勇記養生雞湯米線

Open Now

Now Closed

今日收到消息，勇記開闢的新戰線 - 勇記米線，經過一周的soft opening正式開張，晚上走到永吉街店門前便見到－張熟悉的臉孔在派傳單，原來是勇記海南雞以前的女侍應，相認之後她立刻招呼我入内在卡位坐低。 一早想好了，我柯打了一碗黄酒藥饍雞米線及一杯凍奶茶，不久那位相熟的侍應先送我一碟芫荽鯪魚餅，伴著一小碟泰式醬料，入口魚肉有彈性，加上有芫荽碎提味，可見用料新鮮，不久黄酒雞米線及凍奶菜便送來了。黄酒雞是一味客家滋補食品，適量飲用黃酒，對心臟有保護作用，促進子宮收縮舒經活絡。 增強抗疲勞、增強性能力和抑制腫瘤方面有明顯效果。 雞肉蛋白質含量較高，且易被人體吸收入利用，有增強體力，強壯身體的作用。 黄酒雞的材料非常豐富，除了三黃雞、雲耳、紅棗、腐皮外，還加入了蟲草花及杞子，湯底带黄褐色，上枱後便聞到香濃酒香味，先嚐－口雞湯試味，味道很濃沃而豐富，非常好喝，完全沒有落師傅的需要，湯底方面已經無得輸！ 碗内的雞件份量不少，加上其它湯料和米線已經足以療飢，最後我碗底朝天乾了全碗湯，一滴也不浪費。 這新店老闆跟員工同樣有情有味，可以再次複桌，除了米線還可以學寶總食碗泡飯，日後再來會考慮試老闆

【養顏花膠。雞湯米線】勇記海南雞最近在上環開了一家米線店，主打養生養顏。 店內裝潢和海南雞店一貫風格，午餐時段會有人潮需要排隊，人多時需要拼座。入座後掃碼點餐。❈ 養顏花膠雞米線 HK$76雞件保持水準，肉質嫩滑。 湯底偏清淡，花膠味道不太濃，也沒有吸到湯頭的味道。米線是幼身偏淋，感覺是煮好放了一段時間，也不太掛湯。

一入到去坐低個職員就拎住個QR code落單牌抌落枱，唔係放低，係離遠拋過黎之後話手機落單，收銀個女人就勁大聲播大陸電視劇，超嘈好影響食飯體驗。花膠雞湯米線賣相幾靚，但味道都幾差，雞湯味唔濃，米線係幼身米線，個人唔鍾意，不過呢個見仁見智。食過佢本店海南雞飯，覺得味道正常發揮冇諗過佢米線舖啲雞咁難食，超大陣雪味加醃料味，唔新鮮嘅味道，肉質又實又唔滑，同佢海南雞飯嘅雞差好遠，食咗一半就食唔到落去。態度唔好嘢食唔好食，諗唔到要再幫襯嘅理由。

12點剛開舖無耐，見唔使排隊就入去食lunch , 食食吓有一大隻曱甴喺餐枱出現，員工淨係打死咗隻曱甴，講咗句對唔住就算，枱上食到冇換過，乜嘢措施都冇採取，坐返低食已經周身唔舒服，食食下牙簽筒上面又有蜘蛛，衛生環境實在好惡劣，食完嗱嗱臨就走，當日同行朋友都肚痛，我直頭即刻肚痾，第二日腸胃炎，明白lunch好多生意，好多錢賺，但啱啱開舖就已經有蜘蛛呀曱甴，係咪應該改善下個衛生環境先？另外員工又成日望住人哋食完未想嗱嗱臨收嘢，其實可以唔使過嚟問咁多次食完未，成程lunch食得都唔舒適，體驗感極差

個雞湯完全冇雞味，又冇黃酒味冇食過咁難食黃酒雞。真係超級失望啲面又搞到好淋雞得幾件非常少，好明顯係冰鮮雞，仲要係非常平嘅雞件，一啲都唔新鮮唔好食。凍奶茶就完全冇茶味。我11:30去到已經冇人，又要逼我坐過大圓枱。其實你冇人，俾人坐卡位點解唔可以？啲員工又係咁喺度傾偈，特別啲女仔圍埋，一群不斷傾偈。我要好大聲先可以落到單。食完就好快問你食完未，我好想收啲嘢，趕你走，根本都冇人咁早，使唔使咁？總之總結，食物差

勇記養生雞湯米線🍜📍香港上環永吉街21-27號誠興商業大廈地下A號舖（港鐵上環站E1 出口，步行約3分鐘）✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚Lunch 食乜好？🤔話說最近發現左上環永吉街新開左一間雞湯米線🍜，身為 為食小編既我，梗係要去試下啦🤗，不過唔係堂食，而係外賣攞走🥡。鋪頭既環境都算係ok既，而鋪頭主要都係食雞湯米線既，岩晒女仕去食，夠滋補🤪。🌟 養顏花膠雞米線 $76湯底裏面包括有鮮雞，花膠，雲耳 同埋腐皮，花膠都好大隻既，不過咁岩我果碗既雞就唔係好多肉🤦🏻‍♀️。而湯底明顯係用雞熬製而成，味精唔重既，清清地。整體推介指數：❤️❤️❤️🤍🤍✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚✚

平時都鍾意食勇記海南雞飯，知道佢開咗間以米線做主打嘅餐廳就去咗試。叫咗個生滾雞湯米線，因為貪佢有竹笙。湯底調味適中，感覺係冇味精嘅雞湯，雞頗滑但係同平時海南雞嗰種有啲唔同，竹笙數量比較少，不過都明白嘅比較貴，吸咗啲湯好好味，米線係幼米線，幾滑，不過個人嚟講比較鍾意粗少少嘅米線，米線份量好多，最後食剩。個人嚟講唔係咁鍾意腐皮嘅質感，略硬。環境嚟講比起另一間用嘅海南雞飯，更加闊落，坐得比較舒服。員工亦都比較有禮貌。