Zoe

Open Now

Now Closed

最近整個人對甚麼事情都提不起勁，無力感很重，使勁的鑽牛角尖。於是我決定換過方式排出負面情緒，回味每一件令我快樂的小事；因為我相信短暫的反思過後，又是一條好漢。🍫【Double Decker Daisy $60 / FB discount $48】味道以榛子和朱古力為主，香濃的榛子mousse與香甜滑溜的朱古力果然是絕配，加上蛋糕旁邊的朱古力脆脆更是把整體推上更高的層次。☕️【Sumiyaki $48】以朱古力外層包裹着日本炭燒咖啡製作而成的mousse，咖啡味香濃，配上口感綿密的海綿蛋糕和消化餅乾，我覺得比Double Decker Daisy更美味。🍰【Strawberry Tart 5” $380】Zoe的出品果然令人賞心悅目，用心製作的朱古力花耐香也不會過甜，鬆化的曲奇撻略帶牛油香，唯一挑剔的是草莓較酸。草莓撻旁邊還有Royal Plaza Hotel贈送的blueberry cheesecake，味道也不俗。

今日友人請客食zoe既西餅第一次食呢間餅店甜品好有驚喜！！我一共食左3個口味 有綠茶脆脆蛋糕 raspberry 朱古力花花蛋糕 同double朱古力蛋糕 不論外型還是味道都令人好開心 因為太出色 就連朱古力造型菊花都係好好食 如果友人日日請我食zoe既西餅我應該唔會食到厭吧相比中環其他餅店例如 cova, MS B’s BAKERY，文華酒店餅房，sift 等店 我更喜歡佢zoe 可愛清新既風格同優雅既口感 份量足以俾我享受完一杯espresso 用佢作為下午飲係享受既！

We have a welcome 'party' time today and searching for new cake place. There is not many options in Central, we have tried all and noted that Zoe has a branch near us.All the cakes look pretty and cute, we were all expecting it to taste good as well. I have double decker daisy, the chocolate coated flower. The cake is not too sweet which is good, however the chocolate and hazelnut flavor are too weak... can't tell I am eating chocolate cake. I checked with my colleagues and they also said theirs

每次有屋企成員生日, Zoe 依款小巧精緻嘅smile蛋糕就係我選擇之一。Smile係signature cake, 首先賣相已經好吸引, 上面唔同嘅笑臉超可愛, 未食已經笑容滿分。件cake好滑好輕身, 有濃郁嘅榛子忌廉味但又唔會漏 , 而脆脆餅底亦十分有驚喜, 仲可以叫店員另外寫塊生日牌架🤗雖然已經買過幾次, 但意外地大家都唔會覺得" 又係依間?" , 因爲真係幾好食。雖然價錢略貴, 但每次都會買十幾件家庭聚會一齊分享, 小朋友直頭想搶埋我個件 🙈

生日慶祝應該開開心心，講真，又唔係收得平過人，但係唔知點解個 marcaron 好地地個樣會甩色，隻眼好似搽咗eye shadow 咁，味道...唔好講，同以前差好遠，可能換咗師傅，唔會再買，費事丟架!我會去買Lady M 囉!!!!!

一向喜歡Zoe蛋糕的我，也會向身邊的人介紹及推薦在zoe訂蛋糕，意料不到的是，今次我生日牌上寫的是中文名，出來的效果竟然是這樣，這麼有品牌的一間店舖竟然會接受這個字體出現在貴店的蛋糕上。店員的回答是不好意思因為不慣寫中文字，我説你可告訴我寫不到中文，然後我改回英文，他也無言而對！我相信這些字體也不會是蛋糕師傅所寫，真的失望，我亦不敢送上這個蛋糕，完全影響zoe這個品牌！！

今日買左個芒果蛋糕諗住請同事食，點知劣評如潮，d芒果酸過檸檬，d cream 又吾夠滑，餅底又淋，好失望，以前食過都吾錯，而家差錯好多好多，吾知係咪換左老細師傅轉晒，無下次啦又甘貴完全吾值

XO仔牛一，哥哥喺名餅舖「Zoe」訂咗個蛋糕為細佬賀壽，仲特意揀選近期紅爆且小肥熱愛o既血橙味「Blood Orange」，濃情厚意盡在不言中！早於去年表妹生日，其實哥哥已食過此款糕點，今次打開餅盒，發現蛋糕面多咗層血橙片啫喱，真係好有驚喜咁話！哥哥心思果然細密，為各人切完蛋糕後，仲教細佬應該拍下蛋糕個橫切面，分析一吓每層有何不同。「Blood Orange」蛋糕不但外形進化咗，就連餡料都升埋呢，最明顯o既就係面層原用o既白色忌廉換上咗血橙塊及啫喱，果肉更為實在，亦較忌廉健康得多。海綿蛋糕層間o既血橙味忌廉清新輕巧，味道唔會過酸或過甜，食落一啲都唔覺溜，糕身又夠鬆軟，唔怪得知能成為鎮店人氣產品！小肥唯一略嫌餅底o既曲奇唔夠香脆，如果能夠換上一整塊朱古力薄脆，相信效果會更為出色美味！「Happy birthday to you! Happy birthday to you! Happy birthday to XO! Happy birthday to you!」

正所謂禮尚往來，小弟不時都請同事食曲奇，依趟輪到同事請番我。一喺唔請，一請就試吓啲有名氣嘅品牌，同事所買嘅曲奇，原來喺嚟自法式餅店Zoe跟蘇施黃合作嘅 「Zozi七彩鹹味曲奇」，與其叫七彩，不如叫彩虹就仲靚啲喇 。睇番附件張卡仔，原來依個Zozi曲奇禮盒有兩款口味，一鹹一甜，長形餅罐喺鹹味，仲化身為彩虹七色，數過一次，真喺紅橙黃綠青蓋紫齊晒，色彩繽紛，鮮艷搶眼到爆，而且口味方面新奇，極有賣點，；另一款圓形餅罐喺甜味，屬較正常嘅模樣，口味亦較大路，如朱古力、綠茶、咖啡……等等。打開包裝罐，左右兩排，話就話有7款味道，其實每排共有8塊，即喺有一款口味會重複，唔知喺隨機定「專燈」，兩排重複嘅都喺橙色（辣椒）。好在公司同事唔多，而且，平時亦好關照吓佢，所以，試完3塊，之後有淨再叫我試多3塊，唔客氣咁前後試咗6款口味。始終喺Zoe出品，水準有一定保證，口感頗為鬆脆，普遍嚟講無乜牛油香，可能要顧及各種味道嘅突出性 。第一次試嘅喺：藍色（黑欖）：曲奇內滲雜粒粒碎黑欖，不過，量少而唔喺好覺有黑欖嘅味道；青色（羅勒）：羅勒始終喺一種香草，用嚟做曲奇算喺穩打穩紮，食落有羅勒香味，但唔算太強；紅色（煙肉