澳門丸記清湯腩王 (Moved) New Location

石門附近有好多美食，我很喜歡吃這一間餐廳！這間餐廳的雲吞麵、牛腩飯、還有雞翼、炸雲吞、鮮菜（加少少$）也好好味。下午茶嘅時候，會贈送飲品我特別喜愛雲吞河好吃！彈牙！而且還可以叫侍應加腩汁，清湯腩味好正！所以我常常光顧這店。不過我覺得不好嘅地但是這間餐廳的食客多，有時候位置不足夠。店員會要求你移位讓其他食客使用你的桌子。我覺得這點對食客很不方便！真是唔希望店長再咁做。另外，留意一下有時店員說話是有點大聲，令到食客覺得唔舒服

晚餐唔想煮，工人又放假，就同Marcus 爸爸落街食晚飯。hea hea地平平地又唔想食得咁豐富，但又要揀間可以安頓到呀仔的餐廳真係唔容易。這間出奇地有ikea high chair 提供，二話不說就入去。一碗粉來講價錢唔算平，但都唔係貴。食落都有驚喜，清清地覺得碗清湯腩幾好味，河夠滑，牛夠淋身，不過不失～ 最正加碟通菜有埋腐乳確係唔錯，整體這頓突然其來的晚餐都尙算滿意。老公就叫左碗咖哩腩，佢話拍得住上環果間九記，唔知真唔真！？

石門而家已經愈黎愈多野餐廳簡，中西日韓咩都有，而且愈黎愈多人係呢頭返工，食晏唔早少少落樓下都一定要等位，今次難得早放晏，衝去平時排哂長龍既丸記食，等左５分鐘都唔洗入得座，對於MENU已經滾瓜爛熟，差在睇自己想食飯定食麵，今次自己簡左個豬肉丸河粉＋一碗蘿蔔，同事食海南雞飯。平時出去食粉麵，自己係一定要叫伙記加腩汁，如果唔係實唔夠味，但係丸記會俾到另一番風味黎，因為佢本身既湯底已經係超入味，而佢既蘿蔔係１００分，因為湯底同樣係瑤柱清湯，仲會搵到瑤柱係入面架，好清甜又夠味，蘿蔔夠哂腍同夠哂甜，超好食。惟一係杯凍檸茶失色唔夠茶香味。試左一舊同事既海南雞，正常水平，唔係特別比外間出色，但係肉質嫩滑，抵食。

呢間已經食過好多次 招牌係無骨海南雞飯同清湯腩😚除咗一般粉面仲有越式小食、香茅豬扒飯等，都算幾多野食😋算係我係石門常食既一間😋👍🏻清湯牛腩河 $42 （8.5/10）個湯同蘿蔔都勁清甜平時係出面食牛腩河 通常都好味精好油但呢到就算我飲左好多湯食曬成碗河粉都無覺得口渴口乾🤤應該無點落味精牛腩係坑腩 肉質軟稔 食落充滿牛肉香味🐂蘿蔔大大舊 又淋又甜又入味😋河粉唔易斷好滑又索湯汁 正🤤(雙拼既話推介魚皮餃同鮮蝦雲吞😋👍🏻泰式海南雞飯 $50 （8/10）雞肉肉質嫩滑 雞味重 已去骨所以食落啖啖肉🤤點埋秘制醬汁 酸酸辣辣咁又另一風味😋更加惹味！而且海南雞仲舖滿薑蓉 香味十足😍油飯粒粒分明帶咸香👍🏻跟埋一碗清雞湯，味道鮮甜，蘿蔔都係好甜好淋！香茅雞翼河粉 $45 （8.5/10）雞翼即叫即炸 熱辣辣 皮脆肉嫩 香茅味突出味道又香又入味 正啊😍仲有酸甜汁可以點雞翼！面頭仲落咗好多炸蒜 更加香🤤湯底簡左加腩汁 依舊帶牛腩香又清甜既味道😋配埋河粉好好味😋食過幾次都Keep到質素😝住沙田/石門附近都可以試下 快靚正搞掂一餐😝

媽咪腸胃岩岩好，所以晚餐都係揀D清清地嘢食，見到呢間好似唔錯，雖然環境坐得唔算舒服有D窄，但都幾多人食！我叫咗蕃茄牛腩飯加$3有熱飲，而媽媽叫咗碗香茅雞翼米線加$5先有熱飲。如果想食菜都可以加$9有菜芯、通菜、生菜選擇！蕃笳牛腩飯上碟食相一般，但味道一流！牛腩夠滑又腍送飯正呀！反而媽咪個雞翼係油炸，有D太熱氣，上面仲鋪上乾蒜好香口，但米缐份量太少，媽咪話唔夠飽！雞翼我都有食，有香茅味係有吵少炸得過龍黑咗少少，但味道ok!

叫雲吞魚片頭河外賣，冇覆單，去到拎發現魚片河，同收銀講，佢話你叫雲吞魚片河，我聽到你話魚片河，跟住黑我面，話我換俾你，但你下次一定要講清楚！明明自己聽錯，落錯單，仲要咁樣，唔洗錢都唔會再食同受你氣！

全港的清湯腩之中，沒有更差，因為這個已經是最差。沒有食過這間清湯腩都不能相信，香港會有這麼難食的牛腩。完全沒有誠意。牛腩的肉質比煲湯的瘦肉還要粗糙，加上服務態度差，價格又貴得不合理。另外餐廳裡的環境非常差，衛生欠佳，以為憑住和明星合照的照片就可以作為宣傳，並以清湯腩王自居，實屬可笑。為了希望不會再有人像我一樣，被所謂的「藍帶得獎者」所騙，我決定寫下人生第一次的食評，以防有其他人再次因其與事實不符的宣傳手法而受騙。

本想食㗎喱羊腩 但要$60，都係穩陣啲，試㗎喱牛腩先。食咗一啖就知中伏，啲香料太重手喇，又唔辣，好耐都未食過咁難食嘅㗎喱喇，$48咁嘅貨色，真係貼錢買難受。乜㗎喱真係咁難煮嘅咩？完全係非專業嘅作品，比業餘更業餘。香港搵好食嘅㗎喱真係唔容易，食來食去都係得鵝頸橋街市嘅惠記，九龍城嘅清真牛肉館，唔該做得食店嘅，就用多啲心機，隻牛畀咗條命你，你就整好啲啦。其他未食過，可能清湯腩先至係主打。下次先啦，但唔知仲有冇下次? 呢次真係坐直升機咁，伏伏伏伏伏伏伏...

話說最近鐘意同男朋友去石門搵食~今次我地就去呢間澳門既清湯腩試一試~我就叫左個牛腩撈麵，男朋友就叫左個沙薑雞飯。牛腩撈麵牛腩忟得夠淋，食落有好香既香料藥材味。蘿蔔都好清甜好入味。配埋既湯都好好飲，相信就係煲牛腩/蘿蔔既湯..沙薑雞飯男朋友對雞有少少要求，但佢竟然讚呢個雞，佢話呢隻雞夠滑，味道好，最后自己食哂d雞..一舊都無留比我試囉.....唯一要彈既就係杯熱奶茶..飲落去果時認真飲唔到咪奶茶味，淨係有一浸好勁既漂白水味..所以我地就放棄左杯熱奶茶，之後嗌番杯凍奶茶補數~杯凍奶茶係堅好飲既！呢間下次都仲會再黎幫襯架~下次我點都要試下隻雞係咪噤好食先~

同朋友放工後要係碩門上堂,十分趕時間得30分鐘食飯,個人又唔喜歡食大型連鎖店,一出馬鐵就有間食粉面就入左呢間野,方便快捷.又坐低叫野食不用5分鐘就食得,到食完碗粉都係用左20分鐘,仲有時間行返去上堂.清湯腩,口水雞好味道!!!

今早要到石門工作，於是來到吃了個早餐牛腩河+凍檸茶小甜湯底頗清，感覺甜了一點點，但湯面上太多油了，問了待應沒有加味精和雞粉，兩小時後的現在沒有口渴，所以應該是真的牛腩半肥瘦，瘦一點的部位亦不老身，比較軟不會咬不到，但整體牛味略嫌不夠，脂肪的部份本應最重牛味，卻仍比較淡。有一件白蘿蔔，清甜不苦沒有渣，口感不夠軟，河粉偏油，但夠滑身，不易斷很驚喜地，現在吃湯粉麵，通常只會放蔥粒，或者小小炸蒜，但這邊除了蔥粒，還有西芹粒，偶然嚼到會帶來小清新整體而言，就42元的牛腩河而言，有這個味道很化算，而且好吃，值得再吃

今日去石門做嘢順便試下呢度新開d食肆，見差不多下午茶時段，呢間有優惠， 所以就入黎啦，平均三十至五十蚊咁啦，選擇都幾多。我係門口等左一陣就好快有位，雖然仲差幾分鐘先到2:30，不過佢都比我照叫，可以免費多杯飲品！凍飲都揀得！見到佢店長推介的有牛腩、海南雞、口水雞等，今次就試下咖喱牛腩飯，因為平時成日同小朋友一齊食飯都好少叫咖喱！咖喱汁香濃，有少少辣味，撈飯黎計真係唔錯！我知仲可以免費加飯，如果帶埋小朋友黎食叫一個飯就夠啦！店內除左見到掛左唔少獎牌出黎，仲有好多同名人的合照呢！

又是我，放工幫老公嗌個雲吞面外賣，收銀個四眼男店員好似前世欠佢咁，找錢果時，掉錢囉，識唔識禮貌架，佢老闆請著佢真係前世...幫佢趕客，之後我就同我老公講以後係以後都唔會再食呢間野...完

近年沙田區石門愈開愈多食肆，這間位於石門馬鐵站旁的澳門丸記清湯腩王，地理位置優越，人流甚廣。📍秘製咖喱牛腩飯套餐 $48秘製咖喱牛腩飯套餐，是店長的推介。下單的時候，店員會詢問是否需要加飯底，並指加白飯是免費的。另外，這裡的凍飲和熱飲同價，不需額外收費，非常人性化。套餐內大約有4-5件牛腩及2-3件薯仔，咖喱汁頗香濃，帶有少許辣味，下飯一流。牛腩會有較多肥膏，怕長胖人士要注意。餐廳內掛有多個獎項，以$48來說，這套餐算是不過不失。

剛開業就幫襯佢，見佢蘿蔔炆得好入味又唔起渣，牛腩都係好入味夠林，但近來發覺水準下降左好多，蘿蔔炆得唔夠耐又起渣，牛腩有大陣騷味，希望店舖可以做返以前水準，唔係都唔知附近仲有咩好食了