齊柏林熱狗店 (海福花園商場)

Open Now

Now Closed

以前屋企附近有齊柏林間中都會幫趁，自從執咗之後好耐冇食，今日係大圍記得有一間就專登行去買嚟食，門口見到餐牌已經比較少款可以選擇，諗住叫咗招牌火炙芝士辣肉醬熱狗餐跟薯條就穩陣啦，點知個熱狗一食落口啲肉醬係凍嘅，我想問幾時個熱狗變咗唔好食嘅凍暖口感㗎？仲有啲薯條跟以往食過嘅唔同咗，變咗波浪薯條同埋一包普通茄汁，其實一打開睇已經唔對路油到爆，唔脆之餘個心仲有少少生，明明拎嗰陣feel包薯條好熱仲諗住今次正啦，點知差到咁真係唔會再幫趁。

想支持小店，九龍灣中環食過都味道正常，第一次黎大圍，好肚餓見到齊柏林就試下，真係好難食。只係炸，加熱食物，跟步驟及時間加熱食物應該不至於咁難食？望住兩位女士整，非常不熟手，心知不妙。諗住炸野應該唔會好難食，但味道真係驚嚇，味道係似加左奇怪化學成份的食物(添加劑？) 建議兩位女士過到自己個關先整客人食。。。食左兩啖頂唔順，為身體著想，唔敢食。好難怪大家都去Mc Donald’s/ 媽咪雞蛋仔買食物，係正常味道，最多唔夠脆。小店要加油努力，next door curry boy 係用心整食物客人會見到，食到。

非常差嘅體驗我係2024年1月13日 order哩間分店嘅外送平台服務，同日17:21送達。 個漢堡食落去個口感同以前好大分別，漢堡裡面啲肉 質感係好「淋」。再食左幾淡，食到差唔多中間先發現個啲肉係紅色、完全未熟嘅😓🤮但係個漢堡我已經食左半個🤮🤮然後我聯絡左外送平台，佢地嘅客服經查詢同埋問番分店，哩間分店承認提供左未全熟既肉俾客人食。宜家食完個肚有啲痛🤮🤮唔通要入醫院🤮🤮

58蚊好大份的招牌熱狗餐，巨腸肉醬超濃起司🤪再加5蚊升級做大薯條，連麻甩佬都食得飽😂最吸引本人的地方，在於熱辣辣的炸粗薯條。仲有幾隻醬可以選擇👍另外，罐裝汽水竟然可以選擇檸檬茶汽水！喜出望外啊。此店離大圍鐵路站好近，只係離旺區隔一條大馬路，就變得好清靜。店內有張Bar台及幾個座位，一兩人去chill真係幾正。不用排隊不用等。唔想迫旺區，想安靜地坐下的好選擇。下次要試下個菠蘿辣雞堡，聽講真係好辣？😈

好味道，會再食！今日工作繁忙，在回家途中，使用網上預定自取服務，預定晚餐在家居附近的分店領取，因為熟知回家的交通時間，祇要計算好，而店方又準時，就可以有新鮮熱騰騰的晚餐享用了！正😅

自從大圍開咗齊柏林之後，我有諗唔到食咩就會打電話去order定 熱辣辣又美味嘅熱狗🌭️火炙芝士辣肉醬熱狗 係我最愛嘅熱狗肉醬其實唔辣，反而帶甜 配襯荷蘭腸真係perfect match 而且芝士勁多 用火槍烤過溶左 又有燒烤嘅味道 吃罷令人很滿足炸魚薯條 呢個又係必叫的 薯條係入邊充滿薯肉 炸魚配千島醬汁食非常開胃 飲埋罐可樂真係爽爆🥳澳式風情熱狗 🌭️呢個係我第二最愛芝士，煙肉，千島醬加紐倫堡腸同吃 口腔內鹹香酸爽都齊哂了 非常過癮雞塊 熱辣辣脆卜卜 配以bbq醬汁同吃 唔好同我講燥熱油膩嗰啲野 偶爾食呢啲緊係為左開心🥳

📍齊柏林熱狗店， 大圍 Taiwai大圍再有新店鋪。想試依間好耐。真係抵食之選😍🌭美國洋蔥圈熱狗 $36洋蔥圈就算夾左落熱狗度都仲係脆！！配埋隻燒烤醬咸咸地好夾👍🏻 店鋪特登烘過個包等佢少少咬口🍟細薯條+ 薯餅 。 買熱狗加$12 可以揀兩款小食。雖然話係細薯條 ， 但份量都幾多， 薯條都幾粗身， 配左茄汁同千島醬。 薯餅好脆口😆$12 有兩份小食真係好抵！！可能新開鋪頭同埋好抵食， 夜晚買外賣等左超過30 分鐘😨😨建議打定電話落左單先 ， 唔駛係果度等咁耐😅