築匠 (Closed)

又黎到大角咀搵餐廳食晚餐今晚想食日本野 行過見到呢間小店唔顯眼 亦都唔多人 但見評價幾好 試下一坐低店員就遞上濕巾抹手 好細心前菜味增湯好好飲 有魚味🤤又好夠熱叫左幾樣壽司同炸物壽司好足料 大件 海膽真係好驚喜 好大份量 一件等於其他餐廳兩件咁濟 食完好滿足刺食正常 都算幾大件值得一提係啲wasabi 唔係cheap野 有山葵粒粒而燒物同炸物方面試左芝麻雞翼同燒冬菇不過不失 幾香和牛串燒都好林 剛剛好埋單兩個人二百幾 係抵食既😋

係大角咀做完facial 次次都要煩食乜又唔想行去埃華街又唔想行番去MK好彩今次俾我近近地搵到呢間日本野呢條街本身都有好多野食 又泰國野又日本野又燒肉而最後就揀左「築匠」 貪佢價錢唔錯店面唔大 加埋應該三十個位左右兩口子一人一個飯三文魚、油甘魚、帆立貝丼（$78）三文魚有少少腥 扣左啲分 油甘魚就唔錯嘅 加番啲分 所以總體黎講都係不過不失但飯量較少 女仔黎講都只係剛剛好 男生嘅話可能要再叫多樣小食先夠咖哩吉列豬排丼（$68）呢個反而喜出望外 咖哩有少少辣 唔係日式甜果款都幾好味 有啲肉碎 所以我諗係一包包沖出黎果啲？不過塊豬排炸得一啲都唔乾 好林好juciy 非常好！下次再做facial我諗我都會再encore呢款～有野飲送加埋都係百六蚊 算係咁啦～

大角咀的日本料理越來越多，今次黎到另一間高質日式丼飯店，其實佢對面有一間比較出名的黑木堂，但我都係喜歡扶弱，所以最後選擇佢，當然仲有因爲呢間人較少，較安靜。..............................極上吞拿魚丼（$148）-有赤身、拖羅及吞拿魚腩蓉🐟🐟🐟🐟🐟🐟🐟🐟🐟-赤身正常拖羅甜美、入口即溶-魚腩蓉較失色，腩位有的魚油味較弱，但入口即溶😌（利申：我對吞拿魚冇咩研究，所以品評未必好到位）刺身三點（$58）-消費滿$100元可以優惠價購買，即$58）-三文魚、甜蝦及油甘魚-三文魚🐟厚切，非常鮮甜，入口即溶-甜蝦新鮮無腥味🦐-油甘魚🐠厚切，油香重而鮮甜。..............................服務👍🏻-非常有禮貌-坐下後主動給予濕紙巾抹手-縱使每枱皆有水壺但仍主動加水..............................裝修：與一般日式餐廳一樣以木系為主，而燈光偏淡黃令人感覺好舒服，因為工作完一天，眼睛疲累。..............................備註：因為人較少，所以非常安靜，是談天的好地方。

已有一段時間無寫食評了，今日行經大角嘴，見到有一間門口窄小的日式小店，由於只有一小時的食飯時間，所以毫不猶豫便入內一試。小店座位尚算寬敞，全店呈長方形，其實都可以坐上30人左右，裝潢設計簡潔，沒有多餘的擺設，予人舒服的感覺。一看餐牌，便給自選海鮮丼所吸引，所以跟兒子一人叫了一碗。由於是午餐，所以不用加錢便配上沙津及麵豉湯。麵豉湯用上魚熬製，很鮮甜🤗兒子點了蟹子跟蟹棒，大大碗，但對我來說當然沒有特色可言，但對小孩來說，甚是滿足。而我則點了馬糞海膽，赤海蝦及蟹子，一上檯便嘩嘩聲，幾十蚊可以食到如此貨色的刺身丼，果真難得。海膽味濃，陣陣香味在口內徘徊；赤海蝦好大隻，又爽口，絕對新鮮；食丼至愛配搭蟹子，可令每啖飯都佔上鹹鹹的蟹子味，好正👍🏼那麼豐富的午餐也只不過盛惠$148，真是性價比高。加上侍應服務態度超好，值得推介😄

又來到極喜歡的平民高質餐廳，約姊妹聚會，當然想傾唔停，諗起築匠平日是比較鬆動，唔似旺區限時要走，介紹朋友們來試下。星期二晚，係可以任坐到十點幾，慢慢傾，靚仔店員仲會不斷添茶。我好老土，都係叫雜錦刺身飯，朋友沒有食大碗刺身飯，吃了散叫的壽司，上枱時全部都好吸引呢！刀功，燒烤，擺盤都酒店水準, 計番其實都好抵食，而且同姊妹們食飯，真係應該慢慢歎多些不同款式，好後悔叫了常吃的刺身飯，但都是滿意的，因刺身飯仍然好大份量，好多刺身，好抵食!燒蠔都好正，醬汁夠味夠多! 不過燒烤記得趁熱食，等人等等下凍咗覺得可惜咗!串燒叫得趁熱食趁熱食趁熱食。

夜晚八點左右 黎到呢個日本餐廳食晚飯店鋪範圍唔大 特別係二人枱坐落都少少逼餐牌選擇都多 有各種set好既魚生飯定食仲可以自己任配唔同既魚生仲有壽司呀 熟食烏冬個啲我地叫左兩個魚生飯定食 一個有三文魚 油甘魚 吞拿魚三款既魚生飯($78)同埋一個雜錦魚生飯($68)定食會送麵豉湯同沙律 晚餐先收加一雜錦魚生飯呢其實都係有上述個三款 分別係魚生飯既魚生係每款兩片但好大塊 而雜錦係角切既 同埋多左蟹籽同甜蝦 味道都唔錯既 絕對係物超所值！特別既係雜錦會附一碟柚子醬油 感覺幾清新🤤份量呢都幾足夠 所以係抵食既！食完之後呢 服務員都好勤力幫我地加水送濕紙巾咁係幾貼心同埋態度好好既👍🏻但另一個角度就係唔好意思坐耐少少傾計啦haha

今晚放工後同細佬一齊食築匠。我地去到果陣已經9點幾，一去到 成間餐廳係冇人，幾驚佢已經last order ，好彩問返店員，先知佢開到11點。結果就兩個人包左場咁款因為得我地 所以d野食黎得好快等左5-10分鐘到我就點左呢個三文魚吞拿魚腩碎海膽丼本身見佢幅圖以為得好少 驚我食唔飽所以就又點多份蟹肉蟹籽沙律最後搞到食唔哂個沙律魚生黎講 咁既價錢非常足料 亦都夠新鮮服務都好周到因為得我呢枱一入到去店員仲俾濕紙巾我地食野前抹手又不時幫手加水題外話 因為跟餐個湯冇哂店員就叫我地轉飲汽水但只可以飲$10蚊果堆唔可以補差價 轉貴d既綠茶波子汽水😭

大角咀一向都以廉價食為首，此餐廳都不例外。車仔面大家都熟悉，但車仔式魚生丼會否新鮮呢？餐廳裝修簡潔，與中型日本餐廳無誤，環境都清潔寧靜，連服務員斟茶聲音都十分清楚。服務員會遞消毒濕紙巾，又會連忙斟茶，上賓招呼。我最喜歡當然自選魚生丼，可以選擇自己喜歡的魚生，另外，海膽都有兩款可選，分別；馬糞海膽和加拿大海膽，因外，其他魚生都十分新鮮舉一般中型餐廳一般，但價錢是半價，十分便宜。這些小店，在香港都已經不多。

附近既日式餐廳好多，但築匠算係好食又抵食既一間，不過人流較多，有時想食都冇位🤣🤣今日同朋友午餐又食築匠，好彩岩岩好夠位入埋😎點完餐之後，好快就有沙律同味噌湯三料既魚生飯，滿滿既一碗。Menu 最平最抵食既一款🙈，而且三文魚都算嫩同新鮮，都唔會切太薄。萬年S7既朋友揀既海膽飯，海膽幾新鮮，唔會腥，同埋都算多海膽👍🏻。魚生飯比較快做好送上，食熱食既朋友就稍等左一陣都好快有得食，相差時間唔算耐，都係可以食住等，唔會食哂一個先黎下一個🙊日式咖哩，唔會好辣，咖哩好香口，炸蝦炸得金黃，口感有脆亦唔會油膩超多牛肉的一大碗，飯又大大碗，食完真是好飽！其實都掙扎過，選擇困難過揀雞扒丼定魚生飯，但最後想食魚生👉🏻揀左三文魚飯。雞扒丼同牛肉丼一樣咁大碗，而且成碗比雞扒蓋住，滿滿的雞扒，本人既心水熱食之選♥️

放工就係附近搵食，平時唔會專登走到大角咀。呢間算係平價嘅日式料理，我就揀咗壽司set。魚生嗰啲都算新鮮。朋友揀咗雞扒烏冬，份量好足，雞扒好脆，日式燒汁味，烏冬都好煙銀煙韌。支持小店。

今日又尼左築匠，今次係第二次尼，上次係朋友帶我去，因為覺我好好味，所以今次再去餐前沙律，好開胃今次叫左同上次一樣的野食雞扒烏冬，上次叫左覺得塊雞扒冇咁熱，但自己今次又唔想食刺身，所以我又叫左雞扒烏冬好彩今次有叫雞扒，今次塊雞扒好夠熱，上面加左D紫菜其實本身塊雞扒已經好好味，外脆內嫩，所以加埋紫菜係更好味烏冬仍然係好大份好好味因為佢每樣都好大份，所以一定會食到好飽，但因為太好食的關係所以就算飽都要食晒佢

又係食E間，上星期先食完，上星期因為有朋友唔得閒冇同我地一齊去，但佢又好想食，所以今次又尼食，已經食左好多次今次12:15已經去到，唔洗等位啊!!!今次食雜錦魚生飯，份量超級大，餸又多飯又多佢的豉油好特別，係柚子豉油，同平時果D係唔同不過的刺身有點稍遜，唔知係唔係因為過年之後因為E個係lunch set，所以會有麵豉湯同沙律送；麵豉湯係魚湯，最欣賞係個湯熱辣辣個沙律都好貼心，唔會只係得面頭有沙律，佢係先放左汁，再放沙律，再放汁，所以汁係好夠，我亦好鍾意食特別讚一讚店員，因為鋪比較細，所以落單出菜收檯收食物都係一個店員，我地每次去都係佢，但佢都做得好快，好好

今日去食lunch，又係E間，已經唔知係第三定第四次尼，咁不過係因為好味所以先再尼的!!!!炸的會比較耐，要等大約20分鐘；最快尼係刺身飯，之後係淨烏冬，最後先上我的炸豬排，所以想佞炸豬排就要等等!!稻庭烏冬一向都好味，而且又大碗 (係會食唔晒)，佢的配料仲有粟米，蟹柳，海帶，所以我每次尼都會食烏冬吉列豬排的份量都多，大約有6大件，但我係會食晒嫁，因為配沙律醬好好味。佢的炸粉雖然比較多，但炸得好脆，仲要係熱辣辣，有少少豬排比較韌，不過大部份都ok，可接受的

係大角咀咁耐都未試過這家店，朋友們都話這𥚃午餐很抵而且味道不錯，因為平日關係所以人不多，我們大概中午12點左右不用等就有位置，午餐有很多選擇，而且每個主餐也包了前菜和湯👍🏻我們叫了壽司套餐🍣我個人覺得飯嘅醋味不夠，雜錦魚生丼，照燒雞扒丼，鯖魚丼！整體味道和服務都不錯👍🏻值得的午餐👍🏻

寫過食評好少會再想寫，但因為又有驚喜，值得讚賞表揚。在大角咀放工，外子建議去返這裡，都方便同感覺良好。坐下，店員為我們兩大一小送來了前菜和麵豉湯，餐牌都未睇，如果叫兩個餐俾三個前菜佢咪蝕底？但諗真D，有心有誠意的餐廳，真的不會跟你計較前菜同湯，否則都唔會跟餐附送, 就是誠意。 (有點惠顧晚餐送例湯的感覺)食物就如我上次寫食評一樣高質，而且誠意高。 吉列豬扒飯的沙律醬上會有點點的香草； 照燒雞扒飯的雞扒仍然是外脆內嫩多汁； 雜錦魚生飯有甜蝦及兩層以上的魚生，是撥開面層的魚生仍然是魚生而見不到飯的充足感，而且今次的魚生沒有腥味，(可能上次有少少失手，䲞魚有一點腥)，魚生種類算多，豐富充足，還有柚子豉油，不是普通魚生醬油，又是提晴誠意之舉。堂食大割引都好正呀！仲有新菜單，火鍋。I餐廳平日晚不多人，可以好好享受。好食的餐廳要試!另外，店員都是5星級服務，小女食飯時睡著，會主動拿大卷手紙給你當枕頭，還有不斷為你添茶，傾偈問你啱唔啱食，真是5星級酒店服務，多謝靚仔哥哥。