Video
6-min walk from Exit B, Nam Cheong MTR Station
continue reading
Telephone
98838106
Opening Hours
Today
11:30 - 23:30
Mon - Sun
11:30 - 23:30
Above information is for reference only. Please check details with the restaurant.
細個係灣仔工作嘅時候，成日想食好少少就會去King Ludwig，價錢唔貴之餘又好食，啖啖肉一定飽。食左好多年，水準都無乜跌過，呢幾年，分店好似少左，又唔係好多朋友話要食德國野，記得上次係幕尼黑去完啤酒節特登番黎要食下德國菜，又或者每年十月邊到有好氣氛嘅啤酒節就會去止癮。有朋友放開狗，搵開寵物友善餐廳，佢話King Ludwig 係長沙灣有間新分店叫King Ludwig am Meer ，啱佢放狗加一齊食飯，仲有個有得開狗狗party，又有得玩下狗，所以去下啦。去到先知，原來呢到叫SoHo West。先點小食，呢個水牛城雞翼真心幾辣，送酒一流，特別喜歡其外皮，炸得勁脆。牛油果 • 泰國有機雞 •菲達芝士呢個沙律整體都幾夾，食完等你更加開胃食多啲腸仔同豬手。一路德式香腸拼盤都係我最愛的選擇，甚至多過豬手，加上佢哋嘅酸椰菜，好夾啲腸滿滿肉肉，當中我最愛雞肉腸，個種味覺同平時好唔同，獨特嘅香同無咁油膩，呢個真係百吃不厭。主角德國脆皮燒豬肘俾你先打卡，之後員工會幫你處理，熱辣辣出哂煙之餘，皮脆肉嫩唔會太老，呢個絕對係咁多年都保持到水準嘅作品。我好似食咁多次King Ludwig都無見過德國雞蛋麵，聽大廚講係呢到自家製麵，唔係來貨，已經感受到佢嘅心機，加上慢煮雞胸同焦糖洋蔥，頭先沙律已經知道佢處理緊處理得幾好，加上洋蔥焦糖化後整體就更加夾。夠多人就可以點多啲野食，師傅好推薦pizza，求其選個味都幾唔錯。唯一覺得美中不足，我記得之前會有黑啤飲，但呢間分店只有最常見嘅Horgaarden同lagger，不過朋友叫兩杯cocktail都幾好飲，至少都算有足夠嘅飲品俾大家去送野食。大家有養寵物嘅，絕對係個好嘅餐廳選擇。King Ludwig am Meer (SOHO West) (長沙灣)長沙灣荔盈街10號SOHO West地下G02號舖
continue reading
最近去咗SOHO West新開嘅 King Ludwig am Meer，餐廳位置好靚，對住個海，仲可以遠眺中上環嘅維港景色，成個感覺好有渡假風情。餐廳外面仲有條海濱長廊，最啱一班朋友一齊嚟食飯，甚至可以帶埋寵物嚟散步，真係九龍市區難得嘅悠閒好去處。我哋今次試咗幾款菜色，想同大家分享下。首先係 牛油果、泰國有機雞、菲達芝士沙律。呢個沙律相當清新，牛油果軟滑，配埋泰國有機雞肉，食得出雞肉質感非常嫩滑。菲達芝士嘅鹹香味令成個沙律更有層次感，呢個沙律係個輕盈開胃嘅選擇。試咗佢哋嘅 水牛城雞翼，雞翼外皮炸到香脆，內裡肉質嫩滑，仲有少少辣味，幾惹味。呢個小食好啱一班朋友飲啤酒嗰陣食，非常夾。跟住係 德國雞蛋麵，呢個係傳統德國菜，餐廳自家製作，雞蛋麵口感非常彈牙，帶少少奶香味。聽侍應講，呢個麵係即叫即整，成個過程都係用新鮮雞蛋同麵粉手工搓出嚟，無添加劑，食落特別有質感，真係好食。另外，必試嘅仲有佢哋嘅 德式脆皮燒豬肘。呢個豬手真係高質得不得了，皮脆得黎入口唔會太硬，肉質嫩滑，完全唔乾。原來個大廚用咗啤酒醃豬手，所以啲肉有淡淡嘅啤酒香，真係好特別。而且呢個豬手份量好大，$240 一隻，價錢都好抵食。呢個德式香腸拼盤有幾款唔同類型嘅香腸，最大條係牛肉腸。平時好少食到牛肉腸，呢度用嘅香腸係德國直接進口，食落好有肉味，質感唔會太粗糙，仲有少少肉汁滲出嚟。拼盤仲有傳統嘅酸椰菜同薯蓉，酸椰菜嘅酸味幫助解膩，薯蓉滑溜溜，非常搭配。最後仲要講下佢哋嘅卡邦尼薄餅，呢個薄餅係用意式煙肉、馬蘇里拉芝士、巴馬臣芝士同雞蛋做餡料。薄餅餅底脆薄，芝士濃郁，煙肉鹹香，加埋蛋液嘅滑溜溜口感，真係非常滿足。食德國菜當然唔少得德國啤酒啦，呢度有唔同類型嘅德國啤酒選擇，真係同啲鹹香嘅德國菜完美搭配。啤酒冰凍得啱啱好，飲得出係新鮮開樽，成餐飯食到唔知唔覺過咗成個下晝，真係好悠閒寫意。King Ludwig am Meer 係一個非常值得推介嘅地方，無論你係鍾意德國菜，定係想搵個靚位打卡，呢度都唔會令你失望。
continue reading