越旺美食 (Under Renovation)

大角咀。越旺美食主打越泰式.街坊親民美食越南炸蝦餅 $58👍本身好喜歡蝦餅，這間味道幾好，口感一流，份量也多馬拉盞炒時菜 $63炒得好香， 好有鑊氣， 上面還有一些炸蒜，加重口感豆豉炒蜆 $72可能豆豉炒蜆，中式炒法會更加好泰式蝦醬炒飯 $62👍👍推介，好喜歡上有D炸蒜 和 臘腸而飯加上红米 雙重口感， 加左蝦醬真係好香😋巳吃過幾次，座位舊寬敞， 上菜也很快大角咀中匯街37-39號

舊舖執咗之後，新鋪又搬遠左。加上經常Work from Home，好少出大角咀。喺大角咀放工，個心囉囉攣勁想食咖喱炒飯。但係落勁大雨，本來想打消念頭直接返屋企。點知落到街佢即刻停雨，即係注定要我過嚟買。嚟到新店見佢啲價錢同以前都有段距離，但係實在太耐冇食，點都要豪一豪。原來而家加雞扒要加多$20 ，咁加多$9要買杯紅豆冰剛剛好$100。個紅豆冰唔似得出邊咁會死甜，同埋啲豆煮得好腍，不過外賣就細杯咗少少。以前用發泡膠蓋而家嘅話轉咗膠盒望落去好似細盒咗，但係Pat出嚟嘅話個份量都幾足夠雞扒就感覺上被以前厚咗。急不及待試咗一啖咖喱炒飯，有少少失望，失望嘅位係冇以前咁辣，下次食嘅時候要堂食再加多少少咖喱，個鑊氣都係夠嘅。

如題，晏晝嚟食飯，嗌咗個豬頸肉炒飯，豬頸肉冇燒夠所以麻麻地。跟飯嗌咗杯凍奶茶，飲飲下見到黃色嘅野，一筆點知係3塊檸檬，啲檸檬係冇篤穿嘅，最後只係沖多杯當補數。。。As the title suggests, I had lunch just now. I ordered a fried rice with pork neck, but the pork neck wasn't cooked enough, so it was mediocre. Along with the meal, I ordered a glass of iced milk tea. While drinking, I noticed something yellow. Upon closer inspection, I realized it was three pieces of lemon. The lemons were not properly sliced. In the end, I had to order multiple extra cups to make up for it.

個人都幾喜歡食越南菜，貪佢清清地，今次就嚟咗間專做街坊生意嘅餐廳。d侍應姐姐做野好快手，一坐位已經畀杯熱水你浸餐具。雖然用QR CODE 落單，但見到個外國客，姐姐都直接問係咪例牌，然後拿拿聲幫佢落埋。今次揀咗最平嘅晚巿２人套餐 $240酸辣鳳爪：白雲鳳爪咁，去晒骨，外皮白淨晶瑩，酸酸辣辣好開胃。馬拉盞炒通菜：熱辣辣上台，好香。通菜吸收了辣味和香料味，唔會太鹹太油，好食。生牛肉湯河：有蔥花、洋蔥絲、青檸、蒜粒、香菜做配料，配埋生熟兩面嘅生牛肉片，加埋滑溜的湯河，好正宗。香茅豬扒飯：ｄ蔥油一流，睇得出廚師功架。可惜係，塊豬扒唔靚，無味。不過d蔥油真心令人開心嘅。最值得讚係，上菜超快，樣樣都熱辣辣出晒煙。餐廳空間亦好大，整體感覺非常良好。

勝價比高，絕對可以回頭食的餐廳。奧運站行15分鐘就到。餐具乾淨，樓面姨姨好好人。雖然鬆餅並不是超鬆軟，但咖喱牛腩軟腍，$72蚊，絕無投訴👍🏻，晚市仲可以半價叫特飲。冇諗過三色冰可以走甜，佢真係做到😱👏🏻👏🏻，呢杯三色冰好多綠豆同紅豆再加西米，勁正🤩，跟餐只需加$15，超抵馬拉盞炒通菜，好夠鑊氣，不錯，見到隔籬枱食馬拉盞炒芥蘭，勁大碟，我下次要試吓叫咗一支啤酒$48 ，冇諗過咁大支😂，嚟到嘩😱咗一聲，最後一個人都飲唔晒😅

#越旺i donno why the market blame people going north and make our resto market down. thats inssanly not true....as per our president mr. lee ka chiu. people going out is 1M but still remains 6M inside hk and most of them are need eating. the resto need to consider themself why cannot attract the 6M ppl.thats very true. as long as you make good food. there is always customers. see this place at tai kok tsui. very bad position. but still can draw many eater. still survive more than 10 years, and it

之前嚟過已經食過佢嘅咖哩飯同薄餅順帶一提 佢嘅薄餅係自己整, 厚嘅有別於平時喺泰國舖食薄嗰隻，大家不妨try try😉😉所以今次諗住試啲唔同啲嘅嘢叫咗碗海鮮喇沙，勁多料，完全係比足誠意個湯底好濃厚，但又唔會話飲得多就口渴😋真材實料👍🏻👍🏻再叫左個紅燒腩肉飯佢D腩肉半肥瘦，好香好好食私心講，仲好食過佢D咖哩🙈🙈🙈D肉好冧，一D都唔柴，而且好多汁好大碟，食到一半先記得影相就知有幾好食而且新舖位大左好多，唔洗點等位，正👍🏻

見佢新年後加價後，入嚟食碟頭飯，坐低枱面仲有啲咖哩跡，店員隨便抹幾吓就由佢😵加價後平均每碟差唔多加價8-11蚊，最後叫咗避風塘金蒜炒飯同怪味雞，味道其實無點變，都係一般般，蟹柳乾蒜炒個飯咁，怪味雞就係甜汁嘅海南雞飯，唔想用78蚊食呢個廚餘飯嘅質素，以前都有食過佢啲四人餐二人餐，有啲食係幾好食，但價錢都係略貴。加成十幾蚊，街坊愈來愈難支持你哋啦，已經無咩服務，全部電子化，都收咁貴，真係搵鬼幫襯囉。以前佢開得夜，收工會去幫襯，個陣都多客人，而家成日提早收檔又成日唔夠樓面，次次去親啲伙記都被老闆娘問候，客人都食得唔安落

大角咀出名多嘢食，今日去咗一間幾抵食、主打越南同泰國菜嘅小店食飯。呢度有得叫set，散叫都有好多選擇，我同朋友揀咗散叫。主食要咗馬來西亞蝦麵，麵底可以揀摻摻，味道都好有蝦味，好足料。另外叫左一個香茅豬扒炒飯，平時炒飯冇乜肉，但佢個炒飯有勁多件豬扒，食到啖啖肉。牛肉紙米卷好正宗，夾住牛肉、生菜、檬粉等配料，加埋酸汁好開胃。生菜包就改良到好溫和，冇乜辣味，店家另附上Tabasco，都幾特別。飲品叫咗一杯綠豆冰，有好香甜椰汁味，加埋綠豆幾夾！埋單$300有找，價錢親民，性價比幾高！

今日經過大角咀，一定要食返呢間令我回味無數次嘅越南美食，佢哋搬咗之後，舖頭就更加大，光猛又乾淨。特別鍾意食蝦嘅我，叫咗佢哋招牌嘅馬來奶油蝦同埋椒鹽蝦，兩種唔同嘅風味，佢哋用嘅蝦都好新鮮，而且做法都唔會蓋過蝦嘅鮮甜味，特別係個奶油汁，用嚟送飯或者係蒜蓉包都一流。另外仲叫咗豉椒蟶子同埋炒芥蘭，以價錢嚟講佢哋真係冇得輸，因為只係平民價但係都大大碟，我哋兩個人都食唔晒。佢哋嘅咖喱都好有特色，可以揀越南風味或者印度風味，我食過幾次都覺得好出色。

一位住喺大角咀嘅親戚，特登帶我嚟呢間，可以用平民價食到嘅越南美食。我哋叫咗必叫嘅馬來奶油蝦，非常有驚喜，蝦肉新鮮彈牙，而且配上奶油汁，加埋越式香料，每隻蝦都炸到好脆而且掛滿醬汁，價錢優惠份量又多，好食到我忍唔住連下面嘅粉絲都食曬，而且一定要加佢哋嘅蒜蓉包或者薄餅，咁就一定汁都唔會浪費，呢個菜式真係進店必食。另外仲叫咗佢哋嘅豉椒蟶子，新鮮程度滿分，而且唔會好似出邊咁，殼多過肉，而係好似食極都食唔完咁，可以喺邊度搵到咁平價嘅美食。

放工和同事黎大角咀食飯，去了越旺美食。點了幾個小菜都不錯。豉椒炒蟶子，新鮮大隻肉又香嫩嘅蟶子，配上豉椒，用高溫炒熟，口感彈牙，美味極了。馬來奶油蝦，大大隻海蝦，用馬來特色奶油醬炒香，個汁好濃厚，可以用黎撈飯食，平時比較少食到呢種味道。越式豬頸肉，半肥瘦豬頸肉，不乾不膩，送酒一流，可惜今天不能飲酒。馬拉盞炒通菜，店家用上了特色的馬拉盞醬來炒熟，菜嫩醬香，好好食。咖喱牛腩配薄餅，軟腍腍嘅牛腩，配上馬來咖喱薯仔，仲有香口薄餅，讓人忍不住一口接一口。喇沙海鮮河，很難想像海鮮比喇沙摻摻還要多，而且每一款海鮮都大隻又新鮮，實在係平靚正之選。珍多冰，椰汁珍多冰色彩繽紛，有椰奶香，又有啫喱咬口。椰汁綠豆冰，紅豆冰就飲得多，少有機會試到椰汁綠豆冰，感覺是幾特別，而且甜度剛好，啱晒追求健康嘅人士。

大角咀有不少新舊樓林立，在這裡隱藏了不少餐廳沒被人發現。越旺美食是一間主打越南菜的餐廳，聽說性價比幾高。餐廳位於舊樓的地舖，門面和內部看起來都很明亮乾淨。座位都幾舒服，對比以前舊店可能少了一份親切感，但店面光鮮會比較當眼。晚上除了可以單點，還有套餐可選擇，2人套餐 HKD 220 起。我們選了 C.晚市2人套餐 (HKD280)有小食 + 時菜 + 小菜 + 粉麵類 / 炒飯，還包了熱杯熱飲。小食先選了 越式蝦餅，上桌時還能感受到剛炸起的那份熱氣。炸得夠香脆，吃落不會覺得油淋淋，蝦肉又夠彈牙。馬拉盞炒時菜，有幾款菜可以選，我們選了通菜，都幾大碟。每條菜都充滿了醬香，還加了蝦乾，炒得很香很惹味。五選一中選了 炆牛腩。半肥瘦的牛腩吃落沒那麼多韌。而且炆得十分入味，我自己覺得單吃會有點太濃味，如果配飯吃會更好。叻沙配金邊粉、雞絲扎肉 好大一碗，兩人份量這很飽耶。湯底帶少許的椰香，這種偏辣一點的我更喜歡，會不期然地多喝幾口湯呢。金邊粉都夠滑身，吸湯能力十足，和豆卜一樣很惹味。除了自選的雞絲和扎肉，叻沙中仍有其他配料，像是有吃到蜆肉和魚片等。最後套餐包的餐飲，熱咖啡不需要另外加錢，轉凍飲或是特飲

大角咀係一個好多食肆既地方，有好多唔多種類，今日專登去搵食，經過間門面企理既就入去試下。睇餐牌期間侍應推薦既馬來奶油蝦：一碟有八隻，隻隻都幾大下，整到蝦肉算爽唔痴殼，個殼又趣口，我成隻連殼食，連個頭都比我碎埋。汁有奶油香味配埋粉絲撈黎食，唔錯馬來濃湯蝦麵又係好足料，三隻大蝦，豆卜，魚片，同腩肉，我地揀左小辣，今日咁鬼凍，得七度，其實應該叫中辣刺激下。麵要左摻摻小辣咖喱羊腩配千層薄餅另外侍應又推介羊腩，唔辣，羊腩唔係咁蘇，d汁用黎配薄餅食，唔錯。越式酸辣鳳爪呢個好啱我口味，酸酸甜甜開胃，仲要去埋骨既。越南小食式拼盤有串燒，蝦餅，扎肉春卷同雞翼，正堂水準。越式蒸粉卷$24新鮮整起，粉卷脹卜卜，好足料。趁熱食，好食湯試左細冬蔭功湯叫左個冬蔭公飲，無平時個隻勁重香料未，都幾大鍋下，又多料，有蜆又有蝦。最後飲品：越南咖啡幾過引，本身係熱，睇住佢慢慢滴晒先，再比隻有冰既杯自己沖，都幾濃下。椰汁綠豆冰椰汁叫濃，有綠豆茸。唔錯話梅冰酸酸地，食左咁鬼多野，啱晒。

位於大角咀的越南菜餐廳，供應多款越式菜式，有海鮮、咖喱、越式炒粉麵飯、蔬菜類等，還有晚市套餐，價錢很親民。地方寬敞，座位舒適，燈光光猛。越式飯類：牛腩飯牛腩炆得嫩腍，入味，牛腩浸在一碗牛腩汁中，與飯分開。白飯轉成炒飯底，飯粒乾身，粒粒分明，很有鑊氣。炒河類：雞絲炒河越式炒河配上雞絲，特別香口，炒得油香帶鑊氣，額外還加了荷包蛋。煲仔類：咖喱雞煲咖喱亦是主打之一，幾乎每一枱都有點。咖喱椰香味道撲鼻而來，而且可以選擇印度或越南款式的咖喱及其辣度，顧及客人喜好。雞件相當多，肉質厚實，份量也很足料。其他配料還有雜菜及薯仔，完全吸收了咖喱汁，很惹味、開胃。海鮮類：豉椒炒蜆蜆肉蠻肥美，沒有沙，跟香蒜及豉椒汁一起炒，醬汁較濃稠，而且加了辣，較濃味。