Video
Introduction
A Fujian cuisine restaurant from Singapore is bringing the unique rustic flavours of Putian to Hong Kong. They specialise in traditional Fujian dishes, allowing customers to savour the essence of Putian cuisine - fresh and light, with surprises at every turn.
continue reading
Awards and Titles
MICHELIN Bib Gourmand (2023-2024)
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Above information is for reference only. Please check details with the restaurant.
About Reward Scheme
Offers
RELATED ARTICLES
今次我放假同埋屋企人出左黎銅鑼灣行下，同長輩食就梗係揀d岩佢地食既野啦，我就揀左呢間福建菜食飯✌🏻餐廳既格局同酒樓相似，呢再比酒樓更華麗同高貴，同埋唔會好多人好嘈咁，係舒適好多，屋企人都好滿意，我地坐低先送上碟炸紫菜做餐前小食，脆卜卜咁又幾好食😌蝦苗頭水紫菜（$58）由於比個小食吸引左，我地叫左碟蝦苗頭水紫菜做開胃菜，少少酸酸地鹹鹹地咁，口感幼嫩，夠曬醒胃🥬芋泥香酥鴨（$98）香酥鴨外層酥脆，裡面用芋泥包住d鴨肉，由脆到綿到肉，成件事好有層次感🦆石鍋滑豆腐（$98）呢個豆腐我覺得係驚喜之作，豆腐表層少少煎香煎脆，裡面既豆腐超級滑，然後就係個醬汁好惹味，撈飯食一流，醬汁下面仲有一層好似蒸蛋既豆腐，吸曬d汁好好食😋清蒸大閘蟹（$138）依家仲係大閘蟹季節，餐廳都仲緊推廣，我地叫左清蒸大閘蟹試下，size唔細，蟹膏份量好足，而且味道好鮮，趁當造真係要食🦀酥炸冰心榴蓮（$58）呢個甜品又係勁正，可以話好食過甜品店既甜品，包面酥脆既皮包住裡面凍既榴蓮蓉，果種夾既口味真係呢度先做到😍建蓮雪耳湯（$38）（打卡即送）呢個糖水如果有各大平台打卡就有得送，料好足，夠曬清潤，而且甜度都好夠👏🏻呢間餐廳環境同食物質素都高，同埋佢地好多菜式其實都有分大細份量，人多人少都可以食到，價錢亦都唔貴，佢都好多分店，想食茶樓類既呢間係幾好既選擇👍🏻
continue reading
捉緊大閘蟹的尾巴，叫左個餐過下癮。有得揀大閘蟹煮法係正，熟醉酒香甜同蟹味膏味好夾，更鮮，而且會送杯薑茶。前菜有荀片同紫菜。炸紫菜比酸醋紫菜更香濃紫菜味，但後者又好開胃，都好食嘅。個餐仲包括蟹肉紫菜豆腐羹、平安麵/滷麵/炒米粉、黃金荷葉包同糖水。粉米粉夠爽身多料，有蟶子肉、蜆、腩肉、蝦等等；荷葉包係炸起嘅包，可以夾肉絲一齊食。至於糖水，係一般糖水店食唔到嘅紅棗花生湯，兩種味道帶少少甜，有咬口，唔錯。八卦望下，門口貼住9年米之連推介，唔知係咪因為咁，覺得服務比其他分店好。
continue reading
屋企人成日聽一個朋友提起哩間餐廳，仲每個月都會食一次，佢哋心思思想試，今日帶埋我一齊去哩間餐廳。餐廳位於利舞臺廣場，近地鐵站，好方便。餐廳裝修好靚，環境舒服乾淨。咁岩今次被安排坐卡位，枱與枱中間有一定距離，通道闊落，而且樓底夠高，就算坐滿人，都唔會好嘈。精美四小拼 ($128)先叫一個小食拼盤，有四款福建傳統前菜。家鄉燜筍乾用肉汁燜嘅筍乾，好入味，淡淡咸香，唔會好濃味。九轉小腸係福建傳統手工腸套腸，一層一層做得好靚。福建筍凍睇落有啲似潮州嘅餚肉，上面有啲蒜頭辣椒碎，浸住豉油汁。水晶果凍入面包住一條條煙煙韌韌嘅嘢，當我哋討論緊係咩嚟嘅時候，職員經過聽到，介紹俾我哋知係海沙蟲。好在當時無即場上網search個樣🤣🤣蝦苗頭水紫菜水紫菜係指每年頭次採割嘅紫菜。紫菜混入蝦米同醬汁，酸酸甜甜好開胃，好適合做前菜。閩南五香卷 ($68/6粒)用豆皮包住肉餡，再去炸。外皮酥脆，食到餡入面有啲馬蹄，雖然係炸但唔會好油。不過略嫌餡料唔夠實，口感有啲削。福建特色海蠣煎 ($118)福建式煎蠔餅，蠔餅厚身，蠔粒粒大隻。但係中間多餡料嘅位比較咸。都係潮州嘅，炸到脆脆嘅好味啲😛酥炒芋芯 ($98 / 例)將芋頭切粒，外面包一層脆糖漿，外脆內軟，好好味👍🏻石鍋滑豆腐 ($98 / 例)最後，叫咗一個豆腐鍋。其實係俾隔離枱吸引到，見到隔離枱食緊，賣相睇落唔錯，於是叫嚟試下。豆腐有啲似玉子豆腐，好滑。先將豆腐外皮煎香，再用茨汁煮到入味，食到有少少豆板醬嘅味道，但唔會辣。個汁好好送飯，而且石鍋保溫，食到尾都仲係熱辣辣，好好食😋餐廳近期做緊免費甜品優惠，只要喺大眾點評 或者 google打卡，就可以送一份甜品。每一個客人完成打卡，就送一份。如果全枱食客都打卡的話，就每人都有一份免費甜品。甜品可以揀 薄荷枇杷凍 或者 建蓮雪耳湯。薄荷枇杷凍果凍食到淡淡薄荷味，可以解膩。上面有奇亞籽，仲有一粒枇杷，好清新。建蓮雪耳湯雪耳煮到好軟，入口即溶。兩款甜品都唔會太甜，唔錯。整個晚飯體驗都好滿意，淨係服務都滿分。職員會主動幫我哋加水。食緊前菜嘅時候，職員聽到我哋對菜色好有興趣，當每上一道菜都會做簡單介紹。食物嘅味道同份量都唔錯，調味唔會太重手。枱面上有一樽辣椒醬，唔食得辣嘅就唔好試，真係好辣🙈食五香卷嘅時候，職員話可以點辣椒醬食，唔小心落太多，好辣🙈上網見到原來餐廳喺海外都有好多分店。宜家即場登記做會員，仲可以有現金券，可以即刻用。如果想搵一間坐得舒服，質素好啲嘅中菜，而價錢又唔想太貴，可以考慮試下👍🏻
continue reading
我哋隔一段時間就去食莆田，菜式各方面水準都唔錯，今個月有大閘蟹食，緊係要去試下😋❣️阿元香草雞皮薄肉嫩，好香濃郁，食落有淡淡香草味，值得一試。❣️閩南五香卷豆皮包住肉餡，餡內有脆馬蹄，好有口感，先蒸後炸作法，外脆內嫩，好香口。❣️清蒸大閘蟹今次推出三種食法，清蒸，油煎，熟醉，我哋揀左清蒸，江蘇大閘蟹好出名，打開爆膏，超級綿密清甜，蟹肉紮實，一隻絕對唔夠食。❣️燕皮扁肉湯好迷你嘅餃子，皮薄煙韌，細細粒有啲肉餡，紫菜蝦米湯底，加上少量醋，飲落有輕微的酸甜，非常開胃。❣️蒜蓉豆豉蒸鰻魚新鮮鰻魚蒸得剛剛好，使用陽江豆豉，甘香油潤。❣️大白菜燉軟豆腐超足料白菜褒，豬腩肉，蝦乾，蟶子，蠔仔，軟豆腐湯底，好啱而家天氣食，忍唔住飲多兩碗湯。你哋都快啲去試啦💕
continue reading
聖誕節將到，很多人計劃外遊，所以提前了聖誕聚餐，我也是半個莆田人，但真沒吃過福建菜，來到才知道這裡是米芝蓮推薦餐廳，期待的心就上升了。餐廳不大，還好有廂房，裝點得雅緻溫馨，一盤鮮美的插花放在大圓桌中間，兩邊分別是沙發和佈菜的桌子。人齊上菜，先是幾個冷菜，最特別是紫菜，有酸的蝦皮紫菜鮮香滑溜，炸紫菜鹹脆，油燜筍的味道不錯，滷大腸做得像香腸很好吃。餚肉較硬，凍雞較柴，失色之作。正菜開始露筍糖心鮑魚，一條青露筍，一隻鮑魚，淋上蠔油汁，看起來不錯，味道也好，但是冷的，應該熱吃的食物一但冷了，就沒有了香味，整個菜大打折扣。薑母鴨用瓦鍋上菜，燜軟的鴨子，上面鋪滿薑蓉，應該是很香的，同樣問題是不熱，吸引力降了，雖然味道不錯，但在米芝蓮推薦的架子下，就有點夠不着了。跟著的菜品也有同樣的問題，只有青菜和炸豬手是熱的，這裡的菜式很有特色，食材新鮮，多海產，蝦皮，乾貝作為配搭，味道是上好的，服務也是不錯，但服務生的普通話太爛了，有待改善才能服務好主流遊客。💪💪
continue reading