漁師兄

Open Now

Now Closed

漁師兄元朗安寧路25號鴻運樓地下4號舖位於元朗的「漁師兄」,絕對是當地美食愛好者的最愛! 🍽️🐟 烤魚打邊爐:- 使用新鮮海鱸魚作為主角- 搭配濃郁馬拉亞風味咖喱醬- 肉質細膩鮮嫩,令人垂涎三尺🥦 配菜精選:- 以鮮嫩可口的油麥菜點綴- 搭配滑順可口的薯粉- 完美平衡魚肉與蔬菜的口感💰 超高性價比:- 兩人共享僅需三百多元- 讓你吃得飽足,物有所值🌟 元朗人氣熱點:- 店內座無虛席,人氣爆棚- 可見其深受當地饕客的青睞👨‍🍳 師傅功夫了得:- 烹調技藝精湛- 每道菜式都溢於言表的美味🍽️ 無論是主菜烤魚,還是配菜油麥菜,「漁師兄」都展現了對於美食的執著追求。 🤤 這裡絕對是元朗餐飲地圖上的一顆璀璨明珠!

星期五晚，朋友突然致電話心情唔好出嚟食個飯喎，近近哋去咗佢公司附近嘅漁師兄。大概八點多嚟到，店內客人不少，我哋隨意揀咗張方枱坐低，店員好快就送上qr code落單，睇下食咩先。有烤魚有雞煲，但我哋最後揀食米線，落完單傾下偈等食。⭐漁師兄烏冬朋友叫咗佢嘅招牌漁師兄米線，唔要米線轉咗烏冬，碗麵入面有魚腐、魚蛋、魚片頭、魚皮餃、生魚片，湯底就揀咗麻辣魚湯，本身仲揀咗大辣，但店員提醒話佢哋個湯辣度好勁㗎，建議我哋先叫中辣，唔夠先再加辣喎🌶️嚟到碗湯真係幾紅，上枱已經聞到麻辣味，入口第一啖唔算太辣，不過飲多幾口湯啲辣勁就漸漸出嚟，中辣ok啦唔需要再加了，哈哈。餸方面真係好多，滿滿一大碗多都見唔到烏冬，呢個價錢抵食喎。⭐鮮魚片湯泡飯自己就揀咗鮮魚片米線，但米線就轉咗要泡飯，湯底揀咗芫茜皮蛋湯😋魚湯底加上芫茜皮蛋，入口更香口又無腥味。魚片下得多，又嫩又滑加上冇骨，真係好好食，湯頭鮮味飯有口感，唔覺唔覺就食曬成碗了。⭐紅西柚綠茶 & ⭐凍鹹檸七跟餐有優惠價要嘢飲，叫咗一杯西柚綠茶同鹹檸七，西柚綠茶要咗少甜，茶底清香加上柚子酸酸地，好飲又開胃。朋友嘅咸檸七有鹹檸又有鮮檸，鹹鹹酸酸幾好味。小店無加一，呢個價

近期好多人鍾意食烤魚，喺麻辣嘅湯底配上豐富嘅配菜，恰如打邊爐一樣夠過癮。今日黎到元朗嘅漁師兄同家人一嚐烤魚嘅滋味：馬拉亞參咖喱味 ：海鱸魚 $288湯底有得揀辣度，由於家人唔太嗜辣所以依次都係叫左少辣。海鱸魚嘅肉質厚實，亦吸收左湯底香濃嘅辣味加埋配菜組合（豆卜，金菇，薯粉，蓮藕) ，食味豐富。燒台式香腸（串）$18燒雞肉（串）$16燒雞中翼（兩隻） $18燒大蔥雞肉 $20燒牛肉（串） $18燒羊肉（串） $18燒菠蘿（份）$22燒五花腩片（串） $22串燒係一班人聚餐嘅必備菜式，而今次嘅串燒配上孜然粉，食落啖啖肉汁肉香熱檸蜜 $16白桃味乳酸 $32士多啤梨味乳酸 $32鳳梨綠茶$28食完辣野整番幾杯特飲解解辣，乳酸配上果味，甜度適中。

好多香港人都愛上食酸菜魚、烤魚🐟但又唔係常常可以返大陸黎元朗 不如食吓 漁師兄魚師兄嘅烤魚湯底係無味精用足料嘅魚煲成😋全港最好嘅魚米線之一 不含味精 有烤魚和雞煲所以邊食邊飲湯 都好開心馬拉亞參咖喱味 ：海鱸魚 $288海鱸魚就最襟食㗎啦 多肉今次食條魚都好滑🤩輔菜組合 (豆卜，金菇，薯粉，蓮藕) ：+38必叫嘅組合，因為呢一啲都係吸味嘅配料可以邊食邊嚐到鮮魚湯 鮮味😙後加配料及配菜：薯粉 $18由於薯粉實在太好食，所以都有叫多一份以下介紹吓啲串燒：🍢🍡燒台式香腸（串）$18燒雞肉（串）$16燒雞中翼（兩隻） $18燒大蔥雞肉 $20燒牛肉（串） $18燒羊肉（串） $18燒菠蘿（份）$22燒五花腩片（串） $22覺得最好食嘅就係大蔥雞肉🐓大蔥可以去除肉類嘅油膩感燒菠蘿🍍都好出色又係平衡口感系列飲品方面，可以試吓特飲：熱檸蜜🍋 $16白桃味🍑乳酸 $32士多啤梨🍓味乳酸 $32鳳梨🍍綠茶$28

🍽️食物方面：🐟魚鮫湯米線💲59 限量12份💲3足料芫荽皮蛋湯💲5無鹼水味嘅粗麵上菜快 熱辣辣 勁抵食 大碗大塊肉 唔算多骨🎣漁師兄米線💲62 多餸飽肚 有嫩滑嘅無骨生魚片 魚腐 魚皮餃 魚片頭 魚蛋 湯底都好飲係舒服嘅味道🍍鳳梨綠茶💲14有驚喜 仲有啲雜果啫喱🍋檸檬茶💲9 重茶味ℹ️ 有烤魚menu 📷打卡方面：有啲魚公仔同網裝飾🔈環境方面：大間多位 有卡位Staff會問你食唔食辣 介紹菜式💬其他資訊：📍 漁師兄 元朗安寧路25號鴻運樓地下4號舖💰dinner人均💲80

最近喺元朗搵到間主打食烤魚同雞煲嘅餐廳除咗烤魚之外 仲有比較少有嘅魚湯米線同串燒🍢🔸燒茄子中意呢度嘅燒茄子落咗好多蔥蒜每絲茄子都非常入味 而且價錢比坊間嘅燒烤店平 絕對抵食~🔹燒金菇肥牛卷燒金菇肥牛卷真係考功夫嘅串燒金菇份量多而且唔會燒到乾哂肥牛嘅汁包住爽口金菇~🔸燒牛舌 牛舌唔會燒到好乾咬落有牛嘅油脂 加埋調味粉好適合佐酒！🔹自選魚湯米線 HKD38用魚湯做湯底嘅餐廳實在唔多呢度嘅魚湯煲至奶白色 味道鮮甜 不含味精 無魚腥味 配料有好多選擇 今次揀咗豬頸肉同孜然骨孜然骨惹味 肉質鬆軟唔會燒到乾柴稱得上全港最好嘅魚米線之一🐟🚩漁師兄 元朗元朗安寧路25號鴻運樓地下4號舖

漁師兄睇個名以為淨係得烤魚個D食，原來佢仲有魚湯米線同串燒可以叫，反正平時如果自己煲魚湯好複雜，試下佢可唔可以取替等自己懶D先🔸鮮魚片湯米線（芫茜皮蛋湯+3）魚湯仲可以加錢配芫茜皮蛋/蕃茄，今日我簡左芫茜皮蛋，上到枱芫茜皮蛋分量十足，再飲一啖魚湯鮮味滿溢，魚片嫩滑冇骨，米線彈牙🔸涼拌萵苣萵苣爽口清涼，小辣口味🔸燒麻吉麻吉經過燒烤，半溶狀態上枱，咬開仲有拉絲🔸燒大蔥雞肉雞肉嫩滑，大蔥已烤至軟身冇辛辣味，2者一齊食會將大蔥香氣發揮得淋漓盡致🔸燒菠蘿經過燒烤後既菠蘿更加鮮甜多汁🔸燒金菇肥牛卷金菇爽口有汁，配上經過烤香釋出脂肪既肥牛後，連埋入口咸甜既醬汁🔸士多啤梨味乳酸大大杯，酸酸甜甜仲有D士多啤梨果肉，食串燒有杯冰冰凍凍既野飲好爽🔸鳳梨綠茶都係大大杯，鳳梨味同茶味配合得宜，仲有好多椰果可以增加口感同場好多人食烤魚都同樣吸引，相信我會為左烤魚會再訪

話說距離蘑菇上一次食烤魚仲要係舊年去西貢的時候。之前聽朋友講過元朗有間烤魚鋪頭，湯底由新鮮魚湯熬煮而成，仲推出馬拉亞參咖喱風味，令人躍躍欲試😻🐟馬拉亞參咖喱味烤魚（$288）首先可以揀魚的種類，提供䱽魚、海鱸魚、江團魚、羅非魚四種豐富選擇。我哋揀咗肉厚嫩滑的海鱸魚。不得不讚嘆，鍋底真係超級正，香濃鮮美的魚湯融入東南亞風味咖哩，椒鹽粉的滋味隨著沸騰的湯底呼之欲出，每一啖魚肉都好嫩滑同埋掛汁，外皮焦香四溢，配合京蔥絲入口，香味更出。除咗芽菜、蕃茄同蓮藕之外，仲可以自選添加其他配料🍓士多啤梨味乳酸（$32）超大杯士多啤梨乳酸飲品，甜度啱啱好，入面仲有大大粒彈牙椰果同些許士多啤梨果肉🍹荔枝紅茶（$28）好驚喜的一杯特飲，size有成個啤酒杯咁大，荔枝味好出，再配搭各式椰果，好過癮同解渴

收工朗屏站落車去搵少少野食經過間食烤魚既比佢啲香味吸引左睇下個餐牌原來除左烤魚仲有米線同飯食！-漁師兄米線入面有生魚片、豆卜、魚蛋、魚片頭、魚皮餃、魚腐，揀左個麻辣魚湯底 ～超濃郁加上好香既麻辣味，豆卜吸晒啲湯真係幾好味。-口水雞飯口水雞辣度岩岩好，食得小辣既朋友都可以試，雞都好滑身，佢比既部位都好靚無話有啲好柴既位野飲方面佢有特飲 分別叫左兩杯唔同口味既乳酸白桃味and士多啤梨味👍🏻甜度仲有得揀少甜 下次試埋佢啲烤魚先～👍🏻

漁師兄今次要介紹元朗一間主打食魚嘅店叫「漁師兄」，呢間餐廳主打食魚，餐廳門口有一級，輪椅人士要自備斜板，入到去見到吊燈下面好似魚網咁，仲有繩網做裝飾喺座位上面，店員好主動幫我搵位，鍾意食魚嘅你可以嚟試下，都幾唔錯嫁！1.酸菜魚伴飯（辣味）（大豆芽+萵筍+土豆片+蓮藕片）$68（8.5/10）呢碗酸菜魚伴飯個酸菜魚大約10片魚片，酸菜唔會太酸，其他配料有大豆芽+萵筍+土豆片+蓮藕片等，仲有一碗白飯，當泡飯嚟食幾唔錯！2.漁師兄米線（招牌鮮魚湯+魚蛋+魚片頭+魚皮餃+無骨生魚片+魚腐）$62（9/10）呢碗漁師兄米線個湯底好鮮甜，好重魚味，米線好彈牙，入面配料有3粒好彈牙嘅魚蛋、2舊魚片頭、2舊魚皮餃、10片無骨生魚片、4舊魚腐等，好味道！3.鳳梨綠茶$14（原價$28）（6/10）鳳梨溝綠茶原來味道怪怪，綠茶味好出，鳳梨味唔見咗，呢杯鳳梨綠茶好一般！4.蜜桃味乳酸$16（原價$32）（9/10）呢杯蜜桃味乳酸個蜜桃味唔出，乳酸就好出，飲落好清爽，好解渴！2人總共價錢$160個人口味總評分：8.125/10地址：元朗元朗安寧路25號鴻運樓地下4號舖Please follow me🙆‍♂️ @

係元朗揾食 唔覺唔覺行到差唔多朗屏😂心血來潮想食烤魚就入左漁師兄～本身諗住食返平時嘅酸菜或者麻辣口味但見到推介馬拉亞參咖喱味烤魚就心郁郁 一於試下新野😆主角係湯底😆 咖喱味有少少辣 味道偏甜湯汁濃稠，魚肉好容易掛上湯汁～上菜時湯唔多，keep住滾令魚更入味就算再加湯，都唔會好咸！👍👍我地2個人叫左條海鱸魚 ＄288魚都幾新鮮，幾大條，魚味鮮甜肉厚嫩滑 啖啖肉又唔多骨～😋兩個人肯定夠晒～😆烤魚配菜有蓮藕同大豆芽，好吸味😋正跟餐聽推介，一口食掛上湯汁ge魚肉配上大蔥絲味道真係同想像中唔同！食唔到大蔥味，反而多左份好fresh ge甜味！果然冇介紹錯！😋👍另外叫左個小食 椒鹽雞軟骨＄38上枱脆卜卜熱辣辣👍椒鹽味重又有d辣，越食越上癮😂飲品就不過不失冇乜特別。整體而言專登黎食烤魚感覺好新鮮，印象深刻估唔到烤魚都可以有咁嘅配搭～👍有啲二人或四人烤魚套餐其實都幾抵食～另外仲有碗魚湯米線，下次再去試下！😆

今日去元朗做野，做完野自己一個周圍行，揾間岩心水既餐廳食埋晚飯先番屋企🤗 路過呢間叫漁師兄的餐廳主打食魚湯米線，見到入面裝修企企理理，就入去試下啦😃😃待應招呼好好，雖然入面已經坐咗唔少客，亦有唔少外賣單，但有咩需要，佢地都好快手😆餐廳採用QR code 下單，圖文並茂，好吸引😄我就係俾圖吸引咗，除咗叫一客魚湯泡飯外，仲加多兩串串燒😃😃魚湯米線/泡飯除咗叫招牌鮮魚湯外，仲可以加$3要蕃茄魚湯、芫茜皮蛋湯和麻辣魚湯🥰🥰魚腩湯泡飯（要芫茜皮蛋湯加咗墨丸、滑牛肉和魚片）- 好鐘意湯底有好多芫茜，岩哂鐘意食芫茜既我- 魚腩好好味，唔太多骨，有骨既話都幾大條，都方便食燒蒜香饅頭蒜蓉燒生蠔凍咸檸七見到隔離枱食招牌烤魚，好吸引！見佢地啲二人和四人套餐好豐富，價錢唔算好貴，下次要叫埋朋友黎食😃😃 漁師兄 (元朗)元朗元朗安寧路25號鴻運樓地下4號舖

今日我食嘅餐廳叫漁師兄，位於元朗嘅一間米線店。主力除左食酸菜魚之外，仲有米線可以食！望落個樣都唔差，而且配料都幾多同吸引漁師兄米線魚蛋，魚片頭，魚皮餃，無骨生魚片，魚腐配料全部都好新鮮彈牙，特別係無骨生魚片，好滑溜。米線米線煮得啱啱好，唔會太淋或者太硬。酸菜魚湯底估唔到米線店都有酸菜魚湯底，味道好清新，酸菜味好突出，唔會太油膩，好開胃。呢間米線店真係非一般，酸菜魚湯底好有驚喜，鍾意食酸菜魚嘅朋友一定要試吓！

難得入嚟大西北搵朋友，發現咗間好似喺新開嘅烤魚，見到佢有一個特別嘅味道「馬來亞參咖喱味」烤魚，個日口淡淡就好想試一試。呢間餐廳真係好細心，除咗裝修環境好乾淨之外，店員見到我着住白色衫，就拎咗一件即棄圍裙仔俾我用。呢樣對我嚟講係食過咁多次烤魚第一次有咁嘅服務，要俾10個讚。至於個味道其實一上枱已經聞到好香，馬來西亞嘅做法應該係用咗好多香料，當然真係見到有香茅。跟住餐廳推薦嘅食法，先飲一啖「頭啖湯」，果然味道10分濃郁，酸酸辣辣，超級開胃，建議加個麵嚟嗍下啲味道。整條魚都啖啖肉，鱸魚真係冇乜骨，食落去真係好方便，對於我呢啲唔係幾識食魚嘅人都食得好開心。佢哋啲特色飲品都真係全部大大杯，因為有時食烤魚真係比較重口味，唔覺意都會成日飲嘢，大大杯就真係啱晒。如果大家平時經過行過都真係可以試吓呢一個咁特別嘅新口味烤魚。

收工番屋企想食米線原來漁師兄主打魚湯底就一於試下除左米線，仲有烤魚雞煲小菜等等🔅鮮魚片湯米線魚湯底呈白色，飲落都幾鮮味魚片片得厚薄岩岩好，又無骨米線好滑身一擺落口已經好似會瀡入去甘豆卜吸哂魚湯d 味，好食！🔅麻辣魚湯生菜墨丸米線另一款點左麻辣既～小辣唔會好辣，唔會遮到魚湯既味墨丸都幾彈牙～佢仲有辣菜莆可以比你自己加加完惹味d 更加好食🔅鳳梨綠茶🔅芒果紅茶特飲都只係加$14 就有大大杯味道比較甜仲有d 啫喱有得咬