越粵棧

Open Now

Now Closed

我好耐冇去九龍城區開飯，平時嫌交通唔方便，開通屯馬線就便利得多。不過我估唔到條街真係好静，食肆生意真係首當其衝。好姊妹gathering, 有人提議要平靚正，所以一諗就係呢度。 食物夠鑊氣，又多元化，睇到樣樣都想食。十個菜8個人，每人都唔駛180蚊，真係抵呀👍

九龍城惹味小菜-越粵棧今晚去九龍城想搵啲小菜館食飯，見到呢間越粵棧啲菜式幾吸引就去try try😎當日都坐左8成，叫左幾款小菜，有霸王墨魚，乳鴿，椒鹽豆腐，鮮蝦腐皮卷，蓮藕餅同埋蒜蓉蒸茄子。個墨魚好新鮮，唔好睇佢白烚咁樣，其實好爽口😋😋藕餅同腐皮卷都好好味☺️加埋個龍鳳可樂，正正子😚又一個地方啱三五知己嘅麻甩食堂🤣🤣配埋啤酒更加惹味，九龍城唔係淨係泰國菜嘅🤣

九龍城區內越來越多地方重建，很多老店，都會改頭換面，因此便在區內覓食，發掘香港老口味。今晚路過這裏，見到很多食評都有提及這裏的十大名菜，便入內一試。大蝦荷葉木桶飯$188，店員打開木桶木蓋之後，蒜蓉和荷葉的香氣已經噴出，蒜蓉份量十足，蝦肉爽口鮮甜，木桶內的飯已經吸收了荷葉和蝦的香味，層次感更加豐富。當紅炸子雞半隻$128，炸子雞外皮香脆可口，雞肉鮮嫩美味，加點淮鹽可以提升味道層次。蒜蓉炒時菜$68，現代注重健康，每餐晚飯，必點蔬菜，平衡健康。

今日都叫咗幾多樣嘢，難得樣樣味道都唔錯，咁多樣之中最好食嘅我認為係呢個煎雜魚。煎得好香好脆，真係差唔多連骨都可以食埋。炆蓮藕片都好食，蓮藕好爽。滾豆腐魚頭湯啲魚頭好新鮮魚雲好好食，啖湯好鮮甜。呢個煎藕餅唔好畀佢個賣相呃到，其實味道好好。豉椒炒蜆就普普通通，收貨啦。花雕魚露雞就麻麻地，可能叫返佢十大招牌菜嘅炸子雞會更加理想。最後一味喺佢哋呢度十大招牌菜入面嘅金蒜大蝦木桶飯，呢個真係好食，啲飯吸曬啲蝦嘅味好正。

成日過嚟九龍城食泰國菜，都唔知道有間粵菜咁出色，呢日經朋友介紹，就嚟咗「越粵棧」，老闆娘友善有禮，食物別具鑊氣，值得回頭再試！這天我們首先點了馳名炸乳鴿（$58）🐥🐥乳鴿外皮炸得酥脆金黃，肉質嫩滑多汁。炸乳鴿的獨特風味與香氣讓人食指大動。一咬下去，你會感受到外脆內嫩的口感，品嚐到乳鴿肉的鮮美味道。之後我們點了霸王鮮魷（$88）🦑🦑這道菜以新鮮的鮮魷為主料，經過獨特的烹調方式，讓鮮魷保持了彈牙的口感。搭配蒜蓉、辣椒等調味料，烹調出鮮美的味道，讓人食欲大開。我們又叫了生炒骨（$88）🐷🐽豬肉骨經過高溫炒煮，保持骨髓的鮮美，同時增添獨特的香味。它的口感韌而有嚼勁，讓人愛不釋手。而要有鑊氣，少不了點一碟豉椒炒蜆（$98）🐚🐚這道菜以新鮮的蜆，搭配豉椒和其他調味料炒制而成。蜆肉鮮嫩多汁，搭配豉椒的香辣味，兩者的香氣完美融合，帶來一道口感豐富的美味菜餚。最後清清地，要了一個金銀蛋菜心（$78）🫔🥗這道菜以新鮮的菜心為主料，搭配金銀蛋炒制而成。烹調方式簡單，但味道濃郁。菜心的嫩脆與金銀蛋的鮮美完美結合，呈現出口感豐富的一道菜。「越粵棧」每道菜都有獨特的特點和味道，這些菜品都很地道有鑊氣，值得一試！越

識得食一定係搵啲老字號店舖黎食，呢間越粵棧係九龍城都屹立左一大段時間。餐廳都幾易搵，地鐵站一出行2-3分鐘左右就到。價錢幾經濟，每樣都大大份，重點係小炒有鑊氣，一大班fd黎食肯定可以食得勁多野勁開心馳名炸乳鴿 $58 店內其中一樣嘅招牌，炸得個外皮好香脆，肉汁仲保留到好多。雖然乳鴿細細隻，但係肉都幾厚身幾多，好好食避風塘茄子 $58 勁有驚喜！一上檯時已經覺得好正咁！茄子炸得好夠脆身，外脆內軟。炸蒜炸蔥加埋D辣椒勁級惹味，放耐左都仲係好夠脆，d椒鹽同炸蒜又好香咕嚕肉 $78 d咕嚕肉好大舊，成碟都好有鑊氣。青紅椒，洋蔥，菠蘿都好爽脆好夠熱身，個汁個味道酸甜味道岩岩好，d汁包住晒所有野好好食芝士牛油蜆伊麵 $148 勁多碟伊麵，個汁比較有少少浠，不過個味道好香。伊麵索晒d汁一齊食好食，麵質唔會太淋身。蜆身都好新鮮而且肉質都好飽滿，成個汁仲要有埋蜆嘅鮮甜味，好好食

放假同屋企人去越粵棧食中式小炒。好多人訂枱食飯，感覺上好多都係街坊熟客。其實佢哋仲有越南菜㗎。✨馳名炸乳鴿 $58鴿皮超級脆，鴿肉又嫩又多汁。最誇張係一路傾一路食，放到凍咗仲係脆。👩🏻平時覺得一人食半隻肯定夠，但係呢度完全覺得唔夠喉。✨霸王鮮魷 $98魷魚肉好厚身，口感彈牙。簡單撈薑蔥，加少少豉油已經好好食。✨白蓮生菜包 $98原來係芽菜炒肉碎，有類似豆瓣醬嗰種香辣。除咗整生菜包都好啱餸飯。✨雞粥 $128粥底好綿而且充滿雞肉嘅鮮味。一大鍋夠4個人食。本身調味唔重，可以自己加胡椒粉。

餐廳環境係好有歷史既感覺，全單免加一，但每位員工對所有客人既服務都係一百分，價錢同食物份量亦都係一百分。雖然有個越字，但佢地既餐牌選擇非常之多，如果一大班人黎食，絕對抵食同一定可以食到好多唔款。大大大推~霸王鮮魷 ❤ 必點 鮮魷夠新鮮爽口彈牙，份量非常之多，底下有炒香過既芽菜，食起黎唔會有草味，仲有清爽既口感，而且本身仲有蒸魚豉油係底，鮮味十足。蒜蓉炒通菜 ❤ 一D都唔油膩，通菜唔會炒得過老，蒜蓉好香口，大大碟!臘味芥蘭 ❤ 有臘腸同臘肉，勁香，食十碗飯都冇問題~! 小小油，但真係好香口，芥蘭爽甜零苦味，正~西蘭花炒斑球 ❤ 斑球份量正常，走過油，所以食起黎外小脆入面勁軟嫩!!! 唔係一般果D魚柳黎。孜然雞翼 ❤ 孜然如果可以再濃味D就更好了，炸得香脆勁可口，會忍唔住食完一隻又一隻...

九龍城的越粵棧是一家以傳統中菜聞名的餐廳，他們提供豐富多樣的菜單和精心烹調的料理。椒鹽豆腐，以嫩滑的豆腐為主料，搭配上香氣四溢的椒鹽調味料，呈現出一種香脆的口感和豐富的風味。豆腐外層煎得金黃酥脆，內裡保持著豆腐的柔軟嫩滑。椒鹽的香氣和味道完美地與豆腐融合在一起，每一口都帶來一種融洽而美味的感覺。這道菜既可以作為開胃菜，也可以搭配主菜享用。香煎蓮藕餅，以新鮮的蓮藕為主料，經過精心處理和煎炸而成，呈現出一種外脆內軟的口感。蓮藕餅的外層酥脆金黃，內裡柔軟細嫩。每一口都帶來一種清甜的蓮藕香氣，令人愉悅。這道菜的烹調技巧和味道平衡使其成為一道不可錯過的美味佳餚。豉油王炒麵，以彈牙的麵條和鮮美的配料炒製而成，呈現出一種濃郁的風味。麵條煮得剛好熟，彈牙有嚼勁。豉油王的獨特醬汁增添了菜品的豐富口感和深厚味道。搭配上新鮮的蔬菜和精選的肉片，這道炒麵成為一道滿足味蕾的美食享受。這裡以其傳統的中菜和精心烹調的料理，為食客帶來了一場美味之旅。

九龍城原來都有間食小菜的餐廳，今次搵到呢間「越粵棧」都幾驚喜，因為服務員都年紀較大，可以感受到老香港的服務態度，亞叔仲會幫手介紹招牌菜添。地點都好易搵，地鐵站B3出口一出直行就是了。霸王鮮魷 $98魷魚很鮮味、爽口，沾上豉油更可口。越式炸蝦餅 $88蝦餅沾上米粉碎黎炸，非常香脆，加上配上的甜酸醬令口感味道更加豐富，又開胃。豉椒炒蜆 $98蜆肉冇沙，讚，蜆唔算好大隻，但豉椒炒得好好食。黑椒牛仔粒 $98牛仔粒、薯仔都好腍，黑椒味好出，必點😋

同朋友一齊喺九龍城，行過呢度見到呢間餐廳，感覺實實在在，於是就入去食個 early dinner 🤣$128「霸王雞半隻」：雞肉🐓不同部位有不同口感，基本上肉質都幾滑😁；仲加有薑蔥絲同埋醬油，另外仲有一碟薑蓉可以沾雞食👍$88「豉油王豬頸肉」：豬頸肉爽滑，又打咗個豉油芡汁；仲加油大量大豆芽菜😁$68「蒜蓉炒菜心」：菜心新鮮幾爽脆，蒜蓉🧄炒簡單好食😋$88「香煎蓮藕餅」：蓮藕餅外邊煎到脆脆哋；蓮藕切到好細粒，爽爽哋，加埋碎豬肉撈勻一齊煎，非常好味😋

秘製德國鹹豬手：店方的十大招牌菜之一，原隻大豬手，非常大碟抵食，肉質鮮嫩多汁，帶有豐富的肉味，豬手的外皮烤至金黃酥脆，配有特製芥辣醬，醬汁的辣味和芳香為豬手增添了豐富的口感，讓整道菜更加精彩！😄😄😄大蝦荷葉木桶飯：也是店方的十大招牌菜之一，大蝦十分新鮮，具有鮮美的海鮮味道，肉質鮮嫩多汁。荷葉有獨特的芳香，香氣滲入飯中令飯粒也變得清香撲鼻。此外，荷葉還具有保濕效果，能夠保持飯粒的濕潤和口感的鮮美。木桶的蒸煮和滿滿的金蒜令飯粒變得鮮美可口，啖啖好滋味！👍👍👍店方還有其他的招牌菜如避風塘炒蟹、香煎羊架、霸王鮮魷等均深受客人歡迎，下次定要約齊朋友試試！😍😍😍

搬咗鋪頭後，新鋪食物質數算係keep到，好好食，價錢真心唔貴，但係出菜時間就比起舊鋪就再慢咗，樓面姐姐士氣好差。感受到樓面同廚房完全交流唔到。 落菜原用飛紙仔方法，係快，但係真係要樓面同廚房有溝通有交流先至work, 如果唔係，係解決唔到搭單or漏單嘅情況。唉，都算係九龍城老字號嘅廣東小菜名店，真心真心希望佢地今次可以挨到呢一關，過到呢個年。執下一間又一間。 可惜可惜。。。。。。。。。。。。。。。。。。

成日都話高手在民間，呢間九龍城隱世小炒無得頂，真係可以做到價錢實惠卻質素極高真係可遇不可求。我地5個人叫了7樣野食，分別有呢度10大名菜之中嘅當紅炸子雞半隻、越式炸蝦餅同埋金蒜大蝦木桶飯，另外仲點了煎雜魚、大豆芽炒雞雜、香煎蓮耦缾同埋椒鹽白飯魚。炸子雞嘅皮炸得又璧脆又香，雞肉好嫩滑。椒鹽白飯魚都幾大條，少少辣，好有避風塘風味。煎雜魚一共有4條，煎到D魚好香好脆好鮮味，連D魚旗都脆真心好食。香煎蓮耦缾同我想像嘅有D唔同，我以為係蓮耦先切片再釀魚肉落去然後再煎，原來呡度係蓮耦切粒然後混入魚肉再煎成餅狀，呢個幾好食。呢味金蒜大蝦木桶飯我覺得全晚最好食嘅，我地5個人每人大約有2.5碗，入面D飯吸收晒荷葉同埋蒜蓉開邊蝦D汁，真心正。大豆芽炒雞雜算係中規中矩，材料都算新鮮嘅。越式炸蝦餅都唔錯，香口得黎又彈牙，D蝦味都幾香。

3月22日揾食美華陪靚媽返工，順道到此間好評如潮食店，食個午飯，當日早上11：2O分便到達此店，向侍應姐姐柯打咗三個食品後，便安心等食品上枱，最先火速上枱是兩碗美味例湯，但碟鼓椒牛肉煎米粉卻在11：45分才送到肥華面前，而煎雜魚及碗上湯鷄米，更要在10至15分後，才送齊上枱，好彩肥華和靚媽，乜都冇係有時間多，故可容忍此慢速上菜速度，而今餐午飯所點的食品，每樣都非常好味，可能此店為保招牌，所以對食物制作嚴緊須時，可惜此店格局不是食晚飯和食友，杯洒言歡好地點，否則肥華一定吹鷄，召集好友品嚐此店十大名菜及炸子鷄👍👍👍