Video
1-min walk from Exit D2, Sham Shui Po MTR Station
continue reading
Introduction
A reasonable price of swim bladder has popular appeal for people. It also provides lots of creative and new toppings of the cart noodles such as Japanese soft-boiled egg, homemade squid patties. There are many sauces like sour-spicy and curry to combine with the noodles.
continue reading
Opening Hours
*Last Order: 22:00
Mon - Sun
11:00 - 20:00
Public Holiday
11:00 - 20:00
Public Holiday Eve
11:00 - 20:00
Above information is for reference only. Please check details with the restaurant.
-餐牌方面都搵到比較特別嘅餸，例如陳皮魚蛋 & 門鱔帶骨炸魚皮，另外估唔到會有牛舌飯食，不過今次試咗車仔麵先下次再食。蕃茄湯底 & 河粉都冇乜特別，辣椒醬有原條辣椒，加咗入去更加有層次。🐽豬頸肉 - 屬於BBQ嗰隻醃製方式，有好多黑椒，都有少少咬口，會encore。🐟魚皮- 都幾厚，建議浸入湯之後再食，單食就太硬，冇骨！✨酸齋- 1入口真係幾酸，之後先有少少甜，隻酸喺我舌頭揮之不去，下次唔會點🐠🥚陳皮魚蛋 - 都夠彈牙，有少少咸。(*´∀`)~份量超級多～女仔應該食唔晒推薦指數：⭐️⭐️⭐️平食一餐，CP值好高，味道就一般般。📍任你點車仔麵 (深水埗)📍深水埗福華街147號地舖
continue reading
韓國名廚白種元早排嚟到香港周圍覓食，同時拍片放上 YouTube，影片即時掀起唔少話題.其中一集講述佢去深水埗文記食車仔麵，於是我又去吓文記開餐，雖然門口排隊人龍唔太長，但隻豬腳突然間有D痛，於是快快搵間餐廳坐底唔想企係到等，結果行落下一條街，試吓另一間車佢麵，餐廳叫任你點.上網睇睇，佢地最出名係花膠，而車仔麵檔有花膠又真係唔多見，於是會一會哩個花膠，睇吓係咪真材實料.我點咗米粉，蘿白豬大腸金錢肚魷魚豬軟骨，女友小熊點咗貢丸牛栢葉雞中翼肥牛花菇，兩碗都,點咗花膠.優點:1, 有花膠提供夠創意，花膠份量唔算少，入味又夠冧，果然名不虛傳!2, 花菇同樣入味又夠冧.3, 唔係檔檔車仔麵有蔥花，任你點有我大愛蔥花提供，讚!4, 湯底清甜.5, 冷氣夠凍.6, 落單寫係塊過膠板上，夠環保.缺點不少:1, 蘿白超甜，但係甜到好似糖水咁就好似有D奇怪!2, 更奇怪係豬大腸有股酸味! 但又唔似變壞，因為我食完之後第二日都無肚痛，可能我消化力強吧，總之.... 果種酸味好奇怪.3, 日式豬軟骨，軟骨部位只係煮成爽脆口感，唔係軟冧口感，軟冧口感更夾自己口味.4, 金錢肚唔入味又有少少韌.5, 牛栢葉縮哂水.6, 貢丸雖然煮熟，但口感有D硬，無咗貢丸果種鬆軟口感.7, 環境俾我感覺係唔夠乾淨，枱面行D古舊風，我就話唔識欣賞啫，但天花又好似滲水，喇叭同埋四圍又有D厚厚嘅塵，牆身又污糟.....8, 座位編排又好奇怪，兩旁座位係面壁而坐，感覺好自閉，唔舒服.最後餐廳又係用趟門設計，D食客又總係無手尾，只識開門唔識唔閂門走哂D冷氣浪費能源.成兩舊水俾咁嘅性質，性價比低，紅磡喜喜麵館更抵更好味，環境衛生又大大扣分，無法唔俾負評了....
continue reading
我有個習慣就係如果見到或諗起好想食嘅食材，就唔理佢係咩菜式，有得食就會滿足。今日見到呢個餐牌就懷住興奮嘅心情食門鱔帶骨炸魚皮。。。食物上桌，心一沉，我就知呢篇食評必然係喊喊。炸魚皮：唔夠脆，冇骨嘅，大家可自行判斷。湯頭：接近清水嘅程度，我叫嘅係小麻辣，係清湯加小小麻辣油。河粉：滑，彈牙，合格以上。雲吞：蝦係爽嘅，味道一般。秘製雞扒：皮脆，有肉汁，全餐最好食嘅，如果當日係為雞扒而來，應該會感到滿意。 牛舌細嗰兩舊好乾，又硬，非常失敗。大嘅部位算靚，但局部位置偏韌，好食講唔上，就不過不失。
continue reading
今日嚟試呢間出名嘅車仔麵，出名大份抵食，麵真係好大碗，配料都比好多，丸一份都比四、五粒。我叫咁油麵，食車仔麵最緊要食落去唔會淋，夠咬口，餸方面我叫咗蘿蔔、咖哩魷魚、餃子。另外叫咗個韮菜。首先湯底方面夠味，食落去唔會好淡。餃子好食，本身餃子都有調味，幾香，又夠大隻。然後成碗都好多蔥，正！對我呢啲蔥迷嚟講，覺得好惹味~咖喱魷魚辣味就唔係好濃，但就夠晒彈牙，份量都唔少。蘿蔔麻麻地，唔係好入味～Overall都幾抵食，啲野都幾大份，但味道上都唔錯
continue reading
深水埗一向多食港式食物嘅良心小店，又平又正，今次就特登去幫襯任你點食車仔麵 🍜 往日玻璃牆上有著很多創意，雖然現在牆上字畫已不多，但到訪的食客還是可以用枱上的Marker在牆上作畫𓂅 鮑汁炆花膠 / 手打墨魚餅 / 柱候牛腩 / 日式溏心蛋油麵( ᴴᴷᴰ 68 )𓂅 秘製雞排 / 手打墨魚餅 / 柱候牛腩 / 日式溏心蛋 ( ᴴᴷᴰ 68 )講番食物，ᴴᴷᴰ16食到鮑汁炆花膠厚身又大舊，炆得飽汁味出，呢個價錢無得彈👍🏻 手打墨魚餅同樣ᴴᴷᴰ16 但係係驚喜嘅，厚實口味仲食到粒粒墨魚！另外湯底方面都十分多選題，今次就試咗腩汁加麻辣，配上油麵食剛好～
continue reading