Zakka (Closed)

Happy gathering😝即興約三五好友食晚飯，住得近大角咀真係有好多好野食，有好地道嘅茶餐廳同打邊爐又有好文青嘅cafe，禁多選擇真係選擇困難証，今晚食嘅Zakka就係一間坐得好舒服嘅cafe❣️我最愛坐佢嘅sofa位

好耐無去奧海城，探完朋友一個人唔想等位，見到呢間未試過又有位就即刻坐低我都幾肚餓，先叫左煙雞肉磨菇意大利面，佢用小蕃茄個味就比較甜d，清新感覺，一個人食份量arm arm好因為叫左主食，包飲品，唔洗加錢所以轉左杯earl grey tea好彩個意粉唔太多又唔太少，甜品胃出動!我好期待既甜品出現啦，48元既窩夫唔洗加一都叫抵食，兩塊大窩夫係好似牛角包酥皮既感覺，加上兩球雪糕，當然選左我至愛既綠茶味，仲有好似雪杷既柚子味，我決定下次要試其他甜品~

本人甚少到奧海城 但因為要見朋友就「出城」到奧海城聚一聚 由於我地有大量既時間 所以就係奧海城行左一遍去搵食 係眾多既餐廳 我地俾依間餐廳既裝潢吸引左 俾人一種好chill 既感覺 門口既待應又好有禮貌招待我地入去 所以就此決定試下依間係半自助(服務方面)既餐廳 即係我地要自己主動去落order 同攞餐具加水Lunch options 唔算好多4-5款但勝在每樣都有 E.g. pasta, salad, rice 而我依次就叫左 burger set 照燒醬雞肉burger一落左order後杯涷奶茶好快就送上 茶味略淡 之後主菜亦隨即送上 食物溫度可以再熱一點 味道尚算正常 薯條既溫度如果再熱啲 黑松露既味道會更出 Burger 中間塊漢堡排 味道同囗感似日式雞肉棒 照燒醬正常 麵包較為鬆軟 要用手食會有一定難度 因為好易就被壓扁同爛依間餐廳既價錢都算平所以就決定叫埋甜品 甜品：窩夫依個甜品可配2球雪糕 （緑茶,黑芝麻,牛奶,紫薯） 我就揀左黑芝麻同牛奶 2隻味既味道都好濃 窩夫都有小驚喜 由酥皮造成的 口感幾好 但有一個小失望位就係伴碟既生果 奇異果同士多啤梨都幾酸 整體來說 依間餐

今日返學校攞番locker D野, 順便過泥奧海城行街同食個lunch。見到三期地下個間Euro GoGo 轉左做一間裝修得幾清新嘅café, 我就抱住試下新野同埋想揾個地方hea下嘅心態入去食個lunch啦~雖然店內係半openarea (商場扶手電梯隔離個d位), 但係光線充足同埋好夠冷氣。入去個時個店員誦好親切咁問我洗唔洗轉去入少少D位無咁凍, 不過我個時由學校個邊行過泥太熱嘅關係, 覺得近窗邊個D位好爽好舒服, 所以無轉位。由於我好耐無食過burger, 所以我就點左個lunch menu 唯一嘅burger, 見佢配黑松露薯條好似好吸引咁~ 我誦叫左個梳乎厘班戟, 店員話班戟大約預45分鐘整, 可以幫我叫起,個burger就整得好快, 所以其實我食完個burger都差唔多。去cashier買完之後就比左個感應器我,佢要放係枱面張貼紙度。不過我都唔係好明個用意… …還點都係店員拎個餐比我,點解誦要個感應器呢?幾分鐘之後, 個burger就泥了！賣相都箅OK, 個份量以lunch泥講都箅叫足夠。Burger泥講, 個人覺得要熱同個包要夠脆(烤過個種), 同埋可以好方便咁食, 但係

今日天氣唔錯無落雨，同同事行遠少少去奧海城食LUNCH

見到間ZAKKA望落舒適，半自助ORDER，免加一，價錢都實惠就入去試吓。兩人各叫了PASTA超濃郁芝士香, 伴入煙肉. 白汁慢慢渗入意大利麫, 口感好rich. 但要趁熱食, 凍左就差少少.🙄🙄炎炎夏日, 影響食欲, 酸酸甜甜, 勝在夠開胃.🔥🔥份量對2位女士剛好，當然有位叫埋甜品！窩夫鬆脆, 口感富有層次. 跟雪糕配合, 另有一番味道. 伴入生菓作配答, 使人食欲增加.😋😋如果一個人食就有D太飽，兩人SHARE食剛剛好！買相已夠吸引啦, 唔落蜜糖都已夠sweet, 鬆軟嘅口感, 經已比多兩個like 佢. 最鍾意就系食時有種creamy加蛋白的味道, 超正😘😘不過製作要時間，同時間叫佢地起埋就差不多～有機檸檬柑橘茶, 記得慢慢嘆, 等到茶味出晒來, 會有清醇的口感.🍊🍊LUNCH有餐茶，嘆埋剛剛好，又滿足一個下午！

今天第二次來，女友叫個蟹肉三文魚奄列， 三分鐘就到，但等個漢堡就等了我半小時，漏了單浪費我時間，上次食個帶子三文魚感覺又中伏。餐加湯/沙律就88，食個午餐， 價錢不會是平， 水準有待改善， 但我都堆介香蕉班戟。

星期六下午同2位好朋友出去hea 下見到奧海城開左間新cafe ， 好似都ok無花果沙律好好食！又夠大份，而家天氣咁熱，食番個沙律都幾開心！帶子意粉，好足料咼勁足料既菜湯，不過可以再酸啲同辣啲呢個要襯熱飲😋都坐得幾舒服，傾下計就過左個下午

Blue Monday 約了老婆在奧海城食飯睇戲, 唔想食大路野, 見到呢間餐廳望落幾舒服就入去試下。佢地半自助式, 睇完MENU去落ORDER比錢, 簡單SELF SERVICE咁就免加一, 正!!老婆叫左個香草忌廉三文魚意粉, 我就叫了個日式帶子蝦墨汁漢堡個意粉等左陣就來, 份量屬於輕食, 女士應該剛剛好, 男士可能略微不夠, 不過見隔離叫飯都好足量, 如果男士要飽肚D建議叫飯。三文魚扒OK厚, 而且個忌廉汁都好香 隔一陣我個BURGER都黎埋, 外觀比M牌的好好多, 而且最驚喜係片包, 香脆而帶有微溫, 我口大成個食落去, 感受曬成個BURGER GE層次, 而蝦堡都OK, 黑松露薯條都唔錯之後到甜品, 落單果時侍應都講個 梳乎里班戟都要等約30分鐘, 但D主食都黎得OK快, 我建議如果有叫佢, 主食一到就叫佢做就差唔多個 梳乎里班戟又香又軟又滑, 聽聞近期日本都興類似PANCAKE, 呢個真係要一試!另外老婆叫了一個脆酥窩夫配雪糕, 佢個窩夫唔係平時食開果D, 佢脆酥其實係似牛角飽果個味道, 有少少咸食FEEL, 但配上雪糕又中和返個咸味, 以甜品呢講佢有少少偏向咸點, 唔係伏

星期六中午黎開奧海城試下呢間環境睇落幾靚既zakka餐廳係自助形式要自己搵位同去排隊比錢買野食攞餐具星期六中午都坐滿左好多人一家大細黎食午餐一律$88 附餐湯（羅宋湯）/沙律我地嗌左香草煙三文魚溫泉蛋班戟同蟹肉醃三文魚醃列其實本身個主食都跟左沙律菜 所以我地揀左餐湯香草煙三文魚溫泉蛋班戟性價比較高但班戟太淋扣左分蟹肉醃三文魚醃列同一般常餐既醃列無太大分別呢個價錢我覺得可以再好食d

今次打完波再黎ZAKKA補充力，點解～因爲下午四點幾部分餐廳都不做下午茶生意，等晚市時段前要準備工作，所以你問或係門口等都係無用的。依間就好好多～所以想都不用想，而且不用浪費等位時間就坐下。為一係要行去收銀點餐買食物，不過有人會送到你而面前的。今次四人試四樣不同的餐。分別係蟹肉，香草醃三文魚，奄列。帶子三文魚番茄意大利麵。全日早餐同我就叫了手製帶子蝦墨汁漢堡，黑松露薯條。漢堡同薯條係我最愛，依個帶子蝦好好味又多肉汁，薯條一樣咁脆加上黑松露剛剛好。整體我依個餐好滿意，其餘的三個餐回响都好好，服務都可以。晚上可以有機會要試一試

為左套3D 壞蛋獎門人而黎到好少黎既奧海城. 睇完戲肚仔餓就去醫肚喇. 黎到一個咁唔熟既地方緊係要用下openrice 大神睇下有d 咩正野食下啦xd行下行下黎到三期, 本身比樓上間#OMG 吸引到, 但都係決定再揀下先. 落左一層, 見到Zakka 既裝修好似幾舒服, 門口大餐牌d 野食都岩食, 於是入左黎喇.店員哥哥帶左我地去左個梳化位. 個cushion 好舒服呀~ 然後比左張餐牌我地睇, 揀好野食就可以去cashier 到比錢, 之後就會比個感應器你擺係枱面個貼紙到, 店員就會送餐比你架喇. cashier 右面有個自助corner 比你拎餐具碗碟tissue 水~個人認為咁樣設計幾好, 唔洗下下問人攞. 不過如果一個人黎食既話可能會麻煩少少. 好鍾意呢到d 碗~仲有tray 比你拎~我叫左黑松露野菌意大利麵($72)同埋熱紫薯鮮奶($32). 個麵既黑松露味唔算好濃, 因為覺得比佢d 奶味蓋左.  汁就係偏稀既質感, 都ok. 而杯熱紫薯鮮奶就對於佢個size 有d 失望喇. 個人認為以單買而唔係加錢黎講,杯野真係細杯左d.  紫薯味幾香濃, 不過就甜左少少, 但都幾好飲. 

奧海城3期最近開了一間日式餐廳，前身是Euro Go Go。第一次吃，覺得很不錯，可以再來。我們點了以下食品：照燒芝麻醬雞肉漢堡 $68，賣相很好，味道也不錯，加$9，有一杯泡沫咖啡，味道也不錯。鋁燒牛肉漢堡 $82，賣相一般，夠熱，因為在鐵板上，還有兩個薯仔配sour cream，加$12，有一杯餐湯。其實真的不是太吸引。手製牛肉漢堡咖哩飯，賣相唔吸引，味道還可以，加了$9，有一杯鮮奶咖啡，好喝！水、杯、醬料例如茄汁、糖、食具全部都是自助，非常方便，我也喜歡這樣的模式。至於落單，也是找了位，自己到收銀櫃檯付錢，好方便，感覺好自在。

呢間店鋪新開無耐，係奧海城出沒又多一個選擇，今日決定一於試下。我點左車打牛堡·松露薯條餐，朋友點左手製帶子墨汁漢堡·松露薯條餐。兩個餐都有跟湯或者沙律，盛惠$88。餐飲就要另外加10幾蚊。餐湯係番茄湯，坦白講就有尚有改善空間，個人唔太喜歡。車打牛堡·松露薯條：個包幾好食，烘過所以鬆脆，牛肉漢堡就乾身左d，唔夠juicy，個人覺得如果多多少少芝士會好味d。黑松露薯條唔錯，第一次試黑松露同薯條ge配撘，原來都幾襯。手製帶子墨汁漢堡·松露薯條$88食個漢堡餐抵唔抵就見人見智啦，食物質素中規中矩，唔特別出色但都唔難食ge。

餐廳開在商場的一角，裝修很光亮，有一點日式/北歐風，很清新、很討好。今日是weekend ，只有branch 沒有lunch，$88 ，包一個main 同soup/ salad 。老公叫了「車打芝士牛肉漢堡、太陽蛋、松露薯條」，我沒有試，老公説ok。我叫了「帶子三文魚蕃茄意大利麵」。意粉一上桌，似乎正正常常，但......帶子在哪裡? 翻開一看，只找到三粒像食指指甲那麼大的「所謂」帶子！ (他們的帶子的size基本上就像日本壽司「小柱軍艦」上的「小柱」。 如果真的是小柱，那麼他們就不應該叫做帶子，因為我在網上找到的解釋是「小柱（こばしら）：中國蛤蜊的閉殼肌。」 )老公說可能是他們忘記放帶子叫我跟侍應說說，其中一個侍應說：「不好意思，我再跟你弄過另一碟。」(他態度不錯)。幾分鐘後，另一待應再奉上一碟新的意粉。原來他們真的沒有放漏了帶子而是把小柱當做帶子奉上給客人，因為這碟新的意粉有六、七粒小柱。給我的感覺像是要存心欺騙客人!說真的，如果你覺得帶子是很貴的食材，那麼就改為「三文魚蕃茄意大利麵」，我覺得也會有人幫襯，請不要意圖存心欺騙客人。我想，我應該不會再幫襯這店了！

大角咀是我出沒較多的地方，看見奧海城新店開張，裝潢挺美的，決定與老死下午茶時間來試一試。下午兩時多，餐牌上很多我們平常會點的食物（漢堡包、咖哩飯等等）都沒有了。我們點了鋁燒手製牛肉漢堡扒 燒焗新薯($82)。上菜的時候是以錫紙包著的，還很熱。那漢堡扒肉質是可以的，但上面的芝士和與它一起焗的無名醬汁味道有點重，也不特別合口味。至於新薯，還可以啦，感覺火喉和味道均是住家level。以這價錢來說，我們都覺得可以期望更多。另外還點了香蒜薯條（配牛油果醬和蕃茄菠蘿莎莎醬）($48)。這小食好吃！薯條新鮮炸起，莎莎醬沒吃到菠蘿的口感或味道，牛油果醬則一如以往，很少叫人失望的。點了一杯蜂蜜檸檬薑茶，原來是茶包來的，味道也可以。以新開張的店子來說，相信Zakka的進步空間還多的是，尤其是處理食物醬汁方面，可下更多功夫。另外就是希望餐牌的項目不那麼早售罄。以當天第一次試吃的質素，我寧願這舖位繼續是之前那間續租好了。