Video
碼頭往北面海旁步行3分鐘
continue reading
Telephone
29812982
Opening Hours
Today
12:00 - 22:00
Mon - Sun
12:00 - 22:00
*最後入座時間為關門前30分鐘
Above information is for reference only. Please check details with the restaurant.
一年一度既夏天又黎嘿，同朋友和仔仔一定要嚟長洲玩一趟，呢間長洲冰室好多年啦，每次嚟都要入去食嘢回味一下，裏面嘅「泰式奶茶三色圓冰」真係每次嚟長洲的必食之選，朋友同埋仔仔一試都大讚，雪糕好味，芋圓煙靭有咬口，重點配埋泰式奶茶冰，三個人食一份啱啱好🤭 雖然仔仔食完想再黎多round🤣🤣，同埋最緊要舖頭冷氣超級夠凍，食冰冇甘快溶，入嚟降吓溫先，跟住再食返一碗冰，唞一唞儲吓體力，之後再出去其他地方再食過和玩過💪🏻💪🏻
continue reading
今日嚟到長洲，想搵間甜品店坐低食，咁啱見到呢間嘢。一入到去服務員完全冇反應，冇叫我哋坐邊 所以我哋是但搵咗個位坐低咗 我哋七個人一齊去 佢呢度一人至少叫一個食物。我哋嗌咗一個70幾蚊嘅芒果刨冰，嚟到之後超級細個，啲芒果冰仲要唔新鮮 發黑，仲要好酸。其他嗰啲一碗嘢都要50幾，都唔好食 芒果全部都好酸。
continue reading
長洲冰室，唔講以為係一間茶餐廳，其實係間間甜品店！ 主打手工芋圓的甜品店。呢度個裝修風格偏簡約又文青風格，係店鋪門口打卡一流。我地個日天后誕入長洲感受節日氣氛，特登坐咗喺小店分室外室內坐位，非常悠閒，而且甜品選擇亦都非常之多。 甜品店主打手工三色圓、刨冰、仙草、奶凍，仲有更有中式糖水&日式蕨餅之類，更特別既係佢地自家製既桂花糖，親手將啲乾桂花逐少逐少去除樹枝同埋枯葉等等雜質，加配上各款甜點都十分清新！ 可試！
continue reading
想食好耐，不過次次都好多人，我又唔鐘意排隊，所以一直都冇試，難得今日唔使排隊，即刻試下😋安排坐窗邊位，影相都幾靚😋椰香芋泥三色圓仙草（温/凍）$45今日天氣好熱，決定食凍😆芋泥食落口感綿密，不過仍保留到少許顆粒感，口感上會更豐富，仙草甜度適中，加埋淡淡椰香味，食落感覺幾清爽，冇負擔感！泰式奶茶挫冰 $75挫冰奶茶味幾出，有少少嘅奶香味，不過就略甜，如果冇咁甜就好啦😝配料有芋圓、雪糕，味道正正常常，食晒成碗都幾飽肚！
continue reading
行完長洲小長城，天氣好熱，急不及待想去食返碗冰。見好多foodie都推介呢度嘅泰式奶茶剉冰，於是我都嗌咗碗嚟試吓。餐廳冷氣唔大，店員服務態度幾好。$78嘅價錢，本來以為會大碗少少，點知原來好細碗，有剉冰、紅豆、三色芋圓、雪糕。泰式奶茶味好淡，唔係好食得出。三色芋圓幾煙靭，不過冇乜甜味。紅豆就幾甜幾沙。雪糕奶味唔重，唔易溶。幾種野加起嚟冇好夾。天氣咁熱都冇令我覺得佢好好食😂.長洲冰室 (長洲)長洲北社海傍路19C號地舖
continue reading