Video
4-min walk from Exit B, Causeway Bay MTR Station
continue reading
Opening Hours
Mon - Sun
12:00 - 14:30
18:00 - 23:00
Public Holiday
12:00 - 14:30
18:00 - 23:00
Above information is for reference only. Please check details with the restaurant.
RELATED ARTICLES
身邊有啲朋友最近生日咁易有朋友就提議呢去食一間幾有名氣嘅日本餐廳呢間餐廳呢主要係做廚師發辦既亦即係近年越來越多人想嘗試既 omakase咁首先呢間鮨蕾呢就係響一個非常之好嘅地段開餐廳而餐廳嘅格局呢十分之有氣派令我一入到餐廳呢都已經好期待稍後要食嘅嘢咁其實餐牌呢有三個套餐我哋就選擇咗最平嘅套餐雖然係最平但食落去一啲都唔失禮一開始坐低就會俾咗一個芋頭片我地食 做頭盤炸得非常鬆脆好正其後就係一個好開胃嘅蕃茄接住落嚟就係一碟又一碟衝擊味蕾嘅日本料理包括壽司最令我喜歡嘅就係呢一個海膽軍艦鬆脆嘅紫菜加上大大啖嘅海膽簡直係味覺饗宴最後就送多個日本蜜瓜俾我哋整體來講真係好好味非常支持各位去食下
continue reading
呢間壽司店係走親民路線，位於銅鑼灣QRE商場，佢為處於高層，所以整個銅鑼灣夜景都可以喺呢一間餐廳欣賞到，要來慶祝紀念日真係啱晒，如果揀坐壽司枱，就可以望住師傅整壽司，師傅亦非常親切，會細心講解同埋照顧客人嘅需要我哋叫咗套餐「楓」， $850/位職員首先會奉上熱茶同埋熱毛巾，相當體貼首先前菜係一個新鮮即炸薯片，薯片非常香脆，真係會食上癮食唔停口㗎！然後就到沙律🥗係一個熊本蕃茄配和風汁，熊本蕃茄真係非常多汁，所以特別清甜！然後師傅就喺我哋面前整刺身，呢一個拼盤有三款刺身， 分別係鯛魚、厚切拖羅同埋海膽，師傅建議先食鯛魚，然後醬汁方面亦有兩款，其中一款係專門沾鯛魚，酸酸甜甜之後就係熱食蒲燒鰻魚，呢個鰻魚非常香口，而且好軟滑，加上鰻魚汁，而且佢相當厚身，相對富有口感！然後就係即握壽司嘅時間，分別有帶子壽司、深海池魚壽司、熟成拖羅、油金魚壽司，同埋左口魚壽司！即握壽司果然真係零舍唔同，壽司飯裏面有Wasabi，能夠帶出魚鮮味！壽司旁邊仲有酸薑同埋甜薑片！最後仲有海膽手卷，包住手卷嘅紫菜更加有加工過，特別香脆！最後仲有麵豉湯同埋新鮮蜜瓜做甜品真係豐富到不得之了！
continue reading
今晚同朋友一齊黎食Omakase。呢間係V Point既高級日本餐廳已經係我bucket list好耐，今日終於一嘗所願。今晚揀左呢度$850既「楓」。呢度師傅分別係George同Michael，兩位都非常專業啊，而且幾好傾添，分享左好多日本料理既知識。首先係日本蕃薯片，係呢度自己炸。比薯片硬身，更有咬口，味道唔會過份調味，鹽份剛好，令蕃薯味更突出。熊本縣番茄，本身已經比較鮮甜，再加上和風汁，更帶出甜味，下面有啲蘿蔔絲同紫蘇葉，係個好好既開胃菜。跟住係刺身既環節。中間左邊係愛女魚，第一次見，係比較肉質有咬口既白身魚。右邊有啲紅邊既係彷彿魚，同愛女魚一樣油分較少，上面有啲帶清香既柚子皮，再點酸汁就更可以帶出魚味。旁邊兩粒係中拖羅，帶筋，上面係甜甜既北海道海膽。仲有芬蘭香草作點綴。熱食部份係呢個間八魚一夜乾。醃製左一晚，皮脆，底下肉質比較緊實，略帶鹹香，配上青檸汁同蘿蔔蓉加上酸汁，更帶出魚鮮味。跟住係壽司部份。活赤貝，師傅一放手個赤貝就會收縮，好有視覺效果！呢個本身用左青檸、芥末、豉油調味，肉質爽口。牡丹蝦，上面有啲紫蘇花，係軟糯既蝦肉之中帶出芳香味。中拖羅，呢個完全無筋，魚油味比之前既刺身更濃烈。火炙油甘魚，燒過後油香更澎拜，入口啖啖滿足。火炙秋刀魚，係光身魚，每年到9月至11月最肥美，我地總算搭上食刺身最佳時侯既尾班車，配上少少薑蓉將僅餘嘅腥味除去，果然油香四溢！熟成拖羅，用左秘製醬汁熟成左四日，超入味，令拖羅既味道更上一層樓。赤海膽手卷，來自北海道，味道鮮甜唔腥。旁邊係柚子蘿蔔，係呢度自己醃製。最後係黑豚肉面豉湯，黑豚肉超嫩滑，湯味道唔會好鹹。甜品係熊本赤蜜瓜。超甜超軟熟，係呢餐完美既終結！呢間餐廳原來幾日前係尖沙咀有分店開幕，所以呢邊都有慶祝活動，就係午市消費滿四個餐就減$220，晚市四個餐就減$850，自家製既酒都有半價。下載餐廳會員app仲有95折添，真係優惠多籮籮！
continue reading
今日同男朋友慶祝紀念日，決定要食餐好既！我地食飯慶祝除左要質素高，仲要環境舒服，最好就係望到海景既餐廳，所以依間日式餐廳岩哂我地😍夜市專食廚師發板，有幾款吾同價錢既menu，配合反吾同budget既朋友仔😚我地錫住個荷包就叫左最平既套餐，但已經十分滿意而且好有驚喜😆因為有兩份北海道海膽嘻😍😍😍楓 momiji ($850)📍前菜由熊本出產既水果蕃茄，配合和風汁，酸酸甜甜，十分開胃，作為第一道菜，實在係十分之適合😍📍刺身刺身只有三款，較特別既係好罕見既間白魚刺身，口感爽甜，店員推介配豉油或酸汁都可以更加帶出其鮮味😋👍🏻另外兩款都係我既摯愛，每次食都好感動😭分別就係海膽同拖羅！採用北海道海膽份外鮮甜，入口即溶，一點苦澀味道都無🥺而厚切拖羅十分肥美，咬落吾會有筋，好似成啖脂肪擺落口咁😍📍燒物鱆紅一夜干，一夜干係指魚類風乾之後再煎炸既魚，魚肉紮實亦吾會腥，而且帶點咸香，外皮脆卜卜👍🏻📍壽司壽司方面有赤貝 𩶘魚 呑拿魚 燒左口魚裙邊 熟成拖羅 同 北海道海膽😆每一件都好新鮮，比較特別係熟成拖羅，肉質好嫩滑，吾洗點豉油已經夠唒味，咬落口充滿魚油香味👍🏻另一款係燒左口魚裙邊配上燒汁，入口即溶既感覺，好幸福😆📍豚肉麵豉湯用黑豚肉淆成既麵豉湯，好有心機👍🏻食完成餐生冷野，再飲碗熱湯🍲，暖一暖胃好舒服😋📍最後以靜崗蜜瓜作完美結尾😚雖然吾算好飽，但係好滿足😋
continue reading
在銅鑼灣找到隱世中的日餐 omakase 無論食物和服務都是一流 是我近期吃過最好吃的！omakase餐牌分別有四種不同的種類 價錢為$750-1580不等 而我就點了 「楓」價值$850 包括前菜 刺身 壽司 味增湯 熟食 和甜品坐在吧台上可以看到專業師傅的手勢很過癮 前菜是炙過的魚生 再點蘿蔔蔥花醬料 可以帶出魚的鮮味 刺身就有深海左口魚 加上了柚子皮 師傅及建議點蔥花蘿蔔汁 而北海道海膽和中拖羅跟大拖羅的配搭最令人期待 果然新鮮 入口即溶 而海膽不會很腥 至於熟食方面 想不到是我最愛的白鱔 聽師傅講煮的過程很講究 要先煮完然後再燒 白鱔肉質細嫩 味道鮮美 有油香味 超好吃的 壽司就有以下這幾款 赤貝,深海左口魚,炙燒左口魚邊,熟食拖羅, 海膽等 味道由清甜到濃郁 處理赤貝的手法十分有趣 師傅會先拍一拍 令肉質更爽口 而熟食拖羅更是店舖的招牌 而海膽手卷令人不可抗拒 要趕快吃才行 味增湯不是一般的口味 其實加入了魚湯 蜆肉等熬製而成 十分滿意 最後就以靜岡蜜瓜作為結束 💯💯💯必定再訪的餐廳🍴
continue reading