Video
3-min walk from Exit A2, Kwun Tong MTR Station
continue reading
Introduction
A Thai barbecue restaurant in Kwun Tong offers more than 22 kinds of meat and 10 kinds of seafood. Also, it provides other Thai dishes, such as fried clams with spicy mushrooms.
continue reading
Opening Hours
Mon - Sat
12:00 - 15:00
18:00 - 00:00
Sun
18:00 - 00:00
Public Holiday
12:00 - 15:00
18:00 - 00:00
Public Holiday Eve
12:00 - 15:00
18:00 - 00:00
Above information is for reference only. Please check details with the restaurant.
Recommended Dishes
串燒ok，但唔算驚為天人其他泰菜真心麻麻地環境絕對唔係睇相咁chill！！！室內基本上係冇位戶外位又唔分吸煙同非吸煙區同埋⋯老闆最好注意下防疫限制啦尤其係露天嗰個位，俾人影到相就gg了
continue reading
望穿秋水，終於等到晚市重光😂，值得紀念嘅第一餐，梗係要食最鍾意嘅嘢，我就揀咗食串燒。呢間店全部都係露天座位，感覺好 chill，有啲似去咗 BBQ 場燒嘢食。眾多燒烤食物當中，我最鍾意燒原條蒜蓉茄子，茄子算肥美，調味都幾重手，蒜蓉味勁濃，好好食😍，不過食完個口好臭，戴返口罩時就自己受哂🤣。另外燒豆卜都好正，又香又脆；日式一口牛都唔錯，肉質有肥有瘦有咬口，亦有牛味；其餘蜜糖雞中翼，雞皮串，兩款台灣腸等等就正常水準，至於燒羊架唔係我食，無可奉告😁。最弱係燒粟米，唔單止唔甜，仲好硬，唔好食😖。由於係泰式串燒，店員會奉上點豬頸肉嘅醬汁，酸酸辣辣，好惹味😋。除咗燒烤食物，呢度仲有好多泰式食品提供，我哋叫咗椒鹽魷魚鬚同泰式炒椰菜苗，魷魚鬚外層香脆惹味，入面肉質軟腍，有魷魚鮮味，餸酒一流（事實上，成個場大部份食客都係啤酒接啤酒咁隊，得我哋咁正氣飲烏龍茶桔仔冰😆），椰菜苗比較少機會食，一個個圓碌碌好得意，炒得亦好香，不過質感偏硬，唔係我鍾意嘅口味。本來仲叫咗蠔餅，不過漏咗單，唔緊要，因為食到呢度都已經飽哂，埋單時，發現原來唔使加一，所以算幾抵食，會再嚟幫襯。
continue reading
同老公行完街，喺觀塘附近搵到一間 食串燒泰國嘢，反正咁耐冇食燒烤， 一於就試呢間 一上到去門口雖然簡陋，但係內裡別有洞天😍 入到鋪頭裏面行出 露天地方直情係一個後花園 仲要有個搖搖椅相當吸引 打卡 一定唔少得 坐低冇耐店員就嚟招呼 我哋揀咗 雞腎，牛脷，雞軟骨， 司華力腸， 雞皮， 都算係唔錯唔會燒得太乾 另外仲叫咗燒蟶子， 埋到黎真係有驚喜好大隻呀😍😍， 仲有淡淡嘅海洋味道 我哋仲叫咗兩杯手工麥啤， 買一送一 有幾抵飲喎， 泡唔算太多但係飲落好滑
continue reading
過埋聽晚之後夜晚又冇得出街食😤諗起都有啲嬲想食港式串燒好耐，好多串燒嘅地方都係好迫夾呢間就啱晒有戶外啲枱分得幾開夠晒闊落，應該安全！除咗串燒仲有泰式嘢食不過朕就無叫。燒青口好抵食$38有六隻，隻隻都咁大隻好好食，大嚿有肉多汁冇晒沙。OMG 日式燒豆卜係食過最好食嘅燒豆卜，好香脆甜甜地唔會過咗火，個感覺似炸但係一定唔係！燒完條蒜蓉茄子真係原條上#唔好諗錯唔係一大碌 切好咗好鬼入味加埋啲蒜蓉，口感軟綿綿。燒安格斯牛仔骨係好好食有4大塊同埋燒得熟咬得開，極級惹味 。#太耐冇人食過腸仔 一食台灣黑椒香腸返唔到轉頭，雖然好似芝士腸咁細條但係太思鄉覺得好好食。黑椒味勁濃，忍唔住嗱嗱聲食晒啦兩條再叫！唯一一樣覺得唔抵食嘅就係燒黑毛豬辣條 $48以為有好多點知得一細串。啲菜上得好快，坐戶外啲嘢食都凍得好快所以記住趁熱食。靜靜雞話你地知，啤酒買一送一冇寫係餐牌度要問先知同埋每日啲啤酒係唔同。#黃絲餐廳 #黃色經濟圈 #支持小店
continue reading
出觀塘買完嘢，㩒吓開飯搵嘢食，見到呢間榕易燒，地點實在方便，由apm行落巧明街必經嘅呢座港貿中心，又見好耐冇BBQ，一於去試吓!原來係2樓平台外面全戶外自成一角，空氣流通，加埋秋涼天氣，正呀!坐落都幾熱鬧，好多人知窿路，哈哈!坐低先叫咗杯“金麥啤”，因為見到買一送一，啱哂我地兩個人；“蒜蓉粉絲燒蘇格蘭蟶子”份量十足，燒得剛剛好唔會韌，一啖食落去蒜味加上蟶子鮮味一齊，正!“芝士蘑菇釀雞翼”內裡好有層次，配合得好好，一碟兩隻唔使爭；“雞皮”“雞軟骨”簡直係我嘅至愛，要嚟送啤酒簡直係一流，“牛舌”整得夠入味、夠腍；“泰式炒椰菜苗”食咁多肉要食吓蔬菜先得，好爽口又唔太辣!希望疫情快D過，可以約埋一大班朋友再嚟食!
continue reading