。吾再泥呢間食啦。。。

環境方面，多處有冷氣滴水情況，食飯途中滴中頭髮。調換位置後，水滴差點滴到飯中。另外食物盤上也有污跡。食物方面，點了東坡煎雞雙拼餐。燒汁成「杰」狀，部分白飯呈「塊」狀及口感較黏。整體而言，食物及環境衛生需要改善。