吉野家 (西九龍中心)

Open Now

Now Closed

下午茶時段去買，因為肚餓驚唔飽，特登買大飯，結果個size同下午茶啲細飯都無分別，但價錢就一倍左右，可能我真係太耐無食，見到咁細我都返轉頭問個職員有冇比錯，個職員話係咁，我都冇好講，我都知呢個係公司問題，唔係職員既問題，大家要買就買下午茶就得，因為同正價真係冇分🤷‍♂️，只有價錢既分別我就真係唔再幫襯呢間公司，真係太過份，真心未見過咁細兜既飯，牛肉三塊，雞就好少少，有四塊，又唔係特別好食，只有特別嘅小，真心有一次冇下次

今天下午走過去西九龍中心2樓 ，哪裏有很多食店 。我入去吉野家 ，見到一個大招牌 ，宣傳大口燒牛肉檔 28元， 另外配 一杯 熱飲 ，蘋果蘆薈茶， 加八元 。我買外賣， 因為 星期日 店舖客人多。 合計36元， 價錢合理 ，味道不錯。

今日諗住打邊爐，經過吉野家見佢有個北海道牛乳粟米和牛火鍋會員價幾抵食，就外賣諗住買返屋企食慢慢嘆，點知回家打開才發現火鍋配料傳來一陣陣酸臭味，單看蔬菜顏色就極不新鮮…再向下層拘捕，任務包括雞髀菇及薯仔出現出水發紫發臭等問題，這樣的食物同給廚餘客人食有乜分別？貴公司的食品監控真係好唔掂，不要以為外賣的客人回家才看到就可以預先放隔夜材料蒙混過關！這樣給客人也只會做一次性的生意，希望貴公司的高層人員能看到並正視這個問題！

路過西九龍中心！看到很多餐廳都要排隊，就隨便選了一間入了意外地發現現在下午都有火鍋好記得以前讀書的時候好喜歡跟同學一起吃吉野家的小火鍋。因為份量大小，剛剛好。我能夠完全吃完不會浪費。所以就點一個！不過不知道是不是午餐的關係，等候取餐的時間有點久，而且應該店舖人手不足，取餐之後，很久都沒有人拿火鍋爐給我點火！要等一段時間才有員工。豚肉的份量，好像比以往記憶都多了！不過不知道為什麼溫泉蛋會變了生雞蛋？不過這個價錢我覺得性價比算高了外面一個餐廳應該都很難$60吃到一個火鍋！

吉野家又推出新產品, 即刻去試一試先！南蠻炸雞丼(大盛)原價好似係80蚊嘅, 今次因為用咗會員app價所以會變咗65蚊有五大舊炸雞, 每嚿都係啱啱先新鮮炸起熱辣辣, 裏面亦都充滿肉汁不過菜嘅份量就比較少啦, 同埋係用生椰菜絲, 唔係之前我哋一路食開嘅野菜紅豆鯛魚燒總共有三舊, 裏面用料都算實在, 啖啖都係有食到紅豆餡嘅, 不過我就覺得佢太甜啦, 配茶嚟食可能會唔錯阿華田脆脆特飲其實佢面頭係有嗰啲圓圈細細粒嘅脆脆嘅因為佢有個蓋所以遮住咗整體嚟講都係好飲嘅, 唔係嗰啲好啖味既關東煮正常發揮,樣樣都好鮮甜好入味最後埋單差唔多100蚊, 食咗咁多嘢都算滿足㗎啦

天氣踏入有點秋意，係時候又到打邊爐嘅季節🍂上年食過吉野家嘅火鍋都唔差幾滿意，今年都唔例外回來再試試。開頭見到menu幅圖都覺得好似麻麻地，心諗都試試睇下好唔好食。點知出事了我選了極上吉邊定食嫩滑雞肉濃湯底＄70，先講d配菜冬菇、金菇、蟹柳、南瓜、 粟米都係一般冇咩特別。到主角雞肉d肉唔會好梅，但有好重雪，我已經選用濃湯比清湯較重味道，但都掩蓋唔到陣雪味，食完第一件雞肉都已經唔想再食好彩仲有個烏冬，如果唔係真係冇飽嘅感覺。

今日因為去銀行，晏咗食午飯，大概2點鐘， 見到吉野家下午茶餐好抵，唔多人又有位座。下午茶餐＄22～3x 我叫最平的‘海苔粟米雞飯餐’， 超抵價22蚊，另外跟杯日本茶，我加兩2蚊換杯汽水，份量係比較細，但雞肉醃味夠，又煎得香，加上喜愛的粟米及 紫菜，味道好👍下次晏食午飯，一定會再去光顧。

今日去西九龍中心超市為家人撲消毒用品，為了補充力氣，一定要食得平靚正我叫了輕盈的下午茶，見到都算多選擇，岩曬心大心細的我關東煮是細細碗，蘿蔔很清甜，沒有根，三角豆腐都好好味，仲有芋絲很爽口，全部都吸收了湯汁，味道不錯，仲有芝士竹輛，雖然沒有拉絲，但都好食雞肉串燒有兩條，燒汁沾滿雞肉，可能放耐了，暖了些，雞肉醃過，甜了些，但都算係甘烏冬份量少了些，平時一大碗，可能輕盈餐，對於我而言夠食，男人可能唔夠，哈哈，烏冬煮得剛剛好，仲有塊魚蛋片加$2 仲有杯汽水，甘先圓滿

吉野家用既米係特別好食既，如果比起普通米黎講！不過吉野家係午餐晚餐黎講唔算抵食，因為佢既份量其實唔多，因為50蚊一個份同個份量唔成正比！今日經過個陣見到下午茶餐，廿幾蚊一個飯，仲要有得揀豚肉飯，因為平時食牛肉飯同埋野菜煎雞飯，都食到好厭！難得佢下午茶仲要包埋嘢飲，排晒長龍都要試試佢！叫咗一個豚肉飯外賣，等候時間唔算長，成個過程8分鐘完成啦！不過落單嗰陣，個服務員銷售能力好強，總共有八至10款既小食推介，我已經講咗好多次唔需要，但係佢不斷堅持要推介晒所有小食先，哈哈！未見過咁盡責嘅服務員

學生時已經開始幫襯既日式快餐，特別係要出去做project，攪到5點幾都仲趕得切食其下午茶餐。有飯有茶都係二十鬆d，好過坐麥記啦！今日食左碗味噌牛肉飯，對我來講即係肥牛飯加牛肉汁，仍是咁好味! 我覺得肥牛質素好過屋企樓下佳宝及百佳嗰d，起碼廋既部份佔多，唔駛好似食肥膏咁，希望佢地keep住低價。

吉野家的牛飯，是我中學時期夢寐以求的午餐。但出了社會後，不知為甚麼，數數手指，都有幾年無去過食野。今天不知何故，想去探訪下故人，亦重温一下舊味道。去到吉野家巳經是下午茶時間，入面人山人海的，聲浪此起彼落。這幾年戒了牛，本想叫雞扒飯食的。但原來吉野家也賣豬肉了，這是我的年代没有的，所以覺得變化真大。點了一個胡麻玉子豚肉烏冬，取餐時很多人等候，安排稍為混亂。食品是這樣的，驟眼睇，頗為豐富。但當我將所有材料混合後，吃一口烏冬，我竟吃不出入口的是甚麼，一團彈牙的麵團沾着了酸酸甜甜的醬料，胡椒及麻醬的味道呢？我嚐不出。又吃一口猪肉，我吃不出是甚麼肉，只吃到一塊沾着濃厚調味的載體。至於粟米，没甚麼特别。紫菜呢！建議撈烏冬之前便吃掉，因為是脆脆的，有點咸香。這個下午茶餐份量很大，還包一杯汽水，是很便宜很飽肚，但我畢竟是老了，胃部消化不來所以吃痛了。你說，年少多好！這一餐令我意會到，回憶總是美好的，而現實卻是我們誰都回不去從前的美好...再見了，我的吉野家！

吉野家出名是牛肉飯 板燒雞飯也是不錯， 但今天下班時試了他的新出品，海鮮龍蝦汁湯飯， 所謂的龍蝦汁其實 只是加了味精水的芡汁 賣相極其不討好 。另外再加醬汁鯖魚 ，鯖魚是放在塑膠袋內 烚熟 加熱的 魚肉 “梅＂ ，削， 冇魚味!

今日收工要去深水埗幫屋企人兑錢+買電話卡，傳說深水埗有唔少出眾既小店美食，但我一個人，又冇乜動力去排隊等位，就算食，都只能試得一樣，冇人國我share食，傾下計咁，係幾咁苦悶冇癮。唉但又不辦法wo，屋企最細就係我，成日都比啊哥點去做跑腿。。。都唔知點解我次次都會屈服。。今日收工唔洗ot，就急急腳搭mtr過黎，係D出口出，行5-10分鐘就到左西九龍中心。原來呢度早已冇哂昔日既光輝，變左一個充滿格仔舖既商場。好彩仲有吉野家，遠遠就索到陣牛肉飯味道，香濃多汁，精神為之一振。

昨日早左放工，去西九龍中心買外賣返屋企食，趁仲有下午茶，早少少食當晚餐，可以慳番些少。吉野家一向是我長期糧尾的好去處。叫個份下午茶牛肉飯，另要求加額外牛肉汁，配綠茶。一直有幫襯開吉野家，水準不過不失，冇驚喜，也冇遇過失手。今次食物味道、品質依舊一樣，但牛肉的份量呢.....就真係不可接受，應該得一條肥牛咁大把，呢方便真係要改善一下。明白一份錢一分貨，若果是成本問題 ，寧願將價錢提高少少，總好過將貨就價。

以前好中意食吉野家，距飯珍珠米好軟熟，而且個牛好好味，但近排食飯，覺得比以前差左，飯已經唔係以前嘎全部珍珠米，已經多左其她雜米，牛肉還好吧，不過超多汁，完全成左湯飯，而且係好油湯飯，所以下次記得走汁，或者汁另上。