Video
Introduction
御滿庭誠意、用心為客人提供一流口味選擇，招牌主打以出產自澳洲深海水域，每隻重達兩斤以上的野生新鮮黑邊鮑，以輕輕滲入Fusion元素的食法，令口感、味道俱佳。而魚翅及官燕，俱選上佳貨式。
continue reading
Opening Hours
Mon - Sat
11:00 - 23:00
Sun
09:00 - 23:00
Above information is for reference only. Please check details with the restaurant.
Signature Dishes
朋友話黎食,好啦...我唔使諗食咩仲好...我地八個人....去到,都冇咩人...好似成晚都係計埋我地三台...唔好似話一向都咁少人,我地平日黎食...知星期五六日多唔多人...叫左六個送,佢送一隻薑蔥霸王雞比我地....好似係1-6人就送半隻,我地咁多人就一隻啦...雞絲粉皮, d粉皮好煙韌,有d蔥味,雞絲就唔係新鮮架喇....但d花生醬唔夠,係個粉皮ok,同埋冇青瓜....失色左....芝士龍蝦伊麵, 望落都幾靚,食落...一d芝士味都冇,唔知係咪整左上湯呢,問返佢都話係芝士,真係冇野好講...龍蝦係168蚊一隻,我地叫左兩隻,都算有肉...新鮮...但個伊麵底好淋呢...對lei碟野好失望,又冇芝士味,伊麵又淋....仲以為會好好食...梅子欖角焗肉排, 色水都幾好,但排骨都幾瘦下,骨多過肉,味道都ok...黃金脆豆腐, 最好食o既一樣野,炸得夠靚,外面脆入面豆腐又好滑,個脆皮味道夠味,唔錯丫...日式燒汁炸肥蠔,蠔係幾大隻,新鮮,個味都ok,唔腥..生啫唐生菜,煲仔菜,夠熱夠香,都幾好....蝦子鮮菇豆腐, 淡而冇味,真係清到不得了....食唔到蝦子味...薑蔥霸王雞, 酒樓送o既...差到不得了,雖然係送啫,d冰鮮隔夜雞味出晒黎,我好難想像一間好似都叫名幾好聽o既酒樓會整到咁差o既雞囉...我初初以為係會好食...帶左期望去...點知...失望而回....八個送係有一半麻麻地...
continue reading
公司春茗，聚餐於御滿庭，菜式如下： 精美點心(燒賣皇/咸水角/小龍包)：燒賣皇及咸水角屬標準水準；小龍包內含湯汁不少，都幾好食。 青欖炖白肺湯：以青欖、雞、豬肉及「白」肺煮成的炖湯，味道濃淡對辦。不過，所用的「白」肺竟呈灰黑色，究竟有冇清洗乾淨？！ 碧綠蝦球龍牙蚌：OK。 梅子欖角焗肉排：梅子欖角醬汁味道單薄不突出，另肉排普遍偏肥，不作推介。 清蒸大海斑：海斑肉質偏韌，不嫩滑，普通。 發財好市大利：OK。 濃湯野菌走地雞：和海斑意見一樣，雞件口感很韌，鮮味一般。 生炒糯米飯：未夠香口，OK。 精美甜品(紅豆沙)：紅豆沙甜度適中，但不起沙。 生果盤：只得十二件切開了的橙。因未曾嘗試，味道方面未有意見。 整體食物質素只屬一般。若有機會，都會試試這兒的午市點心小菜，希望質素有所提升吧！
continue reading
因為李純恩的推荐, 慕名而來.但招牌小籠包已經賣完,花膠白肺湯需要預定.環境很擠逼,雖然我一早訂位,部長還是叫我們等了十分鐘才有位.餐前小吃很脆口,但海蜇拌青瓜份量很少, 豬頸肉不夠乾身,.燒汁花膠扒抵食, 花膠很入味. 醬燒骨根本沒有骨,只是ㄧ塊肥肉, 汁太甜.燒汁雜菌炒牛粒有水準, 牛肉粒外焦內滑,多汁,同雜菌非常配.最值得一提的是椰汁棗紅糕, 有清淡的椰香, 不很甜, 有嚼頭, 令人驚喜!買單560元, 兩個人.
continue reading
上個星期五,我媽媽生日,帶媽媽去御滿庭酒家出飯!職員介紹我地飲杏汁花膠白肺湯,同埋食花膠扒媽媽話個湯真係好好味,好耐都未飲過甘足料清甜既湯,花膠扒我以為會好貴,原來都係$98都唔使.仲好大件,果日都好多人,送菜都唔使等好耐,環境都座得好舒服招呼一流.感覺好親切.因為班職員同我媽媽唱生日歌,氹得我媽媽好開心
continue reading
從頭條日報睇完李純恩介紹後立刻想試下。 可能好多人都好似我咁，睇完報紙後來試，所以這食店十分爆滿，連食物都要早一日落定單，不過都有好處，因為一坐低就有得食。今次我地一行七人叫咗二十幾個點心及一個單腳炒飯，樣樣點心都好好味，抄飯都好出色。蝦餃 – 好大隻蝦，皮又薄 牛肉球 – 色水好靚，好有牛肉味 粉果 – 皮薄 脆皮蔥花腸粉 – 好脆，有別一般炒腸粉，直得一試 仲有好味的點心有 - 蘿蔔糕、燒賣、鳳爪、脆皮义燒餐包、小籠包炸品出色 – 腐皮卷、春卷唯一比較差的只有煎鯪魚餅。埋單時問我地是否 VIP？ 原來 VIP 有九折，星期六及日仲有七折添~永久入會費 $50，但要下次先可以用，但都入咗會，因為我地係會再來的。價錢在灣仔區都係咁上下，如果下次有折就更好了。七折就更美滿！小點 $16中點 $20大點 $25特點 $30茶位每位 $8酸菜每碟 $10
continue reading