Youme Cafe (Closed)

今日豬師奶同朋友係荃灣食tea，三個人都飽飽地，唸住搵間cafe坐下，朋友知道衣度有間cafe應該岩坐耐少少傾計，一行三人唔睇動漫但係尼左食野。上到去唔算多人，坐得幾舒服，不過tea既選擇就唔太多，要留意有最低消費。豬師奶叫左個pancake,朋友就叫左薯條，薯條份量正常不過不失。Pancake配左哈密瓜味雪糕，仲有幾件蛋糕仔，衣個配搭幾特別。雪糕係唔可以轉味既，因為要襯番動漫主角既顏色。個pancake好乾身，食落麻麻，一定要配雪糕食。

我是鏡音控，當然是爲了鏡音鈴、連而來的。開張不久就來了一次，一個月後第二刷，兩次都感到很滿足。預先看了餐牌，對食物也有一定預期，沒料到喜出望外。第一次吃代表連的豬排丼，喝代表鈴的蜜柑水果茶。連的豬排丼份量足夠，比我憑過去印象而預想的多，吃得挺飽的，豬排炸得不錯，外層還有點膽口，內裏仍然滑溜，既超值也驚喜。蜜柑水果茶的味道很討喜，帶點酸帶點甜，應該誰都會愛喝。第二次，我吃了代表鈴的蛋包飯，喝代表連的珍珠香蕉奶。這次就跟預想一樣。蛋包飯是正常之作，珍珠香蕉奶也OK。因爲蛋包飯的份量不及豬排丼，我還添了一客代表鈴連的甜品楊枝甘露，也是正常的發揮，香甜可口。同行的朋友吃過代表初音的京蔥拉麵，雖然蔥比預期中多（初音的特色？XD），但湯濃肉厚，麵條彈牙，朋友也十分推薦。這次的裝潢佈置也很美，一般頭身比的鈴連很誘人，Q版也很可愛。要的杯墊都入手了。希望以後會再有Vocaloid主題！

*** 遲寫的食評****話說今個7月youme cafe 舉辦了初音主題cafe ，二話不說就透過網站去預約去朝拜我偶像～～～去到現場，滿滿都是V家的，作為粉C 的我同朋友係開心到爆～因爲早到了，職員都好好給我們提早入去。坐低叫食物，叫了一個白咖喱豬扒飯同叫了意粉（如果無記錯），還有2-3杯飲料（因爲可以送杯墊）同埋一份pancake 甜點。讚：食物份量比之前多及味道上係好左（我煮食部份直接給了2/F 的沙爹皇處理返。）改善：甜點方面希望可以在視角上花更多心思吸引更多fans 來食整體上有所提升，希望持續！

Today we went for the anime Fruit Basket 🍙 フルーツバスケットThe cafe is so well decorated~ Excellent place for fans  (*´∀`)~♥ The lovely and polite waitress has introduced the character-named dish when serving us the food, it feels like staff here are fans of the same anime  (*´∀`)~♥ Food is fine tooOverall a great place for fans~

呢一間Cafe都食過幾次主要當然因為佢哋嘅動畫主題嚟最近先發現佢哋最新嘅主題係刀劍神域可能出呢篇文章嘅時候已經完咗但都希望俾各位參考一下佢哋嘅食物質素環境同之前幾次差唔多都一樣有好多動畫嘅畫面喺牆做裝飾有一啲角色嘅企牌可以比大家影相今次食物設計方面就有啲失望幾個菜都加一張米紙就成為嗰一個角色嘅菜式不過主要都係食物嘅質素為先咖喱芝士焗牛柳粒飯係唔錯嘅因為應該用咗沙嗲王本身嘅咖喱食落有少少辣，芝士都幾香牛柳粒都有牛味且份量足夠朋友食嘅蛋包飯就略為普通同埋份量唔夠，食完唔係好飽飲品嚟講士多啤梨冰沙好淡唔夠甜亦都冇乜士多啤梨味花茶我冇飲到就不評論了總括而言中規中矩今次設計方面較之前遜色食物質素一般但今次我發現除咗有主題嘅Menu選擇之外仲有Standard Menu呢個係我幾欣賞嘅地方

基本上如果唔係有鐘意嘅主題,想抽杯墊嘅話都唔會山長水遠咁泥食。今次係第一刷,佢杯墊分兩組,預計會起碼再去多次。今次主題嘅野唔算太伏,都叫做可以接受。個燉牛肉叫做幾好食,粟米湯個人覺得鹹左小小,但都算可以接受,想抽杯墊嘅話可以考慮下只叫粟米湯嘅。三文魚麻麻地,但未至於太難食。但係個沙津同可麗餅真係好唔得,由其個可麗餅,塊皮又凍又硬,真心係伏嘅。飲品今次試得唔多,但提子汁係可以嘅,但係舊蛋糕唔ok。泥得嘅雖然都係為左抽杯墊同買精品為主,但真心希望啲野食唔好太差太伏。

小妹唔係小櫻Fans，但係主題Cafe對於我嚟講都有一種難以抵擋嘅吸引力。是日小妹相約朋友一齊去位於荃灣嘅Youme Cafe，呢間Cafe一向以卡通人物做主題，今期就以兒時回憶「百變小櫻」做主題。一入Cafe，周圍都係小櫻人物嘅蹤影，牆上、桌椅、裝飾、餐牌... ...仲有一排人形紙牌，全部都係打卡位！小妹同朋友一行三人嗌咗三樣嘢食，分別係芝士白汁蕃茄肉醬薯仔長粉（＄６２）、便當盒（分別有飯糰、腸仔、枝豆、玉子燒、煙肉蘆筍卷、草莓、火腿）（＄８８）、芝士漢堡排蕃茄雞肉燴飯拼米紙沙律＋星形薯餅＋章魚燒（＄８２），味道一般，同一般Cafe水準無異，完全冇驚喜位，但賣相還算可以。小妹原以為會有人物造型嘅食物出現，例如基路仔形飯糰呀咁，點知只係以卡通樣米紙取代，令我有啲失望。嘢飲方面，小妹只係嗌咗一杯「雪兔」綠茶（＄３４），熱綠茶配上櫻餅，米紙上有雪兔哥哥嘅樣，製作同樣係有啲Hea。不過呢度有樣好，就係每嗌一樣嘢都會送上一款卡通人物嘅杯墊，作為小櫻粉絲嘅朋友好開心，不過小妹就感覺唔大。

聽講依間唔俾walk in 只能網上訂座 所以早半個月就訂定 點知轉頭真係冇哂 可能因為依期做緊小櫻主題 所以位置需求比較緊張本身book左830pm 但同朋友行到冇野好行 結果未夠8點就上左去 問左職員可唔可以早啲入座 職員都唔似openrice講到咁冇禮貌 都好好咁安排左入座 全間餐廳都以小櫻做主題 所以電視 餐紙 都係以小櫻為題 仲有啲紙版公囝俾客人影相 主題食物不算好多 飲品都幾特別因為餐廳有最低消費 至少每人要$70幾以上 於是2個人就點左 一個拉麵 一個綠茶 一個芝士餅 同一杯藍色梳打 餐廳上面寫既都係日文 唔識日文真係唔太明 不過好彩餐牌會寫埋飲品用咩整 唔會一頭霧水 食物同飲品不過不失 不過食物大細比想像中大份 另外 每點一樣食物/飲品 會隨機送一個飲品墊 係小櫻系列人物既餐廳收銀counter後面 有個小角落 有賣一啲精品 入座既時候 職員會依人數俾張限購紙 買野之前要拎張紙先可以購買不得不提員工態度方面 上網睇話員工態度差 反而今次去都好好禮貌 特別係siyuki (唔太識串個名😅） 好有禮貌好親切 值得嘉許另一方面 當時去到其實位置尚有幾多 但網上已無法訂座

話說我之前寫左封A4紙咁長嘅投訴信，仲未有回覆，諗住上嚟睇下有冇management嘅聯絡方法，點知睇到其他有關服務嘅投訴，所以寫埋一份😌我唔係幾明點解可以空左半個場，都唔收walk in。openrice book唔到，電話冇人聽，諗住walk in，結果被拒諸門外。跟住同我講只收openrice訂枱，但我相信冇乜人知。資訊透明度極度不足。山長水遠嚟睇小櫻結果咩都冇得食，冇得買，仲一肚氣。不到黃河心不死，小櫻始終都係要睇，結果訂左一個月後去食😤野食唔多評價了，主題Cafe志在打卡🤪不過個櫻花樹蛋糕幾有驚喜，好好味。商品賣哂唔補貨，仲派限購紙做咩，攞景定贈慶。At the end，我仲等緊management嘅回覆😊

點解d職員個態度一個比一個差，上次30/9上黎，我明白未開門係唔會處理我既booking ，咁我照排住隊無行開，但點解個𨋢門一開有客人行黎你就處理佢既booking。咁樣做野都可以架咩⋯⋯今日28/10上黎，早左5-10分鐘上黎，但職員話未開門，叫我地唔好係度等，仲要我地落返去等⋯咁諗住咁短時間廢事又上又落，咁行左去後樓梯等一等，點知等左都無2分鐘，我見到有客人搭𨋢上左黎，仲要可以安排入座。之後我地入返黎，就係有人已經入座，所以又變左同上次同一張枱，咁我就禮貌地問可唔可以換枱，職員即刻黑面話唔可以揀枱，咁我就解釋返頭先情況，佢更加黑面強調無得揀枱，再叫我地坐後面嗰張，之後落單佢繼續黑面咁望住我地。野食都唔期望好食得去邊，但比其他主題難食左。之前幾個主題d職員都好好服務，點解宜家會愈變愈差PS: 雖然我明白食主題cafe唔係食服務，但我都唔想食氣嘅😞

為左小櫻而黎! 可能因為開始左1個星期，今日係星期六都無咩客，變左可以周圍影啲wallpaper同檯。食物方面真係唔好幻想太多: 主題menu嘅食品同飲品每款都會隨機送一個杯墊，食物完全無主題元素，有啲會有張米紙插住，有啲直頭咩都無，所以我最終都係揀普通menu，性價比高啲。我叫左個燒雞扒糖心蛋豬骨湯拉麵，雞扒好食，個湯好深色但竟然無味。朋友食主題menu嘅焗長通粉，無裝飾亦都無味。90分鐘用餐時間包埋購買商品，不過一開始職員無講，個個都係食完先去買。

好滿意想去多次，小櫻同全部角色都好得意，可惜少咗莓玲，不過大多數都係賣相好過食，過嚟都可以打下卡，影下靚相，最好嘅就係除咗有得食之外，有一個餐係便當盒嚟嘅，食嘢仲可以拎走個便當盒👍🏻👍🏻又可以買佢哋嘅周邊商品good

我完完全全係為左小櫻過黎既，因為朋友唔得閒，所以開左咁耐而家先黎到，所以好多野都賣曬😢😢😢不過，小櫻今次既周邊我又無咩興趣，無過有咩特別靚。我叫左個芝士焗肉醬意粉加杯凍奶茶，去呢d cafe就預左唔係食好食架啦 哈哈今次朝聖反而有d失望，之前黎唔同主題都多野睇同多野買d 。

食物質素還好 除左幾張公仔米紙完全無小櫻特式用餐時間內先可以購物 過左就唔可以購物食得野黎重要買野無乜幾多時間淨只接受booking 大半個場無人都唔接受walk-in

老早之前上網book位，因為餐廳唔接受walkin,見仲有好多倍，但冇book枱，啲人都要走，連入去淨係買紀念品都唔得，有啲唔明點解要咁mean入面周圍都有小櫻嘅佈置同相，仲有紙牌放係度俾人影相，仲有手攜嘅紙牌影相食物都ok, 每樣食物可獲隨機發送的杯墊一個。 飲品特別，但超甜！ 我枱4個杯墊都冇一個中想要嘅角色隔離枱5張，5張都中，好sad.紀念品好多 ，都好靚， 但係比日本買貴咗 大概20蚊到 好多都要抽冇得揀 全靠運氣。如果係小櫻迷 都可以嚟下！