Video
3-min walk from Exit D2, Whampoa MTR Station
continue reading
Introduction
A traditional bar-sitting style ramen restaurant. It located at Nine Seafood Place in Whampoa, providing Kyushu Tonkotsu style ramen. The soup is made of lots of pork bones and vegetables. You can choose straight or wrinkled noodles.
continue reading
Additional Information
招牌菜: 特上魚介豚骨拉面 (平日限定), 特上海老湯拉面 (只限星期五, 六, 日)
Opening Hours
*Last order: 15:30/21:30
Mon - Sun
12:00 - 15:30
17:30 - 21:30
Above information is for reference only. Please check details with the restaurant.
聽講呢間鋪頭就嚟執 我好多朋友都話可惜 所以就同男朋友嚟食我就叫咗個海老拉麵 佢張紙有好多options 揀（有冇蔥 要唔要辣 曲定直麵）我揀咗 直麵 有蔥 要辣醬加咗16蚊要個特上 可以有多半隻溏心蛋 2塊紫菜 2舊叉燒 （呢個好抵 平時啲拉麵鋪加兩塊叉燒都4x蚊🙂↔️好過去搶）海老拉麵上咗都幾靚仔 櫻花蝦同啲蔥呀辣醬叉燒都擺得整整齊齊 食拉麵對我嚟講就係一定要試湯先嘅呢個湯飲落去第一啖係合格嘅 有蝦湯嘅咸鮮味同埋櫻花櫻食落去有脆脆嘅口感可惜食到最尾覺得可以淡少少溏心蛋係有流心嘅～辣醬唔辣🤣撈完食唔出紫菜都脆 叉燒有兩款 豬肩同豬腩 我鐘意豬腩多啲但個麵質我自己覺得曲麵好似麻麻地 再食我會揀直麵Ps 呢個拉麵係冇荀 總結嚟講我覺得呢間值得更多關注嘅拉麵鋪 可惜就執 希望可以再開啦
continue reading
唔記得幾時bookmark咗這店, 經過附近就來試下 食物 : 持上魚介豚骨拉麵 $106, 特上原味豚骨拉麵 $94 ~ 湯底味道唔錯幾濃, 食完唔會口乾, 义燒好大塊好淋, 麵質幾好唔會過淋, 大大碗一定夠食 飲品 : 店內有冰水供應 環境 : 店內是日式拉麵裝修, 舒服乾淨 服務 : 職員有禮貌 價錢 : HK$200 (無加一服務費)
continue reading
呢道「邪惡雞脆皮雞白湯」係間今期限定, 所以我一於嚟試吓！餐廳嘅裝潢採用木質吧枱,配合簡約嘅風格, 以紅黑色調為主, 講真有少少日本一蘭拉麵嘅feel。首先要讚下佢嘅湯底,好鮮美濃郁, 不過可能因為我食開清淡野，對我而言有少少太重味。豬肉同雞蛋都好嫩滑夠味,而且份量十足。其中「糖心蛋」更係亮點所在,蛋黃熟度正好,同湯汁和諧融合。另一大賣點係佢嘅「邪惡脆雞皮」,炸到酥脆入口可以聽到聲,口感極佳。加上雞皮本身嘅濃郁香味,令整道菜式嘅層次感提升唔少, 沾少少湯再放入口仲正！不過,偶爾都有少少略微乾硬嘅情況,但只係個別情況。總的嚟講,呢道「邪惡雞脆皮雞白湯」確實值得一試,食客一定唔會失望。性價比都幾高,大份量嘅分量加上優質嘅材料,係一道好唔錯嘅日式comfort food。雖然都有少少缺點,但整體體驗仍然相當不俗,值得給4星好評。
continue reading
今日無聊。睇完拉麵赤貓，心思思想食拉麵。紅磡呢頭嘅話，一係拉麵天王，一係就係呢間喇。記得有一排成日想食拉麵，呢兩間都係有去過。不過剩係豚記我有印象返啅好幾次。一時又唸唔起點解。今日去，回憶返晒黎。真係唔會點出事嘅舖頭。雖然我覺得貴（基本上香港所有拉麵我都係覺得貴，因為我同前輩呢啲cheap精去大阪食親唔會超過1000円），但係水準真係保持一貫。食拉麵我通常都係曲面，呢間唔記得點解我潛意識都係揀幼麵。我應該以前比較過係幼麵好食啲。簡單講，穩陣真係呢間。（P.S. 唸起點解唔去拉麵天王喇！主要係外面等夏天好難頂。豚記起碼係商場內有冷氣。不過多人嘅時候都要罰企半個鐘。）
continue reading
豚道樂 📍紅磡黃埔天地百合苑商場(第9期)地下九號水產G2號舖Lunch hour經過幾次都見到好多人排隊，原來八月中已經要結業，所以今次堅持排落去，等咗一個鐘終於有得入！🍜🥟⭐️伊勢海老龍蝦豚骨拉麵 $98用咗龍蝦🦞+蝦 🦐 熬製而成湯底超級濃郁同香甜，飲落完全係龍蝦忌廉湯嘅味道🤣 裏面有一嚿法包仔、日式叉燒 、豚肉、菜、仲有超好食嘅糖心蛋（好甜✨）而麵條係preset左中太麵同軟硬度，冇得揀的平時出邊百幾蚊一碗嘅拉麵剩係得一片肉，呢度份量真係多好多🥹⭐️魚介豚骨拉麵 $90 +$16轉極上(多塊肉、多兩塊紫菜、同埋多半隻蛋)呢個面又係超級濃郁，揀咗曲麵同埋加咗少少辣醬，湯底超厚身同濃味，有啲似食緊沾麵🤣裏面除咗有筍，仲有超級多蔥，望落同食落都好好食！🥹⭐️蒜蜜叉燒片3片 （肩） $26因為怕腩肉好肥，所以揀咗肩，完全冇揀錯！佢嘅肥瘦程度對我嚟講啱啱好，再加埋甜甜地嘅調味，想encore⭐️日式餃子5隻 $38喺今日食嘅嘢入邊算係比較普通，白菜豬肉餡，煎出嚟都有冰花面幾靚，但係略嫌有啲太過濕整體嚟講所有嘢都好出色，希望可以喺佢結業之前再食多次，好嘢係值得排隊食的！PS.八點去到已經冇晒墨魚咀同埋軟殼蟹店舖位置比較少座位，所以可能真係坐得迫啲同埋要等得耐啲
continue reading