肉浦團火鍋放題

Open Now

Now Closed

一坐低我就已經好期待，首先出場嘅係一盤和牛拼盤，上枱嘅時候散發住仙氣，分別有A4牛頸脊、安格斯牛小排、牛板腱、牛五花肉等等。入口即溶嘅肉質，實在是令人回味無窮！特別係封門柳，牛味十足。🤤另一樣我要推介係越南虎蝦🦐，質感紮實，咬落口感有彈性，而且蝦味十分濃郁！另外加上鮮美爽滑嘅蝦膠，以及原隻切件上的新鮮魷魚🦑，實在令人滿足！😍而且自助區仲有好多新鮮嘅丸類、蔬菜、菇類，色澤翠綠，新鮮程度可以睇得出！仲有炸物、烏冬、出前一丁同埋韓國辛辣麵等等，真係好多選擇，唔洗擔心唔夠食！😉我哋仲可以去自助吧調校自己嘅喜好口味醬汁！😋呢度放題食物質素高，選擇多，價錢合理，係一個非常適合聚會嘅好地方！👍

天氣涼涼地，想打邊爐又唔想食連鎖嗰啲店舖，上Openrice 揾到呢間火鍋店個名咁得意好評又多，就一於試吓今次我同男友揀咗M5和牛set, 咁啱做緊優惠係加$20就有得任食A4和牛，即係人均大約$400鬆啲就得！開頭我地仲諗有無咁大隻蛤乸隨街跳，不過見淨係加$20，我哋都抱着半信半疑嘅態度加咗錢~ 點知去到完全係令我哋喜出望外餐廳食物選擇好多，基本上淨係自助區已經食得飽，有勁多唔同丸類岩哂打邊爐，另外仲有d炸物，食落新鮮熱辣重頭戲A4和牛脂肪分布非常均勻，食落好香口，呢$20係一定要加另外就算唔係和牛嘅M5牛其實都好食，瘦d但肉味濃，我哋兩個都食得好滿足，捧腹而回餐廳位置都幾闊落好坐，啱晒一大班朋友聚會，加上職員態度都好友善，上菜好快，唔會因為放題而上得慢/漏單，絕對值得一讚，下次想打邊爐嘅話，絕對會係我會二訪嘅地方

位於通菜街嘅Deli 大廈有好多聚會嘅美食 今次食咗肉浦團嘅任食和牛火鍋放題 入門口後走廊係自助食物同醬汁區 醬汁嘅種類繁多 唔單止有日本豉油 黑蒜豉油 仲有芝麻油 柚子醬等等自助食物區即大同少異 有大量蔬菜揀 同埋丸類 特別嘅係會有提供日本豆苗 配上火鍋湯底 吸收哂精華 非常入味M5和牛set $368湯底係藥膳花雕醉雞湯 佢另外有壼酒可以自行選擇加幾多落湯底 湯頭濃郁配好香酒味 帶少少甜 醉雞分開上 唔怕啲雞會煮得太老 酒味濃郁套餐會先提供四款牛類再試味 牛小排肥瘦均勻 入口牛香味重 亦頗有滑度同口感 軟軟熟熟 封門柳口感對位 牛頸脊亦頗有牛味 唔會過韌鹿兒島黑豚肉味道出眾 值得一試另外仲有唔少海鮮可以選擇 例如海蝦 急凍帶子 生蠔 石斑魚片等 全部嘅味道都正常新鮮 有唔少選擇 蝦滑嘅口感同蝦味亦好出色 值得一叫唔少嘅茶類亦可以係自助區選擇 烏龍茶清清地啱哂解膩 最後仲有每人一杯雪糕食添！

冬天成日都想打邊邊，呢晚同男朋友去試呢間火鍋放題，晚市M5和牛set都係$368，牛肉新鮮肉味又濃，仲有好多款野食揀，食到超飽🥰>清酒味噌卜卜蜆湯：卜卜蜆湯好足料，好多隻蜆，食落好鮮甜又冇沙，清清地用黎做湯底都唔錯。>澳洲M5和牛牛肩胛：切到好薄，脂肪平均又夠肉汁，牛肩胛肉肉質較結實，好岩打邊爐食。>薄切封門柳：封門柳肉質鬆軟，唔易變韌，淥得耐少少都唔怕，重點係牛肉味極為濃郁🤤>原隻魷魚：魷魚切到一舊仔咁好方便淥，淥一陣就熟，點住醬料食好滋味。>蝦滑：用上鮮蝦製成，好起膠，食到有蝦肉，夠哂彈牙。自助區仲有好多蔬菜、菇類、炸物+飲品，選擇都幾豐富，最開心有得食辛辣麵，食到最尾會有Haagen Dazs雪糕食，大滿足😚

餐廳在2樓，我們平日晚餐時間去到，店員好快安排到我地入座。餐廳有d裝修玩味：打邊爐最緊要係朋友呀！呢句都universal 😉飲品櫃好多選擇， 汽水、茶、果汁、啤酒……菊花杞子茶好似係佢地自家製，個樽印左佢地個名，清涼去熱。大家都鍾意食牛肉，今晚主力就食牛肉，用手機scan QR code落單但每次order 限叫4款，都好既，一次過叫太多只會放滿成個枱面，又唔會一次過食晒，逐啲逐啲叫仲好。佢哋有好多不同牛肉既部位，起碼有10款之多。每次上面都有標明，咁就知自己食緊咩部位 👍🏻👍🏻牛選擇好多，有唔同部位，例如有牛小排、澳洲M5黃牛、牛頸脊、封門柳、牛脊髓、牛五花、牛板腱…..出邊仲有自助區，放咗菜類、丸類、炸物、甜品小食今餐食得好豐富、好滿足，因為大家都食咗好多種唔同嘅牛部份

天氣開始涼涼地，又係打邊爐季節，今次同朋友嚟咗依間店名非常特別嘅放題餐廳「肉浦團」，主打多款肉類任食打邊爐，與一般放題不同，牛肉質素非常高質，近期，只要加$20就可以由M5和牛Set升級至A4鹿兒島和牛Set餐廳的座位間隔十分闊落，內裡裝飾海報玩味十足，漫畫電影插畫，好有趣湯底揀咗醉雞鍋，仲有另外酒加上去自助區有蔬菜、唐生菜、菠菜、紹菜、油麥菜、金針菇、萵筍、蟲草花、粟米、南瓜、紫薯丸類、粉麵、炸物，當炸蠔及炸魚皮好香口，芫茜貢丸,香芋貢丸、墨汁墨魚丸、辛辣脆牛丸、芥末餡貢丸、芫荽雞肉丸、流心魚蛋丸及台灣一口腸好第一樣上枱的是A4 鹿兒島和牛，擺盤好壯觀，散發霧氣，打卡一流，每款牛都有標明是哪種牛肉，非常清楚整體牛味比起M5和牛Set真的有差別，牛味更濃，薄切且非常軟嫩A4鹿兒島泰元和牛後腿肉非常強烈牛肉味，脂肪含量較低A4鹿兒島泰元和牛肩胛肉眼牛味濃，肉質結實又好有咬口澳洲M5和牛牛肩胛紋理清晰，牛筋膜較多令口感更明顯，澳牛勝在油脂平均，多肉汁整體牛類都真係非常高質日本帶子大大粒, 刺身級別大隻又爽甜彈蝦滑蝦膠爽彈不鬆散飲品有罐裝汽水啤酒、韓式飲品，仲有自家製菊花杞子桂花烏龍茶，健康

捉緊冬天既尾巴，趁天氣熱之前快啲打多幾次邊爐先！呢間肉蒲團火鍋係無意中行女人街發現，同一座大廈都有好多野食，最岩心水就係火鍋啦。今次食set c, 叫左個清酒卜卜蜆湯底，味道清甜而且有好多蜆，啲蜆都洗得好干淨而且粒粒都好厚肉。坐喺無耐店員會上左一個牛肉拼盤先，比我哋試曬甘多款牛再決定續邊一款，而且都好細心地有埋牛肉名牌。呢間店有別其他店之一既地方係疏菜，佢哋啲瓜類例如冬瓜、蘿蔔、萵苣等都係切到好大份，驚死你唔夠食甘！我勁鐘意，食落口感大滿足，而且可以食到好juicy!我最鐘意係佢哋既芋頭，真係好粉糯，完全無一舊係生水的，我食左好多舊，真心大推！仲有蝦都好新鮮，食落肉質彈牙！整體環境坐得好舒服，位置寬敞唔會逼！疏菜、丸類、熟食及飲品都可以自行出去大堂拎，而肉類及海鮮等就係掃code下單。店員好主動收走空碟，上菜速度都好快。

下午約咗朋友打邊爐，去咗肉蒲團。午市有定量及放題套餐。我哋揀咗放題，放題套餐亦有四個選擇。我哋揀咗M5和牛火鍋放題$258/位。揀咗期間限定嘅火鍋湯底，係胡椒豬肚湯，非常足料！呢度放題肉款種類算多，牛肉有：牛五花腩、美國安格斯牛板腱、安格斯牛小排、牛腱肉、薄切封門柳、澳洲M5和牛牛肩胛、牛滑、安格斯牛頸脊、牛骨髓。個人推介安格斯牛小排，肉質肥瘦適中，夠嫩滑。安格斯牛頸脊肉質油脂份量較少，適合唔鍾意食肥嘅朋友。澳洲M5和牛牛肩胛牛味濃。另外，豬肉有：俄羅斯豬五花腩、俄羅斯豬梅肉、豬面頰肉、鹿兒島黑豚肉、豬里脊肉。雞有特選雞脾肉及雞腰子。海鮮：北吉廣島蠔、越南虎蝦、原隻魷魚仔、蝦滑石斑魚片、日本帶子餃類：鳳城雲吞、咖喱牛肉餃、五香肉丁餃。除咗QR code點菜，另外出邊自助區仲有蔬菜、丸類、飲品供應。呢個午市放題價錢唔貴，算多肉類。

旺角咁多間任食打邊爐🦭唔知你最中意食邊間呢?🦭​今日肥豹就同豹友s一齊去試呢間近幾年好heat既肉浦團🦭睇下佢點解咁heat🔥🦭直接一句：「以任食牛黎講算唔錯，但食材選擇唔多」。今次肥豹試左🦭1. 壽喜燒湯底見openrice上得好少負評，唯一就有個係寫關於壽喜燒湯底😂肥豹當然義不容辭地為大家試伏啦😂網上就話佢好咸，越食越唔掂。但好老實咁講，佢係一上黎個陣係偏咸，而個咸味係漂出黎😂心入面都嚇左嚇😂好在佢有得加清湯，一溝返就可以接受👌🏻調返轉諗，其實好在佢夠濃，唔似個啲牛X鍋咁，煮多陣味都冇埋😂講埋個牛肉，質素上黎講，我地就算叫第二平既餐($318)都有唔錯既質素👌🏻肉味都係到，仲有啲甜味，而油脂油花都足夠，絕對唔係乾柴靭👍呢到肥豹推薦個醬料既調法😂好岩食啲日式火鍋👍先落一湯匙既蒜蓉，再黎一大勺既芝麻醬(記得係日式個隻)，落埋茜同蔥，最後淋少少豉油同麻油👍基本上點乜都好食，特別係豆腐個類👅豹言豹語:​openrice訂位仲有88折🦭記得訂左先去🦭事關豹友們6點入去，6點鬆啲已經爆曬位😂

肉蒲團 ［旺角］昨晚與好友試咗去肉蒲團打邊爐，有幾款唔同價錢既任食套餐，我地選咗3百幾蚊包埋任飲啤酒的套餐，埋單加埋一，人均4百蚊，依個價錢唔算平，但肉既質素真係好唔錯，同埋其他配菜，包括蝦，帶子，炸蠔等，都是新鮮好食的，包埋任飲啤酒，其實都算係性價比既邊爐。相比其他鋪頭2百幾蚊既邊爐，可以講係唔同層次，依度俾貴少少，但質素真係有的，值得推介😊下次有機會再試的話，我會帶埋相機去，影靚少少俾各位參考吓😊

Vivian又食到好野🥹呢間一直都想試，今日終於食到menu太耐冇食和牛，即刻㨂左$368 M5和牛set，then職員問加唔加$20任食A4和牛，見20蚊都唔係好貴就試下，點知好食到上左天堂，我敢講係暫時食過火鍋和牛最好食既一次就係下面呢堆和牛😋😋真係好鬼好食🥹🥹🥹尤其係下面呢堆Vivian好愛🥹🥹🥹未試過打邊爐落和牛可以咁嫩，0韌，之前就算食貴小小和牛（打邊爐）都會有少少韌，呢個真係amazing 另外佢個湯底又係正，揀左藥膳花雕醉雞湯，湯底分左三樣送到：湯、生雞件（斬好的）&花雕，（個花雕我地開始以為係豉油，打邊爐打到一半先放落去🤣）我地食完和牛，見佢幾高質就試下湯底d雞啦，好好食😋餣到入哂味，件件雞都有酒香味，仲要唔鞋😳😳不得了以下係出去拎既野最後食返個Haagen dazs 結尾🫶🏻Overall好唔好食？超級正（放題邊爐暫時佢top 3)會唔會再幫襯？會，想試埋其他湯底，同埋想食多次和牛😋😋😋

整體而言店內提供的小菜、配料及肉類是比較少，但吃起來還算不錯，尤其是炸物類的小菜，有著一定的品質，而肉片的品質算是蠻普通的，而且有些菜感覺是冷凍退冰出來的，吃起來會覺得沒這麼新鮮，如果店內提供的品項與新鮮度能夠提升會更好。

今天母親生日，一起去吃火鍋，牛肉很好吃，孩子不停搶著要吃，款式很多，飲品任飲，職員服務態度很好，我們說小孩子不適合飲凍飲，特意幫我們拿一些未雪的飲品給小孩子飲。最後還有haagen dazs雪糕作為甜品，吃得飽飽，十分滿足。

天氣凍就想去打邊爐，咁岩見到呢間幾多好評同埋做緊promotion就去左試，食物質素果然唔錯👍🏻2個人原本揀M5和牛set，而家加少少錢就升級左去A4🤣湯底就揀左清酒卜卜蜆，蜆嘅數量都多，酒嘅濃度仲可以自己調教～肉類方面真係勁多選擇，有唔同地方/唔同部位嘅牛，日本、澳洲、美國等都有，最impressed係鹿兒島’s後腿肉、肩胛肉眼、牛展etc全部肥膏會好多分布幾均衡，每片都薄切所以唔洗淥好耐就熟，keep到唔韌👍🏻另外仲有其他肉、海鮮、蝦滑、大量丸同菜可以order，多到試唔曬😂幾驚喜有啲熟食可以自己係出面夾，我去個日有日式炸蠔、炸蝦、魚片、仲有咖哩魚蛋，都幾多款而且仲係脆嘅，可以係等啲邊爐料熟嘅時間做前菜一流～甜品係haagen daz朱古力/雲呢拿2揀1，一打開雪糕面無啦雪粒好光滑，睇離無溶左再雪，滿足👍🏻

天寒地冬就想打邊爐，同朋友揀呢個肉蒲團餐廳，可以任食放肆地食🤭🤭🤭🤭一睇個名就知岩哂食肉獸 任食餐有4款既set, 我地揀左M5和牛餐。加錢仲可以任飲啤酒😏位置都闊敝😌😌可以舒服咁打邊爐頭盤會有唔同款既牛可以試下邊隻好味再order, 呢度會有張紙仔寫埋邊款牛，咁就仲知邊隻好味再encore.試左好多唔同款既牛，我地重點叫M5和牛，有濃濃既牛味。仲叫左海鮮😄成枱都係肉肉肉…真係肉蒲團🤣🤣🤣仲有好多唔款既丸，菜等等可以自己去夾。仲有唔少選擇既汽水同茶打完邊爐仲有haagen dazs雪糕作結尾。飽同好溫暖既一晚🤭原來而家加$20就可以升級， 好抵咁