越興園越南菜館 (Moved) New Location

呢晚同幾個舊同事聚舊. 同事揀左一間唔係好貴但出名好食既越南餐館試下.一行5人去左旺角,行左半個鐘之後終於搵到呢間出名既越南餐館.雖然8點多, 不過人仍然很多,我地都等左15分鐘先有枱.雖然5個人,但係因為太多人,所以只比左張4人卡位我地. 好彩我地其中3位同事身型瘦削才可以剛剛好坐滿.由於個個都太肚餓, 所以大家都狂點菜, 最後點左4人套餐香茅雞翼4件 + 扎肉手卷4件雞翼頗香口,肉質算嫩滑,對於很少在外吃雞翼的我也忍不住吃了一隻; 扎肉手卷我沒有吃,不過賣相幾清新,同事們很快夾哂,我想應該也不差了.薄燒牛肉手卷4件 + 蒜蓉法包4件薄燒牛肉手卷內有檬粉,牛肉就偏乾了點,不過味道不濃幾清爽的一道小食; 蒜蓉法包味道不夠濃香,偏細塊同薄身, 不過用手拿著點汁時大小剛好幾方便.骰仔牛柳粒加了很多蕃茄炒的呢味牛柳粒酸酸甜甜很開胃,牛柳粒亦很嫩滑,大小一口剛剛好. 半碟差不多是我一個人ko的.秘製醬汁豬頸肉燒呢味算是全晚最不受歡迎的菜式. 起初上枱時夠大碟賣相亦很好, 個個都忍不住夾一塊來吃,但一吃,嘩...仲乾過樹皮,又瘦又乾, 每人食左一舊之後很久都沒有人再店佢了.馬拉盞蛋白鑊仔炒飯炒飯

看到這間外表滿正宗的店子，心血來潮，決定內進一嚐~ 坐在貼近餐廳大門，收銀機旁的位置，點選了一客咖喱雞飯及三色冰，再後加一份越式春卷~等待食物時，只見兩位男員工只顧在水吧位置聊天，如之前也有食客投訴，言談間夾雜著不少粗言。或許是落場時間，聊得興起，連在廚房工作的年青廚子都走出來一并的說過不停，令整個水吧位置熱鬧非常~但最令人側目的還是近日坊間都正熱播劉子千的「唸你」；被這群「你一言我一語」的年青人利用音樂播放器REPEAT多達5-6次之多，特別是其中一名男員工，多番以高8度的聲音唱著「我的字典裡沒有放棄」..... 經過重覆多次的歌詞後，確有被虐待的感覺~ (要知道大門位置已是距離水吧最遙遠的位置，這個位置也能清楚聽見他們高歌談心，可言之那份噪音何其之強大!!!~ ) 食物水準一般，較為偏咸，咖哩以雞中翼斬件；春卷則以大火速炸，形成內"林"外焦的情況。明顯沒用心制作~加上員工在店內不斷高歌的影響，最終在未能完成整份茶餐已決定先行離開，我想.... 堂食多年，這店絕對是最令人感覺最不安的一間越南「歌」廰。因為一連串不斷重覆的「我的字典裡沒有放棄」，我只能對這店作出最大的放棄，抱歉!!

估唔到會咁惡頂成下午3點左右先去食~諗住可以坐得舒服啲啦~一入去，明明間鋪都冇咩人~佢叫我地坐中間D方枱，明明大把吉既卡位咁算啦~咪聽下佢講坐啦~但旁邊有人坐咁咪拉過少少想同女友有D橕枱腳FEEL D啦佢地又過黎話唔可以咁架~ 會阻住出入~明明旁邊都唔阻住人~又唔俾人坐卡位~勁冇MOOD食~感覺就好似強迫我坐到係大排檔同人疊枱咁~ 仲要串我話"我地20年黎都係咁做架"一D周服務質素都冇點我都唔會再去食

之前睇完草蜢華麗明星賽都already想食越南燕窩哈哈哈哈哈....今日終於有機會食到, 估唔到越興園有得食,我以前都食好多唔同國家既燕窩,但係一般都係印尼和泰國,但係現在先知道越南燕窩係最好的...(真係孤陋而寡聞)即食燕窩都食過好幾間, 越南燕窩就第1次, 口感, 質感同香味果然好有分別, 以咁既價錢食越南燕窩都算抵,有機會的話我都要再食下先..呵呵呵呵呵!!

從來都冇寫過食評, 今次激到唔寫唔得!睇完戲, 未夠11點, 在週末的旺角區要食飯有好多選擇, 眼見就泥落雨, 見唔駛等位, 便近近地行入去食完就算一入去, 客唔多,仲有D 卡位的吉位, 做乜我2個人拿住大包小包要坐埋 單邊望窗的死角位? 男友直接問為何不可以坐卡位(當時好多2個人都係坐卡位), 個侍應答, 你想坐咪坐囉 (心中開始有火) 個冷氣大到我懷疑唔知係咪較15度, 成間舖頭的人有衫著衫, 冇衫都一定坐唔耐坐低後, 要花一輪功夫先有人理我地落單, 點解呢? 扮睇唔到囉, 因為D侍應想早D 收工囉都算啦, D野食泥左一陣, 點知好唔好彩, "㦸" 跌左杯野飲, 一枱都係, 座位濕左少少,手袋糟殃了變水塘, 行出行入2個侍應絕對完全扮睇唔到, 抹布都唔拿條, 情願行開打牙骹!!!!眼神接觸過後, 唔可以扮睇唔到, 只係不停問倒瀉杯乜野, 抹布都唔俾條, 離晒譜, 直到男友喝住佢, 攞條布泥得唔得?全程只係眼望望, 問完杯係乜野, 唔係攞過杯俾我喎, 又唔係攞個地拖泥拖喎, 放低條布就算數, 兩個侍應都扮睇唔到扮冇事發生張枱D水係咁滴, 完全冇動機去處理, 我唔知佢兩個侍應的工作內

比定呢兩個可以代表餐飯既feeling先!!叫左 越式炒油麵..見車仔麵都中意食油麵..就諗都唔多諗試左..點之..真係食一兩啖就覺同街邊掃街d 10$左右炒麵無分別..先係味..原全唔覺有...再來d料..只係見有適中份量既無味蝦..其次無印象巳經..份量麻麻計麵既話..但真係味扣哂分..咁既貨式都仲要收加一...好耐無比1分味道了..環境..中間d位迫..2分差唔多啦..

旺角雖然好多野食，不過想食越南野又唔係咁易搵。之前經過越興園好多次，但見佢唔太多客人，所以都唔敢貿貿然入去食。試完今次後，覺得有下次！舖頭幾細間，係座位間穿梭都幾迫。而坐得幾迫，兩個人預左要搭權。食物整得好快，落左單幾分鐘就有得食烤豬肉撈檬 ($34)面頭舖上好多豬肉，好林同入味，正！而撈檬最重要的，其實係佢的汁！呢度的汁酸度剛剛好，食到底唔會覺得好酸。而檬粉索左汁後好入味，好滑。面頭的配菜調味料亦夠：花生粒整得夠細，亦唔會炸得過左龍。紅羅白絲同菜絲充足，撈埋汁好好味！份量中等，女仔剛剛好，但男仔應該唔夠食。海南雞飯 ($38)即使唔係雞脾肉都唔會"鞋"，而且入味。食得出佢的飯係用雞油調味，都ok不過飯比較鬆散，無海南雞飯應有的感覺。想返轉頭，呢間係食越南野，又豈會有地道的海南雞飯?見到搭檯的人食的湯金邊粉好像也不錯！下次試試！P.S. 呢度服務欠奉 (除左落單同上菜)，但都收加一。

間屋裝修到大半，笠笠亂，所以近期都無住家飯食，晚飯餐餐出街食。是日一家三口一齊晚飯，原本想去沙嗲王，不過又落雨又比較遠，最後近近地黎左呢度食算數。我地企係門口諗左一陣，有個留盧廣仲頭既哥哥仔不停叫我地入去食，又話有卡位有套餐等等，最後我地都入左去。入到去雖然係有卡位，不過個卡位都幾迫下，檯同檯之間幾乎零距離，我全程食飯就係聽住隔離檯兩個大男人既對話......三個人叫左一碟飯，一個炒河，再加個牛油雞翼同一碟炒菜，份量剛剛好。越式金邊粉第一個黎到，不過唔係幾好食。金邊粉炒得太乾身，而且D金邊粉全部都痴埋一齊，材料望落就幾多，不過食落成個粉都無咩味，只係食到少少鹹味。而且D材料全部都切到幼幼碎碎的， 麻麻地。之後就係牛柳粒炒紅飯，呢個味道OK正常~ 紅飯其實只係D飯有D茄汁撈，食落酸酸地，都幾開胃既。牛柳粒幾軟熟，幾香黑椒味，成晚呢個叫做幾好。叫左個馬拉盞炒通菜，黎到聞落幾香，但食落就..... 通菜爽口，不過食落完全無味喎~~ 真係只係食到本身通菜既味道，馬拉盞炒菜炒得完全唔入味... 最後叫左個牛油雞翼，話明係雞翼但黎到有兩隻係雞搥黎既，咁都得？不過牛油雞翼都係沙嗲王整得好食好多，呢度

朋友話想食麵食, 佢本來話想食魚蛋河嗰D的呀, 點知行行下又話想食越南河就黎左呢一間, 我本來都唔係咁想黎呢間嫁喇, 因為記憶中好似唔係咁得. 之前黎過一次記得唔值得再黎第二次, 不過又確實諗唔到附近仲有咩想食, 所以求求期都入黎去食....我同朋友各叫左碗越南河, 我叫既係三絲越南河. 落單既時候問個阿姐三絲係咩, 個阿姐就好求期咁答左我就算.... 黎到發覺份量好少囉... 我已經都唔係話好肚餓, 不過我食完後確實有D到喉唔到肺既感覺, 我食完嗰一刻真係好懷疑其他食客點解可以無咩反應... 不過眼見其他好多枱客都有ORDER 到 SIDEDISHES, 唔係好似我哋兩個咁求期食D野就走嗰種. 之於味道... 好啱我個FRD當初搵野食既要求... 因為... 食完我真係唔覺得自己食緊越南野... 連越南河必備既"延"茜都見唔到.... 話自己話賣既係越南野既話... 欺騙顧客者~~~$29一碗, 仲要加一服務費~~~ 行多兩步食兩碗魚蛋河無咁嬲, 起碼我食既同我ORDER既係同一樣野, 無SERVIC唔緊要, 人哋唔會收我加一囉~~~

噚晚同honey又去旺角食晚飯，因為唔知食咩好，所以係條街係咁一路行一路搵食。行到呢間越興園，見到個門口好似好多款嘢食咁，又見環境唔太差，於是決定食呢間。坐低之後睇餐牌，但係睇來睇去都唔知有咩好食咁，好似冇係門口睇咁吸引。最後求其叫咗一碗香茅豬扒撈檬、炒檬粉同埋冇骨鳳爪。首先上菜既係冇骨鳳爪，嘩.....一睇個樣已經唔開胃，咁橙既，成隻酒樓食既雞腳咁。一放入口，冰凍到好似係冰箱攞返出來咁。味道差！跟住上既係香茅豬扒撈檬，呢樣冇咩特別，唯一可以食得下囉。最後來埋個炒檬粉，賣相差，又唔好食。成碟粉得個2粒蝦，少少蟹柳絲，勁搵笨！員工服務態度唔算好差，但係說話語氣差囉。兩個人食啲咁既嘢要收成百幾蚊，又要加一，覺得好唔抵食。

星期天的下午，又來到旺角開飯。經過越興園，店外的阿姐猛落嘴頭招倈路過的行人光顧，見這間已在這區開業多年的老店實在很久沒有幫襯過了，就去吃一餐吧！一坐下，環顧四周，只見這裡的陳設實在是五十年不變，還是從前那個老模樣。不過無所謂啦，來這裡開餐又不是吃情調，最緊要都是好吃而已。看看餐牌，皇牌午市套餐推介竟有9款之多，只售$32，冷熱飲品和個別特飲如橙什和檸什等還不用加錢，真可算得上是價錢相宜呢！與太座一人一個午市套餐，一個係「波爾多香酥雞球蟹柳奄列炒飯（配香橙雞尾酒汁）」（個名簡直係水蛇春咁長，都算係巧立名目嘅經典啦），一個就係「招牌香茅豬扒蟹柳蛋飯」。飲品就叫左橙什、檸什各一（橫豎不用加錢嘛）太座個豬扒飯味道都過得去，係香茅變左蔥油呢樣怪左dd啫。至於我個炒飯呢？哈，味道又唔錯喎，個炒飯份量都幾多，也算夠熱，炒過的飯當然比普通白飯來得好味啦。奄列味道也不俗，除左有蟹柳同蛋之外，原來仲有扎肉在裡面，係意外收穫來。D香酥雞份量不少，質素算係一般啦，點埋d香橙雞尾酒汁（咪即係橙汁）吃，都幾開胃嘅。唔睇餐牌真係唔知d雞係法國波爾多來嘅添。橙汁炸雞加橙汁，簡直係絕配，今餐吸收的維他命C都算多啦！$3

琴日凌晨12點幾,係mk行到好攰,所以就同朋友是但咁揀左d間餐廳...點知........就乸野喇入到去,就坐左一張最近水吧既枱....叫左一個"沙爹雞絲炒河"同朋友share.....係等野食黎,我就同我朋友傾計啦....傾得好地地既時候,個男waiter無啦啦"嘭"一聲坐左係我fd隔離,,真係嚇親我地囉!!!!咁都算啦...佢fd咁岩入黎,,仲叫佢fd唔怕,坐啦(但當時張櫈我係擺左野架囉)我都算啦...我讓比佢坐喇...之後d野食野啦,,"沙爹雞絲炒河"話明雞絲應該係一條條個d先叫雞絲架嘛...佢個d係一塊塊架囉呢d係雞肉,唔係雞絲囉....不過係幾好味既...所以我都算啦....但係我最唔滿意既就係.....個個男waiter同佢fd坐左落黎之後...就係咁講野仲要超大聲囉!!(人地已經行得好攰,想搵個地方靜靜地坐係度食野都唔得囉)仲有,講野大聲都唔係問題,最大問題係佢地句句說話都有粗口架囉!!!!仲要講得好自然,好似唔當一回事咁!!!大佬,有客人係你地隔離架,個時真係好想問佢地識唔識得收斂d架!!!!仲有,,我聽到個男waiter講講下,問佢fd個女朋友似唔似我朋友(個男wai

做完gym諗住落旺角買相機食個快飯啦,見呢間唔駛等又唔想食得咁heavy就衝左入去喇~燒豬肉湯河 湯底一般般~味精湯底~燒豬肉同普通肉片個樣其實差唔多...不過就幾入味同幾淋,河粉韌韌地都幾唔錯,唔會淋到一劈野咁三絲撈檬 正確黎講係撈暖檬...加埋d酸汁怪怪的,如果凍會好食好多囉...味道好一般,原來三絲係指雞絲,蟹柳,同札肉,個組合都幾奇怪.最鍾意落酸汁變左好似成碗湯粉咁先食唔難食既,又食你唔死既一碗粉快快脆食完即走,因為d位真係迫到呢......算啦,都係求其醫飽個肚既一餐

7-9人晚餐從來也少食越南菜但這回又覺得很美味地方：上了樓上閣樓 地方也算清靜食物：叫了2個四人套餐食任由自己配搭酸甜味道適中但份量就較少服務：要求一一做到，而且快速上菜但服務員不太願回答問題10個以內朋友去食 可以試試

點解我話老闆娘超惡...因為佢真係好惡,不過佢唔係對我地d客人惡~係對伙記惡~惡到有d令人O咀................講下野食先~我同男朋友來到都2點幾喇,梗係食TEA啦!!!!!!!我食豬扒湯粉+可樂($26),男朋友要金邊粉唔記得係咩喇,好似係海鮮金邊粉($30)講左我個個先,個碗又係超大...........大得好恐怖豬扒真係幾好,除左夠LUM之外,亦都好入味~粉都MAMA地啦...但係個湯就油左少少..........男朋友既金邊粉一來到好香.........但佢話一食,都只係普通貨色~但我食落我覺得好味過我個碗粉喎....可能佢既要求比我更加高~裹面有好多蝦呀札肉條呀等等...炒出來其實同干炒牛河既方式差唔多~只係料唔同~佢飲凍檸茶...佢D檸檬幾特別架,唔係黃色,係用綠色個D可能大家唔慣啦,覺得陣味好怪咁,寧願佢番黃色喇~我地去到有卡位坐...但係佢個度即使唔係卡位,佢D凳都坐得幾舒服既~